منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-27-2011

في غرفة عبدالرحمن ...........

عبدالرحمن : مشتاق لك
وعد : وأنا بعد
عبدالرحمن : حبيبتي بشوفك
وعد : لا
عبدالرحمن : ليه
وعد : أخاف احد يشوفنا
عبدالرحمن : لا هذي عادي بعد بكره بيكون عندنا عشاء بالمزرعة
وعد : والله وش المناسبة
عبدالرحمن : بسم الله عليك مريضه منتي عارفه
وعد : عارفه شنو
عبدالرحمن : ليه مو أمي كلمتك وقالت لك عن العشاء
وعد : لا أبدا متى صار
عبدالرحمن : أمس وأنا كنت موجود سمر وش فيك
وعد (ضربت جبينها وعضت شفتها) : هاه لا أبدا
عبدالرحمن : لا أبدا ولا تتذكرين
وعد : نسيت مو أنت تنسي الواحد حتى اسمه
عبدالرحمن : هههههههههههههههه يا بعد قلبي المهم إن بعد بكره بشوفك في مزرعتنا لما يكون الكل مشغول في العشاء حاولي تنسحبين وأشوفك
وعد : لا لا
عبدالرحمن : ليه
وعد : صعب
عبدالرحمن : لا صعب ولا شيء
وعد (خافت) : وإذا سألوا عني أكيد بيفقدوني
عبدالرحمن : قولي ضعت مو المزرعة ما شاء الله كبيره بس أشوفك
وعد : لا حمني مستحيل (في نفسها) يا ويل حالي وش الورطة هذي
عبدالرحمن : ليه صار لنا تقريبا 3 شهور مع بعض منتي واثقة فيني
وعد : إلا
عبدالرحمن : ما تحبيني
وعد : احبك والله بس وش بيقولون أهلي وبعدين هذا عشاء والكل بيلاحظ وأمي ما توافق ابعد عنها
عبدالرحمن : يعني ما اقدر أشوفك
وعد : لا عبدالرحمن لا تحاول تشوفني ترى ازعل منك واقطع علاقتي فيك نهائي
عبدالرحمن : لا لا خلاص
وعد : توعدني
عبدالرحمن : أحاول
وعد (بدلع) : حمني
عبدالرحمن(أبتسم بخبث) : يا عيونه خلاص
وعد : فديت عيونك
عبدالرحمن : حبيبتي ثواني بس بشوف الباب يدق
وعد : اوكيه
عبدالرحمن(نزل الجوال ) : ادخل (رمي الجوال يوم أنفتح الباب) ضاااااااااااااااااري
ضاري(يفتح أيديه ويبتسم) : يا قلب ضاري
عبدالرحمن(يضمه) : هلا والله اشتقت لك
ضاري : وأنا بعد أخبارك
عبدالرحمن(يبعد عنه شوي) : تمام متى وصلت
ضاري : توني وصلت
عبدالرحمن : من جابك مو على أساس وصولك بكره
ضاري : هههههههههه أخذت تاكسي من المطار وجيت
عبدالرحمن : يعني محد يعرف أنك هنا
ضاري : لا أول ما وصلت ما شفت أحد وجيتك لأني شفت سيارتك برى
عبدالرحمن : تعال نسوي لهم مفاجئه بس لحظه بسكر الجوال من صاحبي (رفع الجوال) ألو أكلمك بعدين انشغلت ... اوكيه باي
ضاري(غمز) : شباب
عبدالرحمن : ههههههههه ما عليك مني تعال نشوفهم
ضاري : تعرف وين أهم
عبدالرحمن : أيه بالحديقة الخلفية جالسين يا ربي الكل بيفرح
ضاري : طيب
عبدالرحمن : بس بدخل قبلك لا تدخل أول أخاف يصير في أمي شيء لا سمح الله
ضاري : بسم الله عليها اوكيه

نزل عبدالرحمن وضاري ووقف عند الباب الخلفي للحديقة كانوا دائم يجلسون في الحديقة لأن الجو حلو كثير بعد صلاة العشاء لين الليل تقريبا

