ورود الشعر فى يدينى تموت ولا عرفت أسباب
ذبل عــــرق الوصل فيها وتاهت فى متاهاتي

أدور عن حرف وافى,, إدور عن حبيبٍ غاب
((نسى )) فى غيبته إنــــى لقيته ساكنٍ ذاتي

أعيش بـــداخله بسمه,, ويعيش بداخلى جذاب
ســرق كل العيون اللى تناظرنى ,, ونظراتي

تخدر وقتى إبظله,, ونامت فى عيونى أهداب
ركد حس الانين اللــــى,, يصاحبنى بغفواتي

سرق لى حلمى الواقع,, وعطانى حلمه الكذاب
رحل وفى دمعته يدرى معانى الحب واهاااتي

عرف إن البرود اللـى بقلبه مــــن حنينى ذاب
وعرف إنى بصدق الـــــــود ناديته برغباتي

وعرف إن الوجع دايم بقلبى لـــــو ذكرته طاب
أهيم وحــــــولى أحــــروفى احلم به بكلماتي

رهن عمرى على عمره ورهنـته للخيال وشاب
خيـــــالى فى عيونى يوم ينسانى ولا يحاتي

حزينه والله الدنيا,, بــــدونك مـــاتسوى تراب
أشوفك دايم (( بعينى )) تعال إقراء عباراتي

تعال وشوف إحروفى ,,غرامى فيك صار كتاب
عنــوانه (( بـــدايه حب)) ,,والمعنى نهايــاتي

منقول