((البارت التاسع))
مشت يارا شوي شوي علشان مايحس فيها ونطت قدامه :فروس وش تسوي
رفع بدر عينه وشاف اجمل بنت بحياته شاف بنوته ناعمه بشعرها ولبسها الي كان برمودا وتي شيرت اصفر وشعرها الي ذيل حصان امايارا
انصعقت صعقه مابعدها صعقه هذا الي قدامها نفس الشخص الي كان في البر الي شافته اهي والبنات .....تيبست يارا في مكانها ثم استوعبت وراحت ركض لداخل قبل مايشوفها احد من اخوانها وعلى طول راحت لغرفتها...ابتسم بدر عليها
طلع فارس لبدر برا:ها بدر وش فيك قاعد لحالك
بدر مو معاااااه
فارس:بـــــد ر بــــــــــــدر
بدر:هاه هلا فروس
فارس:وش فيك من ساعه اناديك
بدر:لابس كنت سرحان في الشغل شووي
فارس:ليش طالع برا تعال ادخل داخل معنا
بدر:لابس جتني مكالمه وطلعت يالله ندخل معهم
***********
في غرفة يارا.........
يارا:لامومعقول نفس الشخص والله لو تدري ريما لتنجن مثلي...خذت جوالها واتصلت على ريما
ريما:هلا وغلا يارا
يارا:ريوم من تتوقعين عندنا
ريما:بسم الله عليك من عندكم
يارا:شفتي الي في البر يوم كنا في السياره الي دخل على طول في المخيم
ريما((تصرخ)):لاتقولين المزيون
يارا:وجع سديتي اذني اهو ماغيره
ريما:كذابــه شلون شفتيه وش جابه عندكم وشلون شكله قولي لي من الطق الطق لسلام عليكم
وحكت يارا على ريما كل شي ............
يارا:انا في لحظتها بغيت الارض تنشق وتبلعني
ريما:وهو وش ردة فعله
يارا:اهو فهى فيني وعيونه مركزه على وجهي
ريما:اكيد شاف المزيونه قدامه ماتبيه يفهي الحين كل يوم تنط عليك وحده من البنات في الجامعه تقول معجبه عاد شلون الشباب
يارا"بحياء":لامولهدرجه ياحبك للمبالغه بس
ريما:احلفي بس الاقولي وش رايك فيه
يارا:من؟؟
ريما:من بعد المزيون بس شكله جنان اشوفك مفهيه
يارا:أي ماشاءالله عليه حلو ماعليه اقول ريوم امي تناديني بكره نكمل سوالفنا في الجامعه يالله باي
ريما:اوكي يالله باي
نزلت يارا تحت عند اهلها
في الصباح في بيت تركي.....
تركي جالس على طرف السريريصحي اماني علشان الفطور وكان هو بنفسه يجهز الفطور من بداية حمل اماني علشان مايتعبها
تركي:اماني امونتي
اماني"فتحت عين وحده شافته "تروك خلني نايمه......انقلبت على الجهه الثانيه
تركي نام وراها وحط راسه عند راسها:يالله حبيبتي قومي فطورك البيبي بيزعجك".....حط يده على بطنها.......يالله اليوم مراجعة البيبي ولانسيتي
اماني استحت مرره :خلاص بعد يدك بقوم
تركي "يضحك":اااااه يالحريم ماينفع فيكم الا العين الحمراء
قامت اماني من السرير طالعت تركي وابتسمت:الله وش هالزين
تركي:شرايك فيني كان تركي كاشخ بالبدله السوداء والسكسوكه المحدده الي تناسب له
اماني:حـــــــلو يالله تروك اسبقني وانا ببدل واجي
تركي:لا ماراح اروح رجلي على رجلك وبعدين ليش تغيرينه الي عليك حلو
"كان على اماني قميص نوم فيه رسمات دبدوب قصير لحد الركبه لونه بينك
اماني:تروك بليـــز روح
راح تركي لعندها ومسك كتوفها: عيونه وقلب تركي وعمره ماراح اطلع تبين تبدلين بدلي قدامي"غمزلها"
اماني:اووووف خلاص مو لازم يالله خلنا نروح نفطر
تركي:قايل لك من اول
العصر جو البنات عند يارا وانبسطو حكت لهم يارا عن الي صار الي يصارخ والي يضحك وطلعو من عندها مبسوطين خصوصا ريماس لان الاختبارات مضايقتها
واخر يوم في الاختبارات البنات الثانويه العامه
