منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-26-2011

في بيت سهام .........

سهام تتصل على منى بطلب من مشاري اللي زارها بعد اللي صار أمس واهو مو قادر ينام بس يفكر فيها ولكن منى ما ترد وبعد فتره أغلقت الجوال

سهام(تحط جوالها) : سكرته
مشاري : لا حول ولا قوة إلا بالله
سهام : مشاري أنت تعرف من الأول أن منى ما تبي تتزوج وكذا مره تسأل عنها وأنا من خبالي أسولف لك ما ضنيت الأخ حاط عينه عليها
مشاري : سهوم أنا قلت لك إني أحترمها وأحبها وأبيها من زمان يا أختي أفهمي مشاعري
سهام : مدري أذا الأمر اللي سويته وخطبتك لها ممكن تضر صداقتي و إخوتي لها
مشاري : لا ما بتضر أن شاء الله طيب أتصلي على البيت أنا كثير أحاتي يوم تعب أمس طلبتك
سهام : وش يقولون عني والله فشله
مشاري : سهام طلبتك افهميني
سهام : خلها على راحتها أنت عارف إن منى عنيده وياما تقدموا لها ورفضت ما أبي اخسرها
مشاري : ترفض لأنها تحس أعاقتها حاجز بينها وبين الزواج والحياة العادية وأنا أبي أعوضها عن كل شيء كل شيء حتى الدمعة والجرح بكون لها البلسم بس ما ترفض
سهام : الله يكتب اللي فيه خير
مشاري : طيب أتصلي وطمنيني
سهام : ما اقدر بس شوف إذا ما ردت علي أروح لها بكره
مشاري : احلفي
سهام(ابتسمت) : عشانك بس
مشاري (أبتسم) : طيب وطمنيني أنا بروح باي
سهام : وين تغداء معنا عادل على وصول
مشاري : الغالية تنتظرني على الغداء
سهام : سلم عليهم
مشاري : يوصل
سهام(أرسلت رسالة لمنى ) : منى ردي علي والله ما كنت اعرف بخطط اخوي طلبتك ردي ولا تزعلين وتتضايقين مني لأنه مالي دخل اليوم بس عرفت مناي بأنتظارك

**************************

في بيت ليالي ..