عبدالرحمن : متجمعين على الخير
الكل : وياك
عبدالرحمن (يجلس قريب من أمه) : يمه ضاري يسلم عليك
الأم : كلمك متى يرد
عبدالرحمن(سوى نفسه حزين) : إيه بس قال ما يقدر يرجع
سيف : تكذب
عبدالرحمن : أبو سلطان شنو اكذب والله قالي
الأب : متى كلمك أنا كلمته اليوم الصبح ما قال لي وقال بكره المغرب موجود
عبدالرحمن : مدري شنو صار مشاكل بشهادته مدري مع الجامعة
الأب : والعشاء
الام : العشاء ما يهمني المهم شوفوا ليه ما رجع أنا ما صدقت يرجع (دمعت عيونها)
عبدالرحمن(يقرب منها) : أم سيف وش فيك خلني ضاري يولي أنا موجود
الام(ضربته بكتفه بعصبيه) : أستح وش يولي هذا الغالي
عبدالرحمن : لا ترى أغار
بشاير : أجلس بس أحنا اللي نغار منك
عبدالرحمن : ليه
سيف : منت آخر العنقود وكل الدلال لك مو مثلنا أيام صعبه لو ضاري كان هنا كان قال لك كيف أبوي كان عصبي ويعاملنا
ضاري(يقرب) : وأنتي صادق
الكل : ضاااااااااااااااااااااااااااااااري
ضاري(ما همه احد قرب لامه وباس رأسها) : يمه
الأم : رجعت(وضمته) هلا نورت الرياض
ضاري(يبوس رأسها) : هلا يالغاليه
الأم (بكت) : أنت بخير يمه
ضاري(أبتسم) : بخير شوفيني قدامك
الأم(تبوس جبينه) : الله لا يحرمني من هالزول يارب
الأب : خلينا نسلم عليه تراه ولدنا
ضاري(يقرب من أبوه ويسلم وباس رأسه) : كيفك يبه
الأب : بخير

وسلم ضاري على أخته بشاير وأخوه سيف محد كان موجود غيرهم الكل راح قبل يجي ضاري البيت