نوف:واخيـــــــــراخلصنا الاختبارات وناسه بنات
ريماس :يالله الله يعيني باقي على زواجي ثلاث اسابيع
سارا:يالله يابنات بنفترق لا ماصدق ولاراح نشوفك ياريماس
ريماس"والدموع نزلت وحظنت ساره":لا ياقلبي الله لايفرقنا انشاءالله
نوف:بنات بليز خلينا نوسع صدورنا مع ريماس بلا بكي ولاحزن
انبسطو البنات مع بعضهم
*****************
وبعد اسبوعين انجحو البنات وتخرج فارس وطلال من الجامعه بتقدير جيد جدا وطلعت نسبة ريماس%89
في يوم زواج ريماس وفيصل
كانو البنات كاشخين وكل وحده تقول الزين عندي
كانت سمر لابسه بني غامق كله مسكر طالعه مرره انيقه وكانت قاصه شعرها مثل قصة فكتوريا بيكهام
اما ريما كنت لابسه فيروزي طالع عليها جنان بشعرها كله كيرلي والميك اب الخفيف والروج الوردي طالع عليها جنان
وريناد الي كانت بمعنى الكلمه حلوه بفستانها الذهبي توب من فوق وضيق لتحت طالع شكل جسمها شي وشعرها باف
ويارا كانت ملكه بفستانها الي يشابه فستان اليساء في فيديو كليبها الاخير وتسريحتها المكسره
جاء دور عروستنا الي طالعه مثل الباربي بفستانها الناعم توب وشعرها كله
كيرلي من قدام باف والميك اب الوردي طالعه جنـــــــــــــان
وطبعا ام تركي وام نواف وام فيصل مميزات بالجلابيات الفخمه.........
اوووو نسينا اماني الي كانت بالمره ناعمه بفستانها السكري وبطنها الي برز كانت في الشهر السادس
اماني:الف مبروك ياعروسه
ريماس:الله يبارك فيك
اماني:عقبالك ريناد
ريناد "انا واخوك هالعله انشاءالله":تسلمين
دخلت عليهم ريما:هلا والله بمرت اخوي ياحظي بصير عمه
الكل:هههههههههههههههه
ام تركي:يالله ريماس جاهزه الحين بتبدا الزفه
ريماس:يمه بنات خايفه
اماني:خلاص خالتي قبل ماتبدا الزفه بثلاث دقايق خبرينا
يارا:ريماس لاتخافين كلنا معاك اهم شي قريتي على نفسك
ريماس:ايه
سمر:خلاص لاتخافين قولي بسم الله واطلعي
جت عندهم ريناد:يالله ريماس
ريماس:بسم الله يالله
انطفات الانوار بس فيه نور على ريماس من فوق طلعت ريماس بموسيقى رومنسيه
والكل يطالع فيها بجمالها والكل يذكر الله
جلست ريماس على الكرسي المخصص لها ......كانت كوشتها طابع عليها الريش
غنو الطقاقات ورقصو البنات قدامها وهي تصفق لهم ......ثم قالت مطربة الفرقه للحريم يتغطون علشان بيدخل المعرس
بريحة العود والطق دخل فيصل واخوانها وعمانها
قامت ريماس تسلم عليهم وقدام الحاضرين باس جبينها
تركي:مبروك ريماس
ريماس:الله يبارك فيك
تركي وهو يوجه الكلام لفيصل:الله الله بريماس يافيصل
فيصل:في عيوني لاتوصي عليها
جاءطلال وحظن ريماس لانها كانت الاقرب له:مبروك ريماس بتروحين وتخلينا
ريماس:يالله عقبالك
طلال:انشاءالله
يارا تضرب ريما:شوفي حبيب القلب طالع مزيون اليوم
ريما:يالبى قلبه وعيونه ياناس
طلعو اخوان ريماس علشان ام فيصل واخوته ياخذون راحتهم معاه
سلمت امه عليه:مبروك فيصل الله يبلغني واشوف عيالك انشاءالله
باس فيصل راسها:الله يبارك فيه
ريما:مبروك فصول"لفت على ريماس":الله الله باخوي
ضحكت ريماس على خبالها
سمر:مبروك فيصل
فيصل:الله يبارك فيك يالله عقبالكم بنات
ريما"اميـــــــــــــــن"<<<مستعجله على الزواج هههههههه
مسك فيصل يد ريماس وطلعو للسياره وكان فيصل هو بنفسه يسوق
فيصل:واخيرا ياقلبي صرنا مع بعض