نزلت رايحه للمطبخ انتبهت لسالم وناصر بالصالة جالسين

ليالي : السلام عليكم
ناصر وسالم : وعليكم السلام
ليالي : هلا سالم كيفك
سالم : تمام وأنتي
ليالي (تجلس مقابله لهم) : لله الحمد ... هاه وش جايبك عندنا
سالم(يطالع ناصر) : كأنها طرده هذي أهانه
ناصر : هههههههه دائم تطردك وترد لنا
سالم : لا احلف كأنك تستهزأ لا تخلوني أحلف علي الطلاق ما ادخل هذا البيت مره ثانيه
ليالي : هههههههه لا تكفه لا تحلف تطلق بعدين تدعي علي البنت و أهلها أجلس بس
سالم : لو ما حلفتي ما كنت جلست
ناصر : ههههههههههههه توم وجيري
سالم (يتربع على الكرسي ) : هاه وش راح تعشونا
ليالي (ترفع حاجبها) : ليه ما في بيتكم أكل
ناصر : إلا فيه بس عمي فهد وصاني أعشيه
سالم : قلت بغير الأكل وأجرب أكلكم وش يختلف عن أكلنا
ليالي : مثل عشاكم ما نختلف بس اليوم ما عندنا غير جبن وخبز وزين أن جبت لك معها طماطم
سالم (نزل رجوله) : نننننننننننننعم وأنا ولد أبوي عقب المحمر والمشمر خبز وجبن ولا إذا تكرمتي علي طماطم
ليالي : أحمد ربك على النعمة غيرك يتمناها وبعدين هونت الطماطم مو واجد عندنا خبزه وجبن تكفيك بس
ناصر : ههههههههههههههههههههههههههههههههههههههههههههههه
سالم (يصر على ضروسه) : وش أشرب معه
ليالي : مويه عشان ما تغص
سالم (يوقف) : هونت أرجع بيتنا أحسن
ناصر(يمسك يده ) : هههههههههههههه أجلس تضحك عليك
ليالي(تكتف أيديها وتوقف مقابله سالم) : لا ما أضحك
ناصر(يطالع لتوأمته اللي وقفت) : بس أمي تقول اليوم عشانا دجاج بالفرن
سالم (بصدمه ) : دجاااااااااااااااااااااج
ليالي : أيه دجاج لا يطيح سقف فمك بس دجاج لنا مو لك أنت لك الجبن والخبز
سالم (بعصبيه من برودها) : لا والله أنتم تأكلون دسم وأنا نواشف ليه بالله أحد قال لك سمين من كثر ماني نحيف أحس بطني بيلزق بظهري حرام عليك يا شيخه
ليالي : لا لا منت سمين بس منعا للكلسترول
ناصر (يضحك على سالم المعصب وليالي البارده) : هههههههههههههههههههههههههههههههههههههههه
سالم (يصر على ضروسه) : أذبحهاااااااااااا ترى من كثر ماني جوعان آكلها
ناصر : ههههههههه تنشب ببلعومك ما تنزل
سالم (جلس ونسى العصبية على كلام ناصر) : ههههههههههههههههههههههههه
ليالي : ها ها ها سخيفين بروح أشوف أمي ولا تخاف سالم بجيب لك خبزه وجبن عشان تتعشى (مدت لسانها له وراحت للمطبخ)
سالم (وقف بس ناصر مسكه) : قطع يقطع لسانك هييييييييييييين يا ليلوه
تعشى سالم في بيت عمه ورجع البيت يستعد ليوم جديد

*******************************************

يوم وصول الخال لأرض المملكة ......
بيت أبو إبراهيم ........

