اسفه تأخرت عليكم لاني انشغلت اسوي مشروع التخرج بس ولا يهمكم بنزل الحين بارت
+++
الجزء الخامس عشر
هنادي زاد عليها الصداع فطلعت لجناحها تريح
فهد رد من الشركه
فهد:السلام عليكم
ام فهد:وعليكم السلام
فهد يرمي شماغه على الكنب جمبه:وين الغداء انا ميت جوع
ام فهد:دقيقه اقول للخدم يحطونه
فهد:وهنادي وين
ام فهد:هنادي طلعت فوق لانها تعبانه
فهد بخوف:ليه وش فيها
ام فهد:مدري عنها لانها مارضت تقول شي
فهد طلع بسرعه فوق ودخل وشاف هنادي نايمه على الكنبه قرب منها وقال:هنادي
هنادي بتعب:خير
فهد جط يده على جبينها شافه ماهو حار
فهد:قومي بوديك للمستشفى
هنادي:مابي اروح
فهد بصرار:اقول قومي ماهو وقته دلعك
قامت هنادي بتعب واخذت عباتها
في المستشفى
الدكتور:مبروك المدام حامل
فهد بصدمه:حامل
الدكتور ببتسامه:أيوه حامل في شهرين
فهد ماعرف هو فرحان او لا
الدكتور:مابدك تشوف المدام
فهد انتبه من تفكيره وقال:الا ودي اشوفها
الدكتور عطاه رقم غرفتها وقال انه يقدر يطلعها البيت
دخل فهد وشاف هنادي جالسه على السرير بعباتها
فهد:مبروك
هنادي:...........ز
فهد وهو يطلع "يالله مشينا
طلعت هنادي مع فهد وكل تفكيرها وش بيكون مصير هالجاهل
دخلت هنادي قبل فهد
ام فهد:بشري وش قالولك
هنادي بهدوء:قالو لي اني حامل
ام فهد بفرح:صدق
فهد وهو داخل:ايه صدق
ام فهد ببتسامه:الله يطول بعمري لين اشوفه
فهد يحب على راسها:انشاء الله تشوفين عيال عياله
هنادي استأذنت وطلعت فوق
فهد يجلس:يمه خلي الخدم يحطون الغداء
ابوفهد داخل:السلام عليكم
ام فهد وفهد:وعليكم السلام
ام فهد ببتسامه:ابشرك هنادي حامل
ابوفهد بفرح:واخيرا بنشوف عيالك يافهد
فهد ببتسامه:الي يسمعك يبه يقول ابو خمسين سنه
انتشر خبر حمل هنادي في العايله والكل فرح
+++++++++
عبيرمن يوم سمعت خبر حمل هنادي وهي تبكي تخاف انها ماتجيب عيال ويتزوج عليها خالد مثل زياد
دخل خالد الجناح وماشاف عبير توجه للغرفه وشافها جالسه على السرير ودموعها على خدها
خالد بخوف:حبيبتي ليه تبكين
عبير:.........ز
قرب منها خالد وجلس جنبها وقال:عبور تكلمي
عبيرمن بين شهقاتها:اخاف تتزوج علي لاني ماجيب عيال
خالد بصدمه:ومن قالك انك ماتجيبين عيال
عبير:اكيد والا ليه ماحملت للحين
خالد ضحك وقال:الي يسمعك يقول لك عشر سنين متزوجه
عبير:شوف هنادي احملت
خالدوهو يمسح دموعها بيده:ياقلبي الله ماكتب لنا نجيب عيال الحين
عبيربترجي:بروح بكره المستشفى اشوف ليه ماجبت ماحملت
خالد يبوسها بين عيونها:من عيوني ياقلبي
+++
انزلت اميره بفستانها الابيض وكانت في غاية الجمال
عادل مسكها بيدها وقال:مبروك ياقلبي
اميره بحياء:الله يبارك فيك
عادل بهمس:ماني مصدق انك صرتي ملكي
اميره ببتسامه:لا صدق
نواف ببتسامه:الف مبروك
عادل:الله يبارك فيك
ام اميره:الف الف مبروك
عادل:الله يبارك فيك
