07-17-2011
|
#25
|
البــارت 21
جالسة بالصالة وجمبها ام اسيل الي مندمجة مع التلفزيون...
لينة بصوت واطي:ياكرهك..
ماتدري ليه مو راضية تتقبلها...مو مرتاحة لها...
دخلت سحر الي واضح انها متضايقة...دخلت وراحت لغرفتها حتى بدون ما تسلم عليها..
لينة طالعت سحر باستغراب:شفيها ذي؟؟
قامت بتروح وراها....
طلعت ترف من الغرفة وبعد واضح انها متضايقة..
لينة باستغراب:شفيكم انتو اليوم؟؟
ترف:ايش؟؟
لينة:مدري انتي وسحر وش فيكم..كل وحدة داخلة ومادة بوزها شبر..شسالفة؟؟
ترف تاففت:ولاشي
لينة مسكت يدها:لا في..تعالي
دخلت لغرفتها وسكرت الباب...
جلست شوي تطالع غرفتها...من زمان ما شافتها..وواضح ان محد دخلها.للحين زي ما تركتها...
ترف:لينة اخلصي علي وش تبين؟؟
لينة:انتي الي شفيك...صاير شي وانتو مخبينه عني
ترف رفعت حاجبها:اهاا قصدك زي ما خبيتي عننا موضوع اسيل...لا تطمني مافي شي
لينة سكتت...ما توقعت ترف بتقول كذا...فاجاءتها باجابتها هاذي...
يعني هاذا ذنبها انها ماتبي اسيل تبعد عنهم...كذا يعاملوها بعد ما ضحكت بكل شي عشانهم...
جلست على السرير بهدووء بدون ما تكلمها..
ترف حست ان كلامها بايخ وماله داعي..وان لينة زعلت من كلامها...
جلست جمبها بهدووء orry
لينة بدون ما تطالعها:لا عادي
ترف باست خدها:والله مو قصدي بس...
لينة طالعتها:بس ايش؟؟
ترف تنهدت:معليه اتكلم بصراحة
لينة:اكيد
ترف:زياد
لينة وقفت:وش فيه بعد..لا تقولين تهاوشتو..انا من عرفتكم وانتو تتهاوشون
ترف بكت:لينه ليه تتكلمين كذا...انا ابي افتح لك قلبي وانتي تتطنزين
لينة هدت شوي:اسفة بس حتى انا اعصابي تعبانة هاليومين...قوليلي وش فيك؟؟
ترف:والله مدري من يومين مدري وش الي قلبه...كنا جالسين عادي بس بعدين جاله تلفون ومن يومها وهو مقلوب 180 درجة علي...حتى ماصار يدق علي ولما جا اليوم ما كلمني ولا حتى فكر يسلم علي
لينة حطت يدها على كتفها:وهاذا الي مضايقك
ترف هزت راسها:وموضوع اسيل بعد
لينة:كلنا مضايقنا موضوع اسيل...طيب وش دراك..يمكن عشان كذا زياد متضايق هو مو متعود على الوضع واكيد شاغل باله
ترف طالعتها ببراءة:تتوقعين؟؟
لينة ابتسمت:الا اكيد
ترف ضمتها:thank you
لينة:هههه العفو حبيبتي
********************************
الجو هادي بينهم...
كل واحد مو قادر يستوعب الي يصير...
زياد بهدوء:بنظل ساكتين كذا
اسيل وراكان التفتو له بانتباه..
زياد:ههههه وش فيكم تطالعوني كذا؟؟..انا وش قلت
اسيل ابتسمت:شفت يازياد..على اخر الزمن طلعت اختك
زياد:من جد..تو انا وراكان نتكلم نقول كاننا بفليم هندي
اسيل:هههههههه والله جد
راكان ساكت ويطالعهم مستغرب...شلون قادرين يضحكون وكل شي عندهم عادي...طيب ليه يحس نفسه انه هو الوحيد الي تازم من الموضوع...مع ان المفروض تكون اسيل...
اسيل حطت يدها على رجله:راكان..شفيك ساكت؟؟...ليكون ماتبيني اكون اختك بس
راكان انتبه:لا مو كذا...بس متفاجئ بصراحة
اسيل وزياد:من شنو؟؟
طالعو بعض وضحكو...
زياد:بدينا التواصل الروحي ها.هههههه
اسيل:اكيد مو اختك هههههه
راكان ابتسم:اسيل انتي مبسوطة اننا طلعنا اخوانك؟؟
اسيل بهدوء:بيني وبينك....(رفعت راسها)..ايه..طول عمري كنت احلم ان يكون عندي اخو ولد..(ابتسمت ورفعت اصبعها السبابة والوسطى)...بس الحين صار عندي 2
زياد:تدرين عاد...مع اني كنت ما اطيقك
اسيل خزته...
زياد ابتسم:لا مو يعني اكرهك بس احيانا اكره تصرفاتك..بس الحين لو شنو ماتسوين ما اكرهك
اسيل قرصت خدوده:ايوه عشاني بس طلعت اختك لو اني بنت عمك كان سويت علوم
زياد باستهبال:كانك تقرين افكاري
اسيل:لا والله هههههههههههه
رن جوال راكان...
طالعهم باستغراب...
زياد:راكان شفيك؟؟...مين داق عليك؟؟
راكان بهدووء:هاذا ابوي
اسكتو وهم ينتظرون راكان يرد...
راكان اخذ نفس ورد:..الوو
ابو زياد بحدة:انت وينك؟؟..اخلص انا قدام باب البيت
راكان وقف...كيف نسى انه اليوم بيملك على سحر...
راكان:طيب طيب..الحين جاي
ابو زياد:لا والله تطلعني وبعدين انت ما تجي...ترى اذا ما جيت خلال نص ساعة بمشي
راكان:يبى خلاص انا بالطريق الحين
سكر السماعة بدون ما يرد عليه....
راكان طالع السماعة وبعدين حط الجوال بجيبه...
