ω Heroes' 4 ever ω:
مبسوطه هاه ؟
فيني من ألم الكرامه [غابه]ومن الكرامه [لاشيء] :
أي والله حدي بطريقه مو طبيعيه
ω Heroes' 4 ever ω:
دوم ياربي..اجل متى مسافرين ؟
فيني من ألم الكرامه [غابه]ومن الكرامه [لاشيء] :
بعد ثلاثه ايام
ω Heroes' 4 ever ω:
اووه ما امداك تشبعين من الشرقيه
فيني من ألم الكرامه [غابه]ومن الكرامه [لاشيء] :
هو صحيح ماشبعت منها بس التغيير حلوو
ω Heroes' 4 ever ω:
أي اكيد التغير بلندن مو بس حلو الا خيال
فيني من ألم الكرامه [غابه]ومن الكرامه [لاشيء] :
لووووول
ω Heroes' 4 ever ω:
انتم عادة تسكنون بأوتيل ولا بشقه
فيني من ألم الكرامه [غابه]ومن الكرامه [لاشيء] :
حنا لاعندنا شقة هناك
ω Heroes' 4 ever ω:
اهااا .. حلوو والله
فيني من ألم الكرامه [غابه]ومن الكرامه [لاشيء] :
انت قد رحتها
ω Heroes' 4 ever ω:
أي أي رحتها
فيني من ألم الكرامه [غابه]ومن الكرامه [لاشيء] :
وووين سكنت
ω Heroes' 4 ever ω:
بأوتيل قريب من الهارودز
فيني من ألم الكرامه [غابه]ومن الكرامه [لاشيء] :
أي أي عرفته وحنا البنايه حقتنا مقابله الهارودز
ω Heroes' 4 ever ω:
أي حلو المكان مره
فيني من ألم الكرامه [غابه]ومن الكرامه [لاشيء] :
يلا هانت مابقى الا القليل ونفتك من هالحر
ω Heroes' 4 ever ω:
أي والله حر
"وبدا سلطان شوي شوي ويسحب منها حتى عرف الاشياء الاساسيه والي تهمه وبعد ماسكر منها التفت على صديقه سعود وبأبتسامه لها مغزى"
سعود بعتب: خلصت من مغازلك
سلطان يبتسم : أييييه خلصت
سعود برفعة حاجب: وش مغزى هالابتسامه
سلطان بخبث : ابد مافي شي اقول سعود ورى ماتكنسل انك تجي معي لندن
"سعود فتح عيونه"
.
.
.
"اليوم الي بعده "
في بيت بو فيصل
" طق طق طق "
...: مين ؟
...: انا طلال ادخل
...: تفضل
"دخل طلال على اخته ومبين عليه انه محتاس "
طلال: غزووله انتي قاعده ترتبين اغراضك
غزل وقفت عن الي كانت تسويه: وش شايف انت
طلال يضحك على غباء سؤاله
غزل تتكتف: شعندك ؟
طلال: غزل سشواري خرب
"غزل ماتت ضحك عليه "
غزل: ليه ان شاء الله ؟
طلال: حطيته في 220 بدل 110
غزل: والمطلوب؟
طلال يبتسم : ابي حقك
غزل: اسفه عشان تخربه لي روح جيب لك واحد
طلال: استحي فشله اروح سوق الحريم واشتري استشوار
غزل تضحك : عادي كنه لخواتك
طلال: والله مالي خلق تكفيين
غزل: روح مناك ابيه ترى حتى انا
طلال: يوووه وقت ماتبيه بعطيك اياه وبعدين انتوا كلكم بنات اكيد كل وحده بتجيب حقها تشاركوا اما انا مافي غيري ووليد وماضمن وليد يجيبه
غزل تضحك : طيب خلاص كسرت خاطري لحظه شوي اطلعه
طلال ابتسم : اوكي
" اخذ طلال الاستشوار وراح يحطه مع اغراضه .. شوي الا يدق جوال غزل "
غزل بأستغراب : هلا فواز
فواز: هلا غزل وينك فيه
غزل: بغرفتي انا بغيت شي
فواز: اذا ماعليك امر اذا كنتي فاضيه تعالي رتبي شنطتي
غزل رفعت حاجب اول مره يطلبها هالطلب : ان شاء الله جايه الحين
فواز : اوكي "وسكر"
غزل في خاطرها " ماتسوى عليك ياخوي قالب نفسك فوق تحت والي يسمعك تحبها الحين شلون لو تحبها .. يمكن بس حط بخاطره ان بنت عمه رفضته .. لالا ماتوقع هم قالوا بيأجلونها ماقالوا رفضوه بس ليه متغير .. خلني اقوم لايعصب علي "
"راحت غزل واخذت خدامه معها وطلع لها كل الاغراض الي بياخذها وغزل كانت مع الخدامه عشان تتأكد وهو كان قاعد بالمكتب حقه "
" بيت بو فواز وقتها كان الكل مشغول بترتيب اغراضه ويجهز نفسه .. عشان مابقى على سفرهم غير يوم او يومين .. فواز كان اكثر واحد متحمس للسفره كان يحس انه محتاج سفر وتغير جو .. "
.
.
.
لنـــدن
"ماهو قادر يصدق انه اخيرا مابقى شي على وصول اهله كان يحس براحه نفسيه مالها اخر .. كان طالع مع ربعه وكلهم مستغربين من سلطان الي يشوفونه من زمان ماشافوا سلطان مبسوط هالقد.. كان متغير عليهم الضحكه مافارقت شفاهه ولا اليوم بعد ماخلى الشباب يدفعون شي .. من زمان ماحسوا سلطان مبسوط ومرتاح مثل هذي الايام "
غيث يرفع يده : يارب هلك ييلسوون هني الى ان تخلص دراسه
سلطان بأبتسامه جذابه تبين غمازاته الي بين وجهه الديرتي : الله يسمع منك
غيث: طيب متى بتشيل هالديرتي فيس الي مسويه وتستقبل هلك
سلطان يغمز: بكرا ان شاء الله بنعم وبتزقرت ااااه ياني فديتهم
غيث ابتسم على حال سلطان
غيث: عاد لاتنسانا
سلطان: ماعاش من ينساك يابو مطر
غيث: حجي بس
سلطان: ههههههه لاوالله لازم اخلي الشباب وهلي يشوفونك ويتعرفون عليك
غيث: هييه بعد قلت تنساني
سلطان يضحك :هو انا بايع نفسي انساك
غيث يضحك : عارف شنو بيييك
سلطان ضحك وسرح
غيث: قوم قوم نسير ويالربع
سلطان : يلا
" راح سلطان وغيث ناحيه ماكان القروب حقهم متجمع وكانت شيماء معهم سلطان راح ناحيتها وشيماء استقبلته بأحلى ابتسامه "
سلطان وهو يقرص خدودها : ماتقولين لي وين كنتي فيه
شيماء استحت سلطان اول مره يسوي لها كذا بعدت يدها ونزلت راسها
"سلطان مسك يدها وراح يمشي معها لحالهم"
سلطان: يقالك تستحين
شيماء تضحك : شفيك صاير مب طبيعي
سلطان : وش فيني يعني
شيماء: متغير "وتغمز " وصاير جريئ حبتين شوي
سلطان يضحك و نفش شعرها بفوضويه : يعني عشان قرصت خدودك صرت جريئ هاه
شيماء تضحك ومبسوطه عليه وقربت منه: ياعسى هالبسمه ماتفارقك طول ما انا معك
سلطان يبتسم: امين.. ودك بأيسكريم
شيماء بوناسه : يس
سلطان : يلا نروح "مسك يدها بقوه وقام يركض هو معها وشيماء حدها طايره من الوناسه "
.
.
.
" بعد يومين سافر فواز وامه واخوانه ونجوى راحت الكويت مع زوجها .. وبعداسبوع بيت بو محمد وبوفيصل بيلحقونهم .. وبيت بونايف مايقدرون يروحون عشان نجلاء .. الكل زعل والكل كان ودهم يروحون معهم سهر حاولت في البنات يجون معهم بس مالقوا حجز لهم واستسلموا لنصيبهم وقعدوا مع امهم يساعدونها في نفاس نجلاء .."
.
.
.
