منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-26-2011

الـــــــــــــــــبــــــــــــــــــــ (الــــعــــاشــــر) ــــــــــــــارت

***********************

يوم الخروج للبر ^_^ .............

ما صدقوا يأذن أذان العصر ويصلون ويطلعون للبر يستغلون كل دقائق للاستمتاع وصلوا للمخيم كان عبارة عن خيمة كبيره للرجال و خيمة للنساء والبنات حطوا لهن خيمة لوحدهن كبيره وفي حمامات متنقلة (وأنتو بكرامه) وطبخ وفي خيمة للخدامات والخيام مكيفه كلها بصراحة ناصر وسالم ما قصروا روعه المخيم بنظر الكل
في خيمة البنات
سمر (تحأول ترضي مي) : مي خلاص
مي (معطتها ظهرها) : .....................
سمر : ميووووووووووووه يا قلبي ردي
دخلن ليالي وعذاري وفرح ووضحه وأنتبهن لهن
ليالي : علامكن
سمر : مي زعلانه مني صار لها يومين ما تتكلم معي
وضحه : ليه صار شيء بينكن
مي(تلف لهن) : اااااه يا زمن
فرح(بهبل) : إيه هذا مسلسل أنعرض برمضان
ليالي : محد يعطيها كف هالخبله
وضحه(لفت لها) : لعيونك أعطيها كف
فرح(حطت أيديها على رأسها) : خلاص خلاص اسكت
عذاري : مي ما عمري شفتك زعلانه من سمر 10 دقائق كيف يومين عاد
وضحه : هذي عين ولا صلت على النبي
الكل : اللهم صل وسلم عليه
سمر : يووووووه خلاص مي والله ما أعودها سامحيني
مي (ابتسمت) : بسامحك بس على شرط
سمر : اااااااأمري
مي : تقولين لي سالفة عبدالرحمن
البنات : عبدالرحمن من
سمر : يمه منك لازم فضايح كان خليتيها بينا
البنات خزن سمر اللي خافت منهن
ليالي : نعم نعم مو أنا بنت عمك
فرح : وأنا بنت عمك
عذاري : وأنا اختك وبنت خالتك
وضحه : وأنا اقرب لكم من بعيد
الكل: ههههههههههههههههههههههههههههههه
سمر : طيب طيب أمزح والله بس ما حبيت تتضايقن بقول لكم كل اللي حصل عارفات ليه
البنات : لييييييييييييه
سمر : كسرتن خاطري سمعن هذا أبو سلطان
البنات : مـــــــــــــــــــــــــــــــــن
سمر : لا تقاطعن أبو سلطان اللي شفناه بالمجمع الوقح طلع عبدالرحمن صاحب ناصر وسالم
ليالي : وووووووووووووع هذا اللي فقع ناصر مرارتي في سيرته عبدالرحمن وعبدالرحمن
سمر : إيه اللي حصل لي مره ثانية شفته (وحكت لهن كل السالفة وعن مشاعل واللي انقال وتهديدها بالتلفونات والمسجات)
وضحه : يخسى هذي مهي سوات رجال
عذاري : بس أبوه واخوه ينشهد لهم بإلاخلاق
فرح : أمي تمدح أمه و خواته
مي : اجل هذا طالع على من قليل ادب
سمر : مدري (لفت لليالي) وش تفكير فيه
ليالي : أنا مو ذابحين غير مشاعل الحيوانه ااااخ يا من يمسكنياها لأمسح بوجها البلاط
البنات : ههههههههههههههههههههههههههه
ليالي : خسارة ما اقدر أوصل لها
مي : لا تفكرين احنا معها ومشاعل بنعطيها درس
وضحه : لا و أنتي الصادقة دروس وخليها تعتدل
ليالي(ابتسمت) : كفوووووووووووووو
البنات : كفوك الطيب
دخلت خوله خيمة البنات وهن يسولفن ....