اسيل بتردد:...وش يبي؟؟
راكان:معليه الحين لازم اروح...بجيلك بعدين اوكي
زياد:شسالفة؟؟
راكان وهو يطلع:بعدين بعدين
زياد وقف:تبيني اروح معك؟؟
راكان:لا مو لازم...مع السلامة
زياد واسيل طالعو بعض باستغراب...
اسيل:تتوقع ابوك درى
زياد:عن ايش؟؟
اسيل:عن امي
زياد:والله مدري بس حتى لو درى والله ولاهزت شعره منه
اسيل نزلت راسها:ادري
زياد حط يده على كتفها:ولا يهمك..خليه يولي مع وجهه
اسيل:هههههههه تقول كذا عن ابوك
زياد:ههههههه عاادي
********************************
طلعت من باب البيت ودقت على تركي...
تركي:هلا حبي
لينة:هلا تركي...شوف الحين انا بروح للمكتب عشان اقدم استقالتي واخذ اغراضي من هناك اوكي
تركي:يعني مصممة تتركين الشغل
لينة بهدووء:اكيد
تركي:على راحتك خلاص
لينة:اوكي باي
تركي:باي ياقلبي
لبست نظارتها وركبت السيارة..
*****************************
وقفت عند باب غرفتها...
محتارة تنزل من الدرج ولا الاصنصير...
قررت تنزل من الدرج لانها بتطول وهي تنزل...
بدت تنزل وهي تجر رجولها جر..
دق عليها عمها وبعد ما قط عليها كلام قال لها تنزل...
تاففت لما وصلت لاخر عتبة بالدرج...
وقفت قدام المراية الي عند المدخل وعدل حجابها...
قررت تغطي وجهها مالها خلق كلام زيادة من عمها...
طلعت للشارع وشافت سيارة عمها عند الباب ووراها سيارة راكان...
توجهت لسيارتهم بس صوت عمها وقفها..
ابو زياد بحدة:هيي انتي...تعالي لهنا
سحر تاففت بصوت واطي وراحت لعنده:نعم؟؟
ابو زياد:نعامة ترفسك..وين بتروحين؟؟
سحر:بروح للسيارة بعد وين يعني
ابو زياد:وتراددين يالتبن..خبل انا اخليك تروحين لحالك عشان تهربين...يلا اركبي معي اخلصي
سحر عوجت بوزها من ورا الغطى وركبت مع عمها...
*******************************
وصلت للبنك ودخلت لمكتبها..
اول ما دخلته حست شريط حياتها مر قدامها....
كل لحظة قضتها هنا وبهاذا المكتب مرت قدامها...
هنا اول مرة شافت فيها فيصل...وهنا اول مرة اعترف لها بحبه...
عاشت هنا احلا ايام عمرها...ايام مستحيل تنساها بسهولة...
انتبهت بصوت وراها...
......:وحشتيني
لينة التفتت بسرعة وهي حاطة يدها على قلبها من الخوف...
لينة بصدمة:فيصل؟؟!
فيصل ابتسم:ياعيونه
لينة طالعته بصدمة...مو مستوعبة انها تشوفه قدامها...حست لسانها انشل..ماهي قادرة تنطق ولا كلمة....
فيصل:لما دريت انك هنا ما صدقت....قلت لازم اجي بنفسي واتاكد
لينة ظلت تطالع فيه...بجد اشتاقت له ولنظراته لها...
بس لا...ما يصير يالينة...انتي الحين متزوجة..وزوجك ما يستاهل تسوين فيه كذا...
صدت عنه وبدت تشغل نفسها بتجميع اغراضها...
فيصل بهدووء:...ماوحشتك؟؟...ما اشتقتي لي؟؟
لينة تنهدت..قالت بهدووء عكس الي تحس فيه:استاذ فيصل هالكلام مايصير...انا الحين..(حست بغصة وهي تقولها)...متزوجة
فيصل رفع حاجبه:استاذ فيصل؟؟!
لينة رجعت تلهي نفسها باغراضها...
فيصل تقدم لعندها:انتي ليه تسوين كذا؟؟...تطلقي من تركي وانا مستعد اتزوجك
لينة وقفت...قالت بدون ما تطالع فيه:ومين قال لك اني ابي اتطلق من تركي...هو...هو يحبني
فيصل:بس انتي لا....انتي تدرين وانا ادري
لينة بارتباك:م....مين قال لك
فيصل وقف قدامها ومسك يدها:ماله داعي احد يقول لي...كل شي واضح
لينة سكتت وهي تطالع فيه...ما تدري كم مر وهي تطالع فيه...
انتبهت على نفسها وسحبت يدها:فيصل خلاص الي نسويه مايصير
فيصل:لينة ليه مو راضية تفهميني...انا احبك
لينة بلعت ريقها بتوتر:فيصل خلاص
خذت ملفاتها وشنطتها وتوجهت للباب...
فيصل سحبها بقووة:لا مو خلاص
لينة بضعف..ماتقدر تنكر انها للحين تنشد له:فيصل شتبي مني؟؟
فيصل:قولي انك للحين تحبيني
لينة تجمعت الدموع بعيونها:اتركني
فيصل شد على يدها:لا
لينة:فيصل تكفى
فيصل رخى يده بس ما تركها:انتي الي تكفين..لا تحبينه..حبيني انا وبس
لينة ما قدرت تستحمل ونزلت دموعها.قالت بضعف اكثر:اتركني
فيصل تركها بهدووء...
طلعت من المكتب وهي تحاول تداري الي بقى من دموعها...
مستحيل تسويها بتركي...هو ما يستاهل...كافي الي هي تسويه...كافي...
ركبت السيارة وهي تمسح دموعها..طالعت يدها الي مسكها فيصل..
كانت حمرة من كثر ما شد عليها...
باست يدها وبكت اكثر...
*****************************
طلعت وهي حابسة دموعها...
خلاص الحين هي زوجة راكان...
التفتت على راكان الي ما كان واضح على وجهه غير الصدمة...وكانه مو مستوعب انها خلاص صارت زوجته...
انتبه لي وتعلقت عيني بعينه...
