وسارت صوب سلامي والنيره ويلست ساكته سرحانه.. واتفكر باللي صااااااااار..
منصور متعذب داخليييييييا وبيمووووووووووووت من الغيييييييييض والقهر
وخلاف قرروا يردووون العين... الكل مستعد..
وديمه ادور ريلها اللي ما شافته من الصبح ومتروعه عليه خاصه يوم سمعت انه سيارة منصور هوب موجوده اتروعت
وديمه في خاطرها : (( كيييف سيارته محد.. ولا قالي.. لا مستحيييييل... شووو المستوي.. قلبي يقوووولي شي.. شي بلاااااه منصور.. يا ربييييييييه.. احسن شي بدق له ))
ودقت لمنصور اللي شاف رقمها ولا رد... واول مره ما يرد عليها بالعاده ما يخليه يصيح غير مره ولا مرتين بالكثير ويرد عليها على طووووول..
وديمه يوم شافته صاح 3 مرات حست انه في شي.. منصور هووب معودنها ما يرد عليها بسرعه.. خافت.. ما رد ابد عليها.. صاح لين ما سكت بروحه.....
وردت تتصل مره ثانيه وما رد عليها...
تمت اتفكر واتفكر
ام سعيد : ها الغاليه سويتي لريلج
وديمه : هيه امايه بس ما يرد عليه..
ام سعيد : يمكن نازل بقعه ونساه فالسياره
وديمه : يمكن >>> طبعا هووب مصدقه لانه اصلا ضهر من البيت بدون ما يقولها.. وطول برى..
شوي ولانه تليفون وديمه يصيح.. وديمه شافت الرقم وردت بسرعه وضهرت خاري عسب اترمسه...
وديمه : منصوووووور
منصور : لبييه
وديمه : لبيت حااااااايه.. وييييييينك...
منصور : هنيه..
وديمه : اتصل بك ما اترد عليييييه... شي فييييييييك..
منصور : لا..
وديمه : عيل... ما خبرتني انك بتضهر..
منصور : لا عادي... قلت شويه وبرد
وديمه : انته وين الحينه..
منصور : وراج
وديمه لفت وراها وشافت منصور... شافت اعيونه حمر.. ابتسم لها
منصور : شو في خاطرج
وديمه : سلامتك... )) اتغير وييهها حزن ((.. منصور شو بلاهن عيونك حمر..
منصور : هاه حمر.... لا... ما فيهن شي...
وديمه : عيل ليش جيه حمر..
منصور : يعورنيه..
وديمه : شمنه >> متروعه علييييه...
منصور : ما ادري يمكن دخلهن غبار ولا شي...
وديمه : قم خلنا انسير الدختر..
منصور : ليش ما يحتاااااااي.. الا غباااااار
وديمه : انزين لغبار هووب وصخ.. ويمكن فيه بكتيريا..
منصور : ما عليج...
وعقب وادعوهم وساروا..
وديمه ومنصور في السياره..
ما رمسوا ولا كلمه.. وديمه حزينه واتفكر في كلام راشد ومنصور بعد نفس الشي.....
يوم وصلوا الختم..
منصور : شو فيج زعلانه اشوفج ومضيجه
وديمه : هاه.. لا عادي
منصور : متأكده
وديمه : هيه..
منصور : بس عيونج اتقول غير عن جيييه
وديمه : لا ما عليك منهن
منصور : جيه ما بتجذب..
وديمه : منصوووووور.. خلااااااااص انا هووووب زعلانه ولا مضيجه عاااااااااادي >> بانفعال شويه
منصور : انزين بلاااج هدي خلاص هوب زعلانه كييييفج
وطول على اغنية بالروغه تبلاني الهوى ويلس يغني فياه بنفس الطريقه ونفس تغيير الصوت ويسوي حركات وحالته عالله..وايول... يبا يفضفض عن عمره.. وينسى.. يشوف حرمته مضيجه عرف شو السبب عرف انه راشد السبب عرف لانه سمع الكلااام اللي دار بينهم.. وديمه اطالعه مستغربه.. عيونه حمر.. وضاهر بدون ما يخبرها وخلاف طريقته فالكلام غييير.. شو بلااااااااه...