ام اميره:لا اوصيك على اميره تراها غاليه
عادل ببتسامه:اميره في عيوني
اطلعو اميره وعادل من البيت لان زواجهم كان عائلي وتوجهو للمطار بيرحون للسعوديه لان عادل بيسوي حفله في الرياض لان اهله ماقدرو يجون
+++++++
ام زياد:الله يوفقها وتشوفين عيالها انشاءالله
ام اميره:امين عاد لازم تزورينها
ام زياد:هذي الغاليه وشلون مازورها
سكرت ام زياد من اختها
زياد كان جالس يسمع المكالمه
زياد:من الي بتزورينها
ام ازياد:اميره تزوجت امس وهي الحين في الرياض
زياد بقهر:وليه جايه الرياض
اام زياد:هي ماخذه عادل ولد عمها وهو ساكن في الرياض
زياد بصدمه:بس الي اعرفه ان عادل متزوج
ام زياد:زوجته متوفيه من سنه
زياد قايم:الله يسعدها
ام زياد"اتمنى يكون كلامك من قلبك"
ريم كانت جالسه في الحديقه تقراء كتاب
زياد طلع وشافها وتوجه لها
ريم يوم شافته صكت الكتاب وقالت:بتطلع
زياد بعصبيه:اكيد بطلع والا تبيني اجلس معك
ريم استغربت عصبيته بدون مبرر وقالت:اتوقع ان السؤال مو حرام
زياد بقرف:تصدقين انا الغلطان الي جالس اسولف معك
طلع زياد وريم مستغربه عصبيته هو صح مايقول لها كلام حلو بس مايعصب ويعاملها بكل احترام
+++++++
حنين بقهر:معقوله اميره تتزوج
ام زياد:وليه ماتتزوج وش ناقصها
حنين:وزياد نسته
ام زياد:مالها نصيب مع زياد ولا لزياد نصيب معها
حنين بقهر:كله من ابوي هو الي فرقهم
ام زياد بعصبيه:ابوك ماله دخل فاهمه
حنين سكرت من امها ودقت على اميره
اميره:هلا بالقاطعه
حنين:انا القاطعه والا انتي
اميره:المهم وش اخبارك واخبار خالتي
حنين بمكر:امي تعبانه شوي
اميره بخوف:سلامتها ماتشوف شر
حنين:ليه ماتجين تشوفينها
اميره:مقدر انتم تعالو
حنين:امي ودها بس قلتلك تعبانه فنتي تعالي
اميره بتردد:احس مالي داعي
حنين:هذا بيت خالتك
اميره:بحاول اجي بس مااوعدك
سكرت حنين من اميره وهي في راسها الف فكره وفكره
++++
راحت عبير المستشفى وطلعت سليمه مافيها شي وقال الدكتور انها مسألت وقت لاغير
عادل ببتسامه:وش تسوي الحلوه
اميره بهدوء:مااسوي شي انتظرك
عادل جلس جمبها وقال:جهزي عمرك ترى الليله بسوي حفله بمناسبت زواجنا
اميره:من عيوني
عادل يبوسها على يدها:تسلملي عيونك
اميره تحاول تخفي حزنها:الله يسلمك
عادل وهو قايم:يالله انا بنزل تحت عشان تجهزين
اميره ببتسامه باهته:انشاءالله
+++++++++
دخل فهد جناحه وشاف هنادي نايمه على الكنبه قرب منها وقال:هنادي
هنادي بتعب:خير
فهد ببتسامه:الخير بوجهك بس حبيت اقولك اذا ودك تروحين ترتاحين عند اهلك ترى ماعندي مانع
هنادي قامت جالسه وقالت:ياليت
فهد وهو قايم:قومي جهزي نفسك وبمرك بعد ساعه
هنادي:انشاء الله
++++
رد زياد متأخر للبيت
ام زياد:حمدلله على السلامه
زياد ببتسامه:الله يسلمك
ام زياد بعصبيه:يعني رجعت لعاتك
زياد:أي عاده
ام زياد:عادت السهر لاخر الليل
زياد ببتسامه:ولا يهمك هذي اخر مره