توحلت ملامحه من الصدمة للبروود...برود قاتل...
انا الحين من نظرة مو متحملته...اجل كيف لو عشت معه...
كل الي اتمناه الحين انه يطلقني باسرع وقت ممكن...
سمعت صوت عمي المزعج والي ينرفز....
ابو زياد:بعد ثلاث ايام...ثلاثة لاتقل ولا تنقص.بتروحين مع راكان للرياض..فاهمة
التفت له ابي اتكلم...
ابو زياد رفع اصبعه:اوش ولا كلمة..مابي اسمع همس..الله ياخذك
ركب لسيارته وراح..
وقفت مصدومة...راح وخلاني...وكانه نسى انه هو الي وصلني لهنا...
التفت حولي وما لقيت غير راكان...
هزيت راسي بخفة وانا ارفض هالفكرة....مستحيل اركب معه..مستحيل...
ركان تافف وهو بمكانه..بجد حركة بايخة من ابوه..حتى لو كان متنرفز مو يخليها ويروح....
مستحيل اخذها..احس اني لو جلست معها بمكان واحد لوحدنا ممكن اذبحها....
سحر((يوه عاد...الحين بتشتغل عنده النذالة زي ابوه وبيذلني...ياربي..حتى جوالي ما جبته...اووف))...
راكان بتردد:....دقي على أي احد يجي ياخذك...واذا ما عندك جوال انا بعطيك
سحر طالعته بصدمة...لهاذي الدرجة ما يتحمل يجلس معها...تحمد ربها انه ماراح عنها...
سحر بهدوء:اوكي عطني الجوال
راكان رفع حاجبه....طبعا تبي تروح لحالها عشان تروح له....
راكان:تعالي معاي...بوصلك
سحر تاففت وركبت بالسيارة...بس جلست ورا...
******************************
دخلت للبيت وهي تحس بالذب...ليه تروح كان خلت تركي يسوي كل شي وتتجنب شوفة فيصل...
ماتوقعت تشوفه هناك ابد....
انتبهت بتركي الي طلع من المطبخ...
انتبهت بشكله التعبان...
لينة قربت منه وهي تحاول تبين انها عادي:تركي شفيك؟؟
تركي وهو يتنفس بصعوبة:مدري احس اني تعبان...ومو قادر اتنفس
لينة بخوف:تبي تروح للمستشفى
تركي وهو يشرب الماي:لا خلاص...الحين اصير كويس
لينة وهي تطالع يده الي ترجف:تركي شكلك تعبان..خلني اوديك المستشفى
تركي ابتسم:لا خلاص...مو لازم...احس اني صرت احسن...انتي قوليلي...وش سويتي...وشخبار اسيل الحين؟؟
لينة تنهدت:كل شي اوكي...بس امها ذي ماني طايقتها
تركي:هههههههه...تغارين منها
لينة رفعت حاجبها:لا والله...ليه اغار يعني انا ادري ان اسيل تحبني
تركي:وهاذا الي قاطع قلبك
لينة:وش قصدك؟؟
تركي:يعني انتي خايفة ان اسيل تكون تحب امها اكثر منك ويمكن تاخذها بديله منك وانتي طول عمرك كنتي متعودة انك انتي لك الاوليه بقلبهم كلهم وخصوصا اسيل
لينة:تدري شلون.معك حق...انا انانيه صح؟؟
تركي وهو يفكر:ممم يعني شوي
لينة:لا والله هههههه
تركي:هههههه والله جد
*********************************
طلعت من غرفتها ولقت امها تكلم بالجوال...
ام اسيل:أي نسرين...لا ان شاء الله ما بطول....كلون يومين وبرجع للبيروت
اسيل اختفت ابتسامتها لما سمعت امها تقول انها بترجع لبيروت بعد يومين...
بترجع وتخليها....كيف تخليها بعد ما تعودت عليها اسبوع تقريبا...
تصحى وتنام وهي معاها....والحين تبي تروح وتتركها...
مو كافي ام لينة الي راحت بعد ما تعلقت فيها....
بس هاذي غير...هاذي امها...
ام اسيل سكرت السماعة والتفتت....
ابتسمت لاسيل الي واقفة وواضح انها سرحانة....
ام اسيل ضمتها:حبيبتي بشو سرحاني؟؟
اسيل بدون ما تطالعها وبدون ماتتحرك:ماما بتروحين؟؟
ام اسيل اختفت ابتسامتها للحظة....اكيد سمعتها...
رجعت ابتسمت:أي حبيبتي...بتعرفي خالتيك نسرين...ما بقدر خليها لحالا
اسيل طالعتها:وانا تخليني لحالي؟؟
ام اسيل جلست على الكرسي بهدوء:أي بس انا مابقدر اديك معي
اسيل وهي تحبس دموعها:ليه؟؟
ام اسيل:شو نسيتي انيك مخطوبي...وزواجيك ما بقى عليه كتير
اسيل مدت بوزها:طيب انتظري لحد العرس
ام اسيل وهي تمسح على شعرها بحنان:حبيبتي مابأدر...ان شاء الله بحاول اجي لعرسيك
اسيل وقفت:تحاولين
ام اسيل وهي تشرب الشاهي:على حسب الزروف حبيبتي
اسيل راحت وهي منقهرة من برود امها...
********************************
جالس يسوق السيارة بكل هدووء...وبدون ما يطالع فيها...
او بالاحرى يتجنب انه يطالعها....
سحر جالسة بالكرسي الي ورى وهي في قمة التوتر...
من اول مادخلت السيارة وهي مو قادرة توقف هز رجلها....
هزت رجلها بقوة وصقعت رجلها بالكرسي الي قدامها...
سحر بانفعال:اااي
راكان التفت لها وواضح انه معصب..قال بصراخ..:ممكن تسكتين
سحر انقهرت منه وسكتت...يعني شنو تسوي...لاشعوريا طلعت منها الكلمة...
الجو متوتر بين الاثنين...وكل واحد مو متخيل كيف راح يقدر يتحمل الثاني لما يروحون للرياض...
