البارحـه
البارحـه عينـي جفـا النـوم موقهـا
تسبـر سنـا بـرق رفيفـه يشوقـهـا
جعلـه مـن المنشـى ينثـر مخائـلـه
مـن مزنـه غـرا تكاشـف بروقـهـا
لامرهـا العسـاس مـن غـب سيلهـا
عيـن خباريـهـا ووكــد حقوقـهـا
مدهـال ذود ماتقـرع مــن الطـنـف
لاقرعـت بعـض الرياجـيـل نوقـهـا
البـل تبـي رجـل عـزومـه قـويـه
ولانتـوت عــن دربـهـا مايعوقـهـا
لايسمـع العـاذل ولايسمـع الــردي
رعايـه الربلـه ليبـسـت عروقـهـا
يـامـا رعيـنـا مشـبـر مارعـوبـه
اهــل الغنـيـم تـدقـق اربـوقـهـا
مافيـه ياكـود الشـقـاري وخلطـهـا
وفيه الخزامـي اللـي طـوال عنوقهـا
ترعابـه العـري ويبـنـي شحهـمـا
عقـب الدهـر خطـر تزايـد فتوقـهـا
يازينهـا ليـاجـت عـقـب المعـشـا
والنـار تشعـم والمعامـيـل فوقـهـا
اليـا لفـت عقـب العتيـم وتفاهـقـت
وغسلـت شمايلهـا ورفيـت شقوقهـا
هـذي تغـرز مـن غلاهـا وقـدرهـا
وهـذي يـقـدم للنشـامـا غبوقـهـا
واليا اصبحت تسرح علي الر وض الادني
اليا اشرقـت الشمـس بـاول شروقهـا
لهبـك النسـنـاس تشفـيـك خنـتـه
ويكفيك عـن ريـح الخزامـي نشوقهـا
وراعي الوظيفه يرتخص عـن وظيفتـه
يرعابهـا القافـر ويتـبـع طروقـهـا
كلـه لعينـا الشايـب اللـي يحبـهـا
عـودا يقـلـط للنشـامـي حقوقـهـا
لايجـرح العانـي ولايزعـل الـخـوي
وعوق الخصوم اللـي وساعـا حلوقهـا
اللـي يحـب الطيـب يلـقـاه عـنـده
واللـي يــدور للـمـراره يذوقـهـا
ومن لايحـوش المرجلـه فـي شبابـه
واليا انتحـت صعـب وعسـر لحوقهـا
وختامهـا منـي صـلاه علـي النبـي
عـداد ماتنـشـي وتـبـرق بروقـهـا
يامرحـبـا
يامرحـبـا ترحيـبـة ماقـالـهـا الا
البدو لا شافو بروق المزنـه العقربيـه
من خاطر وقف من الفرحه ورحب وهلا
ياغايب ربـي خـذه منـي ورده عليـه
خليتني والعاشـق الولهـان ماينتخـلا
الا تخلي البدو عن حب الفرس والمطيـه
تعال يالغالي ترى مافيـه داعـي تغـلا
ان الملوح واقلطـي ياليلـه العامريـه
خليني اعبر عن شعور الغـلا واتسـلا
واجر لحن من لحون طروقي السامريـه
لين العروق الظاميه تشرب حنان وتمـلا
وانا علي احفظ غلاتك مثل حفظ الوصيه
واليا انفهق ليلك وصبحك ياحبيبي تجـلا
من لا مني في فرحتي لا رحم ميته وحيه
هرجك عسل حالي وريقك كوكتيل محـلا
العام الاول ذايقه فـي فنـدق الفيصليـه
وان قلت لي ماذقت غيره قلت حاشا وكلا
الا العويدي لا ذعر في دلـة الشاذليـه
هذا العذر يكفيك من صاحبك يازيـن والا
ودعتك الله ياخوي ماوثـق فـي خويـه
شاعر المليون
انا يازماني في فوادي ثـلاث اطعـون
ولاهي بطعنه من سيوف اوسكاكينـي
من افتح ياسمسم والا يافلم ابو كرتون
امورن تغث اكبود حتـى الوراعينـي
وجمهوري الغالي يسوق الشره ويمون
ونا قد شرهات العتـب مـن محبينـي
يقولون ماشاركت واقول هـل توحـون
ابي كل واحد يفتـح اذنـه ويوحينـي
لابالله ماشاركت فـي شاعـر المليـون
لواني على المليون تومـي شرايينـي
