قامت جلست على السرير تربعت و حطيت راسي في حضنها قامت تلعب بشعري و تقول
ناديه : كان يا مكان في قديم الزمان
يحكى عن فلاح في العصر اليوناني البعيد قبل الميلاد بسنوات كثيره
كان هالفلاح يزرع أرضه و يحرثها و يفلحها ... في ذيك الفتره الملك كان فارض عليه هو و كثير من المزارعين ضريبه يوميه كان يتعب المسكين يبدى من الصبح لين المغرب و هو يفلح و يجمع فلوس الضريبه !!!
كان يبقى له من هالفلوس بعد ما يدفع الضريبه ثلاث جنيهات أو ربيات مدري وش كان اسم عملتهم المهم كان مقسمها لثلاث أدوار ربيه ياكل فيها و ربيه يتصدق فيها و ربيه كان يحطها في حصاله يجمع فيها فلوسه ....... الغريب انه كان يختفي كل نهاية شهر يوم كامل محد يشوفه أو يعرف عنه شي...
أميره : أووووووووو وااااااااااااو بصراحه شي وين كان يروح ؟؟
ناديه : شك في أمره واحد من المزارعين تعرفين عاد اللقافه صايره في كل عصر
قال اللحين فلان وين يروح كل نهاية شهر و بعدين قاعد يجمع فلوس كثيره و لا نشوفه عاش حياته فيها ملابسه رثه و بيته ممكن في أي لحظه يطيح على راسه و أكله اللهم لك الحمد !!!
وين يودي فلوسه !!!؟؟؟
في يوم من الأيام قرر المزارع الملقوف يلحقه يشوف وين يروح كل شهر !!
في يوم من ليالي آخر الشهر لحق المزارع الملقوف المزارع المسكين !!
لقاه دخل ساحه كبيره مليانه ناس من كل الأصناف ناس تبكي و ناس تتألم و ناس تشكي و أطفال يلعبون و يبكون و ناس مجتمعه تسولف و تضحك و ناس منفعله و معصبه فالمزارع استغرب وش جايب فلان لهالمكان !!!
راح و سأله وش تسوي كل نهاية شهر هنا ...
رد عليه المزارع : أنا هنا أجي كل نهاية شهر أجلس في هالمكان و أنادي في الناس (( مين يبيع لي تجربته في الحياه )) أنا عندي استعداد أضيع كد و تعب و دخل شهر كامل و لا أخسر صحتي و دموعي لأنه مافي شي يسوى في هالحياه أهدر على شانه صحتي و دموعي و قلبي !!!!!!!!!
أنا بعد ما خلصت من القصه لا اراديا بكيت تذكرت كل آلامي كل شي كنت أعانيه منه
ياه حتى الأولين كان عندهم آلام يشكون منها مع ان حياتهم كانت بسيطه بس كان الألم صديق كل عصر و زمان !!
مسحت دموعي و جلست
ناديه : وش رايك في القصه ؟؟
أميره : من أروع القصص اللي سمعتها و لا ايميلي ما تكتب كلام بهالروعه
طالعت لساعتها و قالت :
ناديه : أوف نسيت بيجونا ضيوف اليوم ؟؟
أميره : عشان كذا مكشخه اليوم على غير العاده مين ان شالله أصحاب الفخامه اللي بيجون !
ناديه : عمي خالد و عمي سامي و عيالهم
تدرون كأنه في دبوس شكني فجأه قلت بصوت عالي و بفجعه
أميره : نعممممممممممممممممممممممممممممممم ليش وش جايبهم هم ما صاروا يدانونيني من بعد الحادث !!! ليه يجون و بعدين باقي ما خلصت الدراااااااااااااااااسه !!!
ناديه انفجعت
ناديه : يا أموره من قالك انهم يلتزمون بدراسه و خلافه و بعدين جايين يقضون كم يوم معانا
و عيب في حقنا يجون لدبي ويسكنون في سويت !!!
أميره : يووووووووووووه عيب عيب عيب مليت من العيب و بعدين أمير عنده دراسه يراعونه شوي !!
ناديه : يوه يا اميره أمير أجل دراسته شهر !
سكت شوي أطالعها
أميره : نعممممممممممم و ليش ما قالي ؟؟
ناديه : انتي مب داريه عن شي يا أميره قومي يا قلبي تجهزي و اكشخي و عيني من الله خير تراهم على وصول ...
