مجاراه بيني وبين الشاعر القدير / تركي الغيداني(الوسام )
والبدايه لدى الغالي (الوسام)
ياقوجرح(ن) لاجيٍ بالحشى منك***جرح(ن) لجابي منك صعبٍ علاجه
الجرح يوم اقفيت عيني تعاينك***ذاك الصباح اضلم علي امبلاجه
الجرح ينزف ميرنزفه يدوّنك***بضلوع من له فيك حاجه وحاجه
اقفيت عن مغليك واقفت ضعاينك*** والقلب عقبك زادفيه انزعاجه
خليتني عايش قسى حالة الضنك***وضاق الفضأ عقبك وضاقت فجاجه
اسأل عليك الليل والله يامنك***من شيٍ بصدري من البعد داجه
ياليل وين اللي وجوده يزينك***اللي ليامن جيت يضحك حجاجه
حتى الهوى لامرني انشده عنك***يمك عسير الدرب سهل انتهاجه
اتغيب مهما تغيب طيفك يبيّنك ***ولاشفت طيفك قلت ياقلب ناجه
ويعود قلبي محمل(ن) من غباينك***ذكراك تخفي راحته وابتهاجه
ياقلب ياللي بعد غاليك طاعنك***خلك على ذكراه وأنس.المواجه
مجاراتي
لقصيدة الشاعر الصديق تركي الغيداني (الوسام )
الشوق غرّب وانت تشعب مزاينك *** مابين سفح ( رويد ) واشهب ( عماجه)
يابو جواهر والوفاء ساس معدنك *** ولك هالقلم بالود ينساق زاجــــــــه
يالصاحب اللي كل طيّب يثمنك *** وسوقك مع الذربين كاسب رواجه
في راس عيطا الجود دارك ومسكنك *** من لابتن لبسو من المجد تاجه
والغالي اللي بالهوى غاب واشحنك *** خله على كيفه يــــرّوق مزاجــــــه
والجرح في قلبك ولوطال واثخنك *** حبن بليا جرح حب السمـــــــاجه
وأنا فتنى واحدن مثل فاتنــــك ***حبه سكن بالقلب وأحكم سيا جـــــه
الأتلع اللي يتقن الحب والفنـــك *** واكثر نواحي القلب جزية خراجــه
من طب (ربات الهوى ) جاه مااحزنك *** وعنده قراح المــــاي يشبه همــاجه
جاريت قافك يارفيقي على أنك *** واعجبنى المضمون في قاف اجــــــه
وأبيك تذخر فعلنـــا في خزاينك ***لاجا النهـــار اللي يروّع عجــــــــــاجه
براق
(سفح رويد .. واشهب عماجه)
أماكن على الطريق المودي من المدينه الي الشام قديما
ودي للجميع