ام زياد:الله يهديك
استأذن زياد منها وطلع لجناحه
دخل غرفته وماحصل ريم عرف انها سهرانه مع عبير لان خالد عنده مناوبه في المستشفى
رمى نفسه على السرير وكل تفكيره في اميره
ريم استأذنت من عبير وردت جناحها ادخلت غرفتها وشافت زيادمركي ظهره على المخده
زياد بعصبيه:بدري كان تأخرتي
ريم بهدوء:اتوقعتك مارديت
زياد بسخريه:وحضرتك ماتجين الا لاصرت انا فيه ولا تكلفين على عمرك تنتظرين
ريم اعرفت من عبير ان اميره تزوجت وعرفت ان عصبيت زياد بسبب هالموضوع
ريم:اتوقع هذا طبعي
زياد قام لها:وانا اقولك غيريه
ريم بتحدي:ماراح اغيره
زياد مسكها مع يدها بقوه وقال:بتغيرينه غصب عليك فاهمه
ريم تبي تقهره:ياخي يومك تحبها ليه اتخليها تتزوج غيرك
زياد غرز اظافهره في يدها بقوه وقال بتهديد:لا تتحديني
ريم تتألم من اظافره الي ادخلت في جسمها وقالت بصوت واطي:فكني
زياد رماها برى وصك الباب
ريم انزلت ادموعها ماتدري لمتى تتحمل هالاهانات
+++
هنادي بتعب:عبير طفي النور بنام
عبير:طول اليوم نايمه ومااكتفيتي نوم
هنادي تغطي وجها:لا مااكتفيت نوم ممكن تتركيني
عبير بقهر:صدق انك صايره ممله
طلعت عبير من عند هنادي الي من يوم جتهم وهي طول اليوم نايمه واخلاقها شينه حتى اذا جاء فهد يشوفها ترفض تطلع له بحجت انها تعبانه
عبير ملت ريم صارلها كم يوم ماتطلع من جناحها واذاسألت زياد قال تعبانه
عبير تطق الباب
ريم:منهو
عبير:افتحي انا عبير
ريم افتحت الباب لان سبب حبستها راحه وهو علامات اظافر زياد في يدها
عبير تضمها:وحشتيني ياحماره
ريم وهي تبعد عنها:وانتي اكثر بس كنت تعبانه
عبير بزعل:والتعبان مايفتح للناس
ريم ببتسامه:كان شكلي مرهق فماحبيت احد يشوفني
عبير ببتسامه:عذر غير مقنع بس بمشيها لك
ريم:ادخل ليه واقفه
عبير تمسكها مع يدها:انتي تعالي معي تحت بنتمشى في الحديقه الجو روعه
ريم استسلمت لعبير وانزلت معها
++++
حنين:الله يحييك
اميره:بس الله يعافيك ماني مطوله بس بسلم على خالتي وطلع
حنين بمكر:انتي تعالي بعدين نتكلم
اميره بصرار:مافيها كلام بسلم وامشي
حنين تجاريها:خلاص سلمي وامشي
حنين بعد ماسكرت من اميره كلمت زياد وقالت انها تبيه العصر في بيت اهلها
جت اميره مع السايق لان عادل معزوم عند الشباب بمناسبت زواجه
نزلت اميره وغصب انزلت دمعتها على خدها لان احلى ايام حياتها في هالبيت
دخلت اميره البيت وكانت حنين في استقبالها لانها ماقالت لحد انها بتجي
اميره بعد ماسلمت على حنين:وين خالتي
حنين ببتسامه:انتي ادخلي هناء وامي تجيك الحين
دخلت اميره غرفت الضيوف وقالت"اه منك يازمن كنت صاحبت بيت والحين ضيفه"
حنين دقت على زياد وقالت له يجي
ام زياد:انتي وش بينك وبين زياد
حنين برتباك:مافينا شي
ام زياد بشك:متأكده
زياد يدخل:السلام عليكم
حنين ببتسامه:وعليكم السلام
زياد:امري هذا انا جيت
حنين تمسكه بيده:تعال معي