ولكن انـا مانـي بخبـلٍ ولا مجنـون
اجي وقطع ارزاق الضعوف المساكيني
والامر ودهلني علـي للرجـال اديـون
ومليـون واحـد مايسـدد دياييـنـي
الاياحمام الورق يااللي تجـر الحـون
تغانم زمانك بيـن خضـر البساتينـي
تراها لا ركبت كل جمره على الغليـون
وراد الله انه يصفي الماء من الطينـي
حشرنا الضباء بقرون والابدون اقرون
اقرون الظبي تصلى على النار وتليني
مثل ماوطى هامان والاوطـى فرعـون
ثياب الشرف ماتستـر الاالشريفينـي
ياالاجواد مدت للمواهب اكفوف العـون
وهاذي صفاتٍ من صفـات الكريمينـي
والاقزام تهدم كل ماأهل الكرم يبنـون
اصروحٍ من الامجاد ماهي من الطينـي
بنتها الكفوف اللي كرمها سحاب امزون
ارموز البطوله نصرة الحـق والدينـي
غضبهم وأنا سلطان يهتز منه الكـون
وكرمهم تربع فيـه حتـى البعارينـي
اجبالٍ قممها فوق والها حجا وركـون
اليا مر طاريها على الـراس والعينـي
بطولـه عربيـه وتاريخهـا مصيـون
عن الاستهانـه باالقيـم والقوانينـي
واليامن لحقني من زماني جفا وغبـون
تذكرتهم ومسيـت فـي راس علينـي
عساالله يهونها على الناس لين اتهون
وتزين القرايه فوق روس المجانينـي
اضعاف العقول اللي تهبد على مالـون
على كـل ملـواحٍ تهـز الجناحينـي
ماتنظف يديهم لو تغسل من الصابـون
كثر ماتقدمها علـى الزيـن والشينـي
عليك الفرج عليك
عليك الفرج ياالله ياحي ياقيّوم *** إلهٍ عباده كلها تلفت يمّه
الا يارفيقي والله انه عداك اللوم *** انا اللي علي اللوم في ذمتي ذمه
ولكن سامحني ترى العلم فيه علوم *** ولا يفرح اللي بيننا ينقل النمه
حصل ماحصل والعبد يصبر على المقسوم *** يدور الزمان ويخلف العزم والهمه
طرات الرجل لا لحقه من الزمان هموم *** ما يدري بسده كود خيرة بني عمه
وسيع البنايد في الشدايد قوي عزوم *** لعظك زمانك شال همّك مع همّه
وانا والله اني ماتهنى بحلو النوم *** ورفيقي عليه هموم الايام ملتمه
اشيل الحمل منه واحطّه علي واقوم *** مقام يورد مظامي الما على الجمّه
لكن الزمان الشين ظالم وانا مظلوم *** على الهون ياللي تمدح الوقت وتذمه
تهب الهبايب والسفن في البحور تعوم *** وتقفي بها صلف الهبايب عن اليمه
هبوب تصلفقها وبحر وسما ونجوم *** وموج تقفاه العواصيف وتزمه
رد الجمايل
عشقت غيدا سمّحتني عـن الغيـد==اقول والا بس مانيـب قايـل
ميت ظما والعد صعب المواريـد==وبذلت من شانه جميع الوسايل
والشربة اللي من حياض الاجاويد==تقطع ظما هدف الضلوع النحايل
يانوووف جيتك من ورا نازح البيد==بالراس مايحتاج رد الرسايـل
وان كان ماضمّدتي الجرح تضميد==تحملي شرهة عيال الحمايـل
وانا دخيل الصدر والثغر والجيـد==ارخي علي شلال شقر الجدايل
هذي تكفينـي مـن العيـد للعيـد==وانا علي يا نوف رد الجمايل
حبي وحبك حب عليا وابو زيـد==والا مثل حب الطنايا لحايـل
ذاك حثــلان راعي الفعول المتعبه