*******************************
راحت للغرفة المخصصة لها بالقصر...
طلعت جوالها من الشنطة ودقت عليه...
ابو زياد بصوته الي كله هيبة:الو...
ام اسيل:اهلين سعود
ابو زياد عقد حواجبه:مين؟؟
ام اسيل:ولو ماعرفتني...
ابو زياد بطفش:لا.مين انتي؟؟
ام اسيل:انا نادين...ولا بتحب زكرك اكتر
ابو زياد طالع الرقم وهو راقع حاجبه...رجع رد:نادين؟؟
ام اسيل:أي انا
ابو زياد:وش تبين انتي؟؟
ام اسيل:ولك هيدا اسلوب بتحاكي فيه طليأتك وام بينتك
ابو زياد:والله عاد هاذا اسلوبي من يوم انخلقت عاجبك ولا ظفي وجهك
ام اسيل:بس انا متاكدي انو راح يتغير لما تعروف انو اسيل عيرفيت انك.... كمل ولا وصليت لك المعلومي
ابو زياد بنرفزة:يال..... كيف عرفت؟؟
ام اسيل:ولو شو ماوصليت اليك الاخبار....انا هون...بالشرقية
ابو زياد:عمى بعينك....وش تبين جاية
ام اسيل:ييه هلأ ليه بتسب...وبعدين شو هالسؤال الغبي....جاية مشان شوف بنتي
ابو زياد بستهزاء:بنتك....اي بنت ياروح بنتك انتي
ام اسيل:بنتي يلي حرمتني منا سنين طويلي
ابو زياد بصراخ:انتي تكذبين الكذبة وتصدقينها..مو انتي الي قلتي خذها وما ابيها
ام اسيل:انا بعترف اني إلت هيك بس وأتا كنت صغيري ومابفهم شي وهلأ حسيت على نفسي وجيت لاشوفها
ابو زياد:هههههههه والله ضحكتيني يام الاحساس...(وهو يقلدها بالكلام)...هلأ حسيت على نفسي وجيت لاشوفها....الا قولي خلصت فلوسك وجيتي تطرين مني
ام اسيل:انا ما بسمح لك
ابو زياد:ومين انتي عشان تسمحين ولا لا
ام اسيل:انا....
ابو زياد قاطعها:انتي تاكلين تبن وترجعين للبنان الحين
ام اسيل:ايه بس....
ابو زياد:بس تبين فلوس صح
ام اسيل:بتعرف انك بتعجبني بس تصير بتفهم علي
ابو زياد:ياقلبي انا دايم فاهم عليك...كم تبين؟؟
ام اسيل:أي انت كريم وانا بستاهل...ولا شو؟؟
ابو زياد بخبث:اكيد تستاهلين هههههههه
*******************************
بليل...
جالسة بالغرفة وتحس انها بتموت من الطفش...
طلعت لبرة الصالة تطالع تلفزيون...طفشت من جو الغرفة والخنقة...
طلعت وشافت اسيل جالسة تطالع التلفزيون...
جلست جمبها بكل هدووء وهي تطالع معها فلم..على(mbc 2 )...
اسيل التفتت لسحر الي جالسة بكل هدوء جمبها....
غريبة عليها العادة اذا شافتها دايم تتهاوش معها....
اسيل بهدوء:مبروك
سحر التفتت لها باستغراب:على ايش؟؟
اسيل طالعتها:زياد قال انك وراكان بتتزوجون....ليه ما قلتي لي؟؟
سحر ببرود:خلاص تزوجته
اسيل باستغراب:ايش؟؟؟....انتي وش تخربطين؟؟
سحر:اليوم رحت انا وهو وعمي وزوجنا
اسيل:كذا بدون عرس ولا شي؟؟
سحر:أي...عادي..الشكليات مو مهمة
اسيل:نعم؟؟..الشمس من وين طالعة...سحر تقول الشكليات مو مهمة
سحر وقفت بانفعال:انتو ليه دايم ماخذين عني فكرة غلط...دايما سحر السطحية الي تهتم بنفسها وبس ولو ظفر منها انكسر سوت سالفة
اسيل باستغراب:سحر شفيك؟؟...انا ماقلت شي
سحر جلست بهدوء وهي حابسة دموعها:ليه كذا؟؟...كل شي صار غير...مو مثل ما توقعته ابد
اسيل بهدوء:على الاقل تحقق حلمك...وانا مو اختك وبسافر مع امي
سحر التفتت لها:....وتفكرين اني مبسوطة...
اسيل سكتت...ماتوقعت تطلع هالكلمات من سحر...
سحر وهي تلعب باصابعها:ليه صار لنا كل هاذا...لينة تزوجت وخلتنا...وانتي بتسافرين...وترف انا وهي ما نحتك ببعض ابد
اسيل ضمتها:بس انا برجع ازوركم
سحر رفعت راسها:قلتي لمحمد انك بتسافرين
اسيل بارتباك:...اي...قلتله
سحر:وش قال؟؟
اسيل:وافق طبعا
سحر حطت راسها على كتف اسيل:الله يوفقك
اسيل سكتت وهي تمسح على شعر سحر بهدووء....
*******************************
في اليوم الثاني..
جالسة بالغرفة وتكلم بالجوال...
ابرار:اقول سامي
سامي:عيونه
ابرار ابتسمت باحراج:ممم...شنو كنت تبي تقول لي ذاك اليوم؟؟
سامي بارتباك:متى؟؟
ابرار:هاذيك المرة...وبعدين دق علي محمد
سامي بارتباك اكثر:اهاا..تذكرت...لا بس كنت بقول لك سلميلي على محمد
ابرار بهدوء:اهاا...طيب..يوصل ان شاء الله
سكتو الاثنين وكل وكان كل واحد يبي يحكي للثاني عن الي بقلبه...
كسر الصمت صوت ابرار...
ابرار:طيب انا بسكر الحين...باي
سامي بهدووء:...باي..
سكر الجوال بهدووء...
رما نفسه على السرير....