مشى زياد مع حنين وهو مايدري وش السالفه
حنين:ادخل وانا بروح اجيب شي واجي
دخل زياد وانصدم من وجود اميره
اميره اوقفت يوم شافته وقالت:زياد
زياد بألم:ايه زياد يااميره
اميره انزلت ادموعها على خدها وقالت بحزن:ليه ظهرت في حياتي من جديد
زياد بعتاب:كيف قدرتي تتخلين عني
اميره:انت الي تخليت عني
زياد:عمري مافكرت اتخلى عنك
اميره:زواجك اكبر دليل
زياد بقهر:انتي عارفه اني مغصوب على الزواج هذا والا انا مابيه
اميره:كنت ماتبيه والا الحين لا
زياد بقهر:انتي ماطلبتي اني اطلقها والا والله اني لطلقها
اميره بحزن:الحين ماينفع الكلام
زياد:لا ينفع انتي تطلقي وانا ارد اتزوجك وريم اطلقها من اليوم لوبغيتي
اميره وهي تاخذ عباتها:ماني لك ولا انت لي
زياد وقف قدامها وقال:اميره لا تروحين
ريم من وراها قالت بقهر:خليك معه ليه تروحين
زياد صد على ريم وقال بعصبيه:وش جابك
ريم بقهر:جيت اشوف الي ماصانت زوجها وجالسه مع رجال غريب
زياد عطا ريم كف بأقوى ماعنده وقال:انتي طالق
اميره طلعت بسرعه ودموعها على خدها لان كلام ريم جرحها وذكرها في عادل الي عطاها كل شي تتمناه وهي تخونه مع زوجها السابق
زياد بعصبيه:لمي اغراضك واطلعي من البيت
ريم بغرور:وهذا الي انا ابيه
طلعت ريم من عند زياد وجروحها تنزف
حنين وصلت للتبيه ريم وتخلصت منها باقي تخلي اميره تتطلق
عبير بخوف:ريم ليه تبكين حنين قالت لك شي
ريم بألم:زياد طلقني
عبير بصدمه:طلقك
ريم وهي تتجاوزها قالت ببتسامه حزينه:نهايه معروفه
زياد طلع من البيت من غير لايكلم احد
عبير لحنين:كله الي صار من تخطيطك
حنين ببتسامه:انا وش دخلني
عبير:انتي الي قلتي لريم زياد يبيك
حنين:زياد هو الي قالي ناديها لي
ام زياد:خير صوتكم واصل لاخر الشارع
عبير بقهر:حنين خلت زياد يطلق ريم
ام زياد بصدمه:زياد طلق ريم
حنين بعصبيه:انا مالي دخل فاهمه
عبير:الا انتي السبب
ام زياد حست بدوخه وجلست على الكرسي
عبير بخوف:عمتي
حنين:كله منك
عبير طالعت في حنين بحده وقالت:بعدين نتفاهم
ريم جمعت كل اغراضها وطلعت للسايق يوديها لبيت عمها لانها ماتقدر تروح للشرقيه مع السايق
ام زياد بتعب:عبير نادي لي ريم
طلعت عبير لجناح ريم بس ماحصلتها
حنين:يمه وش تبين فيها
ام زياد بعصبيه:انتي ولا كلمه
عبير نازله:عمتي ريم ماهي فيه
++++
ريم وصلت لبيت عمها ونزلت تطق الباب
ابوبدر يفتح الباب وهو سكران:من انتي
ريم:انا ريم
ابوبدر:ريم من
ريم بقهر:بنت اخوك
ابوبدر:ادخلي ادخلي
دخلت ريم وكانت ريحت البيت خايسه
ريم:وين ام بدر
ابوبدر:طلقتها
ريم بصدمه:طلقتها
ابوبدر:ايه طلقتها
ريم اسفهته ودخلت لغرفتها هي وامها ولقتها محيوسه رتبتها وحطت اغراضها فيها
ابو بدر رجع لربعه يكمل الشرب معهم
++++
فواز بستحقار:وانتي فرحانه
حنين ببتسامه:اكيد لانها ماهي من مستوانا
فواز:خساره ياحنين
حنين:وش الخساره