بيت بو محمد
..صحت من النوم وهي تحس بعمرها متكسره..نامت بعد ما صلت الفجر..وبعد ما عانت من الجوع و البرد .. شافت الساعة خمس وهي ماصلت الظهر ولا العصر.. الاخت سهرانه مع بدر امس بالليل الى حدود الصباح .. بدت الاجازه وبدا السهر والروتين المعتاد .. ابتسمت بخجل يوم تذكرت سوالفها مع بدر .. ماكانت تتخيل انها تلتقي مع بدر في سفر ويشوفها بكل حالاتها حطت يدها على راسها "يوووه ماتخيل " وقامت وتخذت لها دش وطلعت وصلت الصلوات الي ماصلتها ونزلت تحت وكان منصور توه واصل من الدوام اول ماشافته ضحكت بشماته
منصور كان فاهم قصدها وطنشها لانه مبسوط اليوم اخر يوم دوام له وابتسم عشان يقهرها : وااااااااه واخيرا مابغيت أأجز
سهر جت بتتكلم
منصور: اش ولا كلمه ولاتعكرين مزاجي فاهمه
"سهر ضحكت ومشت عنه رايحه المطبخ لانها نامت وهي ميته جووع"
"منصور بعد طلع فوق وغير ملابسه ونزل تحت وكانت هي موجوده تشرب عصير وحاطه رجل على رجل وتتفرج على التلفزيون "
منصور: ما امدانا تو الاجازه باديه وسهرانه
سهر رفعت حاجب وبأبتسامه : عندك مانع اخ منصور
منصور بغيض: لاماعندي اخت سسهر
سهر: أي على بالي
منصور تنرفز: لاياشيخه احلفي
سهر نزلت رجلها عن الثانيه : انت شعندك ناشب لي كل هذا عشاني عطلت قبلك
منصور ضحك على نفسه من جد البنت ماسوت له شي : انذلفي بس
سهر سكتت عنه .. هو جنونه والي يسكت عنه يبي حد بس يسايره
منصور: قومي جيبي لي عصير
سهر لفت بقهر عليه : الحين الخدامه بتجيب اكلي وقول لها
منصور: الحين بتقومين يعني الحين فاهمه
سهر: ماني بقايمه
منصور مسوي معصب: لاوالله
سهر قامت معصبه : اوووه
منصور: وبعد ترفعين صوتك علي
........: خير وش صاير
سهر لفت ولقت ابوها راحت وسلمت عليه وعلى طول اشتكت له : مادري وش فيه اخ منصور من دخل وهو شايل علي لازم يعكرمزاجي هلاناني "ومشت عنهم رايحه المطبخ "
بو محمد: منصور
منصور: ماعليك منها يبه "وسلم على ابوه "
بو محمد: هاه كيف الشغل تمام .. اجزت اليوم صح
منصور: الحمدالله... ايه مابغينا
بو محمد ابتسم : على خير وحنا كلها يومين
منصور : اوكي يبه اجل عن اذنك
بو محمد: على وين
منصور: رايح عند الشباب
بو محمد: اجل الله معك
.
.
.
في الكــويت
نجوى ومحمد كانوا يتسوقون في مجمع المارينا ونجوى كانت حدها مبسووطه
نجوى: ليت هذي المحمعات عندنا
محمد: الحين مجمعين ويالله حلناكم وهذا هم مو لذاك لزود
نجوى: حرام عليك وش نسوي طيب مانلبس
محمد: ماقلنا كذا بس يعني اقول لك
نجوى تناظره : اي طيب"وشوي" ليتنا جايبين سهر والله بتنبسط على هذي المجمعات
محمد: قريب بيروحون للي احلى واحسن منها
نجوى: بس ودك يكون عندك شي تلبسه قبل لاتروح
محمد يبتسم : اقول حبيبي
نجوى:لبيه
محمد: لبى قلبك .. انا بروح الصين
نجوى فتحت عيونها: الصين وش تسوي
محمد يلعب بالمسباح: عندنا اجتمااعين هناك
نجوى بقلق: وكم بتقعد؟
محمد: بقعد حول اسبوع
نجوى: اجتماعين وبتقعد اسبوعين
محمد عقد حواجبه: نجوى شفيك اي اسبوعين كل اسبوع اجتماع وكم شغله هذا غير انه اخوي منصور طلب مني ادور له على كم عامله
نجوى بعد ماتفهمت : ومتى بتروح ؟
محمد: بعد اسبوع
نجوى فتحت عيونها: يعني ماراح نروح لندن
محمد: انا حجزت لك مع اهلي
نجوى طنقرت : بدري ماتقول زين
محمد مسك يدها: حبيبي لاتزعلين عاد .. انا ماكنت متأكد اني بروح الصين وقلت اخلي ابوي يحجز لك احتياط واذا تكنسلت روحت الصين ماعلي خوف بحجز لي وبجيكم بس الحين تأكدت
نجوى ولسا مبرطمه
محمد: حبيبي مو حلو عاد يشوفوك الناس ماده البوز
نجوى: تعرف انك نكدت علي
محمد: افأ بس
نجوى: صدق والله... اثرك خابزها من وراي
محمد: ماكنت ابي انكد علي
نجوى: وتنكد علي قبل ماروح
محمد: بس حبيبي عاد عشان خاطري..والله حتى انا مابي اروحها هالصين بس وش اسووي
نجوى ساكته
محمد: نجووتي زعلانه
نجوى وتكابر: لا عادي هذا شغلك
محمد: فديت انا الحرمه العاقله "وابتسم " عاد ابتسمي
"نجوى ابتسمت عشان خاطره من ورا خاطرها"
محمد معقد حواجبه: شفيك طيب
نجوى تضحك لانها كانت تبي تفك يدها من يده : شيل يدك برد على الجوال
محمد ابتسم: اها اوكي "وبعدها "
نجوى ابتسمت يوم شافت الرقم
نجوى: ياهلا والله وغلا
... : هلا فييك
نجوى: سلامات بسوم داقه فيكم شي صاير شي
"محمد سمع حسها ولف عليها.. وعلى طول تذكرها قبل يومين يوم يجي ياخذ زوجته وشافها طالعه مع اختها وسلم عليهم وهي ابتسمت ومشوا ووقتها عرف انها راضيه انه خذ اللوحه"
بسمه تضحك : ههههههههههه لا اسم الله علينا
نجوى تبتسم: اكييد
بسمه: ايي شفيك يوه
نجوى تضحك : شخبارك اجل
بسمه: والله تمام نجوى انا اول ماعرفت انك بالكويت اتصلت عليك بسرعه
نجوى تضحك: اهااااا للمصالح انا اقول بسمه مو بعادتها تشتاق وتدق
بسمه استحت : نجوى لاتفشليني
نجوى عارفه طبع بسمه الخجول: هههههههه طيب طيب يلا امريني
بسمه : والله هم كم غرض واذا ماقدرتي تجيبينهم ترى عادي
نجوى: افا عليك بس
"وبس صارت بسمه تقول وش تبي من نجوى تجيب لها وبعدها سكروا وراحو بعدها نجوى ومحمد يتقهوون "
.
.
.
لنـــــــدن
"اليوم الثاني من وصول فواز واخوانه .. سلطان يومها كان مستقبلهم وهو الي موصلهم للشقه .. كانوا دايخيين وصلوا وكانت الشقه نظيفه مجهزه لهم وشقة العيال بعد .. على طول حطوا راسهم وناموا وفي اليوم الثاني وعند منار وغزل الي كانو قاعدين يلبسون عشان يطلعون "
منار: وش اللبس
غزل: رجعنا البسي اي شي تونا اول يوم
منار تضحك: همممم اشوف وش بتلبسن
غزل : هذا هو الي على السرير
منار: كيووت من وين اخذتيه
غزل: من البحرين
منار: مره كيووت .. اقول غزوول
غزل الي كانت تضبط وجهها : هاه
منار: سلطان ولد عمي"وتوطي صوتها " خقيقيششن
غزل تضحك : اي والله
منار: حليااان حليااان
غزل: ياحليلك من عمره
منار: مو مثل كذا منعم وحركات
غزل: كل بيت عمي سلمان محمد وهذا هو كبير وش زينه
منار: محمد مو مره ترى
غزل: بالعكس كيووت شخصيته تعجبني
منار: ماقلنا شي بس ذولا ملح ينقط منهم
غزل: ههههههههه طيب اعصابك
منار: حتى منصور
غزل تشائمت من هلاسم : الا هذا مايعجبني
منار تنسدح على السرير كنها خاقه : واااااااه حرام عليك يهبل هللأنسان عليه خفة دم وشكل جرح ههههههههه
غزل تخز اختها: هاه منوور من ورانا
منار وهي تتذكر سلطان خويها : لا ياشيخه بس الحق ينقال
غزل : اي بعد تسوينها من وراي
منار: لو احب مثلا بجي وبقولك
غزل:ليش لا
منار: قومي عني بس
"وراحت تلبس "
غزل في خاطرهاا" ارحم حالك وحال اي وحده تفكر في منصور.. اخ منه وش قصده يوم قال انه يموت فيني ياربي حسيتها طالعه من قلبها بس في حد يحب كذا افف اذكر ليلتها مانمت من كثر التفكير مابي انشغل فيه الحين بعد "
.