سامي وهو يطالع الجوال:غبي..ليه ماقلت لها...
تافف وهو يرمي الجوال بعيد عنه...
*******************************
جالسة بالمطبخ وتسوي الغدا....
كتب الطبخ حولها ومتناثرة بكل مكان...
اول مرة تطبخ وبتجرب على تركي...
ضحكت وهي تتخيل شكله وهو يذوق الاكل...
حااسة براحة مو طبيعية اليوم...امس بعد ماشافت فيصل...
وبعد مارجعت للبيت...قررت بدى بداية جديدة مع تركي...
لازم تخلص له هو لوحده...وتنسى فيصل...وعلى طوول...
ابتسمت وهي تسمع صوته يناديها من الصالة...
لينة:هلا عمري انا بالمطبخ
تركي دخل للمطبخ وهو مبتسم:وش جالسة تسوين بالمطبخ؟؟
استغرب وهو يشوفها تطبخ...
لينة رفعت كتوفها وهي تبتسم:اطبخ
تركي وهو يطالع بالقدر:وشو هاذا؟؟
لينة:اسمها مكرونة الفوتشيني...اكله يابانية
تركي وهو يضحك:انتي افلحي بالسعودي عشان تطبخين ياباني
لينة ضربته من كتفه:ها هاها..سخييف
تركي رفع حاجبه:افا...انا سخيف
لينة ابتسمت:بس احبك
تركي رد لها الابتسامة:وانا احبك اكثر
لينة عضت على شفايفها بخجل...
لينة:طيب يلا روح عشان اخلص بسرعة
تركي رفع حاجبه:متاكدة انك تبيني اروح؟؟
لينة وهي تدفه:أي..يلا روح
تركي وهو يتوجه للباب:اوكي..انا بروح الحين...بس تذكري..(قال بهدوء وهو يحرك شفايفه ببطئ)...انتي الخسرانة
لينة التفتت حولها تدور شي تضربه فيه بس مالقت...
رفعت الملعقة الي بيدها...
لينه:تركي لو ما رحت الحين بت.....
تركي وهي يرفع يده:خلاص خلاص بروح
لينة ضحكت لما راح:ياحبي لك
تركي:ترى سمعتك
لينة بصراخ:تركي
*********************************
سحر جالسة مع اسيل الي جالسة سرحانة وهي تعزف بالقيتار بهدووء...
سحر وهي مندمجة مع العزف:عزفك حلو تدرين
اسيل ابتسمت...سحر تغيرت كثير عن اول...بس لسى غرورها الي تكرهه فيها موجود وماتظن انه بيجي اليوم الي بيروح فيه...
اسيل:مشكورة
سحر:لينة كانت تقول لي ان صوتك حلو
اسيل وقفت عزف:تبين اغني لك؟؟
سحر عدلت جلستها:ياليت
اسيل:طيب وش تبين؟؟
سحر وهي تفكر:ممم..مدري على كيفك
اسيل:طيب بغني لك اغنية لاصالة لني ادري انك تحبينها
سحر:اوكي
اسيل بدت تعزف وتغني على الحان القيتار...
اسلي نفسي والدنيا تسلي نفسها فيني
اجاري الوقت لو عانا الاول ما يجاريني
تعلمت اني اسامح واعدي زلة الايام
تعلمت ارضى بالواقع ولا اتبع سنى الاحلام
ولا اتمنى ولا استنى ولا ودي عني
اسلي نفسي والدنيا تسلي نفسها فيني
لما جا هالمقطع..سحر ما قدرت تمسك نفسها بدت تبكي لانها ببساطة تذكرت قد ايش كانت غبية لما حبت وليد...وصدقته بكل كلمة قالها...والحين هي تدفع ثمن تهورها وغبائها...
انا حبيت بس مرة وخان الحب ظني فيه
وقلبي انكسر مرة ولين اليوم اجمع فيه
وتبت وتاب احساسي وصرت اقسى من القاسي
وهاذا الي يخليني اسلي نفسي والدنيا تسلي نفسها فيني
اسيل وقفت عزف اول ما انتبهت بسحر الي تبكي..
اسيل بخوف:سحر شفيك؟؟
سحر قامت من الكرسي وراحت لغرفتها....
اسيل:سحر...سحر شفيك؟؟
قامت وراحت وراها للغرفة...
طقت الباب بهدووء...
اسيل:سحر..سحر افتحي الباب...قولي لي وش فيك؟؟
سحر بصوت مخنوق:خلاص روحي....مافيني شي
اسيل:طيب افتحي الباب
سحر بصراخ من بين دموعها:قلت لك روحي
اسيل تركت قبضة الباب...قررت تخليها على راحتها وبعدين تفهم منها كل شي...
********************************
جالس على الكرسي ورافع حاجبه باستغراب...
ماهو عارف وش قدامه بالضبط...
تركي وهو يطالع لينة:الحين هاذا الي ياكلونه اليابانين؟؟
لينة وهي تكتم ضحكتها من ملامح تركي:ايه انا سويت نفس الي مكتوب بالكتاب...بس...باكتاب كان شكله غير...مدري ليه طلع معي كذا
تركي وهو للحين يطالع الشي الغريب الي قدامه:الله يكرم النعمة...اقول لينة
لينة:نعم
تركي:وش رايك بالبيتزا احسن
لينة وهي تطالع المكرونة الي شكلها يسد النفس:ايه...احسن
*********************************
باليل..
طلعت من الحمام ووقفت قدام المراية تنشف شعرها...
تركي طلع للشغل وهي جالسة لوحدها...
طفشت من كثر ماهي جالسة بالبيت...على الاقل اول كانت تشتغل وتضيع وقت....
بس الحين ما عندها شي يشغلها...
طالعت السرير...الحبوب تحته...لو انها ما تاخذها...كان ممكن الحين تكون حامل وتنشغل بالبيبي والتجهيزات حق اغراضه...
