قلت حظي جعل عمرك ماتقوم
عقب قصة ريم خلك مستريح
من عرفتك وانت اخر من يقوم
لا تفز ولا تعين اللي يطيح
يشهد الله ما تبكينا الهموم
المواجع بيتها القلب الجريح
والخساره عقبها فوز يدوم
في زمنا ما يصح الا الصحيح
السوالف كلها شهره ولوم
والنواظر في رجاء وجه مليح
والرفاقه وقتها عند اللزوم
ينعرف فيها الكريم من الشحيح
يالله انك تنصر المظلوم دوم
لا تذله وسط هالكون الفسيح
قلت حظي جعل عمرك ماتقوم
عقب قصة ريم خلك مستريح
- كلمات / بندر الرشود