.
في لندن
"من جهة ثانيه"
جلس من نومه وهو يحس بفرحه غير وكأن كل الهموم اللي كان شايلها انتهت من حياته .. يحس انه لقى الشخص اللي يقدر يتكلم معه ويفهمه .. لبس برمودا جينز وتي شيرت اصفر ولبس نظارته وطلع عند الرسبشن ينتظر سلطان .. وسرح بافكاره شوي فيها .. حس انه فشل في تجربتين بحياته .. لكن ماحب انه يخرب تفكيره في هالامور وهو يشوف الجو برا كيف انه دافي مع شوية بروده وينعش بنفس الوقت .. وحس براحه يوم شاف سيارة سلطان .. طلع من الباب وهو يضحك ومبسوط مع ولد عمه واخوه بنفس الوقت .. وسلطان الثاني ماصدق ان فواز واحد من اهله موجود ..
سلطان : ياهلا والله .. ايش هالكشخه ياولد العم
فواز : هلا وغلا احم احم من يومي وانا اكشخ
سلطان: ههههههههههه اخبارك
فواز وهو يتنفس : ااااااااه بخير احد في هالجو ومايصير بخير
سلطان : دوووم يارب
فواز : سليطين ليه تاخرت عاد
سلطان: لاتكذب ماتاخرت عليك
فواز : هههههههههه ادري ها وين بنروح
سلطان : بنروح نفطر في الكوفي شوب
فواز : يلا لاني ماكلت شي قلت باكل مرره وحده معك ماتنفتح نفسي الا معك
" وكملوا طريقهم بسوالف وضحك الى ماوصلوا الكوفي شوب "
.
.
.
في الكوفي شوب
فواز : تصدق يافواز عمري ما ارتحت مثل ما انا مرتاح في هاللحظه
سلطان : الله يديم عليك هالراحه
فواز : ماتصدق كيف انا تعبان حدي
سلطان : انت اللي تتعب نفسك بنفسك
فواز : بلاك ماتدري عن اللي صار لي
سلطان : ليه وش صاير لك؟
فواز: خلها على الله
سلطان: قول بس قوول
فواز وحس انه تضايق بعد ماكان مبسوط : ااااه ياسلطان اديم ترفضني تخيل
سلطان فتح عيونه : وش قلت.. رفضتك ؟؟ لييييه
فواز ينفض افكاره اللي براسه : مادري مادري
سلطان بلا مبالاه : وهي لاقيه احسن منك
" فواز حكى لسلطان عن كل اللي صار بالتفصيل "
سلطان : مو معقول وليه ماقلت لي
فواز : ماحبيت ازعجك
سلطان عصب عليه : وش تزعجني وماتزعجني .. ياخوفي البنت حاطه عينه على واحد من برا
فواز : لا ما اتوقع حرام عليك تقول بس تبي تكمل دراستها اعذار بنات
سلطان : وانت للحين تدافع عنها بعد اللي سوته لك
فواز : ماتصدق الحاله اللي كنت فيها
سلطان : ماعاشت اللي تضايقك .. ولاتخلي بنت مثل اديم تسوي فيك كذا
فواز : ابي اعرف ليه سوت كذا
سلطان : ماعليك لو تبي اي خدمه انا حاضر لاخليها تندم اهم شي ما اشوفك متضايق
فواز : سلطان عاد لاتتهور مابي مشاكل معهم
سلطان : ياخي قاهرتني ايش شايفه بنفسها
فواز : انا شكلي بضرب عن الزواج مثل خالي .. خلااااص مرتين مو سهله ترا
سلطان : ماعليك هونها وتهون ولا يهمك بس
فواز : انت بشر ايش صار بقلبك
سلطان : تدري بقولك شي بس مابي احد يعرف عنه
فواز بأهتمام : قول اسمعك
سلطان : انا شكلي راح اتزوج شيما
فواز وهو مستغرب : احلـــــــــــف من جدك انت
سلطان : ايه من جدي
فواز : انهبلت انت وش لك فيها لانعرفها ولا شي
سلطان : بس انا مرتاح معها
فواز : لا تلعب على نفسك بس لانك هنا وماشفت احد غيرها بوجهك واهلك بعيدين عنك
سلطان : فواز انا للحين مو جاد بكلامي انا مجرد تفكير
فواز : احسن شي تنهي هالتفكير وتشيله من بالك .
سلطان : لكن يافواز انا اشوف انه مافيها شي
فواز : فيها ومليون مره اقولك فيها .. نسيت اهلك
سلطان : شوف تبي ارجع ويزوجوني من كيفهم مثل ماصار معك وتجي ترفضني لا والف لا
فواز : سلطااااان اللي تفكر فيه صعب وهذا قرار زواج مو شي سهل ..
سلطان :انا احبها يافواز وهي تحبني
فواز : عقلك براسك وتعرف.. مو صغير عشان انصحك.. ولاتتعب نفسك اهلك ماراح يوافقون
سلطان : شوف لاتصحكها بوجهي وانا توي انا بخلي بين شيماء واهلي كم لقاء ومتأكد ان امي بتوافق ولاتنسى ترى امي متفهمه يعني بتفهم مشاعري ولاماعتقد انها بترفض لي طلب
فواز: مانت بصاحي وغير كذا تراها كويتيه
سلطان: so
فواز: لاتنسى ان في فرق في العادات ياسلطان
سلطان: شيماء عشان نظره عيوني تسوي كل شي لو تبيها تبيع الدنيا وتشتريني
فواز يشرب من الكوفي حقه : عقلك براسك وتعرف خلاصك
" وكملوا الفطور بسوالف وكل واحد يفضفض للثاني عن همومه وكيف كل واحد مبسوط بالثاني وبعد ماخلصوا راحوا الهايد بارك يتمشون فيه شوووي "
.
.
.
"هههههههههههاااااي اسمع من داق "
......: وليدووووه ووجع اسمع
وليد: هههههههه سوري سوري بس غريبه وصايف داقه علي بنفسها
وصايف: ههههه ياحظي عليك بدق عليك للضروره ولا وش ابي فيك
وليد: هاه وصايف خذنا على بعض
وصايف: ههههه اقول اسكت بس اسمع
وليد: هاه وش تبين
وصايف: اسمع ماتدري متى بتطلع النتايج
وليد: هو صحيح اني اعرف اخر يوم اختبار بس ماعرف نتايجها تطلع
وصايف: خخخخخاي يامصلك صدق عاد اسأل ربعك
وليد: تعالي انتي ليش متحمسه هالقد على هالنتيجه واثقه لهذي الدرجه
وصايف: ههههههه لا بس مابي نسافر الا وعارفه نتيجتي
وليد: خلاص خلاص بسأل ربعي وبرد عليك وغير كذا اذا ماطلعت وانتوا هنا برسلك نتيجتك بمسج
وصايف: اي اي تكفى
وليد: خلاص ولا يهمك
وصايف: ماتقصر والله يلا عن اذنك
وليد : اذنك معك مع السلامه
"سكرت وصايف منه ولفت على امها "
وصايف: خلاص بيرسلها هيو
ام فيصل: مايقصر الله يعطيه العافيه ويوفقكم
جنى: وش دعوى خايفه وصايف
وصايف: وش رايك
جنى تضحك: امااا ههههه تكفين وش بتدخلك نسبتك
وصايف: حتى لوو حرام تعبي يروح هباء منثور
جنى: هههههه اما تعب
وصايف: خلاص خلاص فكيني
ام فيصل: ادعي لاختك وبس .. وين اديم؟
وصايف: ترتب شنطتها
ام فيصل: وانتوا
وصايف : انا تقريبا خلصت
" جنى نزلت راسها "
ام فيصل: جنى كالعاده مثل كل سنه
جنى: بقوم بقوم الحين
وصايف: خلها خلها على راحتها
جنى تضحك: يمه يمه خلاص بقوم "وقامت بسرعه "
.