ضاري : وين الباقي حمني مو تقول هنا الكل
عبدالرحمن : قبل اصعد كان الكل هنا
الأم(تمسك يده) : تعال جنبي كانت أختك سحر هنا وعيال سيف بس بكره مدارس عيسى وصلهم البيت مع أهله
ضاري : كنت أبي أشوف الكل
سيف : بكره الأربعاء وبتمل منهم بعد المدرسة الكل هنا
الأم : والخميس بنكون في المزرعة عشان عشاء
ضاري : إيه أبوي قال لي
سيف : متى وصلت
ضاري : قبل ربع ساعة ما شفت أحد وصعدت لغرفتي و انتبهت لغرفة عبدالرحمن ولما سلمت عليه قال أنكم هنا
الأب : مو قلت بكره طيارتك
ضاري : إلا بس من كثر شوقي لكم وللرياض والرجوع كنت معطي مكتب السفريات خبر إذا أحد في مكان شاغل يقولون لي وحصلت بس بالسياحة مو الدرجة الأولى وقلت راضي المهم أرجع
بشاير : زمان يا ضاري شكلك ضعفان كثير ما تأكل
ضاري : لا آكل
الأم (تلمس يده) : لا والله ما تأكل خلاص بأكلك كل يوم لين أسلمك لها
ضاري : لها من
الأم(ابتسمت) : عروسك
عبدالرحمن(حس بنغزه بقلبه فهم أمه من تقصد) : ....................
الأب : يا حرمه الولد توه جاء لا تجلطينه بسيرة العرس
الكل : هههههههههههههههههههههههههه
ضاري : يمه خليني آخذ نفس وبعدين مالي في الزواج وسوالفه برتاح
الأم(غمزت له) : بترتاح معها
بشاير : ههههههههههههه ضاري الوالدة صار لها يومين مالها سيره غير زواجك
ضاري : بتزوج إن شاء الله بس مو أول ما أوصل أنصدم هههههههههههههههه
الكل : ههههههههههههههههههههههههه
عبدالرحمن(يبي يغير السالفة) : يمه بدل ما تقولين له عن العرس اسأليه تعشى ولا لا
الأم : يوووه والله نسيت أكيد ما أكلت شيء
ضاري : لا يمه وجوعان
الأم(توقف) : يخسى الجوع وأنا أمك
ضاري : وين يمه
الأم : بروح أسوي لك عشاء
سيف : يمه قولي للخدامات
الأم : لا والله أنا أسويه له
ضاري : يمه لا تتعبين نفسك أي شيء عادي
الأم : لا شف كيف ضعفان خلوني بس يالله
الأب : خلوها أمك فرحانة فيك
ضاري(يوقف) : طيب بروح معها
سيف(يغمز له) : مو لله عشان احم أحم
ضاري : اسكت بس بروح أشوف أذا أقدر عليها وتطلع الفكرة ولا لا
الأب : لا تحاول ههههههههههه
ضاري : بتمسكن عندها وتحن علي وأنا وجه عرس وزواج
عبدالرحمن : روح الله يوفقك بس هذا وجهي إن قدرت
الكل : هههههههههههههههههههههههههههههه
ضاري(يدخل المطبخ ) : يمه
الأم : لبيه (لفت للخدامة) عطيني الدجاجة
ضاري : لا يمه دجاجه دسمه بأكل شيء خفيف
الأم : أسكت بس وخلني أسوي لك كبسه
ضاري : لا لا وش كبسه والله ثقيلة
الأم : شف جسمك كيف صاير
ضاري(يطالع لنفسه) : يمه هذي رشاقة
الأم : رشاقة للبنات تذكرني بهاجر وفجر وود كل ما قلت شيء يقولن رشاقة
ضاري : طيب ما أبي كبسه
الأم : خلاص بسوي لك معكرونيه ودجاج وش قلت
ضاري : موافق ( وبعد صمت قصير) يمه
الأم : هلا
ضاري : بخصوص العرس
الأم : وش فيه
ضاري : ما أبي أعرس بالوقت الحالي
الأم : ليه وصلت 30 سنه واللي كبرك عنده عيال في المدرسة
ضاري : طيب توني واصل ما صار لي 24 ساعة
الأم : ما قلت خذ القرار ألحين شوف أجل الموضوع الصبح نتكلم فيه وش قلت
ضاري : بس
الأم : الصبح أكلمك عنها
ضاري : عنها
الأم (غمزت له) : العروس والحين اطلع لا تشغلني بخلص
ضاري (باس رأسها) : حاضر

كانت الفرحة ما توصف في بيت أبو سيف برجوع ضاري ولده الثاني من زوجته المتوفيه السهره كانت لوقت متأخر لين أجبر الأب الكل ينام عشان الشركة

****************************************

اليوم الثاني .......

في بيت سمر ...

الهدوء سيد المكان الكل على الطاولة جالسين بس محد له نفس يفطر كلن يفكر في فيصل والأم أمس اضطرت تنام مع عهد في الغرفة وما ارتاحت كانت عهد كثير تصحى وتبكي وتسال عن فيصل وتقول لو صار له شيء بموت وتهديها لين تنام

