الجزء الثالث <حبيبي مغرور واعشقه لحد الجنون>
ليله مرت بكل مافيهامن احزان لكن شمش النهار اطلعت تعلن عن بداية يوم جديد ونهار جديد
نوره كانت تعبانه وماهي قادره تفتح عيونها من شدة التعب وماراحت الجامعه
نوره2 فضلت تجلس في سريرها حتى لو كانت مواصله مانامت
سحر ارفضت تطلع من غرفتها أو تروح الجامعه عشان الضربه الي باينه في وجها
فارس طول يومه ساكت والغى كل أجتمعاته
رياض باين عليه الأنزعاج طول اليوم وماهو قادر يتعامل مع الموظفين .....
الساعه 2الظهر
ماجد بعد ماسلم على أمه وأبوه
ألا نوره شفيها مراحت اليوم الجامعه
مريم والله ياوليدي مدري بس تقول تعبانه حتى وجها صاير اصفر
فهد كان قلتي ياام ماجد ودينها المستشفى
مريم قلت لها بس قالت تعب عادي ويروح
ماجد أنا رايح اشوفها وأذا حطيتو الغدا نادوني
صعد وبدل ملابسه وراح عند نوره بعد ماأستئذن يدخل
نوره كانت خايفه أن ماجد عرف السالفة
ماجد بخوف لما شاف وجها نوره حبيبتي اوديك المستشفى
نوره لابس كله من السهر صارلي ارهاق وتعب
ماجد عيونك متنفخه شكلك مصيحه
نوره تذكرت الي صار لها امس ولا تحملت احضنت ماجد وصاحت في حضنه
ماجد بخوف نوره فيك شي احد مضايقك ماعاش الي ينزل دموعك تراها غاليه علي وصار يمسح دموعها
نوره حست بحنان اخوها لأنه كان دايم يعاملها بجفا
ماجد حضنها طلعي الي في خاطرك وقلبك عشان ترتاحين وأذا فيه شي مضايقك صدقيني بوقف معاك وبساعدك
نوره حاسه اني متضايقه وان فيه شي كاتم على نفسي واني مخنوقه وابقى أصيح
ماجد يبتسم معليه يالغاليه أوقات تمر على الأنسان يحس ان الدنيا ضيقه في عيونه ولا يقدر يعيش فيها الحين قومي توضي وصلي ركعتين وادعي ربي يشرح صدرك طيب ياحلوه ولك مني اليوم تمشيه على كيفك واعشيك وشرايك ناخذ امي وابوي معانا
نوره الله يخليك لي ياخوي ولا يحرمني منك
ماجد في الخدمه يالشيخه خلصي وننتظرك على الغدا
طلع .نوره حست ان لها سند قوي وبيحميها راحت توضت وصلت ودعت ربها
يارب اشرح لي صدري ويسر لي امري واظهر الحقيقه في عيون الي ظلمني لأنه شك فيني وانا انسانه شريفه وطاهره وانت اعلم بحالي واقهر الظالم واحرق قلبه الي تسبب فيني وفي نوره صديقتي اللهم امين .
مر يومين وبدت نوره تتحسن ونفسيتها تحسنت مع وجود جرح داخلها
أرجعت للجامعه مع نوره2
نوره انا سحر ماشفتها اليوم والبنات قالو انها ماداومت من يومين
نوره2 يمكن فيها شي مع اني مااشتهي اشوف وجها بس خلينا نسأل اختها
راحو للقاعه الي فيها خلود ونادوها
نوره ونوره2 السلام عليكم
خلود بدون نفس وعليكم خير
نوره2 نبقى نسأل عن سحر شفيها مجات الجامعه
خلود والله البركه فيكم ماقصرتو معاها
نوره شتقصدين بكلامك
خلود بسببكم ضربها خالي لأنها طولت لسانها عليه
نوره واحنا شدخلنا أذا طولت لسانها
خلود خالي منعها تقابلكم او حتى تتكلم معاكم ولما ارفضت ضربها
نوره2 واحنا شفينا
خلود سألو نفسكم أكيد شايف عليكم شوفه ماهي عدله انا قايله لسحر
ماتمشي معاكم بس ماتسمع الكلام
وماخلصت كلمتها الأ طرااخ من يد نوره من الي يحبه قلوبكم
نوره2 صفعتها على راسها سمعي
احنا سمعتنا مثل الصفحه البيضه
فياليت ماتقلطين انتي او غيرك
نوره امسكتها من قميصها
قولي لخالك الي عامل نفسه محافظ
كلن يرا الناس بعين طبعه
خلود شقصدك ان خالي مافيه خير طيب والله لأوصلها لأكبر راس عندكم واخلي اهلكم يعرفون يربونكم
مشت عنهم
مشت نوره مع نوره2 وهم في الطريق حطت نوره2 يدها على كتف نوره لأن حست انها تضايقت
نوره خلاص نوره صدقيني نسيته
وماعاد له ذكرا في قلبي
نوره2 "تكذبين علي ولا على نفسك"
ابتسمت لها خلينا نحضر المحاضره
في بيت فارس على العشى
تنزل سحر وتمر جنبهم ولا سلمت
ادخلت المطبخ
حصه معليه فارس للحين حاطه في خاطرها عليك لأنك ضربتها وانت مثل ابوها سامحها
خلود لا يمه خالي كان معاه حق
هذيلي بنات قليلات ادب وسحر لازم تتركهم
فارس وضحي كلامك
خلود بتسوي نفسها مسكينه
أنا لو احب المشاكل كان شكيت عليهم لما الزفته نوير عطتني كف
والثانيه اضربت راسي
فارس من الي عطتك كف
خلود اخت ماجد وياليت جات على كذا وبس
ليلى خلود خلاص مهما كان احنا
جيران
فارس شقالت
خلود قالت لي قولي لخالك
كلن يرا الناس بعين طبعه
فارس ارتفع الضغط عنده قام وهو
معصب وساكته للحين
"طيب يانوير ان ماخليت اخوك
يدفنك اليوم مأكون فارس "
سحر اسمعت كل شي اطلعت
من المطبخ ووقفت جنب خلود
تدرين ا ن الي سوته فيك نوره ونوره تستاهلينه وهذي هديه مني
وصبت على رأسها العصير
خلود الله ياخذك ياحماره
حصه سحر شبلاك انهبلتي
ليلى لا السالفة ماينسكت عنها أنا بروح بنفسي لأمهاتهم واعرف السالفة
حصه يمه احنا ماعلينا منهم اهم شي بناتنا وبس ومافيه داعي نكبر الموضوع الله يستر على عباده
|