.
.
"بعد مرور فتره لتجهيز البنات للسفر والعايله بكبرها .. عدت الايام عليهم بسرعه وجا اليوم الي الكل ينتظره .. الي ينتظر يشم هوا غير هواه.. والي ينتظر يكحل عينه .. والي ينتظر يشفي غليل شوقه.. والي ينتظر ويدور على نقطه تحوله .."
"كل من بيت بو محمد وبيت بو فيصل جهزوا اغراضهم الخفيفه الي تنشال بيدهم لان الشنط بتوصل قبلهم لذا فهي راحت قبلهم *_^ .. الساعه 7:00 بالمسا وصلت السيارات المسئووله بنقلهم لمطار البحرين الدولي .. ركبت سهر مع امها وابوها واخوها ونجوى وولدها .. وبو فيصل ركب مع عياله ومشوا كل واحد لحاله على اساس يتلاقوون بالمطار .."
"بعد ماوصلوا راحوا البنات في المكان المخصص لهم والرجال بدوا يسوون شغل التذاكر والعيال معهم "
جنى تتذمر : من قالكم تحجزون لنا هنا
سهر: ليه وش فيه هنا
جنى: مادري شوفي القاعه هاديه مافيها الا حنا
نجوى: لاحقة على الازعاج بس تخلص التذاكر وبنقوم
جنى: انا مره ثانيه احجزوا لي سياحه
وصايف: ليه ؟
جنى: مابي اصير معزوله عن الناس ابي احس بالحياه بلازعاج تحس انك مسافر .. ولا الحين بيطلعونا فوق وبناكل من اكلهم مانبي نبي ناكل من المطعم الي هنا
ام فيصل: جنى اسكتي صدعتي راسي
جنى: يمه انا ماني طالعه فوق
ام فيصل: لاتطلعين اقعدي
جنى: يمه جد ابي اكل من تحت مابي اكل من اكل الفرست كلاس والبزنس مو لذيذ
وصايف: خلاص جنو انا وانتي ناكل ونطلع لهم
جنى:وش قلتي يمه
ام فيصل: براحتكم
جنى: يسوو
ام محمد لأم فيصل:بروح الحمام كرمك الله بتروحين
ام فيصل: أي بروح اتوضا للعشا
ام محمد: يلا .. بنات في حد بيروح دورة المياه
"البنات اشروا بمعنى لا"
نجوى: انا بجي بس بشووف سلمان اذا يبي حمام بعد
ام فيصل: قوموا توضوا للصلاه
اديم: انا على وضوء
سهر: وانا بعد
جنى ووصايف: انا بالصاله فوق بتوضا وبصلي
ام فيصل : على هواكم "وراحوا "
جنى تضحك : اما دوره المياه هههههههههه
سهر تبتسم: حدك عن امي
جنى: ماقلنا شي .. اوكي مشرفه مدري وش تطلع بس مو لدرجه دورة المياه
سهر: ههههههه كولي تبن بس
اديم: ترى عادي كثير يقولونها
جنى بلاهتمام: ماعندهم سالفه
وصايف: ترى حلوه الكلمه تحسينها نظيفه
جنى: هههههههه لايكثر
"سهر قامت"
وصايف: وين
سهر: منصور يناديني
"وقامت عنهم وراحت لمنصور"
جنى: يازعم مستحي
وصايف: هههههههه وش تبين بالرجال
جنى: يسوون نفسهم خجولين وهم مناك خراط
وصايف: هههههههه على كيفك
جنى: ماعلينا يلا نبي نخلص
وصايف: شايفتنا شخص ولا ثنين عايلتين بكبرها
جنى لوت بوزها تكره المطار والانتظار: اوووف "وطلعت الايبود وركبته على اذانها وسندت ظهرها لان شكلهم مطولين "
سهر رجعت تبتسم
وصايف: شعندك
سهر: ابد كان يبي يعطيني سلمان وسلمان مارضى نشب فيه ومنصور ماله خلقه
وصايف: جيبيه سلمان بلعبه
سهر: ماراح يجيني تبين قومي جيبيه .. يبي يقعد من منصور ومشاري وفيصل
وصايف: لاشكرا مو قدام مشاري
سهر ضحكت
"وبس قعدوا حتى خلصت التذاكر وتضبيطها قاموا وشالوا اغراضهم وراحوا متوجهين للقاعه العلويه حقت البزنس كلاس والفرست كلاس ولكن جنى ووصايف قالوا بيقعدون تحت والباقي طلعوا بياكلون من الاكل الي فوق "
.
.
.
غزل: مو متخيييييييله مابقى شي ويجوون
منار: أي والله ياناسي بنببسط معهم
غزل: مايبي لها.. تعالي خالي بو مساعد بيجي
منار: مادري والله يمكن بس بعديين
غزل: اها ياحليلهم
منار: من جد مره حليلهم
غزل سرحت بأبتسامه
منار: غزل وين رحتي؟
غزل رجعت : هنا بس الله يعينا على الحساسيات
منار: حساسيات من ايش؟
غزل: مادري عشان عيال عمي
منار: لاااه ماعلينا منهم هم مايطلعون معنا ماعلينا منهم
غزل: بس مادري خلاص خلاص
منار: معقدتها وهي ماتسوى
غزل : سلطان مالطلع
منار: لامابعد.. خليني اقوم اكوي ملابسي بس
غزل: وملابسي معك
"منار ناظرتها وراحت"
.
.
.
"بعد اعلان ركوب الطياره "
جنى تهز وصايف وبصوت واطي : وصايف الحقي معنا
وصايف: ادري ادري سوي نفسك مو منتبهة وش بيسوون يعني وحنا مع اهلنا
جنى: ذولا ينخاف منهم
وصايف تتافف: خلاص جنى
جنى تركتها وسكتت
"كل واحد قعد في مقعده .. كان كل من ابو فيصل وام فيصل وام محمد وبومحمد ونجوى وولدها فرست كلاس والباقي كانوا في البزنس "
"كان ترتيب البزنس منصور ومشاري مع بعض وفيصل وواحد مع بعض وسهر واديم ووصايف وجنى مع بعض "
جنى تسكر الحزام وترتجف: وصايف شوفيه مع فيصل ليكون مايدري انه اخونا
وصايف: جنى تراك اقلقتيني
جنى: انتي ماتخافين
وصايف بصوت واطي : من قال "وقطع عليهم الي يقدم العصير وبعدها كملت " انا قلبي طايح في بطني
جنى تبتسم مجامله للمضيف : يارب يكون شاف فيصل واقف معنا اخاف ياخذون على بعض ويخورها
وصايف: وبعدين تعالي انتي ترى ماسوينا شي حنا ترى هو الي قاعد يلحقنا
جنى: بس يوووووه اسكتي ماوراك الا المشاكل
"وصايف فتحت عيونها على اختها وسكتت معصبه"
.
.
من جهة سهر واديم
سهر: شوفي عاد اقولك من الحين بتقعدين ساكته قومي بدلي مع وصايف ولاجنى
اديم تضحك بنعومه : طيب ولايهمك الطريق طويل مو معقوله بسكت طول الوقت
سهر: أي جربي تدريناني كرهت الاورنج جووز من يوم نروح استراليا ركبنا كذا طياره وكل ماركبنا جابولك هالعصير حسيت اني راح ارجع من كثر ماشربته
اديم: ههههههههه من جد هذا اللي فالحين فيه
سهر ولسا مبتسمه : والله حسيت بسني اخر طياره قلت لهم يلامناك بس تعبت اجامل
اديم:هههههههههه ولاحقهم بعد حامض
سهر: من جد.. من ذا الي مع فيصل
اديم: مادري مو مشاري ولامنصور واحد
سهر: ياملحه
اديم: لا ماتعجبني هذي الاشكال شكله رياضي
سهر: أي صح مبين بس كيوت ترى
اديم: طيب اسكتي لحد يسمع
سهر: شفيك انتي مرره
اديم بطرف عينها : بدينا نغلط
سهر تضحك: لاوالله جد خلي روحك رياضيه
اديم تبتسم: لايكثر بس
سهر: وه الله يعيني
اديم: هاه سهر
سهر تضحك: طيب طيب
"وشوي واقلعت الطياره "
.