تبلاني الهـــــــواى هم والشبابي.. ومشكلني بهواهم واتعـــــــبوني
ولا حــــــــصلت من يجبر مصابي.. يداوي علت اقليب مــحزونـي
انا بي عوق وسط اليوف غافي... سهير الطرف ما تغضي عيوني
ثـــــــــلاث اسنين عايش في عذابي... اردد ليعتي واخفي شجوني
ودرب الحب له حسبت احسابي... وانا المسكين بالحسبه اغلبوني
شرب الصبر كاساتن عذابي... وحــــــــــتى الخييل والمره سقوني
للاستــــــــماع >>>>
وصلوا العين عند صلاة العشا منصور نزل وديمه وسار على طوووول...
وفالليل يوم رد...
وديمه يالسه فوق في حجرتها تتريااااه ومستهمه منه عالساعه 2 رد البيت
منصور دخل الحجر عقب ما سلم
وديمه : منصور ابطيت استهميت منك
منصور : وليييش تستهمين كنت عند الربع...
وديمه : لا ما اتصلت بيه ولا قلت ليه شي.. اطمنيه عليك..
منصور : هيييييه
وديمه : شوووووه هيه بعد.. منصور بلااااااك..
منصور : ما بلانيه شي.. وانتي ليش ما رقدتي
وديمه : اترياااااك
فاليــــوم الثــــــــاني....
فرييييج عمير فالعيـــــــــــــــــن... دار الزيـــــــــــــن
راشد يحووط في العين فيا احمد
منصور من ضهر العصر ما رد لين فالليل عقب صلاة العشا... لانه كان مضايج ويالس بروووحه.. يعني ما سار فيا الشباب...
وديمه وسلامي والنيره ورفيعه يالسات خاري فالحووش وداقات سوالف وضحك وربشه.. شوي ولانه منصور حادر توه
سلامي : هذوه هاه ريلج يى
وديمه : خييييييييبه تطردينيه.. دبووووه يعني تبين الفكه منيه
سلامي : لا لا والله هوووب جيه بس اخبرج
وديمه : انزين عادي
منصور وقف السياره ونزل وشاف انه البنات خاري بس ما سار لهن ولا زقر وديمه سار على طول فوق حجرته
النيره : بلاه منصور... خطف ولا سلم
سلامي : ما ادري...هب من عادته
وديمه ساكته واطالع
النيره : شكله مضيج من شي ولا زعلان
رفيعه : يمكن تعبان ولا شي
سلامي : لا حتى لو تعبان بيسلم...
وديمه ما تسمع كلامهن يالسه اطالع منصور واتفكر فيه.. نشت بدون اي كلمه وسارت صوبه..
منصور حدر حجرته وعق السفر على الكرسي وبطل عقم كندورته وقبل لا ييلس
وديمه فاجه الباب وحادره.. منصور ما لف وطالع منوه حدر..
وديمه (( شو فيــــــــــــه شي بلاه من امس من ردينا من بوظبي هوووب العادي )) سارت صوبه...
وديمه : منصوووووور... سلام عليييكم
منصور : عليكم السلام >> بكل برووود
وديمه : شو فيك.. تعبان ولا مضيج من شي..
منصور : منوووه انا.. لا هووووب مضييييج
وديمه : بس انا اشووووف العكس....
منصور : عراحتج شوفي اللي تبينه..
وديمه مستغربه : منصووووووور ليش اتكلمنيه جيه.. شو فيك اذا مضيج من شي خبرنيه.. واذا ما تبا اتخبرنيه لا اترمسنيه جيه
منصور : ان شااااااااء الله فااااااالج طيييب.. >> وسار الحجره الثانيه وقفل على عمره..
وديمه متيبسه بقعتها مستغربه شو حل بالريااااااال............
اتريته يهدى وعالساعه 1 ضهر من الحجره ..
وديمه لفت صوبه : منصوووووور
منصور : نعم..
وديمه : ممكن شويه.. لو سمحت ابا ارمسك..
منصور : ودوم والله هوب متفيج الحينه >>> يتكلم بأدب وشكله حزيييييين
وديمه : لا الحييينه.. >> وسارت صوبه...
وديمه : منصور ليش انته جيه شو فيك.. تعبان مضيج من شي.. دخييييييلك برد عليه والله ترانيه احاتيك
منصور : صدق اتحاتينيه ودوووم
وديمه : وانته شو رايك.. ما اقدر اتحمل اشوفك جيه... وغلاتي اتقوووول
منصور : آآآآآآآآآآآآآآآآه.. شو اقوووووولج يعني...
