07-11-2016
|
#44
|
ارفعك بيدي لسما
لاجيت افكر بالوجيه المفاليح
وفرقت بين الناس عالي و واطي
فكرت بك ضمن الوجيه المشافيح
متقلطن ببساط ماهو بساطي
علاقتي وياك تحتاج توضيح
من شفت في بعض الامور اختلاطي
مثلك خطا يحتاج وقفه وتصحيح
بين مثل تفريق ماخذ وعاطي
ربيت من صغري على هبة الريح
ولبست لي ثوبن كمومه اخياطي
يوم انت تلعب في يدين المراجيح
انا انطح الضيفان وافرش سماطي
ماعابني لاصرت ظمن المجاريح
اغلا جروحي بين الاظلاع ساطي
العيب لاسقت القدم دون تصريح
وخليتها بدرب الرديين تاطي
والمشكله انك تحرث النار وتصيح
اركد قبل لافك عنك رباطي
خابرك ماتبعد قريب المراويح
زايد عن العالم بكثر الهياطي
اكبر طموحك لاتعطرت بالريح
تطلع تمشى بين شاطي وشاطي
عندي سؤال وخابرن فيه تجريح
لكن ضروري تسمعه بأنبساطي
ارفعك بيدي لسما ترجع اتطيح
قلي شسوي فيك لا صرت واطي .؟
|
|
|
|
|