فواز:اربع سنوات زواج وتوني اعرفك وياليتني ماعرفتك
حنين بقهر:كل هذا عشاني فرحانه بطلاق ريم
فواز ياخذ شماغه:لانك طلعتي وسكت
حنين:كمل ليه سكت
فواز سفها وطلع حنين ماهتمت له كل الي تبيه وصلتله
++++
ابوزياد كانت ردت فعله غير متوقعه لانه قال:كل الي صار انا السبب فيه
ابوفهد:انت مالك دخل
ابوزياد بقهر:لا انا الي غصبته على الزواج وانا اكثر واحد اعرف ان زياد ماينجبر على شي مايبيه
ابوفهد:انت تبي مصلحته
ابوزياد:ياليتني ماتدخلت ولاهدمت حياته وحيات ريم
ابوفهد:كل شي مقدر ومكتوب
+++
زياد دق على حنين
حنين بفرح:هلا
زياد بغضب:ليه سويتي كذا
خنين ابرود:بصراحه ابيك ترد لاميره
زياد بعصبيه:ارد لوحده متزوجه
حنين:هي بتتطلق
زياد بقهر:وانتي تتصورين اني اخذها بعد ماضمها رجال غيري
حنين بقهر:حرام عليك هذا زوجها
زياد بتهديد:خذيها من كلمه ماراح اعيدها لو حاولتي تسوين مثل هالحركات لاتلومين الا نفسك فاهمه قالها بعصبيه
حنين جت بترد لكن زياد سكر في وجها
++++
زياد رجع البيت متأخر وحصل امه جالسه تنتظره
ام زياد:تعال اجلس ابيك
زياد جلس بتعب وقال:امري يمه
ام زياد:وش صار بينك وبين ريم عشان تطلقها
زياد بهدوء:مالها نصيب معي اكثر من كذا
ام زياد:وليه مالها نصيب اكثر
زياد بتعب:يمه الله يخليك سكري الموضوع ماعاد ابي اسمع سيرتها في هالبيت
ام زياد:قوم ارتاح انت الحين وبكره نتكلم
زياد باصرار:يمه هالموضوع منتهي منه ولاشي بيغير رايي
ام زياد بقلة حيله:الي يريحك
++++
ريم مقفله غرفتها عليها وترجف من الخوف لان صوت ربع عمها عالي وواضح انهم فاقدين
زياد طلع جناحه ودخل غرفته وجلس على السريرومرر يده على شعره طالع في انحاء الغرفه بعيونه
حسها بارده مافيها حياه
++++
هنادي بصدمه:زياد طلق ريم
عبير بقهر:كله من اختك
هنادي:حنين
عبير:أي حنين هي الي جت لريم وقالت لها ان زياد يبيها في غرفة الضيوف
هنادي تبرر:يمكن زياد قايل لها صدق
عبير بعصبيه:لا ماقال لها لان عمتي تقول انها هي داقه على زياد يجي
هنادي:معقوله حنين تسوي كذا
عبير بقهر:أي معقوله ونص
+++
ريم تدق على جوال امها وكل مره يعطيها عفوا
ابوبدر يطق الباب:ريم
ريم بخوف:نعم
ابوبدر:افتحي ابيك
ريم قامت وافتحت الباب ودفه عمها بقوه
ريم بخوف:وش تبي
ابوبدر ببتسامة خبث:فيه واحد يبيك
ريم ترجع على ورى:من
ابوبدر يقرب منها:واحد يعزك ويبيك
ريم شوي وتبكي:مابي اقابل احد
ابوبدر سحبها مع يدها بقوه وقال:تعالي
ريم دفته بقوه وطلعت تركض
ابوبدرحاول يمسكهاولانه سكران كان يقوم ويطيح
طلعت ريم تركض في الشارع بدون عبايه وبعد فتره تعبت من كثر الركض وانتبهت انها طالعه بدون عبايه
ولان حارتهم كانت قديمه كان مافيها سيارات وهذا الشي ريح ريم طالعت يمينها ويسارها ماشافت احد وانتبهت ان الجوال مازال في يدها احتارت تدق على من واخيرا دقت على عبير
عبير:الو