وديمه : اللي في خاطرك.. منصور اذا ما صارحتنيه بتصارح منوه
منصور (( وانتي.. انتي شكلج اتحبين راشد بس ما اتقولين ولا اتبينين.. وديمه انتي ما صارحتينيه كيف تبينيه اصارحج .. اريد اعرف شو بينج وبين راشد )) >> طبعا هذا كله في خاطره
وديمه : فيه شوه اتفكر...
منصور : هاه.. ولاااااا شي... يالله انتي الحينه لا اتحاتين عاااادي... بس راسي يعورنيه مضارب فيا واحد من الربع ومتغيض عليه..
وديمه : بس.. هذا اللي مضيقبك..
منصور : هيه شفتي سخيف صح..
وديمه : لا هوووب سخيف وبعدين انته من امس مضيييج واترمسنيه بطريقه ما اتعيبنيه.. منصور انا مضايقتنك ولا شي...
منصور : لا بالعكـــــــــــــــــــس انتي روحــــــــــي اللي اعيش بها.. كيف بضيقين بيه...ما عليييج منيه.. عادي...
وديمه استحت يوم قال جيه (( منصوووور والله انيه احبــــــــــــــــــــــك.. ولا اتهووون عليه تزعل.. بس ودي اعرف شو فيـــــــــــــــك وديه )) >> طبعا في خاطرها
عقــــــــــــب يومين.. منصور على حاله مضيق ومهموووم.. من يضهر من البيت ما يرد الا متأخر ولا يقعد فيا ودوم شرى قبل.. ولا يسولف فياها.. ابد.. متغييييير..
خلاف كلهم ساروا عزبت بو راشد يدهم عازم عياله كلهم من حرمه وريال وعيالهم يعني الكل معزومين... بما فيهم فريج عمير بن حمد..............
وفالــــــــــــــــــبر
الريااااييل خاري فالخيمه.. والحرمات داخل فالليل...........
راشد واحمد يالسين خاري يسولفون بعيد عن الريااااييل
وديمه كانت يالسه وهب من طبعها اتكون ساكته وسرحانه..
سلااامي : بوووووووو... وين وصلتي..
وديمه : بسم الله... بلااااج
سلامي : انا والا انتي.. هاه.. شو فيج زعلانه من كمن يوم..
وديمه : لا عاااادي..
سلامي : في ذمتيه انه شي فيييج
وديمه : لا بس افكر فالجامعه مضيجه ما احب نظامها متغير عليه..
سلامي : هههههههههه صدقتج ... يا الجذووووووووووووووووب
وديمه : سلامي صدقتي صدقتي.. ما صدقتي ضربي راسج فاليدار تسمعين )) خلتها وسارت عنها خاري ((
وديمه تتمشى بروحها خاري... ويالسه اتفكر منصور بلاه متغير عليها...
احمد سار عند حرمته لانها تبا شويه.. راشد تم برووحه... منصور خاري عند يده يرمسون البيادير...
وديمه تمشي وعادي... ويوم لفت ورى الخيمه ما كانت تدري انه راشد يالس هناك يترى احمد كانوا هناك يالسين يسولفون.. لفت وويييها بسرعه... عشان اتغشى.. واتسير عرفت انه راشد واصلا مضيقه منه
راشد شافها : ودييمه...
اليد كان مطرش م نصور صوب الخيمه يطالع جان زرعوا البيادير النخله اللي قالهم عنها ولا لاء وهو ساير... سمع صوت طنش وخطف وشاف النخله انهم زرعوها ويوم لف شاف وسمع
وديمه : خيير
راشد : انتي زعلانه منيه من ذاك اليوم
وديمه : ما يخصك
راشد : لاء.... يخصنيه ويهمنيه بعد
وديمه :لاااه من متى.. وبصفتك شوه ان شاء الله
راشد : انا من يوم يومي اهتم.. وبعدين بصفتيه اولا انسان كان ميت فيج ويحبج.. وثانيا ولد خالج..
وديمه : لو سمحت راشد.. انا انسانه متزوجه الحينه.. وما ابا اسمع هالكلام يسد اللي يانيه منك بدون سبب ولا خطيه
راشد : مشكله والمشكله انته... يا حبيب الروح يا الغالي
مشكله قلبي تملكته... وسكنت الحـــــــال والمالي....
وديمه : لو سمحت
راشد : وديمه انا آآآآآآآآآسف والله آآآآآآآآآآآسف بس ما قدرت اتحمل اشوووفج عند حد غيري.. وديمه والله هب قصدي كل كلمه قلتها لج والله اني اتلومت ذاك اليوووم ولا رقدت فاليل كله افكر بج.. سامحيييينيييه دخيييييلج سامحينيه..
