×الجزء 7×
بعد يومين من الحفله ..؟..
البنات يكنسون الحوش
جميله: اوووف ياريميه اشتغلي عدل علامك سرحانه
ريميه: افكر يابنت بس في شي شاغل بالي ومحتاره فيه
جميله: وشوو
ريميه: ما استغربتي شلون باشاا ساكن معاهم بنفس البيت
جميله.. أي والله شلون ساكن معاهم بنفس البيت
ريميه: والله هالسؤال محيرني وكل ما سألت امي زفتني
جميله:يابنت يمكن متربي معاهم من هو صغير
ريميه: صح شلون راحت عن بالي هالفكره
جميله: انزين بطلي تفكير وكملي شغل
ريميه: اووف والله اني تعبانه ماتكملين عني شغل
جميله: لا والله وانا اشتغل لحالي عن المهايط الزايد وكملي وانتي ساكته
ريميه: يهب ماترحم هالبنت ابد اختك نعنبو دارك مريضه
جميله: انشالله لو تكونين على فرااش الموت
ريميه: يهـــيب ياوجهك تبين فرقاي
وقطع عليهم مناقشتهم يوسف مر بسرعه من قدامهم وهو يبكي يهشم ودخل
غرفته وهو حده معصب وسكر الباب بأقوى ماعنده
ريميه .. وتطيح منها المكنسه : يوسف قلبي ..
قامت تركض تدق الباب.. هي وجميله
ريميه: يوسف بطل الباب بطل
جميله: صاحيه انتي تدرين اخوك مايسمع شغلي اللمبه الحمره له .
كانو هم حاطين نظام مثل الجرس له زر برى الغرفه تطقينه وتولع لمبة حمرا داخل الغرفه تخليه ينتبه ويفتح لهم الباب ويعرف ان في احد على الباب ..؟..
شاف اللمبه يوسف بس مافتح وظل يبكي ويبكي بقهر وخصوصا باللي مثل حالته
انطوائي وادناة الشي يحسسه بعجزه ..؟..
حط راسه بين رجوله وهو يهز نفسه بتوتر ويهشم بقوه ..؟..
ريميه: وعيونها فيها دموع : ياربي لا يكون صار له شي
جميله : الله يستر لايكون عيال الحاره ضاحكين عليه
ريميه: اوووه الله يهديهم انا لازم اقول لامي هالشهر تدخل يوسف مدرسة الصم والبكم عشان يحس ان مو بس هو لحاله بالهلحاله في غيره كثيير ..؟..
جمله: أي والله لازم مو حاله كل يوم داخل يبكي ..
عند يوسف كان منسدح وماسك دفتره ويكتب فيه وهو يبكي ..؟..
..بنتكلم عن شخصيه يوسف ..
يوسف كان طفل طبيعي مثله مثل الاطفال يسمع ويتكلم وعوب وصاحب نكته
وبس يضحك لكن لما جاء عمره 9 سنين مرض مرض شديد ولجهل والدته بالمرض
ماودته للدكاتره قامت تعالجه هي من نفسها تعطيه اعشاب وخلطات يعطونها
جاراتها وهي المسكينه تطبق على هالولد لين انصقه وماعاد يسمع ومن شدة
صدمتة انه ماعاد يسمع عجز عن الكلام من لحظتها واستمر على هالحاله
6 سنوات كره كل الناس من حوله حتى اهله مايختلط فيهم واجد انطوائي
على نفسه
................
احتارت اخته ريميه فيه تبي تقدر تساعده ومالقت غير طريقه وحده
انها تشتري له كتاب يكتب كل يوم فيه عن مشاعره ويسلي نفسه
................
يوسف .. ماسك الدفتر ويكتب بسرعه ..
وهو يتذكر الموقف اللي صار له
ريميه .. تطق يوسف على كتفه.. وتعطيه ورقه .. روح لامي في بيت المعزبه
تبي تعطيك حاجات
يوسف .. يكتب .. بس مالي نفس
ريميه: تكتب.. مالنا غيرك انت رجال البيت
اسعدت هالكلمة يوسف اللي حسسته برجوله خصوصا وهو مراهق يحب كل الناس
تعترف انه رجال مو صغير..
يوسف.. يبتسم لاخته.. وراح لعند امه في بيت لمعزبه ..؟..
لما وصل بيت المعزبه عرفه البواب لانه يعرف عيال ام يوسف واكيد هي
طالبتهم فراح يناديهاا تطلع لولدهاا ..؟..
كان يوسف جالس على الكرسي ويدور فيه .. ويضحك ..
