سكن قلبي قبل ماشوفه
قبل ماعرفه .. وأعرف وصوفه..
و كل الي عرفته بس
عليــه الـروح ملهوفـه ..
أشتــاق له ...
و مدري ليه أشتاق ..
و أخاف
من ضيـم الأشواق ..
من كثـر خوفـــي ..
أعاتب ظـروفي ..
و دوم أترجــى ظروفـه ..
في غيـابـه .. غيـابي ..
و فــي حضـوره ..
يطــل النور من نـوره ..
في قــربه .. عــذابي ..
و إن شكيــت
البعـد معــذور ...
إن غاب .. عذبنـي غيابه ..
و شوقنـي لتعذيبه ..
و إن حضــر .. ذوقنـي عذابه ..
و أحتار شـسوي بـه ..
مـا قــد شفـته أو لمحتــه ..
بس لو غمضت عيـني ...
ما تفـارقني طيـوفه ..
بعيوني ساكــن خيـاله ..
و بقلبـي سـاكن لحاله ..
و بالروح حفظت .. اسمه ..
كل هـذا و عيني ما تشوفه
أجل وشلون لو أشوفه ..
وشلون ..
لو عيني تنـــظر لـ عينه ..
و أشـــوف ابتسامه ..
و أسمع كـلامــه ..
و كفـــي يلامس كفــوفه ...
غريـبه حالتي !
والأغرب إحســــاسي ...
مـا عرفـــته بس
هو أغلـى ناسي ...
والله .. والله ..
سكن قلبي قبل ماشوفه ..
قبل ماعرفه .. و أعرف وصوفه
و كل الي عرفته بس
عليـه الـروح ملهوفـة
|