يا بو هادي ولع النار و اسمع و يش أقول ==كل ما غنيـت لـي بيـت غنـه واكتبـه
فيه حاجة قد لها أيام في صـدري تجـول==كنهـا تآكـل عظامـي و دمـي تشربـه
انهبـل معهـا و كـن مانـي بمهـبـول==بين حين و حين أهوجس و اسرح و انتبه
و من نشدني قلت حملي ما هو مثل الحمول==يملـك الرجـال ملكـه لدقنـه و شنـبـه
لو نشدت أهل التجارب رزينيـن العقـول==قالـوا المعـروف مالـه حلـي ولا شبـه
ما ملكني غير معروف زحل ٍ مـن زحـول ==الكريـم اللـي مزايـاه مـن ربـي هبـه
مدته و بل ٍ مـن الغيـث دهّـاج السيـول ==اطيب المدات و أغلى الهدايـا و اصعبـه
ذاك حثلان السبيعـي و اكررهـا و أقـول==متعب الأبطـال راعـي الفعـول المتعبـه
انجرح ظهر الجمل و انحنى رأس الذلـول==و الهبايب نودها صلـف و القـاع حدبـه
و انتهى وقت الحكي و ابتدا وقت الفعـول== لد عينك يـم حثـلان و انخـه و اندبـه
لين توحي في دماغـه مثـل دف الطبـول==صامل الفزعـات شبـاب نـاره بحطبـه
نسل فرسان المعارك على سروج الخيـول==اهل التومان و أهـل السيـوف المذهبـه
حزة ٍ فيها الـردي لا يقـول و لا يطـول==و الشجاع اللي بفـوزه يفـوزون عربـه
ما ذكرت الا الحقايق على حسب الأصـول==فيك يا حثـلان راعـي الفعـول المتعبـه
فر قلبي فرت اللي فالهوى مفتره
فر قلبي فرت اللي فالهوى مفتره
مايوردها علياني ولا جفالي
كونكوردٍ صمموها صانعين الذره
واستعدت تطوي الأمتار والأميالي
في قيادة كبتنٍ تصميمها ما غره
ايتفنن في قيادتها بدون أشكالي
فرها فوق المدرج مرتين ومره
لين عرض جنبها صفق الهبوب العالي
وجر قلبي جر قوسٍ في يد اللي جره
يوم جاز اله الحن والراس ما هو خالي
مايشوف من السماء لو كان كبر الذره
نايشه ضيم الزمان وفاقدٍ له غالي
الفراق اكبر مصيبة والجفياء مره
تهدم الظن الكبير وتوجع الرجالي
مثل ما شفت الجفاء فعيونه المحمره
مثل قولت روح في فالك وانا في فالي
لا تذكرني اليا احرقك الزمان بحره
وانس حتى سنترال البيت والجوالي
وانس فزعاتٍ توسع خاطرك وتسره
يوم تنخاني واطوّح غترتي وعقالي
هب يا هذا الزمان الله يكافي شره
بعد كان البرق برقي والخيال خيالي
الرفيـق اللـي لاغبـت
الرفيـق اللـي لاغبـت مايحمـي قفـاي
اجل لامن صرت حاضر ماني في حاجتـه
احتمـي دوري ودور القبيلـه مـن وراي
جمـدوا هـرج الفـراغـات ياهراجـتـه
كانها بمصامـخ الـروس والا بـاي بـاي
خلـو الفلـم المدبلـج علـى دبلاجـتـه
طول عمري ماستمع من ضعيـف الـراي
راي ولاطمعت بديـك خيبـر ولادجاجتـه
العداوه شي عـادي تجينـي مـن عـداي
من نسج نفس العـداوه عرفـت انساجتـه
وان كلاني مخلب من مخاليـب اصدقـاي
قلت ضاعت صيده فـي طـرف عجاجتـه
وان ثناهـا مـرت ثانيـه جعلـه افـداي
لامسـك كلـب الخواجـه كـلا خواجتـه
الارض ماهي ملك ابي والسما ماهي سماي
مير العوج لا اعترض لي عدلت اعواجتـه
افـرده وذوقـه لمستيـن مـن عـصـاي
وادبـه تـاديـب طـفـل علىدراجـتـه