حس بوجود شخص وراه بس ما ألتفت له وظل يدور وهو مغمض عيونه
سومه.. هذا شفيه مايسمع هيه انت اصقه الاخ ليه ماترد علي انت منو
يوسف .. موداري عنهاا
سومه .. متنرفزه ومعصبه ..انت هي انت يا حمار
يوسف. فتح عيونه ولا يشوف بنت قدامه .. صغيره وجميله
وقف يوسف من الخوف وقام يلتفت يمين ويسار ..؟..
سومه .. وتكتف ايدينها وتميل بخصرها: حظرتك ليش ماترد علي
يوسف .. كان طول الوقت يطالع حركات شفايفها يبي يقرى الكلام منهاا
سومه.. ليش ماترد
يوسف.. رجع رفع عيونه يطالهاا بعدها نزلهاا .. وهو حاس بالعجز
سومه.. تطقه على كتفه : اصقه انت ماعندك لسان ليش ماترد
يوسف.. بقلبه : صدق انا اصقه واطرم وش الجديد
سومه: تدري انك قليل ادب ليش تطالع شفايفي هين بعلم ابوي عليك انتظرني هنا
وراحت عنه سومه بس هو ماقدر يرفع عينه يطالع شفايفها فما قرى اخر كلامهاا
وهي بتصعد الدرج صادفت فواز بالطريق..
فواز : شفيك مستعجله
سومه: فواز شوف في واحد قليل الادب جالس بالحديقه ولما جيت ابي اعرف ليش جالس هنا قام يطالع شفايفي ويبتسم بخبث << زيادات حريم
فواز: بعصبيه .. وينه هوو
سومه: وتأشر له .. هذاك هو
فواز.. انزين ادخلي داخل
وراح له وهو حده معصب وفواز من النووع الغيوووووور حيل ماعنده تفاهم بالهسوالف ..؟..
فواز .. يمسك الولد من علباه .. انت شعندك هناا
يوسف .. ساكت بس يحاول يأشر له وفواز مو معطي له مجال ..؟..
فواز .. قولي شعندك هناا
يوسف.. رفع راسه ولا يشوف سومه واقفه على اخر الدرج تطالعه وهي منتصره وتبتسم ..؟..
فواز .. ويطالع هو وين يطالع .. وقدامي بعد انا أعلمك
وقام يضرب يوسف ضرب واحد كبير مو طفل عمره 14 سنه ويوسف بين ايده
ماهو قادر يقاوم لان فواز طول بعرض وقوه عكسه هو ضعيف وقصير ..؟..
طلع طلال على صوت فواز وهو يصايح..؟.. وقام يركض لخوه وهو يحاول
يهديه ويبي يفك الولد من ايده لانه حس بيذبحه اليوم
سومه.. كانت مصدومه ومن الخوف دخلت داخل تبكي وطاحت بحظن اختها لولوه
لولوه.. وتضم اختهاا .. سومه علامك تبكين
سومه: انا كذابه كذابه راح يذبحه بيذبحه
لولوه: مين اللي بيذبح مين
سومه.. وعجزت عن الكلام .. وقامت تبكي ؟؟..؟؟
البواب .. توه راجع من المطبخ وبأيده كيس اكل لما شاف الموقف ان فواز ماسك
يوسف ويضربه وطلال يحاول يفلت الولد من ايدها ..؟..
البواب .. باااابااا لا يضرب هذا ولد لالالالالالالا.. وقام يركض لهم
بعد جهد جهيد قدر طلال يفلت الولد من ايده
يوسف.. وهو حده منهار .. طلع من البيت يركض مثل المجنون ..
فواز .. واقف وهو يلهث من التعب وماسك ايده اللي وجعته من الضرب..
وطلال واقف ينطر من اخوه تفسير لضربه للولد
طلال: اقدر اعرف شفيك ليه بغيت تذبح الولد
فواز.. نرفزني بالاول متحرش بأختك وبعدين سافهني مايرد علي
البواب: بابا هذا مسكين مايسمع مايتكلم هذا ولد ماما يوسف
الكل: هااااااااااااااه وش تقول
البواب: هدا مايسمع مافي كلام
فواز: وقف منصدم .. بس مايغني انه يتحرش بأخت
طلال.. وهو حده معصب على اخوه .. بعد مو **** تعترف بخطأك
فواز.. ويضيق خلقه بس سكت ودخل البيت ..؟..
يوسف .. كان يكتب مشاعره .. ودموعه تطيح على الدفتر وتطبع على الحبر
ريميه.. وهي حرقت الليت عليه .. ليش مايرد
جميله: خليه يرتاح بكره تعرفين منه
ريميه: وانا شلي يصبرني لين بكرى
جميله: يالله اصبري عاد لا تصيرين ماصخه
راحت جلست ريميه وهي حدها ضايق صدرهاا ..؟.