الأب : لا حول ولا قوة إلا بالله بيجلطني هالولد (بعصبيه) ليه مسكر جواله الحمار
إبراهيم : يبه أهدى
الأب(يرمي الملعقة بالصحن) : وأهو يخلي فيني أعصاب .. وسالم وينه الثاني
سلمى : عمي سالم ما نام في البيت طلع يدوره
الأب : وين يدوره
إبراهيم : بيلقاه
سالم(يدخل) : لقيته يبه تطمن
الأب (يوقف) : والله وينه
سالم(يجلس) : اجلس يبه فيصل سافر لمكة
ابراهيم : مكه
الأب (يجلس) : اهو اتصل عليك
سالم(يصب له ماء) : لا
أبراهيم : اجل كيف عرفت
سالم : اضطريت أقول لفهد عشان يتصرف عمم على سيارة فيصل وجاه اتصال إن السيارة في المطار طلعت مع فهد للمطار وسأل شاف أنه سافر أمس جده
الأب : الحمد لله المهم انه بخير
إبراهيم : جده أكيد بالحرم (لف لأبوه) هاه ارتحت
الأب : شوي بس الحمد لله
إبراهيم : بتروح المعرض ولا لا
الأب : لا اليوم ما راح أروح
إبراهيم(يوقف) : اجل مع السلامة
الكل : مع السلامة
الأب : سالم روح طمن أمك عليه عشان تطمن زوجته
سالم : حاضر (وقف) إلا سمر وين
سلمى : بالكلية
سالم : غريبة قلت ما تروح اليوم
الأب : عندها اختبار مهم الله يوفقها
سالم : أمين بس أمي وين فوق ولا عند عهد
سلمى : لا عند عهد
سالم : حاضر
سلمى : عمي تبي تأكل ولا اطلب يشيلون الأكل
الأب(يوقف) : لا بروح اطمن أبوي عن فيصل وأصعد لغرفتي أرتاح
سلمى : جدي عرف
الأب : أيه عرف اليوم الفجر
سلمى : خير (نادت الخدامات يشيلن الأكل وشافت سالم راجع) سالم تبي فطور
سالم : لا تسلمين بروح أنام تعبان من البارح ما نمت
سلمى : يعني مو راح الشركة
سالم : لا طلبت من أبو عمر يعذرني اليوم وما قصر يالله مع السلامة
سلمى : مع السلامة (فجأه حست بوجع يشتد) أييييييه
سالم : بسم الله فيك شيء
سلمى (قعدت) : آآآه
سالم(يقرب ومخترع) : سلمى وش فيك
سلمى(تعض على شفاها وأيدها على بطنها) : يمااااااااه
سالم : يا ويلي سلمى وش فيك
سلمى : ناد خالتي بسرعة آآآآآه

سالم ينادى أمه بسرعة ولما وصلت للصالة قربت من سلمى

الأم : سلمى بسم الله عليك وش فيك
سلمى (تتوجع) : خاله مدري ألم في بطني
الأم : من متى
سلمى : من البارح بس آآآه زاد ألحين
الأم : توك بالسابع
سلمى(تهز رأسها) : مدري مدري بمووووووووووووووووت
الأب(طلع من غرفة الجد بعد صراخ سلمى) : علامكم
الجد(طلع ) : سلمى وش فيك
سلمى : ألم يا جدي آآآآآآآآآآآآآآه يمااااااااااااااااااااااااااااااه
سالم : يا ناس خلونا نوديها للمستشفى بدل لأسأله
الأب : يالله سلمى قومي
الأم(نادت الخدامة) : راما راما جيبي عبايه سلمى وأنا
الجد : اتصلوا على إبراهيم
الأب : لما نشوف وش يقولون بالمستشفى يالله أسندي يا ميثه سالم شغل سيارتك
سالم(متخرع) : طيب طيب يالله

طلعوا الأم والأب مع سالم وميثه ساندينها واتجهوا للمستشفى نزل سالم يجيب نقاله و الممرضات معه ساعدوها واهي تصرخ من الوجع ودخل الطبيب معها الغرفة كان الأب والأم وسالم بالخارج ودقائق وصل إبراهيم اللي ترك الشغل من سمع الخبر

أبراهيم : وش فيه
الأم : أهدي بسم الله عليك الظاهر أنها بتولد
إبراهيم : كيف تولد هي بالسابع توها
الأم : عادي في حريم يولدون بالسابع ما فيها شيء
إبراهيم : يمه وينها
الأب : داخل الدكتور له ربع ساعة يفحصها
سالم : برهوم اجلس لا يصير فيك شيء تصير أنت وحرمتك
إبراهيم : ما اقدر بدخل
الأب : وين تدخل خلنا ننتظر الدكتور يطلــ..
سالم(يقاطع أبوه) : يبه طلع
الكل قرب منه والخوف على وجيهم
أبراهيم : دكتور طمنا وش فيها زوجتي
الدكتور : حالة ولادة مبكرة ومحتاجين توقيعك عشان العملية
إبراهيم : بس هي بالسابع تو الناس
الدكتور(أبتسم) : عادي في حالة الاجنه التوأم كثير تصير حالات ولادة مبكرة
سالم (يرمش مو مصدق) : توأم (ألتفت لإبراهيم) تسمع توأم
إبراهيم : هههههههه أدري انهم توأمين بس ما قلنا لكم
الكل : ما شاء الله
الدكتور : مو توأم مدام سلمى حامل في 4 توائم
الكل : شنوووووووووو

إبراهيم ما تحمل المفاجئة وأغمى عليه وسالم والأب مسكوه

الكل : إبراااااااااااااااااااااااااهيم

(بخصوص التوأم خليتهم 4 ولا تقولون ابالغ كثير التوائم ما شاء الله وأمس شفتهم كانوا 5 ما شاء الله على قناة الوطن بسم الله عليه ^_^)

***********************************

في الكلية ..