كانت ريماس ساكته مستحيه
اخذ فيصل يدها وشافها ترتجف وباسها:شفيك ياقلبي بردانه ترتجفين
ريماس:لاعادي
وصلو الفندق
جلست ريماس بالكرسي الفخم وكان مقابلها فيصل
فيصل:ريماس
ريماس:سم
قام وجلس جنبها صارو مرره لاصقين في بعض والمسكينه ريماس مررره استحت
مسك فيصل يدها:عهد علي اني مراح اقصر عليك انشاءالله راح اخلي كل ايامك سعاده تدرين انك اجمل بنت شفتها في حياتي انتي ملاك بهيئة بشر
ريماس نزلت عيونها تحت من الحياءوقلبها بيدق بسرعــه"ياربيه شكلي بيغمى علي منه"
فيصل قام :اوكي يالله حياتي العشاء وصل.....ماكلت شي ريماس من الحياء حتى فيصل مااكل لانها مااكلت
فيصل:اخليك الحين تبدلين ملابسك وراجع
ريماس:انشاءالله
من طلع فيصل وعلى طول للشنطه فتحتها انصدمت شافت ملابس مو نفس الي حاطتهم:ياويلي هاذي مو ملابس هاذي فضايح من الي غيرهم هاذي حركات البنات مافي غيرهم حسبي الله على بليسكم بس وش البس
"المسكينه ريماس ضاقت فيها الوسيعه خلاص قررت تلبس القميص الاحمر الحريركانت فتحته كبيره من عند الصدر هاذي تعتبر اقل الفضايح"
بعد بعشر دقايق دخل عليها فيصل وشافها جالسه على السرير وكانت منزله راسها من الحياء..... جاء فيصل وجلس جنبها والمسكينه ريماس ذابــــــــت قرب من عندها وباسها مع خدها
فيصل:تصدقين انتي محليه لبسك ......ومع الكلام الحلو راحو في يوم كله عسل
في القاعه ريما ويارا وريناد كانو جالسين مع بعض يسولفون
ريما:ههههههههههههه ياحرام ريماس ودي اشوف شكل وجهها اذا فتحت الشنطه
ريناد:هههههههههههههه بتنصرع الله يستر لاتجينا الحين وتكفخنا
يارا:تلقين اخوك الحين خاق عندها
ريما:بنات وش تتوقعون يسوون الحين
يارا:من زين السؤال السخيف يعني وش تتوقعين واحد وزوجته اول ليله في زواجهم اكيد الحين كلام حلو وحركات يعني من هالنوع
سكتو شوي....
يارا:اقول ريناد انتي راح تروحين وحيده في بيتكم ليش ماتجين تنامين عندنا اليوم وانتي ياريما تعالي انتي وسمر
ريما:صح ريناد روحي وسعي صدرك مع هالخبله
رمت عليها الخداديه الصغيره:خبله في عينك
ريما:ههههههههههه امزح انا والله مااقدر اول شي فيني النوم مرره بعدين بكره بيجيون المعاريس يتغدون وبيسافرون وتعرفين لازم ترتيب وسناعه
يارا:على راحتك بس ريناد تنامين عندنا اليوم
ريناد:اوكي استاذن من امي وااقولك
راحت ريناد اخذت منها الموافقه بس قالت تجي بكره بدري علشان تسلم على اختها قبل لاتسافر
ريما:يالله بروح ادور على شنطتي مادري وين حطيتها
يارا:حتى انا بلبس عباتي فروس عند الباب
ريما:اقول يرو الله الله بريناد وفارس
يارا:هههههههههههه افا عليك لاتوصين
راحت ريما لغرفة المخصصه للعروس علشان تاخذ شنطتها نستها هناك .......كان طلال في الغرفه علشان بينزل شنطة اهله وسمع صوت جلس وراء الباب علشان مايوضح ..... شافها من فتحت الباب بس ماعرف من هي<<<تعرفون الشباب عيونهم زايغه
ريما:ياربي وين حطيتها انا اوووووف
سمر من تحت تنادي :ريمــــــــــا بليز نزلي معك عطري بتحصلينه عند الطاوله
ريما تصارخ:طيب اووف ماصارت ريماصرت خدامه عندكم ..وانتي اخيرا لقيتك يالقبسه<<تقصد شنطتها علشانها صغيره هههههههه
ضحك طلال في نفسه"ياحبي لها"
نزلت ريما وطلال على طول لسيارته وهو في السياره يفكر فيها"اجل هاذي ريما نفس الي شفتها في بيتنا من جد صـــاروخ"ومن جاب سيرتها وقلبه يدق بسرعه