سمر(تنزل وتحب رأس أمها) : السلام عليكم
الكل : وعليكم السلام
سمر(تجلس جنب فيصل على نفس الكرسي) : هلا فيصل يا أخي فقدتك أمس
فيصل : ما تفقدين غالي كان عندي مناوبة
سمر (ابتسمت) : ربي لا يحرمني منك (ألتفت لأمها) ماما ما نزلت مناي
الأم (بحزن) : لا والله لا نزلت ولا رضت تأكل
سلمى : ما يصير خالتي لها يومين على هذي الحالة
سمر : يمه حتى طلال ما نشوفه بس جالس عند غرفتها يكسر الخاطر
فيصل : مو سهل اللي يصير لها هذي حياة جديدة بعد تجربه تعبتها جسديا ونفسيا
الأم : الله يعينها
الكل : آمين
سالم : يمه كله زواج و مشاري رجال ما شاء الله عليه تراه مو عشماوي
فيصل(يخزه) : يا زينك ساكت يا تتكلم عدل يا تسكت
سالم : يا خوي تراني صادق أنتي مكبرين السالفة ت
فيصل (عصب) : ساااااااااااااااااااااااالم
الجد (طلع على صراخ فيصل وشاف ) : علامك تصارخ يا فيصل فيكم شيء
فيصل(يلف لجده ويطالع سالم اللي نزل رأسه ) : السموحه يا جدي بس عصبت شوي
الجد (أبتسم) : وش اللي عصبك
فيصل : سالم الله يهداه عصبني شوي
سالم (قرب من فيصل ويبوس خشمه) : والله غلطت ما كنت أقصد العذر
الجد (أبتسم ) : اللي فيه منى محد يحس فيه صعب تعيشون وتحسون باللي أهي فيه إلا اللي يعيش حالتها حالة المعاق اللي بياخذ إنسان سليم المقارنة بينهم صعبه
سمر(تركض له وتبوس رأسه) : فديتك درر يا جدي حكمه بسم الله عليك طالع علي بنت ولدك
الكل : هههههههههههههههههههههههههههههههههههههههه (هذي سمر تغير الجو بلحظات ^_^)
الجد : منى ما نزلت
الأم : لا يا عمي لها يومين ما أكلت ولا نزلت
الجد مشى ناحية المصعد اللي نادرا ما يستخدمه ويوم وصل للدور الثاني لفت انتباهه طلال اللي ساحب كرسي وجالس قدام الباب وأيده على خده حزن لشكله هو ما يعرف غيرها بالدنيا
الجد (قرب منه ومسح على شعره ) : علامك جالس هنا
طلال(بحزن) : أبي ماما بشوفها
الجد (أبتسم) : ضربت الباب عليها
طلال(يأخذ نفس ويطلعه) : ضربت بس قالت تعبانه ما تبي تشوف أحد وأنا مو احد أنا طلال حبيبها
الجد : لا حول ولا قوة إلا بالله (ينادي بصوت) سمررررررررر يا سمر
سمر(تصعد الدرج يوم سمعت جدها) : لبيه يالغالي
الجد : لبيتي حاجه يا رب خذي طلال
طلال : لا ما أبي أبي ماما
سمر (تقرب منه) : طلال ما عرفت أمس سالم جاب أيسكريم وخبأه بالثلاجة وش رأيك نأخذه واهو ما يعرف
طلال : ما راح يعرف
سمر : لا يله ننزل قبل يرجع ويعرف
طلال(أبتسم) : يله
منى كانت تسمع حوارهم واثر فيها كلام طلال ونزلت دمعتها على خدها
منى : أنا كيف نسيته انغمست بعالمي ونسيت دنيتي طلال وخنت أمانة منال آآآآآآآآآآه لا تلوميني يا قلبي (سمعت ضرب الباب مسحت دموعها وفتحته) حياك يا جدي
الجد : ما بغيتي تفتحين ليه يا منى ليه تسوين بنفسك كذا ليه تخلينا نقلق عليك يا بنتي
منى(تستند على عكازها وتحب رأسه وتحضنه) : مو بيدي سامحني
الجد (يمسح على رأسها) : خلينا نجلس أبي أسولف معك شوي
منى(تجلس على طرف السرير وجدها يجلس جنبها) : حياك
الجد : سمعي يا منى مشاري رجال زين ليه ترفضين وتعصبين أبوك وأنتي عارفه أنه ما يقصد يجبرك بقصد انه يأمن لك حياته
منى : جدي أنا ما أبي الزواج مو اعتراض على مشاري أعرفه والله وأعرف أخلاقه من كلام أخته بس أنا أنا (وبدت تصيح)
الجد : يامنى قلة حركة رجلك مو نهاية الحياة ياما حريم ورجال على كراسي متحركة وتزوجوا وما شاء الله عندهم عيال سليمين تعرفين غيرك يتمنى يحرك طرف بجسده مو قادر كل أطرافه ما فيها حياه أحنا مو دائمين لك يا بنتي (حديث عن الرسول معناه ان الانسان تقطع أعماله بالدنيا إلا من عمل صالح وولد يدعو له ) ما تبين ولد ولا بنت يدعون لك
منى : وطلال
الجد : وش فيه طلال
منى : كيف أخليه أنا وعدت أمه الله يرحمها وأهو ما يعرف غيري أم
الجد : هذي مقدور عليها أنا اكلمه بموضوع هذا أنه ما يحرمك منه
منى : ما راح يوافق الواحد يالله يالله يتحمل عياله يتحمل عيال غيره صعب
الجد : أصابع يدك مهي سوى مشاري دكتور أطفال ويحب الأطفال كثير ويحب طلال لا تقارنين بينه وبين الخسيس عمر

بدأت مناقشة الجد ومنى حول موضوع زواجها يا تقنعه يا يقنعها

أما في الصالة السفلية ..