.
.
()( أبيـــــــــــــــك )()
وأرفض " الواقـع " وأجاهـر للمـلا .. ملهـوف ..
إذا كان الأمـل شوفـك ..
بقايـا العمـر .. بـ / ترابـك !
][ أحبــك ][
فوق هـ / الدنيا .. وأسابق في مـداك ( حـروف )
وأعاند كل كلمـاتي / وأضيـع بعـد أسبابـك !
][ غـلاي ][
لو هي الدنيا حديث ٍ يشفع لـ / مشغـوف ..
لا أقول العمر لـك " دنيـا "
وأنـا موجـود و "احيابـك " !!
.......:اووووووف وبعدين
..: شفيييك
.....: والله مادري يافواز هذي المسجات من فتره مو قصيره توصلني واذا دقيت محد يرد
فواز: طيب وش يطلع لك
سلطان: يطلع برايفت نومبر
فواز: طنش هو الخسران
سلطان: لا تحس هذي المسجات حد قاصدها لي يقول اني هجرته ومسج انه يموت فيني ومسج وينك فيه طولت
فواز : اهاا.. مدري وش اقولك
سلطان: على قولتك هو الخسران او ليش ماتكون هي الخسرانه
فواز يبتسم: جايز
سلطان: اووووووه نسيت اكلم غيث ياربي بيزعل
فواز: غيث ماغيره
سلطان: أي الحين بيزعل بيقول صفطته وماني عارف خلني ادق عليه بتنبسط عليه وعلى سوالفه
فواز يبتسم : حيااه
.
.
.
"بعد فتره طولت من الصمت في الطياره "
"عند اديم وسهر"
اديم قاعده تتمتم مستحيه من تفتح سهر بالموضوع بس بعدين قررت تكسر السكوت
اديم: سهر
سهر: هلا
اديم: نمتي؟
سهر: ياحليلك انا مستحيل انام بطياره
اديم تضحك : كويس مثلي
سهر تبتسم بهدوء: شعندك
اديم نزلت راسها : سهر مادري وش بسوي اذا شفت فواز
سهر انصدمت من اديم اثاريها ساكته على كذا
سهر: وش عليك منه
اديم: احس ماراح اقدر اناظره صحيح هو مافيه شي عشان ارفضه وكثير بنات تزوجوا بهذا العمر
سهر تحمست : ترى اتوقع فواز تفهم الوضع
اديم: مادري والله ياسهر احس عمتي والباقي اوكيه بس فواز وهالعله طلال مادري شلون بتكون نظرتهم لي .. اكيد يكرهوني الحين
سهر: ماعليك منهم اديم لاتزعلين نفسك عشانهم انبسطي وكنه العيد هذي حياتك وانتي حره فيها
اديم سكتت
سهر: اديم شوفي فواز احسه مره متفهم يعني بينظر لك عادي واذا على طلال ماعليك منه تراه تنيجر
اديم ساكته
سهر: وش قلتي
اديم: بحاول على قد ماقدر اني ما التقي في فواز ولاحتى بطلال
سهر: فواز يمكن تقدرين بس طلال بينشب لك كل يوم
اديم تضحك: تراه يضحك
سهر: أي صح بس يقهرني ايام
اديم تبتسم: نفس الشعور
.
"عند فيصل"
فيصل: سلطان ... والنعم والله من الرياض اجل
سلطان: أي
فيصل: اجل مسافر لحالك
سلطان: لا انا وصديقي سعود
فيصل: اها طيب ليه مااخذتوا دايركت من الرياض
سلطان: دورنا مالقينا حجز وعندي واحد من ربعي يشتغل في الخطوط هنا وكلمته يضبطني
فيصل: حلوو والله عاد خلنا نلتقي وننبسط
سلطان يبتسم : أي ان شاء الله
فيصل: كيف الرياض
سلطان بحالميه: والله فضت الرياض علينا
فيصل بأستغراب : ليه
سلطان استوعب: عارف كل الناس بدت تسافر ومابقى حد فيها
فيصل: اهاا حتى الشرقيه حنا كذا بعد مايبقى فيها الا اهل الرياض والجنوب
سلطان يبتسم: هذا الحال
فيصل ابتسم بعد: أي والله
.
"عند جنى ووصايف"
جنى: شوفيه شوفيه بدوا يخورونها
وصايف طنشتها: جنى ترى بغير مع اديم ... خلاص ماظن بيقوله عنا شفييك
جنى: واذا قال
وصايف: عادي.. وين حطيتي ال uno
جنى: أي صح بشنطتي انزلي جيبيها
وصايف تناظرها بأستحقار ونزلت جابتها ورمتها بحظنها : يلا طلعيها
جنى تناظرها: وانتي طلعي الطاوله
وصايف طنشتها وطلعت الطاوله وطلعوا الورقه وبدوا يلعبون
.
.
.
"كله منــــــــــك"
......: والله مو ذنبي
.......: وشو مو ذنبك وانتي السبب بجلستنا
.....: نجود بس حرام عليك بعد نفاس نتركها ونروح
نجود: بسمه اسكتي مالي خلقك.. وانتي ليه ماتكملني نفاسك ببيت زوجك
نجلا تقهرها: والله اهلي الزم فيني
بسمه: نجود وش هالكلام مايصير
نجود تخزها: تعرفين تسكتين
بسمه تناظرها: لاماعرف هي وش ذنبها ولدت الحين
نجود بقهر: وحنا وش دخلنا ننحرم من السفر هي الاجازه
نجلا تبتسم عشان تقهر نجود: بسوم حبيبي قومي جيبي فثوولي
بسمه ابتسمت : نايم خلي حنانك بعدين
نجلا: بصحيه مالي شغل
نجود تناظرهم تحسدهم على هالروقان
بسمه: مو كويس نموهم في نومهم خليه بس
نجلا: ياشين الفلسفه وين نايف اخوي
بسمه : طالع مع ربعه
نجلا: ياحبيبي ياخوي مانشوفه وبسبب هالحريم
بسمه: ياحليلك حتى ومافي حريم يالله نشوفه
نجلا تبتسم : الله يوفقه ويحقق مناااه
بسمه تبتسم: اميين
نجلا تناظر نجود : قولوا امين ياهو
نجود تناظرها: ترى مالي خلق "وقامت"
نجلا: ياشينها معصبه رايقه وياالله
بسمه ضحكت
نجلا تسكتها: اش اش اسكتي ماحنا ناقصين
بسمه تمسك ضحكتها
نجلا: بسوم قومي سوي لي ماسك لوجهي تكفين
بسمه: تصدقين حتى انا مشتهيه اسويه
نجلا: أي عفيه
بسمه تبتسم : ولايهمك "وقامت هي بعد "
.
.
.
سلطان: بتروح تسمع ماني رايح لحالي الطريق للمطار طويل وبطفش
فواز: سلطان تكفى مالي خلق
سلطان : يلا عاد اقولك بتروح يعني بتروح
فواز: سلطان لاتحاول
سلطان: وش دعوى اهتميت في رايك بتروح غصب عنك
فواز: خذ طلال
سلطان: ذا الملعون من جا مالتقيت معه الا بالغلط مدري وين يروح
فواز يضحك: محد عايش كثره
سلطان يضحك: اانا اشهد .. باي ذا واي جهز حالك
فواز تنهد
.
.
.
في الطياره
" بتروحين الحمام"وانتم بكرامه " "
سهر: ايه
"راحت سهر الحمام وانتم بكرامه وبعد ماخلصت فتحت الباب بسرعه تبي تطلع الا وتصقع بصدر هذاك الواقف سهر ابتعدت بقوه ورفعت راسها وشهقت "
سهر: اسفه "وراحت مسرعه لكرسيها تنافخ"
"وهذاك موقف شفيها البنت"
اديم تناظرها: شفييك
سهر: اديمووه الحقيني صقعت بالولد الي جنب فيصل
اديم شهقت: احلفي شلوون
سهر: مادري بس خبرك صوت المويه لمن تشفط يخوف انا ضغطت على الزر وطلعت بسرعه وصقعت فيه ياربي فاتك شكلي احس قاعد يقول وش تبي ذي شكلها شايفه جني بالحمام
اديم تضحك لانها بعد تخاف من صوت الشفاط : ههههههه الله يفشلك
سهر ترجع لجلستها: ادري يافشيلتي
اديم: خلاص الي صار صار
.