وديمه ما ردت عليه ويتب تسير
راشد : ودييمه طلبتج اتسامحينيه.. لا اتسيرين لين ما اتقولين انج مسامحتنيه..
وديمه : بالحـــــــــل.. بالحــــــــــــل يا ولد الخــــــــــــــــال مسموووح
راشد طاير من الفرحه : صدق صدق وديمه هب زعلانه عليه
وديمه : لا خلااااااص.. طاح الحطب..
راشد : حبيبي يا حلى لونه .. عشقت وصرت مجنونه .. جميل وبالحسن يسبي .. حبيبي لا تزعلووونه
منصور سمع هالرمسه وكان وده يحط راشد تحت تاير السياره عنبوووه ما يحشم يغاازل حرمته وين المذهب حطه..سار متغيض صوب يده لانه يزقره واليد محمد زقر منصور لانه استبطاه منصور سار وحاس بغصه ... حس انه راشد بعده يحب وديمه.. وحس انه وديمه عايبنها انه راشد يتغزل فيها اتغيض... وخبر يده عن النخله
وديمه : راشد لو سمحت هالمصاخه انا هوووب فيها..
راشد : ليش بتقولين انج معرسه..
وديمه : راشد انا احب منصور.. وما ارضى عليه..
راشد : انزين خلاااااص ما صدقنا ترضين علينا.. وديمه طلبتج قولي تم..
وديمه : قول بعدين بفكر..
راشد : قولي والله سهل الطلب..
وديمه : تم
راشد : اعتبريني شرى اخووووج... وكلميني عادي لا اتحطين في بالج اني راشد اللي يحبج.. لا... حطيني اخوووووج..
وديمه : ان شاء الله.. وانته من زمان اخويه...
راشد : عيل يا ختيه اباج ادورين لي عروووس حلووه مثلج.. تدرين اغار انا اللي اصغر عنيه عروسوا وانا بعدنيه
وديمه : هههههههههههه هذا دور امك انا ما اعرف..
راشد : طالعي لنا من غراشيب الجامعه منيه مناك
وديمه : ان شاء الله
راشد : زييييييين.. عيل اترياااااااااج انزييييييييين...
وديمه : على خير.. شي في خاطرك بسير
راشد : هيه..
وديمه : لا اتغني دخيييلك.. لو سمحت انا انسانه احب منصور ولا ارضى عليييييه.. امووووت فيه لو سمحت
راشد : من متى ما احيدج...
وديمه : من قبل لا يفكر يخطبنيه انا احبه
راشد فاج عيووونه شووووووه
وديمه : هيه.. فلو سمحت لا تجاوز حدووودك... لانيه ما اسمحك لك.. انزين.. وهب يعني انيه رضيت بسمحلك تسمع.. )) وسارت عنه ((
راشد تم محله واقف منصدم من اللي سمعه وديمه اتحب منصور من زماااان.. كييييييييف ومتى اللي يعرفه انهم ما يدانون شو اللي غييير...
منصور ضهر متغييض سار بالسياره يحوووط بروووحه
خلاف رد لكنه رد متغيض ولا نزل من السياره لانه تقريبا الكل ركب سيارته بيضهر و يلس يتريى وديمه اللي يايه وفرحاااانه شو اللي غيير ما ادري.. ركبت وضهر منصور مسرع..
وديمه ميته فرح....
وديمه لفت على منصور والابتسامه مرسووومه على ملامحها الحلوووه : منصوووور ليش مسرع
منصور متغييض : ما يخصج.... لمي ثمج
وديمه مستغربه : شو فيييك..
منصور : قلت لج مالج خص تسمعين ولا لاء >> معلي صوته
وديمه : اسمع .. اسمع
وسكتت وتمت متروعه .... خلاف ردت قالت
وديمه : منصووور دخييييييييلك خف السرعه.. شو فيييييك
منصور خبط بريك سرييييع في نص الشارع ولف عليها وهو متغييض
منصور : سمعي ايييه ان سمعت حسج مره ثانيه بعمرج انا شو قايل هاه.. خبريني شو قلت لج.. ما قلت لج لمي ثمج.. انتي ما تفطنينها الرمسه ...
وديمه فاجه عيونها وزايغه وهوب عارفه شو حل بالريال من شوي عادي فياه شو اللي غيره..
وديمه : انزين خلاااص اسفه..
منصور رد ومشى وسار البيت نزل وديمه وخلاف سار ولا رد البيت لين اليوم الثاني الساعه 7 الصبح واول مره في حيـــــــــــــــــــــــــــــــــاته يسويها..