لينة:تركي ما يستاهل اسوي فيه كذا...انا لازم اقطع الحبوب...عشانه وعشان نفسي...لمتى بظل كذا...عايشة على ذكراه..لين متى يعني...كيف بقدر اعيش بدون طفل..يملي علي حياتي...
انتبهت بصوت الجرس...
لينة ببتسامة:اكيد تركي
بدلت ملابسها بسرعة ونزلت...
فتحت الباب...بس اول ما شافته اختفت ابتسامتها...
لينة بهدووء:...فيصل...
فيصل:وحشتيني...كيفك؟؟
لينة خذت نفس:شتبي؟؟
فيصل وهو ياشر على نفسه:انا؟؟....تساليني انا وش ابي
لينة تجمعت الدموع بعيونها:فيصل تكفى...انا متزوجة الحين والي بينا خلاص انتهى
فيصل:لا ما انتهى انتي كيف تقولين كذا
لينة حاولت تمنع دموعها تنزل...بس لما حست بالضعف قررت تسكر الباب...
بس فيصل مسك الباب:لينة تكفين...ادري انك متزوجة و..واكيد هو..(حس بصعوبة وهو يقولها...بس لازم يقولها عشان يحط حد لمشاعره)...يحبك....بس الاكيد انك للحين تحبيني...او حتى تفكرين فيني....صح
لينة صدت عنه:خلاص فيصل
فيصل:قوليها...واوعدك ما تشوفيني مرة ثانية
لينة حست قلبها يتقطع مع كل كلمة يقولها...(قوليها وماعاد تشوفيني مرة ثانية)....يعني خلاص....ماعاد تشوفه...كيف بتتخيل حياتها بدون فيصل...
لينة ضغطت على نفسها وهي تتكلم:اذا قلتها توعدني ما تجي لهنا مرة ثانية...ولا تتعرض لي ابد
فيصل بالم:ماراح تشوفيني مرة ثانية
لينة نزلت دموعها وقالت بضعف:...وعد؟؟
فيصل:....وعد...
لينة طالعت فيه والحب واضح بعيونها...بس ماتقدر تقولها...اذا قالتها يعني خانت تركي...وهي وعدت نفسها ما تخونه..بس هي الكلمة الوحيدة الي بتخلي فيصل يروح ويعطيها فرصة تحاول فيها تحب تركي...
لينة ببرود عكس الي فيها...وعكس الي وصل لفيصل(قالت بهمس):...ا..حبك...جد احبك
فيصل تنهد:وانا بعد...(باس جبينها)...الله يحفظك...وتعيشين حياتك مع تركي
لينة بكت...
رفعت راسها...تبي تشوفه لاخر مرة...بس خلااص...رااح بدون ما تشوفه...راح وراحت معه احلا ايام عمرها...
بريحك مني خلاص واغيب عن عينك
مادام هاذي رغبتك لازم احققها
وبطلبك اخر طلب الله لا يهينك
قلي احبك حبيبي بخاطري اسمعها
واخر طلب...اذكر لقانا كيف غير لك موازينك
هالحظة تكفي على الاقل ابيك تذكرها
ليلتها كانت شمعة تضوي بيني وبينك
يوم انطفت انت الهوى الي هب واخمدها
****************************************
في اليوم الثاني...
نزل من الدرج وهو يحس انه متغير اليوم...يحس ان مزاجه صاير احسن عن اليومين الي فاتو...
لازم يروح ويعتذر لها..هو بعد غلط لما صرخ عليها وسكر بوجهها...
ضحك وهو يتخيل شكلها وهي معصبه...اكيد قعدت تتوعد فيه ذاك اليوم...
وقف تفكيره ووقف كل شي فيه...وهو يشوف البنت الي قدامه...
معقولة تكون هي...لا مو معقول..الظاهر من كثر ما كان يفكر فيها الكم يوم الي راحو...صار يتخيلها قدامه بعد...
جالسة بكل دلع وهي تشربه العصير...
حطت العصير على الطاولة وابتسامتها العوب على شفايفها...
رمشت بعيونها اكثر من مرة بدلع وهي تضحك لابو زياد...
التفتت لجهة الدرج واختفت ابتسامتها لما شافت زياد واقف قدامها وهو مصدوم...
ابو زياد انتبه لنظراتهم لبعض...
ابو زياد وهو يوجه كلامه لزياد:وش فيك واقف كذا ياتجلس ولا روح
زياد وهو مانزل عينه من عليها...للحين مو مستوعب الي يشوفه:يبى انت تزوجت؟؟
ابو زياد وهو ماسك كتف بتول:ايوه وهاذي زوجتي اسمها بتول
زياد هنا حس تفكيره توقف...هي بتول نفسها..بس شلون...نفس الشكل بس مغيره شوية المكياج وقصة الشعر الجديدة والصبغة...
زياد:بتول؟؟
بتول حطت رجل على رجل:كيفك زياد؟؟
زياد كان شاكك بس لما سمع صوتها تاكد...شلون بتول تتزوج ابوه...وليه ومتى...هو ماسافر هاليومين..الا قبل ملكة لينة..
معقول تزوجها قبل الملكة...بس بتول ما قالت له الا قبل يومين...
خلاص حس ان تفكيره توقف...مو راضي يستوعب ان بتول متزوجه ابوه..
حس نفسه مخنوق ويبي يطلع...بثواني مزاجه انقلب..والسبه هي...دايم هي تكون سبب بكل مشاكله...وذنبه الوحيد انه حبها من كل قلبه...
ركب سيارته وراح بعيد عن البيت...مو عارف لوين بس اهم شي يبعد...
****************************************
من امس جالس بنفس المكان..جالس وماسك صورتها بيده...
باس الصورة بهدووء وهو يتخيلها قدامه...خلاص ماراح يقدر يشوفها...
مستحيل يخلف وعده ويروح لها..
فيصل((خلها يافيصل...خلها تعيش حياتها بعيد عنك))...
يناقض نفسه ويحاول يبرر لنفسه موقفه...هو يحبها ومايقدر يتخلى عنها...بس بعد مايبي يسبب لها مشاكل مع زوجها...
لازم يتركها ويروح لبعيد...