الأم (على أعصابها) : خلاص ما فيني أعصاب لهم نص ساعه
سالم : صدق وقت طويل
الأم (توقف) : بروح أشوف الغداء أبي أشغل نفسي قبل افقد عقلي
فيصل : بسم الله عليك روحي يمه
سالم (نظر للسلم ) : تصدقون أنا واثق أنها راح توافق
فيصل : ما أظن
سالم : تراهن
سمر (من و خلفه) : على شنو تراهنون
سالم : إن منى توافق
سمر : ما راح توافق
فيصل : أنا مع سمر
سالم : من 100 ريال
سمر(فتحت عيونها) : 100 لا كثير أقصد على 50 بس وبعدين و راي عرس ومصاريف ما اقدر ادفع أكثر من 50 ريال
سالم : لا 100 ولا لا تراهنين
فيصل : خلاص هي تدفع 50 وأنا 100 وأنا بفوز
سالم : تم
سمر : بروح أساعد ماما وسلمى بالغداء
سلمى(تجهز السلطة للغداء) : عمتي متى راح يوصل أبو عمر (عبدالكريم أخو ميثه)
الأم : الساعه 5 توصل طيارتهم وتعرفين المطارات وزحمتها يبون ساعتين 3 ساعات
سلمى : راح يكون عندنا عشاء بكره
الأم : والله أظن أيه بس عمك حاب نروح المزرعة هذا الأسبوع
سمر(داخله) : واااااو مزرعة وناسه
الأم : بسم الله خبله أنتي
سمر (تحضن أمها) : يمه أنا من زمان ما شفت المزرعة ومشتاقة لها من راح يروح وكم نبقى هناك
الأم(تبعد سمر وتشوف الأكل) : نروح الأربعاء والخميس والجمعة نرجع الكل بيروح عمامك وخوالك حتى جدتك وخالتك فضه يمكن إذا طلعت تتغير صحتــ (سكتت يوم نظرها توجه لباب المطبخ وابتسمت) مناي
منى (تبتسم) : السلام عليكم
طلال اللي كان هادي على الكرسي جالس يأكل أيسكريم بس شافها ركض لها وحضنها
طلال (يبكي) : ماما
منى( تمسح على شعره لأنها ما تقدر تنزل مستنده على العكاز) : هلا حبيبي
طلال(يتمسك أكثر فيها) : ليه تخليني وما تشوفيني
منى : كنت تعبانه يا قلب ماما وما راح أخليك بس لا تبكي
طلال(يمسح دموعه ) : ما تخليني خلاص
منى(تبتسم) : وعد بس أتركني أسلم على أمي ما شفتها
الأم (تحضن منى وتبكي) : اشتقت لك يا روح أمك
منى (تبوس رأسها ) : سامحيني يا يمه أشغلتك
الأم : والله يا منى أذا ما تبينه ما تتزوجينه لو أبوك طلقنـ..
منى(تحط يدها على فم أمها) : لا يمه لا تقولين كذا أنا موافقه على مشاري
عم الصمت أجواء المطبخ والكل يستوعب الكلام اللي قالته منى
وفجأأأأأأأأأأأأأأأأأه

