هذا أنا كلي عنا كلي ألم كلي جراح
كلي أماني متعبة من طول عمر الانتظار
كلي مشاعر حاولت توصل للحظة إرتياح
كلي حقايق زايفة تتلون بلون المـــــــرار
لاقلت بأرضى بقسمتي وأطلب من الفرحة سماح
يرجع يحاصرني الوهم كني جليد فوسط نــــــــــار
دايم على خير الزمن شمسي يغطيها وشاح
مليت ظلمة ليلتي من حقي أحلم بالنــــــهار
أصبحت أسير لدمعتي وأطلقت عن همي السراح
يومي قضيته بالألم وأمسي خسرته باقتـــــــــدار
وين الأمل دام ألوفا عن عالمي هاجر وراح
دام الألم في دنيتي جاوز حدود الانـــتشار
وشلون أحلم بالأمان وخوفي صرخ فيني وصاح
وشلون أبسأل دنيتي عن الخيانة باختـــــــصار
ليه السعادة كذبه ليه المحال أصبح متـــاح
ليه المشاعر مجبرة تذبل وأنا كلي انكسار
هذي حقيقة واقعي كله ألم كله جـــــراح
حتى الأماني متعبة من طول عمر الانتظار