ابتسم على نفسه وطق يده على قلبه"والله يالملعون حبيتها"
********************
في الصباح في بيت ابو نواف صحت ريناد بدري متعوده وهي في بيتهم ماحبت تصحي يارا لان مانامو الامتاخرين تعرفون سوالف البنات بعد الزواج راحت اخذت لها مجله تقراها
صحت يارا شافتها: ريناد متى صحيتي
ريناد:من ربع ساعه ارجعي نامي
يارا:طيب انزلي افطري وانا بغسل وجهي واجيك
ريناد:لا ياحبيبتي خلك نومي امس نمتي متاخره انا بنزل لحالي بس اخوانك وينهم
يارا:لاتخافين نواف في الشركه وفارس نايم مايقوم للظهر انتي في امان
ريناد:خلاص اجل ارجعي نامي
يارا:لابروح اغسل والحقك
ريناد:اوكي استناك
نزلت ريناد من على الدرج وكان معاها جوالها تلعب فيه صرخت لان بغت تطيح بس ماطاحت لان كان احد ماسكها بيدينه على كتوفها
رفعت ريناد راسها انصدمت
فارس:انشاءالله ماتعورتي
ريناد مروعه من قلب:لالالا اسفه
ابتسم لها فارس ذيك الابتسامه الي بغت تطيح صدق هههه:لا ماصار شي اهم شي سلامتك
نزلت ريناد بسرعه وهي مستحيه وفارس كان يطالعها وهي تركض يشوف هالنعومه الي تطلع من عيونها الناعسه وشعرها البني الي رافعته ذيل بس كان مجعد على نعومه شوي والبجامه الحمراء الي مطلع بياضها وقلبه يدق بسرعه
ابتسم وتوه بيكمل طريقه قابلته يارا
يارا:صباح الخير فروس
فارس:صباح النور والسرور
يارا:غريبه صاحي بدري اليوم
فارس:والله عندي كم شغله
يارا:انتبه لاتروح المطبخ ولاغرفة الجلوس فيها ريناد تفطر
ابتسم فارس"يالبى قلبها بس":طيب ولايهمك
شكت يارا:شفيك تبتسم
فارس:عادي ابتسم في وجه اختي فيها شي
يارا:والله مادري عنك المهم انا رايحه باي
فارس:باي
دخلت يارا المطبخ وكانت ريناد غارقه في تفكيرها الي واصل بعيد راح تفكيرها بفارس الي ماخذ عقلها وشافته وجه لوجه"اااااه يافارس لوتدري عن حبك في قلبي الي ماله مثيل صدق اسم على مسمى فارس الاحلام"
يارا تاشر بيدها في وجه ريناد:هيه ريناد وين وصلتي
رجت ريناد لواقعها:معاك
يارا "تغمزلها":معاي الي ماخذ عقلك يتهنى به
ريناد احمرت خدودها:ماحد ماخذ عقلي في مكانه وين بس bread
يارا:عاش مصرف بعدين قدامك
انتبهت ريناد:أي صح يالله الحقيني عند الطاوله
ابتسمت يارا على بنت عمها العاشقه
زارت ريماس بيت عمهاابو فيصل
ام فيصل: هلا بالمعاريس شخباركم
ريماس وفيصل:الحمدالله
ريما"في اذن ريماس":ريماس تغيرتي طلعتي حرمه مومثلنا بنت
استحت ريماس ضربتها بكوعها:ياقليلة الادب اشوف فيك يوم ريوم
ريما:امين الله يسمع منك
فيصل:خير ريوم وش تقولين لزوجتي
ريماس:فيصل شفها تقول الله يعينك على فيصل
ريما:انــــــــــــــــــــا يالكذابه
فيصل"بمزح":اقول لاتغلطين على زوجتي لا ازوجك الحين من فراش الي عندنا بالشركه
الكل قام يضحك
*****************
نجي الحين لبيت ابو بدر
بعطيكم نبذه عن عائلة ابوبدر
ابوبدر:خالد ام بدر:نوره
بدر:عمره 27 سنه يشتغل مع ابوه في الشركه وطبعا بيفتح له مكتب خاص
عهد:23 سنه متزوجه من 6 شهور
رنيم ونادين:تؤام في اول ابتدائي
كانت العائله كلها مجتمعه في الصاله الي تتميز بديكوراتها الفخمه والاثاث ولا اروع منه
بدر:مدام العائله كلها موجوده راح اقول لكم خبر بيسعدكم انشاءالله
ام بدر:قول يمه وش عندك
بدر:قررت اتزوج