بس كيف بينساها...كيف؟؟!....
وشلون بصبر
وانا على البعد ما اصبر
ماعلمتني حياتي غير حبي لك
مرات اقول الجفا مكتوب ومقدر
ومرات اقول اللقا مكتوب واجيلك
من علم الناس ما تسهر وانا اسهر
من علم الناس سوى تبجي وانا ابجي لك
حبك تركني مابين اقدر وما اقدر
اجمع صباحك خطا
واغفى على هم ليلك
خافي عنك اماني العمر لا تقصر
بين احتياجي لنفسي واحتياجي لك
واخاف لا اموت في قربك ولا تشعر
واخاف لا العمر يمشي بي وانا امشي به
وشلون بصبر
وانا على البعد ما اصبر
ماعلمتني حياتي غير حبي لك
مرات اقول الجفا مكتوب ومقدر
ومرات اقول اللقا مكتوب واجيلك
***********************************************
ضامة رجلينها لنفسها وتبكي....من امس وهي على هالحال..
من يوم ماراح...حتى تركي..من امس ما جا... رفعت الحبوب الي بيدها وراحت للحمام...
ناظرت بنفسها بالمراية ورمت الحبوب بالبالوعة...
شغلت الماي وبدت تغسل وجهها...نزلت دموعها وهي تغسل وجهها....
اختلطت دموعها مع موية المغسلة...
هدت وسكرت الماي لما سمعت باب الغرفة يفتح...
طلعت من الحمام وهي تحاول توقف دموعها..
ابتسمت بهدووء:تركي...وين كنت؟؟
تركي قرب منها ومسك راسها:شفيك تبكين؟؟
لينة رمت نفسها بحضنه وبكت:...تركي...سامحني..سامحني تركي
تركي وهو مستغرب:شفيك؟؟
رفعت راسها بهدووء:طلقني
****************************************
جالسة بالغرفة وترمي اغراضها بالشنطة...
ترمي وبس ماتدري وش اخذت وشنو خلت...
مو مهم..ماعاد شي يهمها خلااص...
تحس بضيقة كل ماتتذكر انها اليوم بتروح للرياض...
هي مو اول مرة تروح هناك...ودايم تنبسط لما تروح..بس هالمرة غير..
بتروح وهي زوجة لراكان..وبتسكن معه ببيت واحد...
والله وحدة العالم وش بيسوي فيها...هاذا اذا ما ذبحها بالطريق...
راكان واحد ما ينضمن يتغير بين يوم وليلة...
ندمت على كل لحظة فكرت تكلم فيها واحد..او تخليه يشوفها...
ندمت على لحظات التهور الي عاشتها بحياتها..بسنو فادها كل هاذا...
ببساطة..(ولا شي)...ولاشي...
تنهدت ورجعت تكمل لم اغراضها...ثلاث شناط وللحين ما خلصت...
لهدرجة هي تشتري واجد؟؟...حتى انها تشوف عندها ملابس اول مرة تشوفهم وللحين عليهم السعر...
*********************************************
تركي بصدمة:انتي وش تقولين
لينة بعدت عنه وهي تبكي:تركي انا ما استاهلك...انا وحدة خاينة تعرف يعني ايش خاينة....تزوجتك وانا احب غيرك...مرت شهور من زواجنا وانا للحين افكر فيه...حتى لما رحت للشغل اقدم استقالتي شفته...وامس جا للبيت...تركي انت انسان بمعنى الكلمة وانا ما استاهلك
تركي واقف مصدوم من الي يسمعه....معقول الي تقوله جد؟؟..ولا تمزح...
لينة بصراخ:لا تناظرني كذا...سو أي شي...اضربني...طلقني ان شاء الله تذبحني...بس لا تظل واقف كذا بمكانك...تدري شلون اذبحني..اذبحني وفكني من العذاب والتناقض الي انا عايشة فيه
تركي بهدوء:انا مستحيل اصدق هالكلام
لينة زاد صارخها:انت شنو؟؟...ليه ما تحس...اقولك احب غيرك تقولي ما اصدق...انت شنو تحسبني...ملااك...ما اغلط...
تركي:انتي مو ملاك...واكيد بتغلطين..بس الله يسامح...ليه انا ما اسامح
لينة:ببساطة؟؟
تركي:لينه انتي للحين مو مستوعبه انا قد ايش احبك
لينة بكت:تركي صدقني انا اسوي كذا عشانك..ما ابي اظلمك
تركي قرب منها وابتسم:وتبيني اصدق ان وحدة مثلك تبدي غيرها على نفسها..وحدة صايفة وشفافة مثلك تسوي كذا..لا...انا متاكد انك وقفتيه عند حده
لينة:تركي ليه مو راضي تفهمني...انا للحين احس اني اتشد له
تركي:بس ما تحبينه...شي طبيعي كل ماتشوفينه تحسين بمشاعر اتجاهه...لو جد تحبينه..اجل ليه ما طلبتي الطلاق من اول يوم..ليه مستمرة معي للحين
لينة ناظرت بعيونه الي مو مبين فيها أي شي..مجرد بروود..برود وبس...
لينة رمت نفسها بحضنه وبكت:تركي تكفى...خلني احبك..خلني اكرهه...ابي انساه...ابي اعيش معك وبس...انت وبس
تركي مسح على شعرها بهدووء وباس جبينها:وانا احبك
حاولت اقسى حاولت انسى
حاولت اصبر شوي..
انا والله قبل ما اقسى
قسى قلبي علي..
لنا قلبي من غلاهم
صف ضدي مو معاهم
وعلى ايدك ابي انسى
ابس انسى هواهم..
لا ليلي ليل ولابي حيل
يتحمل خطاهم..
قضى عمري عذاب وويل
عجزت اكسب رضاهم..
من كثر ما اشتاق اليهم
ضاع قلبي بين اديهم
وعلى ايديك تعلمني
ابي اتغير عليهم..
انا ذنبي بهالدنيا
ان قلبي شراهم
ولنا القلب على النية
ولا لحظة نساهم..