ويوم دخل سار فوق ودخل حجرته لقى وديمه راقده على الكرسي بثيابها ما بدلتها وشاف الدمووع على عيووونها... وبدون ما يسوي صوت دخل الحمام واتسبح واتلبس.. وسار يبا يتسحى وديمه فجت عيونها وشافته..
وديمه : وين كنت
منصور ما رد عليها..
وديمه : منصوووور.. وينك.. يلست اترياااك..
بعد ما رد عليها.. وسار بيضهر..
وديمه : منصووووووور.. ارمسك.. )) ضهر وسار مره ثانيه..((
وديمه تمت محلها مستغربه من حركته.. وجان تتغيض.. عقب ما سار اتصلت بحمد وهي اتصيـــح تبا ايي ويشلها.. شلت اثيابها وسارت بيت اهلها ولا بيّـنت انها زعلانه ولا شي الكل يتحراها عشان باجر الاحد وبتبدأ الدوامات والكل يعرف انه وديمه تبا اتكمل الدراسه ويوم الدراسه تبا اتكون في بيت اهلها عشان تقدر تدرس اما فالاجازات بتكون في بيت ريلها وحتى لو هب اجازه بتسير تيلس عندهم لين فليل خلاف بترد بيت اهلها عشان الدوام... المووهيييم
عقب ما وصلت بيت اهلها سلمت عليهم خلاف سارت على طول فوق... سارت صوب حجرتها اللي ضمتها فتره طويله وقفلت على عمرها الباب ويلست اتصيح واتصيح واتصييييح.. ويوم الغدى ما طاعت تتغدى.. محد عرف شو فيها وكل ما يتخبرونها اتقول راسيه يعورنيه
والظهر منصور رد البيت ولا يدري انه حرمته سارت بيت اهلها.. دخل وسلم وعقب
ام سعيد : وين بتسير الغالي
منصور : فوق
ام سعيد : دوك المفتاح
منصور : اي مفتاح
ام سعيد : مفتاح حجرتك..
منصور مستغرب : شوووووووه.. لييييييييش
ام سعيد : واشعنه بعد شوه
منصور : وين وديمه..
ام سعيد : وديمه عند اهلها جيه ما قالت لك باجر دوامات..
منصور : هاه.. لا.. أأ .. هيه قالت ليه لكني نسيت..
ام سعيد : فديتك.. ها مفتاحك سر..
وشل المفتاح ومستغرب وديمه سارت ولا خبرته.. سار اتصل بها لكنها ما ردت عليه.. رد يتصل وبعد ما ردت عليييه..وتم يتصل وهي ما اترد.. اطالع رقمه بس ما تبا تسمع صوووته زعلااااانه..
منصور (( هاي كيف اتسير دون امريه.. لحوووووووول.. ))
وعقب كمن يوم منصور لا اتصل بوديمه ولا شياته ووديمه منقهره انه ما عبرها ولا حتى فكر يسير يطالعها واللي كانت خايفه منه صااااار...
منصور ما ضهر من حجرته من يوم سارت وديمه بيت اهلها يلس قافل على عمره ويصيييح نعم يصييح منصور يصييييح تتخيلووووون.. وديمه خلت دمعت منصووووور اتهل.. يا ويييييل حااااااليه ما احب اشوف دمعت رياااااااااال... يا كبرها.... منصور تمت حالته حاله ومتعذب وضايقه الدنيا فييييييييييييه.. هوووووب رايم يتحمل اكثر...
النيره اتصلت بوديمه وقالت لها بتسير فياها بيت اهلها تراهم فالعين.. وديمه اول شي اترددت بس عشان ما اتبين انها زعلانه من منصور وافقت وسارت فيا النيره صوب بيت خالها اتسلم عليه.. من زمان ما شافته...
وكانت يالسه داخل عادي.. راشد ما درى انه وديمه في بيتهم....
منصور فجأه قرر يسير صوب بيت خاله عميييير.. وبعد هو ما كان يدري انه وديمه هناك.. منصور كان ساير يبا يرمس راشد..
وفالدرب.. يفكر ويفكر ويفكر.. ويوم وصل بيت خاله نزل من السياره بس ما بندها وسار داخل هوود وسلم واتخبر عن راشد.. راشد سار له مستغرب واتوايهوا.. خلاف دخله الميلس..
منصور : راشد اسمع انا عرفت كل اللي صار.. وما يحتاي اتقول كلمه..