ريم وهي تبكي:عبير الحقيني
عبير بخوف:وش فيك
ريم:انا في الشارع بدون عبايه
عبير:ليه
ريم بعصبيه:ماهووقته اشرحلك تعالي انتي والسايق
عبير:انتي وينك فيه
ريم اوصفت هي وينها ولان عبير ماتعرف هالاحياء ماراح تدل فيها فدقت على اخوها فهد وقالت له يجي البيت
فهد يكلم عبير:تعالي انا برى
طلعت عبير تركض وركبت السياره
فهد:خير وش فيك
عبير:انت حرك وانا اقولك السالفه
حرك فهد وقالت له عبير العنوان وراح له وهو مايدري وش السالفه
شافت عبير ريم واقفه
عبير:وقف وقف
وقف فهد وطالع في البنت الي واقفه وعرفها لان صورتها مرسومه في خياله
عبير نزلت بسرعه وضمتها
ريم تبكي:ماجبتي لي عبايه
عبير بعدت عنهاوقالت:لا نسيت
نزل فهد من السياره وقال:عبير هاك شماغي عطيها ريم ويالله بنمشي
اخذت ريم الشماغ وتلثمت فيها وركبت السياره
فهد بقهر:ليه طالع من غير عبايه في هالليل
ريم بصوت مبحوح من البكي:عمي هو السبب
عبير:فهد ماهو وقته
سكت فهد وفي قلبه نار بيعرف وش صار معها
ريم بصوت واطي:وين بتودوني
عبير:لبيتنا
ريم بعتراض:بيتكم لا
فهد بهدوء:بوديك فندق وبكره يحلها ربك
عبير:فندق انت صاحي وشلون تزل من غير عبايه
فهد:تاخذ عباتك
عبير:صعبه خلنا نروح للبيت وبجيب عبايه لها
اقتنع فهد برايها وراحو للبيت ونزلت عبير بسرعه تجيب عبايه لريم
فهد يطالع في ريم من المرايه وريم كانت منزله نظرها ودموعها تنزل بهدوء
دخلت عبير وكان زياد نازل بيجيب له شي ياكله
زياد بستغراب:من وين جايه
عبير بعصبيه:مالك دخل
وتركته وراحت تجيب عبايه من عند هنادي
زياد استغرب من ردها يعرفها تحب ريم بس ماهو لدرجة انها تكرهه
طلعت عبير وفي يدها العبايه وتجاوزت زياد الواقف
زياد بعصبيه:ممكن اعرف انتي وين رايحه
عبير اسفهته وكملت طريقها
زياد طلع وراها وشافها متوجه لسيارة فهد واستغرب وجود فهد هناء في هالوقت المتأخر
الجزء الخامس عشر
عبير تفتح باب ريم:انزلي البسي العبايه
نزلت ريم واخذت العبايه تلبسها
زياد انصدم من وجود ريم وبدون عبايه ومع فهد وفي هالوقت المتأخر
زياد وهو يمشي ناحيتهم:ممكن اعرف وش صاير
ريم صدت عنه وكملت لبسها للعبايه وحطت لثمه
فهد نزل وقال بعصبيه:ولكن عين تسأل وش صاير
زياد تنرفز من اسلوب فهد معه وقال بقهر:اكيد لي عين
فهد بصوت حاد:عبير بسرعه
زياد قرب من ريم ومسكها وقال بعصبيه:ليه ماعليك عبايه ومن وين جايه
فهد يتدخل:فك يدها يكفيها الي صار لها بسببك
زياد بعصبيه:اتوقع اني اكلم زوجتي
ريم تسحب يدها بقوه:كنت زوجتك ولوسمحت فك يدي
عبير خافت لاتصير مشكله بين فهد وزياد
عبيرلزياد:انت ادخل الحين وانا اقولك السالفه
زياد بعصبيه:بزر انا عندك محد بيقولي السالفه غير هذي وهويأشر على ريم
ريم بقهر:هذي لها اسم
زياد سحبها بيدها بقوه ودخلها معه
فهد جاء بيتدخل بس عبير منعته وقالت:اتركه مانبي مشاكل
فهد بقهر:يعني الحين اهتم وينه يوم رامها عند واحد مايخاف ربه