سمر : لا ما بكمل تعبانه ما صدقت اخلص اختباري
مي : وباقي المحاضرات
سمر : مالي خلق شيء بتصل بالسائق بتطلعن ولا لا
وضحه : أنا ما أبي اطلع
سمر : ليه
وضحه : فهد في البيت ومالي خلق له وأنا أعصابي ما تتحمل خلاص
مي : للحين
وضحه : ولبكره ولبعده ولسنه يا أخي ما يحشم ولا يستحي
سمر : مو ضامن انك له مأخذ حريته
وضحه : هذا البلا ما اقدر أرد عليه ولا اعلمه العلم الصح
مي : طيب ما كلمتي أبوك
وضحه : مستحيل تعتبر عيب اكلمه بهذا الموضوع
سمر : طيب كلمي خليفه أكيد بيفهم رأيك ويكون جنبك
وضحه : خليفه ما يرد كلمة أبوي

ياصَدمتيَ
فيَ اكثرَ "احبًآبيَ"
وياخيبةَ ظنٌونيَ..
وياضيقَ صدريَ لاذكرتَ
انيَ عليهٌم .. /ماكذبتَ

مي : بصراحة وربي سخيف فهد كيف يعني مفكر بنت القرية ولا البدو مهي وجه أناقة وموضة وحلاتها ليه يفكر أنك جيكره وشينه وانك غبية ومتخلفة
سمر : الظاهر من اللي يعرفهن صدق ودي أعطيه كف على التفكير المتخلف
وضحه : وش تقولين مغرور الله لا يبلاكم بس والله مقهورة وبس انتظر اخلص اختباراتي بروح القرية وافتك من مقابلة وجهه
مي : بس كم يوم وبعدها تقابلينه على طوووووووووووول
وضحه(بعصبيه) : أنطمي
سمر ومي : هههههههههههههههههههههههههههههه
وضحه(بحزن) : أضحكن وأنا خايفه وحد حاس فيني
سمر ومي (وقفن عن الضحك) : آسفات
سمر : أسفه والله ما قصدي
مي : وضحه ليه خايفه
وضحه : فهد متحلف فيني مدري شنو يقصد يقول بس املك عليك لاطلع عيونك وتشوفين شيء عمرك ما شفتيه
سمر : يماه يخوف بس أنتي قده
وضحه : قده يوم ماني زوجته بس إذا صرت زوجته حتى لو ملكه أسكت ما اقدر أقول له حتى لو ذبحني
مي : وربي من شاف بلاوي غيره هانت بلاويه انا أفكر أن أكبر هموم الدنيا همي يوم أخذت سطام بس الظاهر هم وضحه اكبر
سمر : كلن على همه سرى بنات أنا برجع البيت تعبانه والله وهذا السائق أتصل
مي : أنا بكمل محاضرات مع وضحه
وضحه(أبتسم) : تسلمين
مي : تستاهلين
سمر(توقف) : اجل باي

