[ آواه ] يا كِل المشَـاعِر وش يفيّـد ..؟!
سكَـب الدمُـوع ودنيِتي مستِـديرَه ..!
وَ [ آواه ] ياليّل العَنا والتنَاكّيِـد ..
في صِحبِتك محَـدن لقَـانِي عشِيـره ’’
وَ [ آواه ] ياقَاف(ن) تهيِجن مع البيِد ..
" خاويتنِي يَم الدرُوب العسِيـرَه "
بتعب فتحت عيونها ظلت تطالع بالسقف المكان الدم اللي على الارض الاغراض المكسره مناظر تعودت عليها غمضت عيونها بقوه صداع فضيع تحاملت على نفسها و قامت تحس الارض تلف فيها فسخت عبايتها الممزقه بتعب ورمتها سحبت ملابس لها ومشت لجهة الحمام اللي برا قفلت تسندت ع الباب و صارت تهز راسها تبي تصحى من اللي فيه مشت لتحت الدوش وفتحته عليها شهقت من برودة المويه حست انها بدأت تصحى طالعت بجسمها اللي تغير لونه عضت شفايفها بقهر بعد نص ساعه تحت المويه طلعت ولبست طالعت بيدها شلون متغير لونها يمكن مكسوره و الا رضوض قويه كالعاده طلعت وقفت قدام المرايه اللي عند باب الحمام كان عبد الرحمن توه طالع لف بسرعه لجهتها وقف متجمد مو مستوعب لا مو معقول في وحده كذا شعرها المبلول اللي واصل لنهاية ظهرها بنطلون أسود بلوزه بيضاء كان يشوفها على جنب وهي تلم ملابسها ومو منتبها لوجوده ما صحى الا على صوت باب غرفتها يتسكر غمض عيونه و بدون وعي ردد:ملاك مو معقوله عند هالسكير وحده كذا هذي فجر؟بنت أخته رجع داخل و جلس يطالع بسعيد اللي مو في وعيه مستغرب هالانسان غريب بكل شي ليه يسوي كذا تنهد ورجع سند راسه على ورى مرت عليه صورة فجر أبتسم شفت واجد بس أنتي غير بس وش قصة حياتك؟أول مره أشوفها من زمان أجي و أروح ما عمري شفتها ألا صدفه اللحين
أمر الناس فيْ نهر النوايا و ضحكَة الأطفال.....
و أصب كل النوايا البيض في من يستفز غلّي !
عجزت أستَقبل الكره الملوّن من ورىَ الأشكال .....
عجزت أزعَل ولو مرّه ’ ولو بَس مرّه من أجليْ !
أعيش بَ عقل و أهديت المحبَه ل البشَر بـ هباال .....
و أشوف ولا بقىَ " حيّ " يعيش الحين فيْ عقلي !
لبست عبايتها وسحبت شنطتها طالعت بجوالها مكالمات من ريم وسميره صديقتها بالشغل و راجو أبتسمت على جنب أكيد فقدني ما في دوام و أنا حرصت عليه يجي قفلت غرفتها وطلعت تحس جسمها كله مكسر دقت ريم تجاهلت أتصالها ومشت شافت راجو واقف ينتظرها مشت لعنده
راجو:مدام أنت في تأخر
فجر:سوري في تعب يلا
راجو:وين؟
فجر بتنهيده: البحر دقت على سميره و قبل ما تبدأ كلامها:فجوره وينك؟مو بالعاده عسى ما شر
فجر:لا أبد حبيبتي شوية ظروف
سميره:خير أن شاء الله ع العموم أنا راح أمسك مكانك للمغرب لاني غطيت على غيابك و الله يعينك تأخذي ليلي
فجر بأمتنان:مشكوره حبيبتي و لا يهمك راح أخذ مكانك حتى باكر لا تشيلي هم
سميره بفرح:الله يسعدك يارب ما تقصري خل أروح أشوف العيال قالبين الحضانه و ما غير هوشه مع الفلبينيات
فجر:أوكي حياتي قفل و هي تتنهد مخنوقه حيل
راجو:في أوصل مدام
فجر:مشكور نزلت و أبتسمت وهي تشوف ريم جالسه بمكانهم المعتاد مشت لعندها وقفت وراها و بصوت تعبان:صباح الخير
ريم بعصبيه:لا يا شيخه أنا انحرقت عشانك وجايه اللحين بكل برود صباح الخير لفت لجهة فجر وسكتت وهي تشوف الكدمه اللي على عيونها سحبتها لعندها:وش هذا
فجر ببرود:ولا شي جلست مواجهه البحر
ريم بقهر:خالك؟
فجر أبتسمت بقهر :أيه
ريم:ليه ساكته عنه ليه
فجر:أشتكي وبعدين يومين ثلاثه و يطلع و يكمل
ريم وهي تزفر:أهربي
فجر:أهرب؟
ريم:أيه هو مو عارف و لا داري و لو تغيبي 3 ايام ورى بعض والله ما يسأل فجر الى متى
فجر:أنسي هالفكره مو ناقصني كلام يكفي اللي أسمعه بدون سبب
ريم بتأفف:ترفعين ظغطي ساعات
فجر:وش فيك أمس داقه
ريم أخذت نفس و زفرته بقوه
فجر:سعد؟
ريم :طلب يدي و أمي وافقت
فجر:وليه البرود
ريم:لاني رافضه و ما أتوقع بتغامر و توافق
فجر :ليهى بتضرب لكلامك حساب تتوقعي ما تعبت؟من كلامك و رفضك
ريم ببرود:هي أخر واحد تدخل بحياتي بدري عليها بدري
فجر:ريم خليك واقعيه ولد خالتك يبيك و أمك معزمه يعني صدقيني رفضك ماله مبرر لفت وشافت الخوف بعيونها
ريم :مستحيل سعد لا لا أنفضح مع غيره ولا معاه ولا أقتل قلب شذى فجر تفهميني شذى تنام بحضني وهي تحكي وش كثر تحبه تغيرت عشانه صارت بنت تهتم بكل شي بالحياه لان سعد يحب هالنوع تغيرت عشانه أجي و أتزوجه شلون فجر قولي لي شلون؟
فجر :كلميه مو عشان شذى و بس عشانك؟
ريم وهي تبكي:وين راشد؟وش أقول عنه يا فجر بس خبريني وش أقول؟تركني وراح أخذ شرفي وراح ضعت و ضيعت نفسي وراح 3 سنين 3 سنين و أنا أنتظر خبر ع الاقل ما لقيت ما لقيت منه شي بالسهوله هذي نسى نكرني طالعت بفجر:لا تقولي غلطانه لا تقوليها ايه ضعفت و سلمت نفسي له بس كنت ضايعه لا أب ولا أم ولا أخ ثقتي مهزوزه بكل شي اطالع فيني و أكرهني ضيعت نفسي بس صدقته كان يحلف لي برب السماء و الارض ما يخون و خان ما يتركني وتركني صدقته لاني سمعته يحلف بخالقه والله حلف لي و خان تركني تركني يا فجر ليه مدري 3 سنين و أنا في خوووووووف عذاب و ندم ضايعه و منتهيه أنتظر أموت وبس وبس
فجر :بتفرج ربي ما راح يخذلك
غطت وجهها وبكت :متى تفرج يا ربي تعبت و الله ما عاد فيني حيل أذنبت و تبت أغفرلي شفت الموت و ما أحد كان جنبي غيرك يارب يارب
brb
|