منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-26-2011

اليوم الثاني ......

الأم (بغرفة سمر) : لا إله إلا الله يا سمر قومي
سمر(متغطية) : أوووووه ماماتي الساعه 8 وش فيك مستعجلة
الأم : قومي بنروح بيت خالك نتحمد لهم على السلامة
سمر : تو الناس من الصباح رايحين ما وراهم شيء
الأم : مشتاقة لخالك قومي
سمر(تسمع تلفونها رفعته) : ألو ... أووووووووووووف هذا أنتي وش تبين ....... وش أسوي خالتك فوق راسي تبيني أصحى نروح بيت خالك ..... لا لا والله ....حلفي ... زين أبلغها أقلبي وجهك .. باي
الأم : وش عندها عذاري
سمر(ترجع تتغطى بتكمل نوم) : يمه تقول عذاري لا تروحون شقه خالي لأنهم (تتثاوب) آه أعوذ بالله
الأم : أخلصي علي
سمر : طيب قاعدة اتثاوب
الأم (عصبت) : سمرووووووووووه
سمر : زين خلاص خالي أو بالأصح أمي مزنه عازمة الكل على الغداء عندها فلا تروحين لهم تشوفينهم في بيت خالتي
الأم : زين خلاص أخمدي
سمر : يمه ولا عليك أمر قعدوني الساعة 10
الأم : زين خيشه نوم مو بنت أعوذ بالله
سالم (طالع من غرفته وشاف أمه وأبتسم) : صباح الخير
الأم (سكرت باب غرفة سمر) : صباح النور صاحي بدري
سالم : وأنا قدرت أنام من شفت خالي و أهله
الأم(تبتسم) : الخال ولا أهل الخال
سالم : والله الكل عارفه خالي غالي وأهله غالين
الأم : الله يهنيك دوم
سالم : ما أفطرتي
الأم : إلا مع أبوك وجدك تبي فطور
سالم : أيه جوعان
الأم : خسى الجوع تعال يمه