طلعت وركبت قالت له يتجه للبيت وبعد فتره رن جوالها كان سالم

سمر : هلا سلوم
سالم : هلا سمسم وين أنتي
سمر : راجعه للبيت
سالم : لا تعالي للمستشفى .......
سمر(بخوف) : وش صار أبوي أمي صار فيهم شيء
سالم : لا بسم الله عليك ما صار شيء
سمر : سالم تكلم
سالم : ههههههههه لا والله ما صار شيء بس صرتي عمه
سمر : عمه من ولد
سالم : سلمى يالخبله من معرس غير إبراهيم
سمر(بفرح) : احلف وش جابت
سالم : جابت توأم
سمر : والله توأم شنو بنت ولد ولدين بنتين
سالم : جابت 3 عيال وبنت
سمر(بصدمه) : تكذب
سالم : ههههههههههههه والله تعالي شوفي إبراهيم
سمر : سلوم لا تكذب
سالم : والله ما اكذب تعالي وشوفي
سمر(تكلم السواق) : روح المستشفى .... (كملت تكلم سالم) وش فيه
سالم : هههههههههههه أغمى عليه يوم سمع
سمر : لا هههههههههههههههههه ما ألومه طيب كيف سلمى
سالم : بخير بس ما طلعوها حطوها في الملاحظة ضغطها مرتفع شوي
سمر : والمواليد
سالم : في الحضانة توهم جايبتهم في السابع
سمر : وإبراهيم
سالم : ههههههههههههه هذا النكته نقلناه لغرفه و يوم صحى قعد يقول وين و4 وأنا والله ضحكنا عليه وبكينا
سمر : بكيتوا
سالم : بكينا إبراهيم بكى من الفرح وقعد يقول الحمد لله ربي عوضني على صبري وصلى ركعتين شكر له
سمر(حست الدمعة بعيونها يوم تخيلت الموقف) : الحمد لله واااااااااي فرحانه بتصل بفيصل
سالم : فيصل وين فيصل
سمر : أيه نسيت خلاص تعال صدق من قلتوا له أبي البشارة
سالم : يا مال العافية عطيني أنا البشارة أول وبعدين قولي تبين
سمر : هههههههههههههه طيب بتذلنا
سالم : ما عاش من يذل سمسم وأنا حي
سمر : يسلم راسك
سالم : بالله باي
سمر : باي

بدأت الاتصالات وزف الخبر السعيد بولادة سلمى بتوأم 4 .. الكل فرح لسلمى وإبراهيم بالمواليد كثير بس محد زار سلمى يبون يخلونها يوم أو يومين بالملاحظة عشان ضغطها شوي ارتفع وإبراهيم فرحان كثير لدرجه أن ما يعرف شنو يسوي من الفرح وأكثر إنسان يتمنى بهذي اللحظه يكون عنده كان بمكة اتصل عليه يبشره بندر فرح كثير لإبراهيم أكثر الناس وأقرب الناس له

بندر : ههههههههههههههههه أحلف أغمى عليك
إبراهيم : أسكت من الفرحة والله طحت عليهم
الجوهره(تبتسم لما شافت فرحت بندر) : .....................
بندر: الله يهنيك طيب وش تبي تسميهم
ابراهيم : مدري عقلي مو قادر يثبت شيء ضعت هههههههههههههه
بندر: الله يخليهم لك
ابراهيم : عارف إني مضايقك وتبي تجلس مع العروس بس فرحان
بندر(يطالع الجوهره ويبتسم) : لا تحاتي أنا والعروس طلعنا نتمشى وألحين جالسين في مطعم
ابراهيم : الله يهنيكم
الجوهره(تآكل من الكيك وتشرب قهوة) : .....................
بندر(عقد حواجبه) : إبراهيم أكلمك بعدين

الجوهره رفعت نظرها لبندر اللي تغيرت نبرة صوته ولفت تطالع لوين بندر متجه ببصره وأنصدمت