لين ينسى عناد راسـه ويذكـر مستـواي
ينتبـه والا يسوهـج علـى سوهاجـتـه
في نظره الناس لون وهـو هـاي هـاي
والمـدوج مابعـد فـاق مـن دواجـتـه
ابك انا لو اشرب البحر مايقطـع ظمـاي
وانت مثل الضب يزحف تحـت عجاجتـه
صامل الفزعات
والله ما يفتح مغاليق الضّماير *** كود تل الجيب والموقع محدّد
لا كفخ بين الحتيفه والزّباير *** كفخ شيهانِِ على الصّيد يتهدّد
والحصى مثل الفشق بين التّواير *** وعجّها مثل الغثير الياتبدّد
نحِّره معطي على الضّيف البشاير *** عن مواجيب النّشامى ما تصدّد
ذاك ( أبو سلطان ) حمّال الخساير *** صامل الفزعات روقيِِّ مردّد
يوم كلّمته ، وجور الحمل جاااير *** قال : أنا ( ابن روق ) قول : ولا تردّد
قلت : كفووو ، وهلّت العين العباير *** لعن ابو قلبِِ بحبِّك ما تجدّد
جعلها يمناََ ما تلمسها الجباير ii*** ii اليمين اللّي تطش ولا تعدِّد
جعل يفدونه مجمِّعة التّجاير *** شلِّّةِِ ، عنوانها قيِّد، وسدّد
عكس ( أبو سلطان ) حمّّال الخساير *** صامل الفزعات ( روقيِِّ ) مردّد
يا اعذب الاصوات
مرحبا يا اعذب الاصوات واغلاها
صوتها العذب مرسلته علشاني
والمشاعر ترحبه من اقصاها
من خفوقي ومن دمي وشرياني
كل كلمه تداعب حمرة شفاها
تمتلكني وتامرني وتنهاني
أنا وارضي وشعري من فداياها
حتى بحري ولولوي ومرجاني
وان كتبت القصيده في مزاياها
أتحدى حروف الشعر تعصاني
مير حتى قوافيها ومعناها
كل حرفٍ يسابقني على الثاني
وكل بيتٍ تثنى في محياها
يحمل اسمي وتاريخي وعنواني
وكل حرفٍ تلببها وخواها
عود جاوي وكمبودي وريحاني
والله اعلم ولولاها ولولاها
ما تحديت ظرف ولا تحداني
لين راحت وراح القلب وياها
قلب سلطان مير الحب سلطاني
حطته كنه الخاتم بيمناها
مثل خاتم نبي الله سليماني
كل طعنه من الغالين حياها
كد ذبحني غلاها العام وأحياني
كنت من حبها اكتبها ولا أقراها
مير ذالحين تكتبني وتقراني
في حياتي من أولها ليا أتلاها
مهرةٍ كنها من خيل جداني
كل ما وصفوها كنها اياها
بس هاذي بليا سرج واعناني
سرجها الليل لا انهل وتغرشاها
تفهقه عن جبين الصبح لا باني
وان نطحها الهوى والا تقفاها
قمت اغنيلها يا لاحي وليحاني
واسمعتني وقامت تقصر اخطاها
وازرقتني برمحٍ ما تعداني
واردفتله بخنجرها وشلفاها
وابتلتني يا ربي لا تبلاني
لاجل الغلا
لاجل الغلا نطوي البيــــــــداونقطعــها
مشـاعر الحـــــــــب لاعنت تعنيينـــي
لاقلت لبيـه من ثغرك وانااسمعـــــــها
نسيـت بعد المسافه بيـــــــــنك وبيني
ياعشقه الروح ياخـيره مطــــــامعــها
شوفتك عن باقي الدنيـــــــــا تكفـينـي
محبتك من ثلاث سنــــيـن زارعـــــها
في شهـرسبعه سنة خمسه وتسعيني
وداعه منـك وانت اللي مـــــودعـــها
تجري مع دم قلبي في شـــــرايينــي
وانته وداعتك روحي لاتضيــــعـــــها
ضياع ياسر عــــرفــات لفلسطينــي