في القصر ..؟..
سومه .. قافله على نفسها الباب .. وماتبي تبي تفتح لاحد ..؟..
سومه.. اتركوني لحالي ترى والله لرمي نفسي من الشباك
لولوه: انا بخليكي اللحين بس لما تهدي تعالي قولي لي
سومه.. وبدت دوامة بكيهاا
لولوه .. واقفه على الباب ياربي من هالبنت شسالفتهاا
طلال يصعد الدرج وهو معصب .. وجلس بالصاله اللي بوسط الدور العلوي والغرف من حوليها وقام يطالع كمل شغله على الاب توب ...؟؟؟
فواز .. يصعد ضايق صدره .. ويجلس جنب اخوه
لولوه: اموت واعرف شسالفتكم سومه ليش تبكي وطلال ليش متضايق وانت ليش حالتك كذا
طلال: اسألي اخوك خليه يعلمك قول لها شسويت
لولوه: ماتفهموني ترى شوي وبنجن
فواز: اوله وانا طالع شفت سومه داخله تقول واحد تحرش فيهاا
لولوه..تشهق .. وبعدين شسويت
فواز: رحت معصب وكنت اكلمه ومايرد علي وبعدها تنرفزت وطقيته
طلال .. ويضحك بسخريه .. والله حاله
فواز: اسكت انت بعد لا اقوم اطلع حرتي فيك
طلال: ناظره بنظرة تحدي : لا تحسبني ذاك الورع اللي طلعت حرتك فيه
اصحى انت تكلم منو
فواز.. واللتفت عنه ماحب يدخل بشجار مع اخوه : اي طلع الولد اصم وابكم وهو ولد
ام يوسف..؟..
لولوه.. تشهق.. حرااااااااام عليك ليه كذا
فواز: سومه الغلطانه ليش تقول تحرش فيهاا
لولوه: وانت ماتعرف سومه تكبر الامور تلقاه مارد عليها وطلعت هالكذب عليه
فواز: وجلس بقهر : اللحين شسوي بعتذر منه
لولوه: قول لامه
فواز: اقول لامه اني ضربت ولدك مو حلوه بحقي لالالالا
طلال: ويتذكر : انا اعرف وين بيتهم نروح انا وياك شوي تعتذر منه
فواز: ماوراك دوام شوي بالشركه
طلال: يا عمي العصر انا اسحبها على ابوي زين مني اداوم الصبح
لولوه: والله انك مدلع
طلال: بلا كلام ماصخ روحي جيي لي كوفي
لولوه: عندك ام يوسف وام حساام
طلال: بالعربي اقلبي وجهك مابي اشوفك
لولوه: يامغرور .. وقامت وهي تتحلطم
على العصر
نزلت سومه بعد ماعرفت من لولوه كل التفاصيل وراحت حبت
تتأسف من ام يوسف ..؟..
سومه: ام يوسف
ام يوسف: هلا بنتي احط لك غداا
سومه: لالا بس بغيت اسألك سمعت ان عندك ود اصم وابكم
ام يوسف: أي ليه
سومه: لالالالا ولا شي بس بغيت اعرف كيف هو يفهمكم
ام يوسف: هو اسم الله عليه ذكي يعرف حنا شنقول من حركة شفايفنا
سومه.. وبدا عليها الحزن : ام يوسف بعطيك شغله اتمنى انك تقدميها لولدك
ام يوسف .. مستغربه : حاظر يابنتي بس شمعنى يوسف
سومه: لا بس كنت اسوي بحث عن الصم والبكم وتعاهدت على نفسي أي احد اعرفه منهم لازم اهديه هديه هو يقرى صح
ام يوسف : أي يقرى لانه توه جاه هالصم من 6 سنوات ..؟..