.
.
"عند منصور ومشاري "
مشاري: ابي اعرف وش جيب الطاري
منصور انقلق : ايه انت ماترضاها على خواتك وعاد على غيرك
مشاري عصب: منصور لاتستفزني هاه
منصور: وش استفزك انت الثاني بس هذي الحقيقه
مشاري:ترى كل السالفه نمون
منصور: تمون وعلى عيال عمي محمد ماظن دور غيرها
مشاري: وبعدين تعال وش مسوي انا
منصور: سكت
مشاري: منصووور هاه لايكووون
منصور غير اتجاه نظراته: ليكون شنو
مشاري يتنهد : انت ادرى
منصور: لاتتكلم بلالغاز
مشاري: قلت ليكون تحبها وغيران
منصور بأنفعال: تخسسي الا هي
مشاري فتح عيونه: الله كل ذا شايل عليها وش مسويه لك البنت
منصور توتر ومشاري قاعد يستفزه : ولاشي بس مابعد جابتها امي الي تجيب راسي
مشاري: وانا هذا اللي اقوله وش قلبك مادري
منصور: يلا يلا بس طلع الطاوله وصل الاكل
"مشاري كمل شغله وهو ساكت .. ومنصور منقهر ياخي ذا محد يقدر يسحب منه شي"
.
.
.
"بعد ماوصل الاكل والناس تاكل"
"عند اديم وسهر"
اديم بعدت الطاوله وقعدت تنفخ وتحرك راسها يمين يسار
سهر لفت عليها وحطت يدها على كتفها بخوف: اديم شفيك"وتهزها ششفيك "
اديم بدت ترج راسها اكثر كنها وحده مهتستره
سهر بعدت الطاوله عنها مسافه بسيطه وبخوف: اديم اديييم وش فيييك حبيبي
اديم الفوطه الي على حضنها وغطت في وجهها وبدت رجعت كل اللي اكلته على حضنها .. سهر على طول فتحت عيونها من الي تشوفه وش صار فيها اديم على طول نادت على وحده من المظيفات وهي مو عارفه تتصرف
سهر بصوت مرتفع شوي: can some boady help us
"جات وحده من الظيفات وشافت الوضع ورجعت تنادي وحده معها وتلبس قلافز وسهر نادت وحده من المظيفات تشيل اكلها وعلى طول هاذيك شالته وقامت سهر وعطت المضيفة صحن اديم بعد ..وبعدت سهر الطاوله عن حضن اديم .. اديم بعد مارجعت غطت وجهها بيدها تكتم انفاسها من الفشيله حتى ماهي قادره تروح الحمام "وانتم بكرامه "
سهر تهزها: اديم وخري يدك وخريها
اديم ماستجابت لسهر
"الناس حست بدوشه بهذا المكان .. سهر راحت على طول عند ام فيصل وقالت لها وام فيصل قامت على طول .. وراحت تشوف بنتها ..اديم اول ماحست بأمها حست انها ارتاحت شوي.. ام فيصل شالت اديم من يدها وساعدتها تقوم وتروح فيها الحمام .. واديم لسا مخبيه بوجهها كل الموجودين انتبهوا وووصايف وجنى على وجههم اشاره استفهام وبعد مانادوا اديم "
وصايف وجنى: شفيها اديم
سهر بحزن: مادري وش فيها فجاءه بعد ماكلت رجعت كل اللي اكلته
وصايف: اديم ماتحب اكل الطياره وش مأكلها
سهر بتأنيب الضمير: انا قلت لها بطلب لها مثلي
وصايف: ياحياتي وعبايتها توسخت
سهر: أي كلها
جنى: افف الله يعينها اجل خليها تفسخ عبايتها وطلع الاوفر كوت من الهاند باقز حقتها
سهر ببسمه: والله زين تفكرين
"سهر شافت انها فكره زينه انها تشيل عبايتها من الطياره وتلبس الاوفر كوت ..وراحت تنفذ الي قالت عليه جنى"
جنى: مسكينه اديم فشله احس
وصايف: أي مرره الحين ماتشوفينها مخبيه وجهها
"فيصل من بعيد شاف سهر واشر لها على اساس يعرف وش صاير وسهر طمنتهم انها بس تعبانه شوي ومافيها شي .. ومنصور ومشاري شافوها تكلم فيصل وفهموا .. سهر طلعت الافر كوت وراحت لعند خالتها واديم .. اول ماشافتها مدت لهم الاوفر كوت وام فيصل اخذتها منها وقتها كانت اديم نظفت كل الملابس ومستنده على امها لانها تحس انها دايخه وبردانه .. سهر حزنت على اديم ماتدري وش جاها فجأه .. اديم لبست الافر كوت وضمته تبي تتدفا .. ورحعت سهر ولحقوها اديم وامها واديم مستنده على امها .. على طول قعدت اديم وتسندت وامها سدحت الكرسي لها ولحفتها بالبطانيه .. واديم ماصدقت خبر على طول غمض عيونها .."
سهر"ياحياتي ماتسوى عليك ... بس كثيرر يتعيون بالطياره ياحرام "
"ام فيصل طنت زوجها وسهر طمنت الي جنبها "
.
.
.
"بعد مرور 3 ساعات ونصف من اخر الاحداث"
"سهر صحت اديم واديم قامت وتحت عيونها كله اسود من المسكارا الي حطتها سهر تخرعت فكرت هذا تعب "
سهر: اديم تبين تغسلين وجهك
اديم: أي بروح
سهر بحيا: طيب اديم في تحت عيونك اسود
اديم على طول عرفت انهامسكارا :لالا هذي مسكارا
سهر ارتاحت : اجل الله يعينك مراح تروح
اديم ابتسمت بتعب: وش اسوي
سهر: طيب يلا تبيني اساعدك للحمام
اديم: لا قلبو مايحتاج
"اديم مسحت تحت عيونها بيدها الي تقدر عليه وبعدها قامت متوجه للحمام .. سهر وباقي البنات شالوا عباياتهم ووبعد اعلان ربط الاحزمه وصلت اديم مكانها وربطت الحزام .. ........ وصلــوا اهالينا مطار هيثرو وكان سلطان وفواز في استقبال العايله بالنيابه عن الكل "
"خلصت كل اجراءات المطار بسرعه لانه ماكان عندهم شنط لانها واصله قبلهم .."
"الكل كان يمشي بسرعه الا ام فيصل وابو فيصل الي كانوا مع اديم على راحتها .. اول مابين بعيون ام محمد ولدها وولدها كذلك ركض سلطان لامه وضمه قدام الخلق ولاكان حد هامه وام محمد مسكت فيه وبدت تلمع عيونها من كثر ششوقها لها"
منصور : طيب عطينا فرصه كلنا مشتاقين
"ام محمد لسا متمسكه فيه وسهر ازعجتهم من وراهم وهي تقول حبيبي اخوي وحشتني ووو وتعبر عن شعورها وسلطان مايسمع وش تقول بس يسمعها تهذرب ..بعدت ام محمد وعطت مجال لسلطان يسلم على ابوه الي ماطول ضمه بالخفيف وباس راسه ويده وسلم على منصور بقوه زجا دور سهر الي رمت نفسها بحضنه وهي ضاعت بصدره ومبسووط عليها .. اما بو محمد توجه لفواز يسلم عليه .. وام محمد واقفه جنبهم "
سلطان: حبيبتي سهوووره وحشتيني يادبه كبرررتي
مشاري وفيصل يناظرون من بعيد : نحن هنا
منصور: سلم على الشباب بسك
نجوى قطاعتهم : السلام عليكم فواز
سلطان انبسط يوم شاف نجوى: هلا والله وغلا بام سلمان وعليكم السلام وفديته عطيني اياه مانتبهت له وشاله بس كان نايم
نجوى عطته اياه
سلطان يلف على الشباب: الله يهديكم مخلينه هي تشيله
نجوى تفشلت: لاكان عند منصور واخذته عشان يسلم عليك
سلطان ابتسم :على بالي شخبارك وكيف محمد
نجوى: ابد والله يسلم عليك
"سلطان بوس سلمان وماكان وده يتركه وبعدها لف يسلم على الشباب"
سلطان لف عليهم وضحك وسهر حست وبعدت وتركت لهم المجال.. طبعا جنى ووصايف واقفين شوي بعيد مستحيات يقال انهم .. شوي وراحت ام محمد ومسّت على فواز .. وسهر راحت جنب البنات وصاروا سهر وجنى ووصايف مع بعض ..ومشاري وفيصل ومنصوروسلطان وبومحمد وفواز الي انضموا لهم مع بعض .."