تولعـــــــت والله اللي فيــك ولعــــها
والقلب عاشقك قبل تشوفك العيني
النفس تامــــــر واناماني بطـايعـــها
الله عن النقد والمنقـــــود يحمينـي
لو ان كبدي هجير الشــوق لايعـــها
امر عطشان والشيمـــــه تعدينــــي
ام الدلع في ذرى شيـــــخ مدلعــــها
زيزوم قوم علي الشـــدات قاسينـي
شيخ ليا كبرت القــــــاله يسنعــــها
ماهي بشيخة ختم والا مـــلايينـــي
قالها سلطان في قبيلة
الشيابين من عتيبه
امساني اللــــيل
امساني اللــــيل في بر النعيريه
العي مع الورق واغني غوانيها
لا اوحيت صوت الحمامه قلت ياحيه
كني ولد عمهـــا والا بنااخيــهــا
عليك يامن كواني وانجح الكيـــــه
والنار ماتحرق الا رجل واطيها
عقب الغلا والمحبه والمحنيـــــه
حرمتني لذة الدنيــــا ومافيهـــا
روحي مراح القطا في يوم هيفيـه
ريح الندى قدمها والعج قافيها
بشّرتنـي بلامـاك
رؤيـا منامـي بشّرتنـي بلامـاك
وفزيـت أقـدّم للبشيـر البشـاره
هل تعّلم أنّي واحدٍ مـن ضحايـاك
قتيل حربٍ مثـل حـرب الحجـاره
ليتك مصوّبني برمحـك وشلفـاك
الموت من يمناك ماهـو خسـاره
لكـنّ ذابحنـي بهجـرك وفرقـاك
مدري متى تسمـح لنـا بالزيـاره
شربت سحر البابلي مـن شفايـاك
شراب ضرمانٍ شرب لـه زقـاره
يوم أنّي أزيح الشعر عن محيّـاك
وإيدٍ يميـن الجيـد وإيـدٍ يســــــــاره
وأن طاحت الدمعه على كف يمناك
حـرارة الدمعـه تداعـب حــــــــراره
يامن خلقك الله بحسنـه وســــوّاك
أشوف فيك مـن العبـاره عبـــــاره
أحلف واقدّم لـك رهـن وأتحــــدّاك
مالـك شبيـه الاّظبْـيّ الـــــــــزبـاره
والأشقر اللي كل ماقمـت غطّـاك
شقـار بشـت فـداويٍ فالأمــــــاره
وإليا نطحـك الريـح والاّ تقفّــــاك
شبح !! شبح !! صدام بدْي وغماره
ماقـط سافـر فيـه هــــــذا ولا ذاك
شبح وزيـرٍ عنـد بـاب الــــــوزاره
أثرْك جالك بطين
أثرْك جالك بطين ونبت لك صـرّه!!
يوم أنّي أزهـم عليـك ولاتحاكينـي
ورثت ورث العجوز وجيـت مجتـرّه
وصنفت نفسك من أصحاب الملاييني!
بالله أبنشدْك كم مرّه .. وكـم مـرّه
يجفونك أقرب بني عمك وتاتينـي ؟؟
تشكي من الفقر .. وتعاني من الحرّه
وأقوم وأقسم معاشي بينـك وبينـي
واليوم تركب على المرسدس وتفـرّه
كنّـك حفيـد الأئمّـه والسلاطينـي
لوّك بدال الأمريكـي عالـم الـذرّه
يمديك أكلت الزوالـي والبطاطينـي
يعطيك من خيره !! ويكفيك من شرّه
عقب التكاسي وعقب الفقر و الديني
أن كان نفسك من المليـون منغـرّه
تـراك خسـران فالدنيـا وفالدينـي
الله هو اللي يسـر العبـد ويضـرّه
والا أنته (أربع حروفٍ) بين قوسيني
تراك مازلت تتبعنـا علـى الجـرّه
من عاد حنّا على ظهور البعارينـي
قومٍ يدينـا تحـوش المـال وتثـرّه
على بيـوت الأرامـل والمساكينـي
لو نملك الكون من بحره ليـا بـرّه
مانمتلك بـه عمـارات ودكاكينـي
والا أنت نفسك من المليون منغـرّه
يكفيك .. وأنا بياض الوجه يكفيني !!