إبراهيم : فيك شيء
بندر : بعدين أقول لك يالله مع السلامة
إبراهيم : مع السلامة
الجوهره (لفت لبندر بخوف) : بندر
بندر(صر على ضروسه بعصبيه) : أصصصصص ولا كلمه
الجوهره(بلعت ريقها وبخوف) : أسمعـ..
بندر(قاطعها) : لا تقولين لي ما تعرفين انه في مكة
الجوهره (شوي وتبكي يوم شافت وجه بندر يخوف) : والله ما اعرف شيء ولا أعرف أن عليان هنا
بندر(مسك يدها وضغط وكتم غيضه) : كيف أصدقك وأنتي مرسله لي بالعرس وش يمنع انه يكون بمكة وقريب من حبيبة القلب
الجوهره(تتألم من ضغطه يده) : بنـ..
بندر(قاطعها مره ثانيه) : ولا حرف هذا أهو يقرب أنكتمي
الجوهره(غمضت عيونها وسحبت اللفة عليهن ولا تبان دمعتها سمعته يقول باستهزاء ) : .................
: هلا بالمعاريس
بندر(رفع حاجبه) : لا هلا ولا مسهلا فيك يا عليان
عليان : أفا هذا وأنا ولد عم مرتك وطليقها السابق
بندر : عرفنا وش تبي
عليان : أبدا شفتكم جيت أسلم (ألتفت ورآه وأشر لأحد) وبعد في ناس يبون يسلمون على عروستنا لأن ما قدروا يحضرون العرس
الجوهره(رفعت نظرها وعقدت حواجبها لما شافت حرمتين يقربن) : ......................
عليان : لا يكون ما عرفتيهن يا الجوهره ..
الجوهره(عرفتهن وسحبت يدها من بندر ووقفت تسلم) : هلا أمينه و نجلاء كيف ما اعرفهن
أمينه(تسلم) : هلا جوجو قلت أخاف ما تعرفينا وأنا خالة زوجك أووه سوري طليقك السابق
الجوهره (باستهزاء) : لا كيف ما أعرفك بس العذر صار لي وقت ما شفتك من امممممم زواجك من 3 زوج
أمينه(صرت على ضروسها بعصبيه ورفعت حاجبها) : صح
نجلاء : ما تبين تسلمين علي ولا بتسوين عمرك مو قايله لي نتقابل هنا
الجوهره(في نفسها) : حسبي الله عليكم حسبي الله عليكم رحت فيها ألحين بندر بيصدق يارب أستر
نجلاء : وش فيك بتنكرين مو قايله لك إنا في مكه صح أمونه يوم كلمتك وباركت لك قلتي لي من جاء قلت لك أنا وأمينه وعليان وأصريتي علينا نجي نسلم عليك تقولين مشتاقة لنا كثير
أمينه : صح (لفت لبندر طالعت له من فوق لتحت) هاي أنا أمينه
بندر(رفع حاجبه وفي نفسه) : والله من الوقاحة بعد هاي (وقف) هلا يالله مشينا
الجوهره(تأخذ شنطتها) : يالله مع السلامة
الكل : مع السلامة
بندر(مسكها من كوعها وضغط بعصبيه وبهمس لها) : امشي قبل أذبحك بعد تقولين مع السلامة ما تقدرين إلا تودعينه هااااااه هين يا جويهره مشتاقه كثير
الجوهره(بلعت ريقها وعرفت اليوم ما راح يمر بسلام ودعت على عليان وأهله اللي تعرف أنهم متعمدين كل شيء) : ............

هذا حـظي من على الدنـيا وعيـت
كل ماضوي شمعه في دربي طفت

مع جميع الناس ياربـي وفــيـت
ليه بس اللي معـي بدمعــه وفـت

من عرفتك وانت تجرح ماكتفيت
دنيتي وهي دنيتـي مني اكــتفــت

عليان (يجلس على الطاولة نفسها) : ههههههههههههههههه شفتوا شكله
أمينه : بصراحة مزيون ما قلت لي
عليان(يمسك قهوة الجوهره ويتأمل الفنجان) : وهذا أنتي شفتيه
نجلاء : يا ويل حالي صدق يهبل مالت على الحظ طاحت الجوهره على مزيون
عليان(يشرب من نفس الفنجان اللي كان للجوهره) : بس مو لفترة طويلة بالنهاية ترجع لي غصبن عن بندر
نجلاء : ووووووع عليان أطلب لك قهوة وش تسوي
عليان(يتأمل الفنجان ويحركه بيده) : لا هذا طعمه غير الجوهره شاربه منه
أمينه : والله انك مجنون فيها
عليان(أبتسم) : فوق الجنون يالله نطلب

شفتي وشلون الصُدف ؟!!
كيف تجمعنا الظروف .. وكل واحد في مدينه ؟!!
وتلتقي بس الطيوف !!

عندي فكره :
أنتظر لحظة رجوعك !!
وإلا : تنتظريني أرجع ؟!!
ومنهو يقوى الأنتظار !!
دام كلٍ له هدف !!
شفتي وشلون الصُدف !!

