لاترفعون الحثاله فوق روس الرجال
دام الحثاله على أرضه مستقر حالها

أن كنت تجهل سلوم القبيله فأنت عال
عاله على النفس والأقراب واعيالها

البعض يحب التصور والمحاباه كمال
مسلوب رأيه كشاة الضان بافعالها

الحاله المزريه طالت طوال الجبال
ويستحق من ورد بالذكر يحل جالها

اختاروا الا يكونوا من رباب الدلال
والأمر يأثر على الولدان واجيالها

أهل التعالي تخبط في ضحيل الوحال
تحت القدم تركع الهامات وتحلا لها

تكرم ذقون الرجال الغاليه فالمقال
أهل الفعول الكريمه تحسب اميالها
                
السكب 12
حصريه هنا


هذي قصدت بها كل مهايطي سوي كتاب في منتديات يدعون الشعر ويستغفلون الناس بدل تعليمهم وتعريفهم وينسون ان الكلمه امانه في اعناقهم مسئؤلين عنها وبصحبتهم شليله تطبل لهم لا أقول الكلام هذا وادعي انني شاعر ولكن شفت شي يندي له الجبين من المفترض نرتقي باقلامنا بدل الخوض في الوحول بنصوص ليس لها قيمه لو عرضت على عاقل لبصق في وجه كاتبها ومن يرد عليها والا الذي يفدعون صدورهم في المجالس ودق الصدور وفي الحاجه ماتشوف الا غباره على مسافة خمسه كيل امقت النوعيه هذي في نفسي بشكل ماحد يتصوره أعجب لما اشوف قشور نصوص وردود تفوق النص وكأنهم لم يقرأون جرائد وكتب ومجلات وفي الاخير اقول لاولئك خسارة مصروفات الفسحه على مدار سنوات الدراسه