وعلى ايدك تنسيني
ابي انسى هواهم..
**********************************************
جالس جمبه بالسيارة وهو مو مستوعب...
سامي بصدمة:انت وش تقول؟؟...بتول؟؟!.
زياد وهو يضرب يدينه ببعض:شفت شلون..هال.... قدرت تضحك على ابوي وتخليه يتزوجها...لا والي قاهرني انها جالسة وعادي ولا كانها سوت شي
سامي:انت ليه مقهور هي لا اول وحدة ولا اخر وحدة يتزوجا ابوك
زياد:بس هي غير...انت ترعف هي شنو سوت فيني..وفيك بعد..وفكل الي اعرفهم..ولا تنسى هي وش كانت بالنسبة لي
سامي:قلت كانت..واذا قصدك على الي سوته فيك خلااص شنو بيدك يعني
زياد:لا ياحبيبي بيدي كثير
سامي:وش ناوي تسوي؟؟
زياد:بعدين تعرف بس الحين لازم ارجع للبيت ولا كانه شي صاير
سامي:الله يستر منك بس
**************************************
طلعت الشغالة من الغرفة بعد ماخذت اخر شنطة عشان توديها للسيارة...
لبست عبايتها ووقفت عند الباب....تبي تشوف غرتها لاخر مرة..
تحس انها ماراح تشوفها مرة ثانية...
نزلت من الدرج وشافت سيارة راكان عند الباب...وهو واقف عند السيارة ومتسند على الباب وواضح انه سرحان...
سحر تنحنحت عشان ينتبه لها...
راكان انتبه وتغيرت ملامحه لما شافها...حس انه مو طايقها...
راكان بعصبية:هي انتي..غطي وجهك تفكرين ما وراك احد لا اصحي يا بابا الحين انتي متزوجة وفي من يحكمك
سحر غطت وجهها وهي تتافف...يالله خير...من اولها وهو يهزء فيها..اجل لو راحت معه للرياض وش بيسوي فيها..
راكان:وبعدين وش هالشناط ذي كلها...شدعوة كل ذي ملابس...انا قلت للشغالين يرجعون الشنط...وخليت وحدة بس
سحر فتحت عيونها على وسعهم:ليه؟؟
راكان رفع حاجبه:تقولين لي ليه....انتي تقولين لي ليه؟؟...بكيفي.انا اسوي الي ابيه..وانتي ولا كلمة فاهمة
سحر غضت على شفايفها بقهر..
سحر بصوت واطي:على الاقل ان شاء الله يكون خلى شنطة الملابس الجديدة
راكان:بلا خرابيط واركبي بسرعة..الشمس ذبحتني
سحر:دوم ان شاء الله
راكان:وش قلتي؟؟
سحر بحدة:قلت بركب الحين
راكان ابتسم ابتسامة خفيه....يحب يشوفها معصبة...
*******************************************
جالسة بالسيارة وتحس بتوتر...
من يوم ما كلمها بالجوال وهي مو متطمنه لصوته...
واضح انه عرف انها تبي تسافر مع امها...واكيد مو راضي...
بس ماراح تطلع من المطلعم الا لما تقنعه بالسفر...
وصلت للمطعم ودقت عليه...
اسيل:هلا محمد...انت وينك؟؟...انا عند الباب
محمد:اوكي الحين بجي لك
سكرت الخط وهي تطالع يدينها الي ترتجف....
راحت مع محمد للطاولة...
محمد:وش تشربين؟؟
اسيل بهدوء وارتباك:ماي
محمد:موية بس؟؟
اسيل هزت راسها:ايه
محمد:اوكي على راحتك
طلب من الويتر....اخذ طلبهم وراح...
بعد ما جا الويتر وقدم طلبهم..
محمد ابتسم للويتر:thank you
سكر الويتر البارتيشن....
محمد:ممكن تفهميني وش سالفة السفر؟؟
اسيل بلعت ريقها:ايه وش فيها....ابي اسافر مع امي
محمد:تسافرين مع امك...طيب وانا؟؟
اسيل:محمد ليه تظن اني لو سافرت بغيب عنك...طيب انا عندي فكرة...ليه ما تجي معي...ونتزوج هناك
محمد:شلون اسافر...انتي واقعية للي تقولينه...وشغلي...وامي..ومستقبلي الي بانيه هنا...اخلي كل هاذا واسافر بكل بساطة
اسيل:نسافر سوى ونبدي حياتنا وشغلنا هناك من جديد..واذا على امك...عادي..ناخذها معانا
محمد:اسيل ما اقدر...انتي خلاص بعد كم شهر بتصيرين زوجتي يعني ماله داعي نسافر...انا مو موافق
اسيل:محمد هاذي امي...افهمني
محمد:وانا حبيبك وخطيبك..وبصير زوجك
اسيل:محمد لا تخيرني
محمد:وانا اخيرك الحين..يا انا ياهي
اسيل سكتت..هاذا كيف يخيرها بينه وبين امها...امها الي طول عمرها كانت تحلم تشوفها ولما شافتها وحست انها بتفقدها..وعندها فرصة تكون معها طول العمر...
يجي بكل بساطة ويخيرها بينها وبينه...هو الي حبها وحبته...هو الوحيد الي قدر يطلعها من حالتها الي كانت فيها...
كيف يخيرها بينه وبين امها...كيف؟؟
اسيل حاولتتحبس دموعها قدما تقدر...
وقفت وتطالعت فيه:محمد..ثاني مرة اقول لك...تكفى لاتخيرني
محمد:ادري انه قرار صعب..بس ما اقدر...يا انا ياهي
اسيل رفعت راسها وهي تحاول ما تخلي دموعها تنزل...
فسخت الخاتم بكل هدووء:سامحني...بس الحب يتعوض اما الام لا
تركته وطلعت...
محمد ظل بمكانه مو مستوعب..رفع الخاتم بهدووء...
يعني خلااص...هاذي نهاية حبه لاسيل...
**********************************************
...نهاية البارت...
|
|
|
|
|