خوله : بنات صليتن
البنات : لا
خوله : لواء زين يالله قومن صلن وألحقني لخيمة المطبخ
البنات : ليييييييييييييييييييييييييه
خوله : وجعيه خلني أشوف وحده تتأخر لأقسم ظهرها فاهمات
مي : يااااااااااي خالتي متوحشه
سمر : الله يعين اللي بياخذك يا عمه
خوله (ترفع حاجبها) : مثل ما الله يعين اللي بياخذك أنتي ومي يالله بلا كثر كلام قومن
فعلا صلن البنات واتجهن للخيمة المخصصة للمطبخ
البنات (دخلن) : أحنا جينا
خوله (ألتفت) : يا فرحتي أسمعن العشاء عليكن اليوم وافهمن وش بقول عدل وضحه وعذاري تصلحن المرق قطعن الخضره وأحمسنه عدل أبيه مو ماء أبيه مضبوط ولا تنسن البهارات والملح وسمر وليالي ضبطن العيش (الرز) وزيننه بالزعفران والهيل ومي وفرح السلطات قطعنها صغار مو كبار
ليالي : ليه عمه والخدامات وش عليهن
مي : جايبينا نوسع عن نفسنا ولا نخدم
فرح : ما أبي أشتغل أبي أمي أبي أبوي أهئ اهئ ظلم
وضحه(تضربها على كتفها) : تكفين يا حليمه أبي أمي أبي أبوي أبي محمد
البنات : هههههههههههههههههههه
فرح : ووووووووووجع أستحي
خوله : أيه موت الحياء مقطعك أساسا لو نعصركن ما نلقى نقطه حياء بنات إخواني وأعرفكن (لفت لسمر) صدق خاتون سمر ما سمعنا حسك
سمر(تبتسم وتستهبل) : قاعدة أفكر من يطبخ اللحم
البنات : هههههههههههههههههههههههههههههههههههه
ليالي : هذي صدق اللي بذبحها اليوم أحنا نعترض على الشغل وهذي تفكر من يطبخ اللحم
خوله : بروح نص ساعة وارجع ألقاكن مخلصات فهمتن
البنات : حاضر يا أبله
طلعت العمة والبنات يشتغلن بالطبخ وما كانن عارفات أن الشباب من دخلن الخيمة قعدوا ورى(خلف) الخيمة يبون يتسمعون لهن والبنات حش وهواش والشباب يضحكون بس بدون صوت وبهمس عشان البنات ما يلاحظن وجودهم
عذاري (لفت لوضحه) : كم احط طماط
وضحه : 6 طماطات
عذاري (لفت ثاني مره) : طيب كم بطاطا
وضحه : 5 بطاطات قطعي
عذاري(لفت مر ثالثه) : كم
وضحه(وقفت معصبه) : يا هووووووووووه أول مره تسوين عشاء وتشتغلين (قربت السكين من رقبة عذاري) أذبحك يعني وأفتك
عذاري (تبلع ريقها) : النجدة النجدة
سمر(تحط يدها على رأسها) : يا ويلي ويلاه وضحه يا بنت محمد أتريدين قتل أختي وااااااااااااه أختااااه الفزعة يا عرب الفزعة يا أمة محمد
فرح(تستهبل) : من قال محمد
ليالي (عصبت ) : بدت الخبله من قصد محمد اخوي(قربت منها) أذبحها هذي بعد وأخلص منها
مي(تحط يدها على صدرها) : لا لا ما تأت ليهاش حرام عليك يا آسيه في ناس عوزينها
فرح :آآآآآآآه في ناس عايزيني
ليالي : مالت ومن يبغيها هذي
محمد(من ورى(خلف) الخيمة) : أنا ابغيهااااااااااااا
البنات سكتن من سمعن صوته
ليالي (بهمس) : أكيد سمعنا يا فشله
فهد : وضحه يا بنت محمد لا تلعبين بالسكين تجرحين أحد خبله أعرفك
وضحه رمت السكين وانصدمت فهد ومحمد
سالم : عذاري تبين أنقذك تراني لعيون أختي
ناصر : مي ما تخفيش أنا هنا إزا عايزه حاقه ومحتاقه
محمد : ليالي ترى أنا أبي فرح يهون عليك أترمل وأنا بعدي ما فرحت بفرح
فرح(حطت يدها على فمها قبل تشهق) : .........................
ليالي(استجمعت قوتها وبعصبيه) : وأنتم ما تستحون تتسمعون لنا
سالم : والله قاعدين في أرض الله
مي : يعني ما فيه مكان إلا هنا يمه يالعذر
محمد : ريحه الطبخ جابنا لهنا
ليالي (تهمس لمي) : روحي نادي عمتي خوله والله لأرد الصاع صاعين
طلعت مي وركض لعمتها وقالت لها عن الشباب وش قالوا
فهد : وضحه ديري بالك لا تلمسين الأكل أخاف أتسمم منك
الشباب : هههههههههههههههههههههههههههههه
سالم : سمر أمانه وأنا أخوك البهارات لا تحطينهن أخاف تكثرينهن أعرفك ما تعرفين المكيال عدل
الشباب : هههههههههههههههههههههههههه
ناصر : مي هالله هالله غسلي الخيار والطماطم عدل عن التراب
الشباب : ههههههههههههههههه
محمد : فرح لا تخذي دروس طبخ منهن أذا تبين أنا أعلمك الطبخ
الشباب : ههههههههههههههههههههههههه
خوله (اللي طلعت لهم فجاه) : ها ها ها ها صدق والله فرحانين
الشباب (منصدمين) : عـــــــــــــــــــــــــمـــــــــــــــــــــــ ـــــه
خوله : عمة عين العدو ياللي ما تستحون وش جابكم هنا
الشباب كل واحد يطالع الثاني ويغمز له أنه يتكلم ويبرر بس محد عارف وش يبرر
خوله : أقول قوموا قوموا
ليالي : شاطرين
سمر : الطلاب
مي : المجتهدين
فرح : يا حلوهم يسمعون الكلام
وضحه(باستهزاء) : بنات تصفيق
البنات يفقن ويصفرن استهزاء بالشباب
عذاري : يستاهلون ممتازين
البنات : هههههههههههههههههههههههههههههههههه
الشباب(اعترضوا) : ليه يضحكن
خوله (تخزهم) : البادي اظلم انتو اللي بديتوا يلا قدامي لخيمة الرجال
الشباب : ليييييييييييييييييييييييييه
خوله : بلا كلام يله قدامي أمشوا
البنات (بصوت واحد) : أمشووووووووووووووووووووووووووووو
خوله قالت لأبوها الشباب وش سوو والجد عاقبهم إن دام البنات طبخن هم يغسلون المواعين والبنات ضحكوا عليهم يوم يغسلون الأطباق وبعد الاستهزاء فيهم ورفع ضغطهم قررن ينامن بعد المجهود اللي سونه في العشاء

***************************************