عبير تهديه:يمكن ربي يهديه وردها
فهد بغضب:ترجع له بعد الي صار لا
عبير بستغراب:وانت وش هامك
فهد تدارك نفسه وقال:لانه مايستاهلها
عبير:يستاهلها مايستاهلها هذا شي تحدده ريم نفسها
جلس فهد على الكرسي ينتظر وش بيصير
++++
ريم بعصبيه:فك يدي
زياد فك يدها وقال بعصبيه:وش جابك هناء من غير عبايه
ريم بقهر:شي مايخصك والا نسيت انك طلقتني
زياد بعصبيه:انتي للحين على ذمتي فتكلمي احسلك
ريم بصوت فيه البكي:على ذمتك لفتره لاني ماني ناويه اردلك
زياد:تردين ماتردين شي مايهمني الي يهمني وش جابك من غير عبايه هناء
ريم انزلت دموعها غصب عليها مهمن كابرت تضل ضعيفه من غير سند ولا عضيد
زياد بقهر:يحول ليه الدموع الحين
ريم تقاوم دموعها:اتركني بروح
زياد بهدوء:ريم لا تخليني افقد اعصابي وقولي وش صاير معك
ريم بألم:عمي يبيني اطلع لربعه
زياد قال بصوت عالي ممزوج بغضب:تطلعين لربعه وش تسوين
ريم انهارت وصارت تبكي بصوت مسموع
زياد قرب منهاومسكها مع اكتوفها وقال بغضب:تكلمي تطلعين ليه
ريم من بين شهقاتها:تتوقع انسان سكران وربعه مثله وش يبون بوحده مثلي
زياد ضغط على كتوفها بقوه وقال بألم:وطلعتي
ريم تتألم من ضغطته:لا هربت من البيت
زياد رماها على الارض وطلع
ريم دارت الدنيا فيها وفقدت أي احساس بالي حولها
طلع زياد وركب سيارته
فهد:عبير روحي شوفي وش صار
دخلت عبير على ريم وكانت ريم طايحه على الارض
عبير:ريم ريم
ريم:..........
عبير تنادي فهد:فهد الحق علي
دخل فهد بسرعه وشال ريم وطلعو بها للمستشفى
++++++++++
ابوبدر يفتح الباب وكان منتهي من كثر الشراب
زياد عطاه بقس على وجهه وقال:يالحقير
ابوبدر وهو طايح على الارض:من الحقير انا
زياد اضربه برجله في بطنه وقال بعصبيه:انت تتجرأ تقول لزوجتي تطلع لربعه
ابو بدر ماقدر يرد من ضربت زياد
زياد اضربه كذا ضربه في اماكن متعدده وهو يسب ويلعن
في المستشفى
ريم طلع عندها ارتفاع في الضغط تسبب في دخولها في غيبوبه
عبير تبكي:حرام والله حرام
فهد يهدي عبير:ادعي لها بدال البكي
عبير تمسح دموعها:الله يقومها بالسلامه
طلع فهد وعبير من المستشفى بعد ماقال لهم الدكتور ان جلستهم مالها فايده
نزلت عبير من السياره وقالت:لاتقول لحد عن الي صار
فهد حرك سيارته من غير لا يرد عليها
دخلت عبير وشافت زياد جالس في الصاله وحاط راسه بين يديه
عبير:ليه كل هذا
زياد رفع راسه وقال بعصبيه:عبير روحي عن وجهي ماني ناقصك
عبير:ريم في المستشفى
زياد قام واقف وقال:المستشفى
عبيربحزن:ايه ارتفع الضغط عليها وتسبب في دخولها في غيبوبه
زياد بألم:غيبوبه
عبير وهي تطلع:ايه
مر يومين على دخول ريم في غيبوبه والكل درى وامها جت تزورها مع معاذ ورنيم لكن ريم في عالم غير عالمهم
زياد كل يوم يمر عليها ضميره مأنبه على الي سواه فيها من يوم تزوجها وهي تعاني