راشد : انته شو اتقول..
منصور : اقوووول.. سمعت رمستك فيا وديمه يوم كنا معزومين عندكم في بوظبي.. ويوم كنا معزومين عند يديه..
وديمه كانت خاطفه بتلبس نعالها لانهن بيسيرن خلاااص ولا كانت تدري انه منصور موجود... منصور كان داخل الميلس مجابل باب الميلس اما راشد كان عاطي مقفاه للباب الميلس..
وكانت يالسه على الكرسي اللي عدال الميلس تلبس نعالها وسمعت الكلام اللي دار بينهم..
راشد : شو.. انته صاحي.. ما شفتها انا وديمه
منصور : لا راشد انا شفتكم وسمعت كل شي ...بتخبرك.. راشد ادري انك زعلان عليه لين الحينه.. انته بعدك اتحبها
راشد : احب منوه
منصور : وديمه
راشد : أأأ.. منصور بلاك
منصور : جاااااااوب.. انا سألتك ورفجه اتقول الصدق
راشد : هييييييييييييه
منصور : انزين اسمع.. انا كلكم ما اتهوونون عليه وكلكم اهليه واحبكم وما ارضى عليييييكم.. ادري انك لين الحينه اتحبها بدون ما اتقول... راشد.. اسمع.. اذا طلقتها بتاخذها انته..
وديمه اتيبست محلها.. شوووو يقوووول هذاااا..
راشد فاج عيونه مستغرب : شووووووووووه
منصور : بتاخذها جاوبنيه... اذا فيها سعادتها وسعادتك انا بطلقها... لييش لا... وباجر بتصبح ورقت طلاقها في ايدها اذا هالشي هيه تباه وبيفرحها...
راشد : انته شو اتقوووول منصوووور شو هالرمسه..
منصور : راشد سامحنيه انيه فرقت بينكم ما دريت انكم اتحبون بعض.. والله السمووووحه..
وديمه ما سمعت هالرمسه لانها كانت منصدمه من رمست منصور اصلا منصدمه شو يابه هنيه..
وديمه نشت وبعدها ما لبست نعالها الثانيه وقفت داخل الميلس وعيوونها دمووووع واطالع منصور منصور ابروووحه حالته حاله... انتبه انه حد واقف ورى راشد عند الباب برى لف طشونه وييه ولانه يشوف وديمه.. واقفه وسمعت كل شي.. وديمه اتحرك راسها كانها اتقووول لا لا لا لا حتى من الصدمه ما اتغشت.. ضهرت وهيه اتصيييح ومنصور كان بيلحقها بس ما سار نزل راسه وعيوونه فيهن دموووووع.. راشد لف ويهه وشاف وحده ضاهره اتصييح.. وديمه ركبت السياره وهي منهاره صايح..
راشد : انته شو سويييييييييييييت...
منصور كان منزل راسه وعيووووووووونه كلهن دموووووع وسار بيضهر راشد مسكه من ايده..
راشد : انته شو يا اخي ما اتحس.. ما عندك احساس... يكفيها لبنيه اللي ياها منك حرااااااااااااام عليييييييييك...
منصور طنشه وسار وقبل لا يضهر من الميلس : اتريا اتصالك ترانيه وبالرد.. والله يهنيكم ان شاء الله
ضهر منصوووووووووور من بيت خاله وقلبه مكسوووووووور كسر مستحيييييييل يبرى وديمه ركبت السياااااااااااره واتصيييييييييح بحرااااره حاولوا يعرفون شو فيها ما طاعت اتخبر حد وصلت البيت وسارت صوب حجرتها وحبست عمرها هنااااااااك .. راشد تم واقف محله في الميلس منصدم ومستغرب من اللي استوى
هووووب مصدق
راشد في خاطره (( معقوووله اللي صار.. هوب رايم اصدق.. بيطلقها.. انزين لحظه انا بعدنيه احبها.. واذا قلت له هيه بيطلقها على طول وبعدين انا بسير وبخطبها وبتكون لي.. يا ويييييييل حااااااااااااااااليه.. بس حرام وديمه.. هي قالت انها اتحبه.. لا لا شكلي بوافق وبعدين بتكون لي.. هيه بتكووووون لي انا وبس.. ومثل ما حبت منصور بتحبنيه.. امبونها المحبه تي عقب العرس... اذا منصور اللي كانت ما اداني طاريه حبته كيف انا اللي ما تكرهني اكيد بتحبنيه ^_^
|