تخاف الناس من ليل هذوا به عقب ما شافوا العالم غدوا به
أنا لو مالقيت إلي لقيته لأسوي بالزمن أكبر أعجوبه

أنا دربي على العليا صنعته ومن راد العلا يصنع دروبه
حكالي هدهد سليمان عنهم وعن سر و أنا غايب حكوا به

ألا يا طير خبرني و أنا إلي مثل ذاك الجبل ياللي التقوا به
خويي الدرب ما يملك حبيبه يشوف الصاحبه غير محبوبه

قصيدي مثل ما العود المركز يدش الراس ويغير أسلوبه
صباح الخير يا أحمد محمد صباح يلعب بغصنه هبوبه

أنا لولا المشاعر ما أتكلم عن اللي صادق أو صدقوا به
مشاعر شاعر يبغي يتحرك عقب ما كان صايبها رموا به

مدى الأيام لو تغريك تجهل فالعالم فنوا يوم اكتدوا به
وعلى درب المجامل والمنافق ألا يا كثر الناس قد مشوا به

وأنا رجلي على الطيب اتخطى وهي ماهي على الطيب مغصوبه
ولكنه طبع أبوي وطبع جدي بنوا لي مجد حسادي دروا به

و أنا إلي تصنع الأمجاد كفي مكان أبوي لامن غاب أنوبه
مجرد أبسط الخمس ألاصابع على وجه الدهر تضفي عشوبه

أنا شاعر مميز في حياتي أسهل كل درب له صعوبه
وإذا تبغي بأبدل انجليزي و أترجم لك بدون أية تعوبه

There Are days call of a distraction many feelings appear لما تروبه
The night and darkness has many relations it goes and comes والعالم مشوا به

إذا تكلمت عن يوم القيامة أحاسيسي تفاجأ بها برعوبه
وبين الليل والظلما علاقة تجي وتروح والعالم بهوا به

وأنا قلت البيوت إلي عجبتني ورحت بدرب مامنكم مشوا به
لو إن وجه الزمن عاقد حجاجه مدار الأرض تشكي من شحوبه

أحس بظروف وقتي و أتفادى مصادمها لو إن ما منها صحوبه
وأحاول أمتلك عقل مفكر عباقرة الزمن ما فكروا به

كذا الإنسان احساس وعقل قبل يبدا خطاويه محسوبه
صنعت من الوعي مبدا تسامح لان ابن ادم كبار عيوبه

وقل للفهم ما ابدعت من نقد ما هو بصوبي ولاني بصوبه
لو إن نقد الحقيقه غير عادل لتلقى المجرم بدون أية عقوبة

بشوت سترها ماهو بضافي يحظنها الكبير وكم ثوبه
جزاك الله خير يالليالي وذاك النجم قوليله يا دوبه

يادوبه يقدر يضيء المجرة و أشعة شمسنا تعلن غروبه
يا ليت البحر الاحمر يشرب إلي شربته لكن ما يقدر شروبه

مجمعة الحكي ماني بمنهم ولا أسولف بشي سولفو به
أعبر من إحساسي ما يصعب على التقليد وإلي قلدوا به

أحب الغيم لأن الغيم عالي يجسد كبرياءه في نصوبه
و أحب الطيبين ولي معاهم مثل ما للجنوبي من جنوبه

لأن مجدي مثل قصر الخليفه على الساس القوي شيدت أوبه
ولا ينقص مقامي عند غالي مدام ان هامة الطيب معصوبة

ترى كثر التجارب نجحتني وغيري كل يوم في رسوبه
أغني من طرب مرة ومره و أغني حس يال النفس الطروبه

و خطى الطيب على الطيب جريمة لكن ما أعذربه لو عذربوا به
يناظرني بعيب ليس فيني رحمك الله لن تلقى مثوبة

ترى فصل الشتى يأتيك بارد لكن بالصيف تذبحك الرطوبه
مقادير الليالي مستمرة وسيع القفر ناس ضيقوا به

أرى خيل الزمن غارت علينا ونوقات الأحاسيس محلوبة
أجوب الأرض بأقدام المعزة ودرب ما يطاوعني ما أجوبه

لكن يا اغلى الحبايب وين دارك غدى قلبي من الفرقه لعوبه
حصان الشوق لأجل عينك سرجته ولا يصعب على مثلي ركوبه

تبسم كانك الفصل الربيعي تمخطر كنك امجاد العروبة
تثنى كن غصن اللاتثنى يذوب بهالهوى حتى يذوبه

يا ريح العود يالمسك اليماني عطور الشام لامن عيدوا به
تشبهني بخلق الله ظلما وانا قلبي مفاتنك كفروا به

ورب البيت اني قد شعرت بلحظات الفرح يوم الخطوبه
و على رمشك وعينك وخدينك سلام الله سلام ما يشوبه

كلام الشك والهرج المنمق والي ناظروه وما اشعروا به
أنا مؤمن بربي وألتجي به لو إن أهل الكفر ما امنوا به

إلهي قد علمت بأن عبدك كسير القلب تقلقه ذنوبه
وكم كنت على السراء فضا وقد أعلنت في السراء توبه

لقد ان الأوان لدمع عين تصارع حزنها في كل نوبة