هنادي:عبير دقي على فهد ادق عليه مايرد
عبير:يمكن مشغول
هنادي بحزن:لا ماهو مشغول هو صارله كم يوم مادق علي واذا دقيت مايرد
عبير ببتسامه:فهد ماتغير بس انتي اكيد اشتقتي له
هنادي انزلت ادموعها وقالت:مامر يوم علي مااشتقت لفهد حتى وهو معي اشتاقله
عبير تهديها:ليه الدموع صدقيني فهد منشغل في الشركه
هنادي بألم:فهد مشغول او ماهو مشغول لاهي عني
عبيرتضمها:فهد يحبك وهذا اهم شي
هنادي بسخريه:يحبني فهد عمره ماحبني ولا بيحبني
عبير التزمت الصمت لان ماعندها كلام تقوله
++++
فهد جالس مع فواز في حديقة بيتهم
فواز:متى بتجيب هنادي
فهد ابرود:متى ماتبي
فواز بستغراب:انتم بينكم شي
فهد:لا مابينا شي
فوازبسخريه:واضح مابينكم شي وانت تاركها عند اهلها كل هالايام
فهد:لانها تعبانه ابيها ترتاح
فواز:الي بيته من زجاج مايرمي الناس بحجر يافهد
فهد:وش تقصد
فواز:اقصد لا تلوم زياد وانت تسوي نفس الشي
فهد:وش الي انا سويته
فواز:لاتجري ورى وهم وتهدم حياتك عشان سراب
فهد برتباك:أي سراب
فواز ببتسامه:فهد انا اخوك وعرفك انت ماتشوف تصرفاتك مع زياد
فهد بقهر:انا اعصب على زياد عشانه ماهو مقدر النعمه الي بين يديه
فواز:وانت الي مقدرها
فهد بعصبيه:فواز خل عنك الف والدوران وتكلم بوضوح
فواز تكلم ببطئ:انت تحب ريم
فهد سكر عيونه وقال بألم:ماهو بيدي
فواز:حبك لريم اكبر جريمه ارتكبتها في حق نفسك وحق ولد عمك وبنت عمك
فهد بهدوء:ادري بكل هذا بس القلب من يفهمه
فواز ببتسامه:قربك من هنادي ينسيك حبك لريم
فهد بتمني:ياليت اقدر
فواز:تقدر
فواز:روح جيب هنادي وبحبها وحنانها بتنسيك ريم
فهد حط راسه على الكرسي وقال:كنت الوم زياد على حبه لاميره والحين شربت من نفس الكاس
نزل فهد راسه وماحصل فواز ابتسم وقام وقرر انه ينسى حب ريم ويبدله بحب هنادي ومع الزمن بيقدر ينسى حبها


فهد لعبير:وين هنادي
عبير بقهر:انا بفهم انت ولد عمك وش صاير لكم
فهد:ماصار لنا شي
عبيربقهر:ماصار لكم شي وكل واحد تارك زوجته
فهد ببتسامه:من قال اني تارك زوجتي
عبير:افعالك
فهد:كنت مشغول شوي
عبير:روح لهنادي في دارها وشف بعينك حالها من تقصيرك معاها
دخل فهد وكانت هنادي نايمه على السرير قرب من السرير وقال:صاحيه
هنادي صدت ناحيته بسرعه واخذت دقايق اطالع فيه بعدين قالت:وش جابك
فهد جلس جمبها ومسك يدها وباسها وقال ببتسامه:احبك
هنادي انزلت دموعها على خدها لانها اول مره يقول لها فهد هالكلمه
فهد يمسح دموعها بصبعه:مابي اشوف هالدموع
هنادي بهدوء:من قلبك والا
فهد حط اصبعه على فمها وقال بهمس:من قلبي
هنادي ابتسمت لانه بعد كل العناء اسمعت احبك من فهد
فهد ضمها لصدره وقال:قومي نروح لبيتنا وننسى كل شي
عبيرببتسامه:استحو تراكم مانكم في بيتكم
هنادي بعدت عن صدر فهد وقالت بحياء:ليه ماطقيتي الباب
عبير ببتسامه:حبيت التأكد بنفسي
فهد يرمي عليها علبة منديل:تتأكدين هاه