سومه: الله يشافيه
وراحت عنهاا ودخلت غرفتها وحست شوي براحه انها بتوصل له اعتذارهاا
فواز ويوسف .. عند المحل هداياا
طلال: اوف يا ازعاجك اشتر هالطقم وخلص
فواز: لحظه خلني اختار هديه زينه
طلال: انا بالسياره لا خلصت تعال
فواز .. يمسكه خلاص خلصت صديق غلف هذا هديه
وبعدهاا راحوا لبيت ام يوسف قاموا يمشون بالحواري
فواز: وهذا اللي يدل بيتهم
طلال: انا مادخلتهاا لين بيتهم وقفت هنا لحظه نسأل العيال
طلال يفتح الدريشه .. ولد ولد تعال
راح يركض له عمر
عمر: نعم
طلال: وين بيت ام يوسف
عمر: من انت
طلال: وليش تسأل
عمر: لانه بيتنا
طلال: شاطر حبيبي وين بيتكم انا ولد ابو طلال للي تشتغل امك عندهم
عمر: ويبتسم .. هلا هلا حياكم الله هذا بيتنا تفضلوا تفضلو
وراح يركض يسوي درب
عمر: درب درب معي رياجيل
فواز: ياحليله هالبزر يعرف درب وحركات
طلال: بس عن اللقافه
ريميه: من معك
عمر: عيال المعزبه
ريميه: بسم الله وش يبون
عمر: مدري البسي عباتك وتعالي
ريميه: انزين
وراحت لبست عباتها هي وجميله وطلعوا للعيال
جميله: بهمس .. هذا باشا
ريميه: ادري انطمي لا تفضحيناا
ريميه: يهلاا ومرحبا خير في شي
طلال.. يبتسم وسكت اشر لخوه يتكلم
فواز: في الحقيقه حنا جايين نعتذر ليوسف
ريميه: مستغربه .. ليه تعتذر
فواز: على اللي بدر مني اليوم الظهر
ريميه: وشو اللي بدر منك يخليك تجي بكبرك تعتذر
فواز .. وينزل راسه .. أني ضربته باللغلط وجاي اعتذر
ريميه .. بنفعال .. يعني انت اللي اللي خليت يوسف يبكي وليه ضربته هو شنو سوى لك عشان تضربه ولا لانك ولد اكابر وهو فقير عادي تطق اللي تطقه
لعلمك بس يا مدري شسمك لا تحسب ان ماورانا احد تسوي أللي تبيه فينا
فوقك رب العالمين ياخذ بحق يوسف منك واسمح لي من غير مطرود برى ولنا قابلين اعتذارك ..؟..
جميله: تحاول تسكت اختهاا . ريميه فضحتيناا
ريميه : خليي اقول اللي بقلبي لاني اعرف ان يوسف لا يمكن تطلع منه العيبه
انصدم فواز منهاا ومن كلامهاا وطلال بعد ومن الصدمه تحس انطرموا
وبالهلحظه تدخل امهم عليهم ..؟..
ام يوسف .. منصدمه بوجود شخصين .. ياهلا ويارحبا ليش واقفين تفضلو
ريميه : اسمحيلي يمه بيتنا ماهو قد المقاام
ام يوسف : ريميه وش هالحكي روحي سوى لهم شي يشربونه
ريميه : ماعندنا شي بالبيت
ام يوسف .: ريميه وبعدين وياك روحي المطبخ يالله
وتروح ريميه المطبخ بعد ما اعطت فواز نظره خلته بنص هدومه
جلسوا الشباب وراحت ام يوسف تهاوش بنتهاا
وبنتهاا بنفعال علمتهاا بالكل اللي صار ..؟..
ام يوسف: مهما يكون انشالله ذابحينه مدام هم بيتنا نكرمهم
ريميه : يمه والله قلبي معورني على يوسف انتي لو تشوفين شلون يبكي
ام يوسف : جيبي القهوه واللحقيني وتأسفي هالحين منهم
ريميه: اوووووووووف
وراحت جابت القهوه وحطتها على الصماط وبصوت غير مسموع
ريميه : اسفه .. وراحت جلست بغرفتهاا
ام يوسف : امسحها بوجهي يا فواز تراها خبله وماعنها سالفه
فواز: مسموحه يا ام يوسف بس انا جيت اتعذر ووصلوا هالهديه ليوسف وتعذروي لي منه
طلال: من رخصتك
ام يوسف : بدري
فواز: بدري من وقتك مشغولين والله
ام يوسف : معذورين
راحوا العيال وطلعت ريميه معصبه عقب ماعرفت انهم طلعوا
ريميه: عادي ولاكأنه ولدك انضرب اليوم
ام يوسف: جاء الولد يتعذر
ريميه: وبكل بساطه نسامحهم ولا حتى راعينا مشاعر يوسف
ام يوسف :انا بروح ليوسف ا****ه
راحت ام يوسف تقول له ان جو يعتذرون لك وقدمت له هديه فواز وهدية سومه
هديه فواز كانت عباره عن طقم عطور رجالي اما سومه فكان صندوق صغير مغلف بخيش احمر وعليه من فوق ورد مجفف وداخله رساله وعلبة شوكلاته صغيره
ظل يوسف يقرى رسالة سومه فوق عشر مرات لين حفضها وصار ماينام الا وهالرساله تحت مخدته
|