بزعلك.. لين الزعل فيك يشتد
واجي اعتذر منك واقبل اياديك

محتاجلك.. يالهفة الشوق والوجد
تسكن تفاصيل الهوى روح مغليك

محتاجلك.... ماهمني يالغلا حد
يشدني ليتك.. شعورٍ لجى فيك

محتاجلك.. والحال و القلب يشهد
محدٍ سكن قلبي ولاحدٍ يضاهيك

محتاجلك.. لاتكثر اللوم والصد
تذبل عروقي لاتوارت طواريك

ولوجاك حاسد من علومه توكد
حسك تصدق كل عاذل يحاكيك

حبك معي مايعرف الجزر والمد
وموج حبي.. جا معانق شواطيك

محتاجلك.. يا ناحل الخصر والقد
محتاجلك ياروح روحي..اموت فيك

رااامز