الأم : كلووووووووووووووووووووووش
سمر(تركض وتضم منى) : خلوني أبارك للعروس
ركض سالم وفيصل للمطبخ ...
فيصل : وش صاير وش السالفة
سلمى : كلووووولووووووووش منى وافقت
سالم (ينطط) :كلولوووش ونااااااااااااااسه منى وافقت يالليل دانه يا ليل دانه كلووووووولووووووووش
منى : لهذي الدرجة فرحان لي
سالم : لا فرحان كسبت 150 ريال من سمر وفيصل
فيصل(يضربه برأسه) : ياحماااااااااار حطمتها والله عليك حظ
الكل : ههههههههههههههههههههههههههههههههههههههه
الأم : مالت عليكم عيال باركوا لأختكم
بارك فيصل وسالم لها ...
سلمى : خلوني أسلم عليها وأبارك لها (تسلم عليها) ألف ألف مبروك يا مناي
إبراهيم (سمعت أصوات يوم دخل وأتجه للمطبخ) : وش بلاكم مجتمعين هنـ... (أنتبه لمنى ) هلا وغلا منى
منى : هلا إبراهيم
الأم : إبراهيم بارك لمنى وافقت
إبراهيم(بفرح يقرب ويبوس جبينها) : ألف ألف مبروك الله يهينكم أن شاء الله
منى (بحياء) : الله يبارك فيك ويخليكم لي
الأم : إبراهيم أبوك وين
إبراهيم (يضرب جبهته) : يووووووووه نسيته بالصالة من الفرحة تراه يبي الغداء بروح أبشره
فيصل : بروح أبشره قبلك
سالم : لا والله أنا بسبقكم عشان آخذ البشارة
وتسابقوا للصالة ولكن انصدموا باللي عند أبوهم فعلا تجري الرياح بما لا تشتهي السفن
سمر : يا حليلكم أتفقتوا من يبشر أبوي ولا من سبق كل النبأ
سلمى ومنى والأم : ههههههههههههههههههههههههههههههه
الأم : شاطره سموره
سمر(بترفع خشمها وبغرور) : تسلمين يمه تربية فهد الـ ....
سالم (بزعل) : ووووووووول عليك حظ بس لا تنسين 50 ريال اللي عليك
سمر(تطالع له من فوق لتحت) : تبي 50 ريال بس أفاا عليك (لفت لأبوها) باباتي لو سمحت 50 ريال للأخ سالم
الأب(دخل يده بجيبه وطلع فلوس) : خذي يا عيون أبوك
سمر(تمشي لسالم وبغرور) : خذ يا سالم الـ الـ الخمسين ريال (بأستهزاء) مو محتاجه لها الحمد لله
فيصل : يبه ادفع عني 100 ريال
الأب : مو عندك راتبك أدفع من جيبك
فيصل(يكتف أيديه ويطالع لسمر) : وليه سمر
سمر(توقف جنب أبوها) : قل أعوذ برب الفلق
الأب : ههههههههه أهي بشرتني تستاهل
سالم : أيه الحمد لله ما بشرتك 50ريال البشارة أنا كاسب 150 ريال صح فيصل
فيصل : صدقت لو عرفت أن البشارة كذا كان ما تعبت نفسي أناقش الأخ إبراهيم والأخ سالم في من يبشر الوالد العزيز بموافقة العروس الحلوة
سمر(تطلع من جيبها الفلوس وترفع يدها فوق) : صدقتوا الحمد لله أني أنا من تعبت وأخذت 2000 ريال البشارة
إبراهيم وسالم وفيصل : ألفيييييييييييييييييييييييييييييييييييييييييييييين
الأم ومنى وسلمى : هههههههههههههههههههههههههههههههههه
الأب(وقف و اتجه لمنى ضمها ) : ألف مبروك يا منى وسامحيني أذا غصبتك يا بنتي بس لمصلحتك والله
منى(بحياء باست رأسه) : الله يبارك لك يالغالي ربي ما يحرمني منك
الأم : يله يا بنات نحط الغداء
البنات : يله

