طاروق سويته بقلبي له اسنين
طاروق سويته بقلبي له اسنين
وعن كل متطفل وراوي منعته
ويضل في قلبي ليا ساعة الدين
لو كان يعطوني مصر مانطقته
خوف ًمن اشباه الرجال الرديين
لايتهموني فيه باني سرقته
طاروق لو يَعرض ثواني في الصين
ثلثين شعب الصين خربت وقته
من قوة ابياته يخلي الشياطين
لو بنشده تنصت ليا من نشدته
ركبت كلماته على الراي والسين
والفاء وحرف الميم والهاء حذفته
واخفيت لجل اثبات راعيه بيتين
في شاشة الجوال بسمي طبعته
وللعلم تحت الاسم حطيت خطين
من شان مايقلون الانذال بعته
السكب 12
حصريه هنا
|