إذا أردت أن تعيش سعيداً فلا تحلل كل شي فإن الذين حللو الألماس وجدوه فحماً:




تعال بس ولا يهمك .. و اسمع النصايح .. اللي طالعة من قلب ناصح لكم محب ..


لاتفكر في شيخوخة ولا كبر ولا زهايمر .. !

لكم انتم فقط .. أقول لكم هذي النصايح ..
اتركوا كل اللي حواليكم .. أي شي شاغل بالكم خلّوه عنكم شوي .. لحد ماتخلصون القراءة !

بسم الله .. نبدأ ؟!

مستعدين .. ؟!


أولى النصايح يا طويلين العمر ..






خل عنك الرياضيات !! والأرقام !
الحين بالله .. العمر ، الوزن ، الطول .. ماهي بأرقام ؟!! وش لك فيها ؟!
لاتحسبها وتقول انا كبرت !!
خلي الطبيب هو اللي يحسبها .. انت مالك دخل ..
أجل وليش ندفع للطبيب .. ويجمع الفلوس على قلبه ! خله يشتغل ويحللها !
بالعربي : ل ا .. ت ح س ب .. ع م ر ك .. !


صاحب الأصدقاء اللي يحبون الوناسة ووساعة الصدر .!
ياخي أصحاب الهم والغم واللي يتذمرون يجيبون لك الغثا وضيقة الصدر !!
أبتعد عنهم !
( ملاحظة لك : اذا شفت ربعك ابتعدوا عنك .. حط ببالك انك من النوع الثاني ..
اللي يحوم الكبد ! )




لاتتوقف عن التعلم!
تعلم الكمبيوتر ،الحرف اليدوية ، الزراعة ، أي حرفة .. أي شغلة ! بس تعلم !!
لا تعطل مخك أبداً .. خليه دايماً شغال !
يقولك : المخ الفاضي .. مصنع لتكوين الزهايمر !


استمتع بالأشياء البسيطة !
استمتع بكل شي تشوفه .. بأكله حلوة تحبها .. بصوت عصفور عجبك .. باجتماع عائلي حميم .. بمنظر الغيوم .. أي شي ..!
عيش اللحظة الحلوة واستمتع بها ..
ليش تكدر صفو اللحظة الحلوة اللي انت عايشها .. بتذكر الهم اللي صار لك قبل يومين !! والله انك مو وجه نعمة !



أضحك ضحكة قوية ومن قلب .. !
أطلق ضحكة طويييلة و بصوت عالي ( طبعاً مع اصدقاءك .. والا يخرب البرسيتج ) ..
ضحكة تخليك تاخذ نفس عميق ..تحس معها أن كل الأ************ين اللي بالعالم دخل في كامل رئتيك !!
واذا عندك اصدقاء مرحين وتضحك معاهم على طول .. استغل الفرصة واقضى معهم أطول فترة ممكنة ..

::


الدموع لابد منها !
تحمّل .. احزن .. و .. عدّيها !!
الشخص الوحيد اللي يستمر معاك طول حياتك هو ' أنت ' ! فلا تحمله ما لا يطيق من الحزن طول حياته !
عيش حياتك دامك عايش !!

::


خلي دايماً الأشياء اللي تحبها حواليك ..و تحيط بك ..
سواء كانت عائلة .. حيوان أليف تحبه .. نبته ترعاها بنفسك .. هواية .. وات افر ' أي شي '!
بيتك .. هو ملاذك الوحيد .. فأجعله مأوى للاستمتاع ..

::


صحتك ..!
إن كانت ممتازة .. أحمد ربك .. و حافظ عليها ..
وإن كانت غير مستقرة .. حسنها .. واهتم بها اكثر ..
وإن لم يكن بوسعك تحسينها .. اطلب المساعدة ..

::


لاتذهب في رحلات ' لوم الذات والإحساس بالذنب ' مع النفس !
بل اذهب إلى رحلات للسوق .. للبر .. سافر .. اذهب لمكان فيه سعادة لك .. ولكن إياك ورحلات جلد الذات !

::



ستندم كثيراً .. إن رحل عنك شخص للأبد .. وهو لايعلم انك تحبه ! لأن جرأتك خذلتك و أبيت الا تقولها له !
شفيها لو تقول لأمك : يمه انا احبك .. قد تستغرب هي بالبداية .. ولكن إن قلتها مراراً وتكراراً .. سترى انت نتائج مذهلة !
ماذا تنتظر !!! طبقها الآن !
وشفيها.لو تغلي خويك صديقك او اي كآن من اقآربك ان تبين له بحبه واهتمآمك له(يعني السآلفه كرامه ولا تكبر.)
وش فيها اذا تزاعلت انت وخويك .وقال اسف .ولاتبي تقبل اسفه ليش كل شي هاان عليك بغلطه يعني ولا (تبي تكون قووي وصاحب عزهـ نفس)كل شخص له عزه نفسهـ وكرآمته..

استغل الفرصهـ ولاتجعلها تفوتك..
بين حبك للنآس..بين طيبتك.
لاتكن مغرور..صدقني سووف تندم في الاخير..


::



وأخيراً .. تذكر .. !

الزيادة في العمر إلزامية .. ولكن الحفاظ على الشباب اختياري .. !


ودمتم .. ..بود

مما راق لي فنقلته لكم...