نجلاء : طيب والفنجان
عليان : بآخذه بأي ثمن روح أجيب لنا شيء نشربه لا أحد يلمس الفنجان أذبحه
نجلاء وأمينه طالعن بعض ورفعن حواجبهن وبعدها ضحكن
أمينه : أبيه
نجلاء : من الفنجان
أمينه : بندر يالخبله
نجلاء(تبتسم بخبث) : و الجوهره
أمينه(رفعت حاجبها) : بيكون لي
نجلاء : تعجبني الواثقة
أمينه : أبي رقمه كيف
نجلاء : اممممم صعب
امينه : لا نجوله طلبتك
نجلاء : طيب لا اعرف أهله وش دخلني
أمينه : طيب خوات الجوهره
نجلاء : نعم كيف هذي تبين أتصل واطلب رقمه
أمينه : أففففففف فكري قولي بكلم الجوهره
نجلاء : بيعطني رقمها يا شاطره
أمينه : قولي مغلق عادي
نجلاء : خوات الجوهره مهن غبيات يصدقن
أمينه : طيب أمها
نجلاء : أمها
أمينه : أيه أتصلي وإذا ردت أمها اطلبي الرقم وإذا خواتها لا تردين
نجلاء : وأن قالت وش تبين فيه
أمينه : قولي ببارك لها وتلفونها مغلق
نجلاء : يمكن تقول اتصلي عليها بعدين
أمينه : يووووه عادي قولي انك مكة وتبين تسلمين لأنك خلاص مسافرة يالله نجوله قبل عليان يرجع
نجلاء : طيب بس ما أأكد لك بتعطيني

فعلا اتصلت نجلاء على أم الجوهره اللي ما حست بالراحة منها فكذبت أن الرقم مو عندها وعطتها رقم الجوهره أذا تحب فنجلاء قبلت عشان ما تشك أم الجوهره .. أمينه تضايقت كثير أنها ما حصلت على الرقم بس النجلاء قالت بتحصل قريب عليه .. عليان فعلا مجنون في الجوهره أخذ الفنجان غصب عن الجرسون اللي رفض بس عليان سكته بالفلوس ونجلاء وامينه يتحمدن الله على العقل طلعوا يتمشون بالسوق بعد ما تقهوه وعليان قال أنه بيرجع الفندق ونجلاء وأمينه كلمن طريقهن

نجلاء(تهمس لأمينه) : أقول تعتقدين أن الجوهره ماتت
أمينه(تهمس بخبث) : ما شفتي نظرت المزيون لها اعتقد بنترحم عليها
نجلاء : وهذا اللي يبيه عليان أمس ما فهمت لما قال أذا شفتيها قولي أصريتي علينا نجي نسلم عليك تقولين مشتاقة لنا كثير
امينه : عليان بيوديها ورى الشمس ما شفتي غصبنا نجي مكة بس لأنه عرف من أبوه أنها سافرت مع زوجها هنا
نجلاء وامينه : ههههههههههههههههههههههههه

في نفس المنطقه في مكه ولكن في مكان آخر فيصل ..

من امس مسكر الجوال .. من وصل وأهو جالس في الحرم يفكر في كلام عهد يفكر كيف يتصرف متضايق يبي يفرج عن نفسه خاف يتهور خاف من وسوست الشيطان اتجه لاطهر بقه في الأرض بيت الله بعدها رجع للفندق اللي حجز فيه يبي يأخذ دش ويغير ملابسه من أمس مو مغيرهن بعد ما أشترى له لبس جديد من السوق وجلس في الاستقبال فتح جواله رسائل ومكالمات كثيرة قرر يتصل على سمر لأنه يعرف هي الأقرب لعهد يبي يعرف كيفها رفع جواله واتصل وسمع صوتها اللي واضح فيه نبره عتب حزن وشوق لاخوها

دمـ ع ـي تنآثر و أتعب آلكف
{ مسحـه ..!!
من غيبـت? قمت أمسح آلدمع
{ بـ آلدمع ..!!

سمر(بلهفه) : ألو فيصل
فيصل : يا لبيه يا قلب فيصل

----------------------------------

أنتهى البارت

^_^