مشاري: تغيرت ياسليطين
سلطان يضحك وصاير شكله مع الغمازه " قطعه لووول " : للأحسن ولا
فيصل: ياخي غطيت علينا
منصور: لاماعليك كله ميك اب
"سلطان ضحك من قلب"
سلطان: اما هالكبر ويغار
"ضحكوا عليهم ..وام محمد تناظره من بعيد وتتفداه "
منصور: منعم ومدري وش مسوي كل ذا عشان يقولون مملوح قم بس قم
سلطان ضحك على اخوه الي مهما يشتاق مستحيل يقول بس يبين في عيونه
سلطان ببزاره : يلا بس يلا
فيصل: هههههههههه اعقل منصور عن اخوك
سلطان يتلافت : يلا مشينا.. وين عمي بو فيصل
فيصل: اديم اختي تعبت علينا بالطياره وقاعدين سيمشون معها بالراحه هذا هم بالطريق"
"سلطان ناظر فواز الي سو نفسه عادي .. سلطان ينتظر على احر من الجمر يبي يشوف هلاديم ..شوي شوي وبدت تبين له مع عمه وخالته.."
سلطان بخاطره "من فعايلك السوده تستاهلين "
بو محمد: وصلت السيارات ياسلطان
سلطان: أي يبه ينتظرونكم
بو محمد :وش جابوا
سلطان : جيمس وجيب بيكفيكم وانا باخذ الشباب معي يعني
منصور يضرب فواز على كتفه بدفاشه : بوحميييد شالعلووم
فواز نقز ومنصور ضحك
منصور يغمز: الي ماخذ عقلك لعنبوك ما امداك تطيح توك من اسبوع واصل
"ضحكوا الشباب عليه"
بو محمد : منصور وش هالكلام
منصور يناظر ابوه : يبه عاد حنا بطلنا في السعوديه حنا في لندن
"ضحكوا عليه وسلطان مبسوط على اخوه ماتغير وليومه يمون على ابوه الي معتبره واحد من الشباب"
سلطان لف على سهر وشاف الي معها صغار راح لجهتهم
جنى: ويازييينه
سهر ضحكت: ههههههههههه بقوله
جنى: في امك خير
سلطان وصل : السلام عليكم بنات الحمدالله على السلامه
وصايف وجنى بحيا: وعليكم السلام الله يسلمك
سلطان: بغباء يتكلمون مع بعض
وصايف وجنى وسهر ضحكوا عليه
جنى بدفاشه: بنسكت مو عشان شي عشان تونا واصلين وانت زمان ماشفناك
سهر ضحكت وهو ضحك ووصايف تفشلت من اختها الي ماعندها وقت للميانه
سلطان: تعالي من انتي
جنى بخجل: انا جنى وهذي وصايف
سلطان يناظر وصايف عسى بس لايطلعون مثل اختهم : هذي الي تخرجت هذي السنه
وصايف ابتسمت ومنزله راسها: أي
سلطان: وبشري
وصايف: مابعد تطلع النتايج
سلطان: بالتوفيق
سهر: سلطاااان وحشتني مرره
سلطان راح لعندها وحط يده على كتفها : حتى انتي والله
سهر: ياحوبيلك والله.."وسالت يدها" بروح اجيب اديم عن عمي عشان تسلم عليه
"وراحت سهر واديم تبعها بنظراته "
سلطان: وانا بجي عشان عمي
"عمهم وزوجته وبنتهم كانوا قريبين مره .. بو فيصل قرب من فواز وبدا يسلم عليه ويسأله عن اخباره وسلطان وده يشوف الي بتجي الحين وام فيصل قربت وحب راسها سلطان وسألهم عن اخبارهم وتحمد لهم سلامة اديم وبعدها لف نظره على اديم "
سلطان اول ماشافها رقع قلبه ولبس نظارته عشان ياخذ راحته وقعد يناظرها نظرات غريبه "معقوله هالبراءه يطلع منه كذا صدق مصيبه المظاهر "
"اديم كانت شبه منزله راسها .. سلطان ماحب يحسس حد بشي او ماقربت "
سلطان: ماتشوفين شر يابنت العم والحمدالله على السلامه
"اديم صار قلبها يدق طبول من شافته والحين يكلمها ماقدرت ترد هو اصلا مانتظر رد قال كلمته وسبقهم مع عمه ... سلطان كان يبي يروح جنب فواز يبي يشوف رده فعله اذا شاف هالبنت .. "
سلطان بعد ماصار جنب فواز: شفتها
فواز: وشو
سلطان: شفتهااا
فواز: طيب وكيف
سلطان هذا هي قدامك شوفها
"فواز رفع راسه وهي يدعي ربه انها ماتكون البنت الي شافها بيت عمه نايف وكانت تشبه حبيبة قلبه"
فواز اول مارفع بصره وشافها ما انكر انها تخقق بس ارتاح انها مو البنت الي شافها.. وتسأءل من اجل تكون ذيك
سلطان يبي يشوف رده فعله وماكان متوقعها من فواز: شرايك
فواز: وش الفايده يلا خل نمشي طولنا"طنشها فواز ومشى "
"لحقه سلطان ومستغرب من رده فعله .. وبس كل قروب ركب سياره والشباب مع سلطان وفواز "
.
.
.
"بعد ساعتين .. وصلت العايله وكان الوقت عند الفجر ... بو محمد سكن فندق مع زوجته وبنته وولده وزوجه ولده ...اما بالنسبه لبوفيصل فهو راح الشقه الي فيها بيت بو فواز .. طبعا كان التقسيم كل البنات بشقه والعيال بشقه ثانيه جنبهم دايركت... تقريبا العوايل وصلوا سلمو على الاهل وشوي وراحوا ينامون كلهم اما بيت بو محمد دايركت للاوتيل على اساس الوقت متأخر وبكرا يسلمون على الاهل "
.
.
.
"كانت قدام البحر ومعطيته ظهره وهو واقف وراها يناديها وماترد عليه .. كانت لابسه فستان حرير فيه اشياء تطير منه من شده الهوى الي يطيّر فستانها السماوي الفاتح الاقرب للبياض وخصلات شعرها قاعد تطير مع الهوى وهي واقفه ومكتوفه اليــد ......جن جنونه ليه ماترد عليه ليه تجحده وبدا يصارخ عليها مو من حقك تسوين كذا .. على ايش شايفه نفسك فيه .. مغروره ومن يومك .. لاتقربيني ولاعاد ابي اشوف ظلك .."مازالت ساكته ولاترد ولاشاف وجهها " قرر يقرب منها ويلفها عليه بكل قوته وبالفعل لف عليه وردت عليه ببرود وعيونها تلمع "وش تبي تشوف " "
"فز من نومه يشاهق شفتها شفتها واخيرا شفتها ثبت وجهها لدقايق وبعدها اختفت ملامحها من راسها بقت بذاكرته بس لمعت عيونها ..قعد يضرب رسه يضرب راسه يبي يرجع يذكرها اختفت اختف "
"ااااااااااااااااااخ لو اشوفها لاذبحها بيدي الله لايهنيها دامها مو مهنيتني بنومتي .. وش تبي فيني تلاحقني من مكان لمكان "
"شوي ووصله مسج وفتحه بكل قوته واول ماشاف برايفت نمبر قبل لايقرا المسج رمى الجوال بكل قوته على الارض حتى انفتح نصين "
حط يده على راسه: مسج واحلام مزعج بنفس الوقت لمتى لمتــى
"قام سلطان واخذ لك دش وهو كاره الدنيا وش يبون ذولا فيه .. اكيد الي ترسل المسجات نفسها الي مزعجبتني بأحلامي .. المشكله كل مالقيت خيط عشان اعرفها تضيع كل الخيوووط ياربي حسبي الله على الي عرفها فيني "
"خلص حمام والاخلاق واصله معه شاف الساعه كانت تشير على الوحده ونصف .. طول بنومته ..لبس وتععطر وقعد يتفقد جواله .. تذذكر انها رماه بسبتها ... راح لمكان مارماه لقاه مرمي وباب الشارج طايح اخذه وجمعه "
سلطان: حبيبي انت ماتسوى علي هي واشكالها اخ بس لو اعرفها
"صلح جواله وفتحه وحطه بجيبه واخذ الجاكيت وطلع قرر يروح لشقة الشباب قبل لايدق عليهم .. وهو باالطريق دقت عليه شيماء وقعد يسولف معها الى ان غيرته من الحاله الي كان فيها .. يعني ماوصلهم الا المزاج رايق .. اول ماوصل سكر منها وطلع للشباب ودق عليهم طلع له فواز"
سلطان شاف وجه فواز وكنه صاحي من وقت ابتسم: صباح الخير
فواز: صباح النور ياهلا ..
