منتديات قصايد ليل - عرض مشاركة واحدة

11-21-2015

ياسمين رئيس توجه رسالة قاسية لمنظمي مهرجان القاهرة السينمائي والصحفيين

انتقدت الفنانة المصرية ياسمين رئيس، القائمين على تنظيم مهرجان القاهرة السينمائي في دورته الـ37، والذي شاركت فيه بفيلم “من ضهر راجل”، وذلك بسبب عدم تمكنها من دخول للقاعة الرئيسية لعرض الفيلم قبل عرض الفيلم بوقت كافي.ياسمين قالت عبر صفحتها الشخصية بموقع “فيس بوك”: “امبارح حضرت العرض الأول لفيلم (من ضهر راجل) في مهرجان القاهرة السينمائي، وللأسف كان من الصعب عليا أنا وأبطال الفيلم دخول قاعة المسرح الكبير في الأوبرا قبل بداية عرض الفيلم بوقت كافي بسبب الزحام الشديد والسلوك العام من الكل”.

وأضافت: “بالنسبة للزحام فده شيء يسعدني لإن الناس حريصة على إنها تشوف فيلمي، لكن القاعة عدد كراسيها محدود، والدخول بأسبقية الحضور زي ما كلنا عارفين، فكان المفروض الباب يتقفل لما القاعة تتملي بالكامل، لكن الأمن تعامل بارتباك مع الموقف والجمهور كان مستمر في دخول القاعة رغم إن مفيش أماكن جوا، ده غير بعض الصحافيين اللي كانوا بيطلبوا في وقت وظرف زي ده تصريحات نارية ضد الموقف مش أكتر عشان سبق صحفي مزيف أو أي فرقعة إعلامية”.

واختتمت: “أتمنى إن الجمهور والصحفيين والقائمين على تنظيم مهرجان القاهرة، إنهم يتعاونوا مع بعض ومايخلوش فيه فرصة لتكرار ده تاني”.