ونزل سالم يتفطر مع أمه والوقت يمر بسرعة وعلى الساعة 10
رننننننننننننننننننننننننننننننننننننننننننننن المنبه^_^
سمر(تتغطى باللحاف ومعصبه) : اوووووووووف يالبلشه لازم غداء قاعدين من الصبح كان خليتوه عشاء (سمعت باب غرفتها يدق بعصبيه) ننننننننننننننعم
ماريا : ماما يقول أذا أنتي يلوح لازم ينزل 15 تقيقه
سمر(رفعت اللحاف ) : شنووووو 15 دقيقه ظلم
ماريا : يقول لماما تلم
سمر : شنو بغبغاء لا يقول يا غبية
ماريا (عصبت) : تيب شنو يقول
سمر : عشتووو عصبت انقلعي جايه ألحين
ماريا نزلت معصبيه وتتأفف وسمر دخلت تأخذ دش وفتحت دولابها واختارت لبسها وبعد ما خلصت الميك أب خذت عبايتها وعطرتها ونزلت لتحت شافت أمها وسلمى ينتظرون
سمر : السلام عليكم
سلمى والأم : وعليكم السلام
الأم : تو الناس كان نمتي ما قلت ربع ساعه
سمر (تطالع ساعتها) : يمه تأخرت 10 دقائق وبعدين معجزه سمر بنت فهد تخلص بنص ساعة
الأم : إيه لو قعدنا طول اليوم نسمع لسمر فهد ما خلصنا يلا نروح
سمر : ما أفطرت وبعدين منى مو رايحه
سلمى(توقف تلبس عباتها) : لا تقول مالها خلق نقزات البنات وتعليقاتهن
الأم : يا بنات يله السائق برى
سمر : والفطور
الأم (تمسك يدها) : في بيت خالتك كل شيء جاهز
وصلت سمر وبعدها بثواني وصلن البنات إلا منى و ميثه ما حضرن الغداء لأن مو باقي شيء على زواج ميثه ومستحيه من الكل
في المطبخ البنات متجمعات ..........
سمر(تشرب عصير) : مي ميثه ليه ما حضرت
مي : هههههههه تقول تستحي
سمر (رفعت حاجبها) : والله جاء اليوم اللي نشوف ميثوه مستحيه
فرح : لا عاد حدك عن مرت اخوي
سمر (لفت لها) : وتدافعين بعد يا نص نصيص
فرح : نص نصيص بعينك
البنات : ههههههههههههههههههههههههههههههه
عذاري : ما شاء الله عليكن تضحكن وأنا وليالي نسوي الشاي والقهوة
سمر : يعني وش تبين أظن ثنتين يكفن وحده تستلم القهوة ووحده الشاي
مي : شاطره صرفت نفسها
عذاري : يا أتكاليه أففففففففف
فرح : ما وصل بيت خالك عذوره
عذاري(تصب الشاي) : سلطان متصل عليهم يقولون على وصول
مي :تأخروا كثير وهذي العزيمة لهم
سمر : أكيد الست لمى وكشختها الزايده
ليالي : بصراحة ولا تزعلين يا سموره وعذور ما أحبها هالبنت ما تعجبني
سمر (تكتف أيديها وتهز رأسها) : لا لا خذي راحتك ما أزعل بخصوص لمى عادي
فرح : عاد ليه حلوه لمى
مي : يمكن غيره والعياذ بالله
سمر وليالي : ووووووووووووووووووووووع
: منو الوووووووووع
لفن البنات وأرتبكن
عذاري : هلا لمي ... وع طعم الشاي اللي مصلحته سمر وليالي (مشت تسلم عليها) الحمد لله على السلامة
لما : الله يسلمك (وسلمت على الكل وبدت أخذ السوالف والأخبار)
سلمى (تدخل) : يا ويلي منكن (انتبهت للمى وسلمت عليها) ألحين ندور عليكن بالمطبخ وسالف
سمر : عادي
سلمى : عادي هاه وين القهوة والشاي لمجلس الرجال
عذاري : هذا ليه
سلمى : أبي أتأكد منهن
عذاري(رفعت حاجبها) : ليه مو واثقة مني
سلمى : لا والله ما اقصد آخر قهوة كانت بلا هيل
مي : من قال
سلمى : إبراهيم معصب يقول مخلين البزارين يسوون قهوة وشاي للرجال
البنات (بصوت واحد) : نننننننننننننننننننننننننعم
سمر : يلا يا بنات نجلس في الحديقة كافي اهانات
البنات : يله
خوله(داخله) : وين وين البرنسيسات مروحات
مي : والله يا خاله يقولون قهوتنا مو زينه وأنجرحنا أهئ أهئ
خوله (توقف جنب سلمى) : الصراحة مو كلهن بس آخر شاي وقهوة قاموا يتأففون من اللي سواهن
ليالي وعذاري : سمر ومي
سلمى : أيه هذا والله اللي شكيت فيه أعرفهن وأعرف طبخهن
لمى : ههههههههههههههههههههه
سمر(خزتها) : بس بس لا تموتين علينا
لمى (أنحرجت) : ....................
سلمى : يله طلعن من المطبخ مسويات زحمه
عذاري : ومن يسوي الشاي والقهوة
خوله : أنا وسلمى
مي(حبت تطفرهن وتقرب من خوله) : بسوي معكن
خوله : مو وقته بعدين
مي : لا خالوه ألحين بعوض عن الضرر اللي حصل
خوله : مي خليني وراي شغل
مي : لا لا
خوله (ترفع الملاس وبعصبيه) ميوووووووووووووووووووووه
مي (أهربت تضحك وأصدمت و كانت بتطيح بس مسكها ) : آ آ آسفه
فيصل : بسم الله عليك فيك شيء مي
مي (تحمد ربها متغطية وتبعد عنه لين خوله) : هاه لا
خوله(كتمت ضحكتها وهمست) : جزاك
مي : خالوه
سلمى : يله طلعن برا مسويات زحمه
طلعن البنات ...
سمر(لاحظت حالة مي ومشت جنبها) : ميو عادي
مي(رفعت نضرها) : شنو عادي الحمد لله متغطية صدق خبله
سمر(غمزت ) : ليتك مو متغطية كان فيصل ما يخليك بسم الله عليك مزيونه
مي(أستحت) : أخوك بعد ما شاء الله مزيون
سمر : لحقتي تطالعينه
مي : سموووووووووووووووره
