(مـــن يــــقول الزيـــــــــن)
من يقول الزين ما يكمل حـلاه
كل شيء في حبيبـي اكتمـل
الله اللـي كملـه والله عطـاه
مابقي للزين في خلـي محـل
العيون احلى من عيون المهـاه
شافها قلبي وصفـق واحتفـل
نظرته من فتنته شعلـه حيـاه
والجفون من الحيا فيها كسـل
ساهم رمشه على الخد وسنـاه
كن لمعه وجنتـه ورد وطـل
والشفايا كنها جمـر الغضـاه
تحرس الريق المحلى بالعسـل
والشعر ليل تقل حمـره مسـاه
اجعد حول على صدره همـل
مايج من فوق متنه مـا طـواه
لون شلال مع المغـرب نـزل
انطلق جيده يمارى فـي بهـاه
فوق ميـاس تعـزل واعتـدل
بالرشاقه فيه من ظبـى الفـلاه
لى مشى كنه على الريح انتقل
ريحته من كـل زهـر منتقـاه
والزيـاده للخزامـى والنفـل
صافي مثل المطر فوق الصفاه
باسـم مثـل البشايـر بالامـل
جامع من كـل زيـن منتهـاه
مستحيل الوصف في خلى سهل
كايد ماهـو يليـن لمـن بغـاه
يرتفع عن كل سقطات الزلـل
|