وصل خبر موافقة منى لمشاري اللي مو قادر يعبر عن فرحته بقبولها والعائلة اللي فرحت لخطبة منى وبدأت الاتصالات بالمباركة والتهنئة مشاري كان طالب يشوف منى شوفه شرعيه وتوافق الأمر مع أن منى طالبه تكلم مشاري قبل لا يعلنون رسمي الخطبة للناس وتحط النقاط على الحروف وبعد صلاة العشاء كان الموعد ومنى متوترة وجالسه بغرفتها وتفكر
منى : اللي سويته صح ولا خطأ .. أنا كيف وافقت هل الخطوة صح أم بداية للضياع (تسندت على عكازها ووقفت جنب الشباك) وطلال وش موقعه يرضى فيه مؤقت لين أصير عنده وبعده يرفضه ...... آآآآآآآآآآآآآآآه يارب ثبتني قلبي يرجف .. ما راح أوافق إذا رفضت طلال يا مشاري لو أوقف قدام الكل طلال بالأول (سمعت دق الباب) أدخل
فيصل (أبتسم) : يالله يالعروس مشاري وصل وأبوي يقول انزلي
منى(أخذت نفس وطلعته) : أن شاء الله الله يعين توكلنا عليه
فيصل : حشا داخله حرب
منى (تلف لفتها وتلبس نقابها ) : صدقني بالنسبة لي حرب أنا اكسبها يا هو يكسبها
فيصل : ليه لابسه لفه ولثام
منى : أنا حابه ألبس أسبقني للمجلس جايه
فيصل : أن شاء الله
نزل فيصل وخبر أبوه أنها جايه منى نازله من الدرج وأمها وسلمى وسمر متفاجئات بلبسها
الأم : ليه لابسه لفه ومتغطية يمه من حقه يشوفك
منى : معليه يمه
سلمى : الشرع عطاه حق النظرة
منى : ياربي أدري لا تخافون بيشوفني ويشبع شوف أنا مو مجنونه أنا عارفه وش أسوي يلا تأخرت يمه تعالي معي خايفه
سمر : أنا أجي معك
الأم : أنثبري منى أبوك وأخوانك وجدك داخل روحي الله يتمم لك بخير
إبراهيم (يدخل يستعجلها) : منــ.. وش لابسه
منى : برهوم لا تعلق عارفه يلا نمشي
الكل بالمجلس قاعد على أعصابه ومشاري متوتر وكل شوي يسوي شماغه ويمسح وجهه فيصل وسالم ماسكين نفسهم عن الضحك على شكله لان أبوهم خزهم أكثر من مره
منى : السلام عليكم
الكل : وعليكم السلام
الكل يتبادل النظرات من تغطيها و مشاري يرفع حاجبه يبي مبرر لحركتها
الأب(ابتسم) : حياك تعالي عندي
منى (تمشي بمساعدة عكازها) : الله يحييك
الجد : مشاري تكلم هذي منى
مشاري : احم كيفك يا منى
منى : بخير تسلم
ساد الصمت والأب غمز لعياله يطلعون عشان يأخذون راحتهم
منى (انتبهت لأبوها يقوم) : وين
الأب(يبتسم) : أخليكم مع بعض
منى(تطالع له وتهز رأسها لا) : ......
الأب(يبوس رأسها) : لا تخافين بنكون قريب
الجد (همس لها) : أنا ما راح أخليك وأنا جدك
منى(تبتسم) : الله يخليك لي
الجد(ألتفت لمشاري ) : يله قولي لمشاري اللي تبين
منى(بهمس ) : أستحي
مشاري (أبتسم) : منى شنو شروطك
منى : .................
مشاري : منى
منى(في نفسها) : وش اقول ياربي يوم شفته ضاع كل الكلام اللي مصففته أقوله وووووووووووووين الثقه آآآآآآآه ساعدني يارب
الجد : منى الرجال يكلمك
مشاري : الظاهر يا جدي بنام عندكم اليوم بس حطوا لي لحاف زين لأني أبرد
منى (كتمت ضحكتها وحاولت تشجع نفسها) : أحم أسمح لي يا دكتور مشاري وأسمع لي للنهاية أذا وافقت على شروطي فأنا لك حليلة ولك الحق بالنظرة الشرعية وإذا ما أعجبتك شروطي فأنا ساتره نفسي وأنت الله يهينك بوحدة ثانيه
مشاري : تفضلي
منى : ما راح أسوي ملكه ولا حفل زفاف أبي عشاء عائلي بسيط وبس وأبي بيت أو شقه لوحدي بعيد عن اهلك وأهم شيء طلال راح يكون معي لأنك عارف أني مربيته وبحسبة أمه وما أبي شهر عسل لأني ما اقدر أبعد عن طلال(أخذت نفس حست أنها أنهت المهمة وأرتاحت)
مشاري ما عرف شنو يقول أنصدم بكلامها وتنازلاتها اللي من حق كل بنت تتمنى تتزوج كل شيء عشان طلال
منى فهمت من سكوته أنه مو قابل لشروطها ووقفت
منى : عن أذنكم
الجد : وين منى
مشاري : ما تبين تعرفين ردي
منى : باين التردد يا دكتور
مشاري : أنا شاريك يا منى وشاري نسب أهلك وأفتخر أني أناسبكم ما عندي اعتراض موافق
الكل كان خلف الباب وبس سمعوا موافقة مشاري بدت اللولشه الزغاريط اليباب ^_^
منى (رفعت يدها ونزلت لثامها ولفتها وما رفعت رأسها) : ...............
مشاري مو عارف يشوفها ومستحي يقول لها رفعي راسك وجه نظره للجد اللي ابتسم له
الجد : مناي رفعي عيونك شوفي مشاري
منى (استحت ورفعت رأسها بس مو عيونها) : .............
مشاري (نفذ صبره ما رفعت عيونها) : جدي أخاف تطلع حوله بنتكم
منى(أنصدمت من كلامه ورفعت عيونها له) : ............
مشاري(أبتسم ) : بسم الله عليك ما شاء الله
منى(استحت ونزلت عيونها ) : ..........
الجد : ألف مبروك يا عيالي
مشاري ومنى : الله يبارك فيك (ألتفت لمنى وسرح فيها في وجها وشعرها وايديها اللي تبعد الخصل المتمرده عن وجها وابتسم )