سمر : ههههههههههههههههههههه خلاص خلاص تعالي البنات سبقنا
مي (في نفسها) : ما شاء الله عليك يا فيصل من متى ما شفتك وااااااو من قدي كنت لازقه فيه وشفته شفته يا ويل حالي تخبلت ههههههههههههههههههههه
أووووووه منك دايم تخبل من يشوفك عارفه منت لي بس ما أقول غير أحرسه يا رب
طلعن البنات وحطن زوليه (فرشه) بالحديقة وجلسن
ليالي : والله متعه إجازة عيد الفطر بس خسارة مو طويلة كم يوم
مي : يووه يا حلو رمضان الله يعيده علينا يا رب كل سنه
البنات : أمين يا رب
سمر : بنات تغطن سالم وناصر جايين
تغطن البنات إلا لمى ما تتغطى بس تتحجب غصب عنها لأنها بالسعودية وليالي اللي تتحجب بس قدام سالم قامت عذاري تسلم على سالم أخوها من الرضاعة
سالم : هلا هلا وبعد هلا عذوره
عذاري : هلا فيك كيفك
سالم : بخير و أنتي
عذاري : تمام بشوفتك
سالم : لو مشتاقة كان جيتي لنا
عذاري : والله مشغولة مع أمي يالغالي أنت بعد ما نشوفك قطعت
سالم : أيه والله خلاص لك مني أجيكم واسهر معك وأنام عندكم بعد
عذاري (بفرح) : وعد
سالم : وعد
ناصر : بصراحة كأنهم نسوني ارجع يعني
ليالي : لا لا ياهلا وهلا وهلا وهلا وغلا بنظر عيوني (لفت لسالم) حتى أحنا نعرف نهلي بس حنا كرماء بالترحيب
الكل : هههههههههههههههههههههههههه
ناصر : والله محد يغلبك إلا ليالي تسلمين يا أحلى أخت ما غلطت أمي يوم جابتك معاي مع اني قلت لها أبي أكون بروحي قالت لا وحلفت أجيبك معي قلت لك عطيني يدك وطلعنا تذكرين حتى ضحكتي علي و سبقتيني بدقيقتين
ليالي : أيه اذكر
الكل : ههههههههههههههههههههههههههههههههههههههههههه
سمر : طيب وش جايبكم
سالم (لف للمى ) : شفنا النور زايد عندكم قررنا نجي
سمر : أيه تكفه (بأستهزاء) ألبس نظارتك الشمسية عشان النور لا يؤثر على عيونك
ناصر : من قدكم قاعدين معنا
عذاري : لا عاد أسمح لي انتم اللي جالسين معنا
فرح ومي ما تكلمن و فضلن يسكتن رغم إنهن تمنن يردن على غرور سالم وناصر بس ماسكات نفسهن
لمى : ههههههه جلستهم حلوه
سمر(تخزها) : جلستهم حلوه على شنو فرحانة على الدلع ولا وش رأيك تروحين المجلس معهم
سالم وناصر : يحق لها الدلع
ليالي : عاد الدلع ما في مثل لمى متعودة من البيئة اللي عاشت فيها ما عليها عتب ( ابتسمت باستهزاء ) بس المشكلة الحياء ما يعرف طريق لبعض الناس (ولفت لسالم )
سالم فهم أنها تقصده وللحين ما نست سالفة اللي قال ياهنيك يا سمر
ناصر : الحياء أظن مو لايق على كل واحد بس ناس وناس
ليالي : زين انتو الحين وش جابكم ومجلسكم
سالم : رجولنا هههههههه
ناصر(ضرب كفه بكف سالم) : حلوووووه خخخخخ بس لا تعيدها
لمى : أنا بعد كفكم
البنات انصدمن من جرأتها وسالم وناصر طالعوا بعض وما ترددوا ضربوا كفها بكفهم << عادي هههههههههههه
ليالي(عصبت منهم ومن لمى اللي مو مهتمة أن هذا عيب) : قوموا فارقوا
ناصر(يطالع سالم و أباستهزاء) : طرده أفااااااااااااا
سالم (يطالع لليالي وبغرور) : مو جالسين فوق راسك
ليالي (تصر على ضروسها بعصبيه) : أظن هذي جلست بنات
سالم : بنات
ليالي : أيه بنات( تأشر على البنات) : بنات ما تشوفون وانتم عيال يلا يلا
سالم : وأنتي
ليالي : أنا
سالم (يطالع وبأستهزاء) : أيه أنتي هن بنات وإحنا عيال وأنتي
ليالي (رفعت حاجبها ) : وش فيني
سالم : أمممممممم بنت ولا ولد
ناصر : تصدق صدق
الصمت عم المكان صدمه كلام سالم وتأييد ناصر كيف يتجرؤون ويقولون عنها هذا الكلام وهم أكثر الناس معرفه وقرب من ليالي أما ليالي صدمه كبيره وأكبر من البنات حست بطعنه طول الوقت تسمع أنه ما همهم شنو أهي بقدر أنها ليالي مو مهم شكلها وهيأتها ما كانت مفكره أنهم يفكرون هي شنو بنت ولا ولد
سالم : هاه مجاوبتي ولا أكل البسه (القطوه) لسانك أنت لما توقفين معنا كأنك توأم لي ولناصر ولما تكونين جنب البنات شكلك غلط وش جابك للجنس الناعم كلهن كشخه وملامح تعرفهن لما تشوفهن
ليالي حست الدمع في عيونها ونزلت رأسها ما تبي يشوفونها وتحس يضيق تنفسها إلا سالم وناصر إلا سالم وناصر هذا ما تردده بقلبها وتحس بطعنات كل الناس عادي إلا أهم شخصين بدنيتها إلا سالم وناصر لاااااااااا
ناصر : صح لسانك قلت اللي بقوله بس آآآآخ منك دوم تسبق شوفي ليالي صدق بينك وبين لمى الفرق شاسع
لمى (بحيا) : شكرا
ليالي ماقدرت صدمات رفعت عيونها وطالعت لناصر وسالم اللي أنصدموا سالم وناصر ليالي تبكي ليالي من عرفوها ما بكت ولا شافوا دمعه على خدها

وتبقى ...
صرخة آلدهشه
تترجم للأسى عنوآإن
تترجم صدمتي ...
بـ إنسآن هقيته مخلص و وآإفي

وتوهم بيتكلمون لما شافوا دمعة ليالي الغاليه