"دخل سلطان"
سلطان: متى صاحي؟
فواز: من قبل ساعه ..وانت ؟؟ و ليه مادقيت علي؟
سلطان: مادري والله نسيت بس تراي توي قاعد ودايركت جيتكم قبل لافطر حتى.. وين الشباب
فواز : فيصل يتحمم والباقي نيام
سلطان: صحهم
فواز: خلهم على راحتهم مابقى غير طلال ومشاري اهل النوم وعمي بوفيصل طلع مع ابوك
سلطان : اهااا اجل بدق على منصور بشوفه اذا صحى عشان امر عليه ولالا
"وبالفعل دق على اخوه ومالقى جواب "
سلطان: مايرد اكيد نايم
فواز:ماتبي اجيب لك شي
سلطان: انت افطرت
فواز: أي رحت لحالي تحت وافطرت
سلطان: خاين.. اجل ننتظر فيصل ونروح نفطر كلنا
"شوي وطلع فيصل ونزلوا كلهم "
.
.
.
"عند البنات"
ام فيصل تناظر بنتها وهي جايه : ياعساه فيني ولافيك
ام فواز: لاالحمدالله وجهها منور
اديم تبتسم: فعدوينك يمه ..
ام فيصل : شخبارك تحسين نفسك احسن
اديم: الحمدالله أي احسن
منار: لاكان قمتي
اديم تبتسم : حرام عليك ترى لساتني ماشبعت
غزل: فخاره نوم حشا انتي وخواتك
اديم: ترى تونا واصلين امس
غزل ومنار ضحكوا على اساس استحوا : زين زين
اديم: يلا قوموا نلبس ياللله ياني مشتهيه اشم ريحه الكوفي وافطر
غزل: راح وقت الفطور اقعدوا لي ناموا للظهر وتبون فطور
اديم تبتسم: لاتهزئين وبعدين حنا وش بناكل كورسان وكوفي يلا قوموا تراي جوعانه
منار: يلا البسي انا بس بلبس الاوفر كوت حقي والحجاب هذا هو معلق
اديم لغزل: يلا
ام فواز: قومي البنات يروحون معكم
اديم: مانتم رايحين
منار: لاياحليلك حنا نزلنا وفطرنا وخلصنا
اديم: خونه انتم
غزل تضحك: يلا طيب قومي
"قاموا غزل ومنار و اديم يلبسون ويصحون البنات وصايف طبعا قامت قبل جنى وقالت بتاخذ دشها و بتلحقهم .. هم لبسوا ونزلوا وكانوا بقمة روقانهم وصاروا يمشون لهارودز مشي يتنفسون هالهواء الي يهب "
اديم: يااااااه حياه هنا
غزل: من ناحية حياه حياه
اديم: والله الهوى لحال يكفي تحسينه يتغلغل كل جزء من جسمك المريض يصحى
منار: انا اشهد والله
اديم: ياحياتي سهوره مادري اذا بتجي ولالا
غزل: اووه خليني بدق عليها
اديم: يلا دقي
"دقوا عليها وردت عليهم وكانت صاحيه قبل فتره وتنتظر منصور يصحى عشان يجيبهم "
غزل: طيب كلمي سلطان يجيك
سهر: أي والله شلون نسيت يلا يلا بدق عليه باي "وسكرت"
غزل تضحك: بتدق على سلطان يجيبها
منار: ديوم شفتي سلطان
اديم: والله مدري شفته وماشفته وقتها كنت بحاله يرثى لها كنت يالله اشوف
منار: فاتك
اديم بأستغراب: وشو اللي فاتني
غزل تضحك : هههههههه طايحه غرام مع سلطان
اديم تغمز: اوه اوه منار
منار: كلوا تبن انتي واياها
اديم: من ورانا
غزل: شفتي شلوون
منار: كلوا تبن بس الحق ينقال الولد يخقق
اديم: مافي شي جديد كل عيال عمي سلمان حلوين
غزل: وانا قلت لها
منار: بس هذا غير
اديم: ماعلي منك
منار: بلاتسسس ماشفتيه
اديم بلامبالاه: ولا ابي اشوفه
غزل: شكل الاخت شبعانه
"ضحكت منار"
منار: أي والله عندنا وعندها خير
"وقعدوا يسولفون لين وصلوا"
.
.
.
سهوووره خلي منصور يجيبك انا جالس افطر
سهر بدلع: منصور نايم والبنات بهارودز قلت لهم لايفطرون قبل لا اجي
سلطان توهق: خلاص خلاص جايك تجهزي خلك عند باب الفندق
سهر انبسطت : فديتك يلا باي
"وسكرت منه "
سلطان لازي بوزه : بدينا
"ضحكوا عليه"
فيصل: خل يشبعون منك ياخي
سلطان: ماقلنا شي انت الثاني "واشر للويتر وطلب يحط لك الكوفي في paper cup "
فواز: وبترجع هنا
سلطان: أي خلكم وغيث بعد بيجي هنا
فواز: خلاص ولايهمك
فيصل: من هذا غيث
فواز: صديق فواز اماراتي
سلطان: ماتعرفه
فيصل: ماقد التقيت فيه بس سمعت فيه مره
سلطان ابتسم: اهااا رجال ولاكل الرجاجيل والنعم فيه والله
فيصل ابتسم
"وبس وصل الكوفي حق سلطان اخذه معه وراح لاهله "
.
.
.
"بعد نص ساعه "
"كانوا البنات في هارودز يفطرون والسوالف ماخذتهم وكان معهم سلمان ونجوى مع ام محمد في الشقه .. "
"شوي ودق موبايل وصايف وكان رقم خاص ردت عليه على طول"
"وصاااااااااااااايف يالدحيييييحه يالملعوونه 91 مره وحده "
وصايف اول ماشمعت الصوت رقع قلبها وسمعت الرقم وقفت على طولها وقامت تصارخ: وليدوووه احللللللللف
وليد: هههههههههه وربي الف الف مبرووك خذي امي بتبارك لك
"وبدوايباركون لها والبنات جنبها بعد.. وصايف طارت من الفرحه يوم عرفت نسبتها بالتسعيين وعلى طول دقت على امها وابوها تبشره واخوانها والكل فرح لها وطلبت امها منها يروحون الشقه عشان يباركون لها .. وصايف حست انها طايره والبنات يضحكون عليها وماتوقعوا وصايف تجيب بالتسعيين"
وصايف تشهق: وليد بشرني ولاسألت عنه نجح مانجح
غزل: هههههه دقي دقي عليه
"رجعت دقت واول ماقال لها النسبه شهقت "
وصايف: نعم نعم انت اعلى مني وشلوووووون
وليد يضحك مبسوط: استحي بس تقارنين نفسك فيني
وصايف: تعال شلون جبتها
وليد: مالك دخل.. صحيح اني مادري كثير مثلك بس تراي عبقري
وصايف تضحك: صدق عاد كم نسبتك
وليد: وربيي انها 93 وتبين تسألين شلون جبتها بقولك مادري
وصايف تضحك: الله يسلم الغش المهم الف الف مبرووك خذ البنات بيباركون لك
"باركوا البنات لوليد على السريع وهو انبسط من فرحتهم له الي تقوله ماتوقعناها والي تقول تعال وابشر بعزك ..هو تشقق على الاخر "
.
.
.
|