بصـــــرخ احبك عقب ماكنت كاتمهــــــا
واعلــــن وجودك بوسط القلب وحداني
٠ماكنت غايب حبيبــــــي بس افهمها
إسأل حنيني لكم هو وين وداني
ارحــــم عذاب القلــب يازين ارحمها
ارحم عذابــــي عساه يجيك ما جاني
لو تطلب الروح ارخصهــــــا واقدمها
لو تطلب العيــن ماني قايل ماني
انظم بيوت الشعر لجلك واقدمها
ومانيب طالبك غصــــب عنك تهواني
ياناس انا مجنونــــــه بحبــــــه وله باعلنـــها
والعقل في ساحه المحبـــوب هيماني
ان كان حبــك جريمــــــه وانت راسمها
لعلــــن انا في الجرايد اني انا الجاني
امــــــوت واحيا على حبــــــك واختمها

الجد : مشاري ما شبعت خز ومطالعه أذا ملكت طالع لها لين تشبع
منى(استحت واستندت على عكازها ) : أسمحولي
مشاري : وين
دخل الأب والشباب ومنى طلعت من المجلس ومشاري متحطم ومتضايق ما يبيها تروح
الأب (أبتسم) : هاه مشاري أذا ملكت قل لها وين
مشاري(أنحرج وأبتسم) : العذر يا عم
إبراهيم : يا حليلك يا مشاري طحت ولا أحد سمى عليك
مشاري(أبتسم وفي نفسه) : صدقت ومن شاف مناي نسى نفسه يا حلوها ويا حلو زولها كل هذا الجمال لي ما شاء الله
قضى مشاري السهره في بيت العم فهد و من عرفوا الشباب توجهوا لمجلس العم أبو إبراهيم يباركون له وعلى الساعه11 بالليل كلن أستأذن وعلى بيته اتجه
وطلع فيصل وسالم للمطار يستقبلون خالهم عبدالكريم وعائلته ووصلوهم لشقتهم الخاصة بعد عناء الرحلة وتأخر الطائرة رفض أبو إبراهيم أن أم إبراهيم تروح لهم لأنهم أكيد تعبانين من السفر وبيرتاحون