أميره : ما أبي أستقبل أحد !!
قامت و راحت للباب
ناديه : كيفك أجل برسل لك صوفي
صرخت بقوه
أميره : لاااااااااااااا الا صوفي !!!
ناديه : ساعه و بطلع لك يا جميل
سكرت الباب و طلعت أوف بالله وش أبي بناس ما يدانوني و هيفا و رانيا و الجوهره
ما يدانوني نهائيا و خصوصا بعد وفاة رنا الله يرحمها و كأني أنا اللي قتلتها عاد هم مره ميتين عليها الا كانوا مايطيقونها و يغارون منها !!!
دخلت الحمام تسبحت بسرعه و طلعت رحت لغرفة الملابس أدور على شي مناسب أنا لو علي ألبس لهم أسود مالت عليهم !!!
فتحت الدولاب و انصدمت مليان ملابس و بعدين وش بختار بالله !!!
اخترت بلوزه نيلي حرير مشجره بسكري و أزرق ضيقه من الصدر و الخصر و أكمامها قصيره
تنربط من عند الصدر بشريطه و تنوره سكري كسرات و لبست صندل نيلي رايق بس بدون كعب لبست حلق لولو و سلسله خفيفه لون تعليقتها أزرق حرقت راسي بالإستشوار من زمان عنه لدرجة اني ما عرفت كيف أمسكه استشورت شعري بعد جهد جهيد طلع شكلي غيرررر !!!
أول مره من فتره طويله أشوف شعري مستشور و الله ناعم هههههههه تناحه معتبره !!!
رسمت عيوني بقلم أزرق و حطيت غلوس لحمي خفيف و تنقعت بالعطر أبي ريحتي توصل لآخر الممر فتحت درج التسريحه و طلعت شريطه زرقا كانت هديه من رنا عليها اسمها و اسمي و التاريخ ابتسمت بحزن لتاريخ يعيد نفسه من ثلاث سنوات .... فرنسا
رنا : هذي هديه لك بمناسبة اليوم العاشر للصداقه
أميره : هههههههه اليوم الألف للصداقه
طالعتنا رمزيه بإستنكار
هذي بنت مصريه تعرفنا عليها في فرنسا
رمزيه : متختشي على دمك انتي وهيا خلصوني !!!
أميره : يا رمزيه يا رمزيه صبرك علينا
طالعتنا و هي مبوزه قمنا ندور حولها أنا و رنا و نغني !!!
يااا رمزيه يااا رمزيه حيلك حيلك شويااا علينااا ... يااا رمزيه يااا رمزيه حيلك حيلك شويااا علينااا
رمزيه : بس خلاص جننتوني بس بس!!
قمت أضحك على أيام ما تنسى
تأملت الشريطه بحنين و شوق !!!
ربطتها في معصمي و صلحت فيونكه و قمت شلت جوالي مدري ليه و هو مفضي و نزلت
كانت الأجواء ريحتها بخور منعش قمت أضحك أكيد صوفي ميته من القهر هههههه أم الفواحات !!!
نزلت لقيت أمير بالصاله
أمير : هلا و الله وش هالزين وش هالملاك لا الاله الا الله ؟؟
حطيت يدي على كتفه و قلت
أميره : هالكلام مب علي يا جميل ؟؟
أمير : و الله من زمان ما شفتك كاشخه
قلت بدلع :
أميره : يختي عليكي وحشه ؟؟
كان مقهور لأنه ما يحب الدلع
أميره : يااااااااااااااي أبي أتلع بره
أمير قام يضحك و يهز راسه
أمير : الحمد لله و الشكر
طلعت للحديقه الجو شي باقي تونا الظهر مشيت في الحديقه أتأمل كل شي فيها
بس مدري ليه حسيت بخيال يلحقني التفت وراي ما لقيت أحد
لقيت قدامي ناديه
ناديه : بسم الله ما شا الله وش هالزين ؟
أنا سكت مدري ليه مب عاجبني الوضع ككل وش فيها ناديه مهتمه لهالدرجه
أميره : نداوي حبيبي لا يكون مسويه شي من وراي !
طالعتني بشكل طبيعي
ناديه : لا يا قلبي وش بسوي يعني يالله بسرعه تقول صوفي انهم وصلوا !!
_____________________________
|