يـا لاح يوماحـي يلاحـي يليحـان
حـن الخفـوق ولا سمعتـو حنينـه
انته دريـول مستبيشـي ونيسـان
وانـا تمثنيـت البحـر بالسفيـنـه
مار الغشامه في هذا الراس مسكـان
راسـن مقابيـس الظفـر ساكنينـه
يابوك انـا اسنـع قبايـل وسلفـان
وانته علي توصـي بنـات المدينـه
لاهنـت يامبـارك محمـد ولاهـان
دارن قطفـنـا فـلـه وياسميـنـه
يالله يـا ربـن غفـورن ورحمـن
عسـى علاقتنـا بعفـوك متيـنـه
نلوذبك مـن شـر دورات الازمـان
ولا توليـنـا اليـديـن المهيـنـه
اللي ولـت صـدام واخـوه بـرزان
صار الاسـد كلـن يهاجـم عرينـه
عزيـز قومـن ذللـوه المريـكـان
غبينـةٍ يـا كبرهـا مـن غبيـنـه
المنــــــــــــــاجم
الزمـان يـدور والدنيـا تــدور
ودوره الايـام مـاهـي هيـنـه
ماتـدق الا جلاميـد الصـخـور
خل عـاد اهـل العضـام اللينـه
والحرار اللي علي روس الوكـور
كـل حـر مابـقـي الامكيـنـه
والضحايا في الصحون وفي القدور
فوق نـار اهـل الوجيـه الدينـه
في غليـان التغطـرس والغـرور
دور الـواقـع مـاعـاد تعيـنـه
مثل حرف الجر في بعض السطور
لويشيـنـه القـلـم ويـزيـنـه
والطماعه حطهـا نمـر النمـور
بيـن لحيانـه وبــن لسيـنـه
ليش يبسـن الحناجـر والنحـور
والديـوس ام الحليـب محيـنـه
ادري ان اصل المناجـم مايبـور
كـل منجـم فيـه تلقـى عينـه
عند ماتصفق بحـور فـي بحـور
مايبيـن الا الوجـيـه البيـنـه
الـــــــــــــــــــذود
يالله انـي طالبـك لـيـل هــواه
فيه مـن نـوع الهـداوه والركـود
وفيه من عشب الربيع ومـن شـذاه
العصيـر اليـا تثنـا كـل عــود
في طرف روض قفر ماحـد وطـاه
لـه ثـلاث شهـور ودانـه يجـود
الدكاكـه والتريـبـي مــن وراه
عثعث مقطـاع صلـب مـن نفـود
من تمشـي فيـه يبطـي مانسـاه
لويزور (الهايدبارك)و(ادجوانـرود)
ميـر والله ماعلـي الدنيـا طـراه
كان مالـك مـع هـل الذيـدان ذود
والله انـك ماتلـذذ فـي الحـيـاه
في الوجود وكن مانت ابـفي الوجود
الغنـاه بدونهـا مـاهـي غـنـاه
لاتنقُـص فـي الحيـاه ولاتــزود
البل تـزود الرجـل سمعـه وجـاه
واللـي مايشقابهـا مافيـه فــود
مهما قالوا طيبـه اكثـر مـن رداه
ومهما طاريه مـع النـاس محمـود
حتي لوهـو غالـي ينقـص غـلاه
كـان مايعشـق مواريـث الجـدود
قصيدة صاحب السمو الأمير الشاعر/خالد بن سعود الكبير آل سعود الموجهه للشاعر/سلطان بن وسام الهاجري
واكبدي اللي لهيب الوجـد محرقهـا
اونس لواعيجها مع حـر الانفاسـي
اشرب عليها من البـارد ومغرقهـا
لاشك عيـا يطفـي حرهـا كاسـي
على هنوفٍ شعاع الشمس ناشقهـا
خمريةٍ لونها من لـون الاطعاسـي
الزين فيهـا حقيقـه لـو تحققهـا
الراهب الملتزم سبـح وهـو ناسـي
لا كحـل لا روج لا مكيـاج لاحقهـا
الزين فيها طبيعي مثـل الالماسـي
الخد شمس العصر يطربك شاعقهـا
ماكنها ياعرب مـن طينـة الناسـي
والعين عكشا هدب..نجـلاً يسارقهـا
من زايد الغنج خدرة نـوم ونعاسـي
والشعر الاكثل خطير يتـل عاتقهـا
لى فلته وانهمـر لأعطافهـا كاسـي
والكشح هافـي وضامـر ماتعلقهـا
طفـلٍ ولا مسهـا جـنٍ ولا ناسـي
والعود من شجرةٍ غضـه مطارقهـا
طلع الثمر فيـه لا ليـن ولا قاسـي
الى حكت حـس نبرتهـا ومنطقهـا
هديل ورقاً تهيـض كـل حساسـي
والعود والمسك ينضح من معارقهـا
والورد والزهر من نفحات الانفاسـي
