أبي أبعـد أبي أرحـل لدنيا مابها إنســـان
أبي وحدي مع جروحي تعذّبني واسليها
أبي أبقى مع الذكرى حكايه بعالم النسيان
أبي أكتب روايـاتي على دمعــــي واحليها
أبي أعزف على ناي الأماني أروّع الألحان
أبي أدفــن شقـى عمـري وعبراتي أنا ليها
أبي أرمي على كف المهالك غصّة الحرمان
أبي عيني من الحيـره ، تواسيـــها لياليها ؟
أبي أشعـر ولو مـرّه بأني عايش ٍ فرحــان
أبي همومي مشـاعرنا بْسعـاداتي تخليها ؟
أبي بسمة بَخَت مرّه تداعبني بلا عصيان
أبي حظي يساندي ، وراحاتي ، أواليها ؟
أبي طفل الصدر يهدأ لأني بالفعل تعبان
أبي عشرة زمان أول تعانق قلب مغليها