ام بدر طارت من الفرحه واخيرا اول ولد لها بيتزوج قامت تبكي وابوبدر طبعا انبسط
قام بدر وجلس جنب امه وحط يده على كتوفها وحب راسها:ليش تبكين يمه
ام بدر تمسح دموعها:هاذي دموع الفرح يايمه
عهد:بدور لك احلى بنت في الرياض كم بدور عندنا
بدر:تسلمين عهد بس في وحده في بالي
ام بدر:من بنته
بدر وهو يطالع ابوه:بنت عمي ابو نواف
ابو بدر بفرحه مالها مثيل:ونعم ماخترت قربهم ينشراء شراء ابشر ياولدي راح اكلم ابو نواف اليوم واحدد موعد معه للخطبه
بدر:مشكور يبه يالله عن اذنكم
طبعا بدر طلع وهو مبسوط واخيرا بيرتبط بالبنت الي عذبته بالتفكير لا ليله ليل ولانهاره نهار بس على الله توافق
ابو بدر اتصل على ابونواف علشان يحددون يوم ويجي اهو وبدر ويخطبون رسمي
ابو بدر:السلام عليكم
ابونواف:وعليكم السلام هلا والله ابو بدر
ابو بدر:هلا فيك يالغالي كيف الحال انشاءالله بخير
ابونواف:بخير الله يسلمك نسال عنك
ابوبدر:سالت عنك العافيه ابو نواف عندك شغل بكره المغرب حبينا نسير عليك انا وولدي بدر نبيك في موضوع خاص
ابو نواف:افا يابو بدر لوعندي شغل كنسلته علشانك الله يحيك انت وبدر في أي وقت
ابوبدر:اجل بكره موعدنا بعد صلاة المغرب يالله اجل ماطول عليك فمان الله
ابونواف:فمان الكريم
سكر ابو نواف من ابوبدر وهو مستغرب من هالموضوع الخاص الي يبيه فيه يالله الخبر اليوم بفلوس بكره ببلاش
****************
نجي فارس وطلال الي كانو جالسين في الكافي شوب وطبعا طلال متملل من ازعاج هالبنات الي كل ساعه ناطه عليه وحده
طلال:اووووووف اخيرا سكرت منها
يضحك عليه فارس:ههههههههههههههههه وش فيه اليوم معذب قلوب العذارى
طلال:زهقت منها ياخي
فارس: هاذي نونو الغاليه تقول عنها هالكلام
طلال:هاذي عله على القلب طالعه لي هاليومين تبيني اتزوجها مسكينه واثقه من عمرها بزياده
فارس يبي يجننه شوي:طيب ليش ماتتزوجها انت تقول انها حلوه
جته الروعه طلال:اقول تلايط بس مابقى الاهي علشان اخذها ياحبيبي حط هالمعلومه في راسك انا خلاص قررت اتزوج بعد مااصفي حسابي مع الي معي
فارس:أي هين تصبر على بعد البنات
طلال:صح اني مااقدر بس انا حاط وحده في بالي دمرتني من كثر التفكير فيها وانشاءالله ابتزوجها
فارس:واخيرا احد طيح راسك بس من هي ماشاءالله عليها تستاهل جائزه عالميه
طلال وهو يبتسم:بعدين بتعرف
***********
في غرفة بدر كان كاشخ اخر كشخه بالثوب الابيض والغتره البيضاء والجزمه السوداءوانتم بكرامه والساعه النحاسيه من ماركة جورج ارماني
شكله طالع جنــــــــــــــــــــان الي صدق بتجيب علوم يارا
دخلت عهد عليه:ماشاءالله تبارك الرحمن وش هالزين اخوي
ابتسم بدر:عيونك الحلوه
غهد:يابختك يارا على هالمزيون الي قدامي بعد سمعت انها ماشاءالله البنت ماعليها تقول للقمر قوم وخلني اجلس في مكانك
ابتسم بدر بتمديح اخته على زوجته المستقبليه :ويكفي انها بنت ابو نواف
دخلت امه عليه ومعاها البخور:خذ يمه انشاءالله ابخرك يوم عرسك
بدر:انشاءالله
ابوبدر:الله يديم علينا الافراح يالله بدر نمشي
بدر:يالله
(((ااااااااااااااااااه يايارا وش راح يكون شعورك وبدر جاي يخطبك))))
انتظــــــــــــــــــــــــــــــرو ا التكمله في البارت الــــــــــعا شر
اختكم : ((روعـــــــــــــــــة الشـــــــــــــ * _ * ــــــــــوق))<<< هذا لقب الكاتبة
|