حسبي على الشعر فرقنـي وفرقهـا
وامسيت انا غارقٍ في بحر هوجاسي
مدري وش اللي دعاني يوم احمقهـا
قصيـدةٍ قلتهـا لعـب وتونـاسـي
والعين قالوا بحر والنفـس يطرقهـا
ماهيض الشعر واثر الشعر دساسـي
غارت وراحت وخفت اقوم والحقهـا
في زحمة الناس لكن ردنـي باسـي
مسكانها بيـن مغربهـا ومشرقهـا
من دونها سور وجنـودٍ وحراسـي
سلطان سلطان ما تقضـي لعاشقهـا
من قبل يقضي عليه الهم والياسـي
إشعب ركاب الفكر والسابقـه سقهـا
إفزع لعلـك تليـن قلبهـا القاسـي
قصيدتك ما انت شاريهـا وسارقهـا
في غبة القاف تتعب كـل غطاسـي
غيمة بحر لى اقبلت يدهشك بارقهـا
يشفي مطرها جميع السقم والباسـي
اشرح لها الوضع ياكـودك ترققهـا
وغض البصر وانتبه يالشاعر الراسي
احذر ترى من لمحها غصب يعشقها
اخشى تزل القدم وتطيـح متواسـي
رد الشاعر/سلطان بن وسام الهاجري على قصيدة صاحب السمو الامير الشاعر/خالد بن سعود الكبير آل سعود
حيـا الله المزنـه اللـي لاح بارقهـا
غراً عليهـا عـروق القلـب يباسـي
تدفقـت واثـلـج فــوادي تدفقـهـا
وانا ما بين الرجـا والهـم والياسـي
لكن وصلـت بنـا الطـرق المفارقهـا
واظن جمر الغضا ما هـوب ينداسـي
والعشـق كـم لـه ملفاتـه مغلقهـا
احيان ناسي وبعض احيـان متناسـي
يا كثر الأصوات يزعجنـي تصاعقهـا
واحطها مثـل حرفـاً بيـن الأقواسـي
والعذر أقول إذن مشغوله وإذن صقهـا
ابتمشـى واداعـب كـل نسنـاسـي
شكوى هل العشـق اكذبهـا واصدقهـا
تطرق بحور الشعر وتـدق الاجراسـي
ياكود شكـوى خذتنـي فـي حقايقهـا
لا هنت يامير خالـد يـا بعـد راسـي
شكـواك يـوم اتمعنـهـا وادققـهـا
شكوى خبيرٍ بعيـد انظـار وسياسـي
وإن كـان دنيـاك شايقتـك وشايقهـا
انته وريث الفخر والـدرع والطاسـي
قومـاً علـى قمـة العليـا بيارقـهـا
مقياسهم يختلف عـن كـل مقياسـي
والعشـق لـه مـره ولـذه وذايقهـا
يعيـش بيـن الرفاهيـه والاتعـاسـي
والعاقـل اللـي بمعنـاهـا يطبقـهـا
ويضحك على الجاهل اللي يطبخ الفاسي
عـزي لكبـدٍ فـراق الشـوق فاتقهـا
ما غير الاسيه لو مـا هـو بمتلاسـي
عشقت مـن ثبـت طعونـه ووثقهـا
عانيت منها وانا فـي راس مرواسـي
قـدام أعـرج عليـهـا واتطرقـهـا
اعودلـك ياطويـل العمـر وأواســي
روحٍ شعاها الغـلا والحـب وارهقهـا
على الـذي قدهـا بالوصـف مياسـي
قباً من اجمل بنـات الريـح واسبقهـا
فرس فرس فارقه عن كـل الافراسـي
إن دبرت كن نصـف الجسـم عايقهـا
وإن اقبلـت كلهـا غنـج وتغطراسـي
وان عرضت يسبـي الخافـق معنقهـا
وان وقفـت خلـت الوقـاف جلاسـي
وشقرٍ على الجيد الاتلع يـوم يفهقهـا
شلال نافـورةٍ مـن فـوق الاكباسـي
حفانـةٍ حومـة الحـايـم تضايقـهـا
بين عليهـا مـن بعيـدات الارماسـي
الحـر لا لحقهـا فـي الجـو علقهـا
وان كوبرت لاحها بالمخلـب القاسـي
البارحه ياروح روحي
الـبـارحـه يـاروح روحـي خنجر عتابك حـديد ****** تومي بها واليا اسهبت بين الضلوع اركيتها
حـكـم الغـلا خـلاك تطعني وانـا اللي مستفيد ****** فـديـتـك انـت وكـل طـعـنـه مـن يـدك فـديـتـها
مـحـبـتـك تـجـري بـدمـي مـن وريد اليا وريد ****** بين الضـلوع الـعـوج بـخـشـتها وقـلبي بيتها
لـيـنـت لـك قـلـبـن لـغـيـرك مـايـلـيـنـه الحديد ****** ولـديـت لـك عـيـن(ن) لـغـيـرك مـابعد لديتها
وكـتـبـت فيك النادرات الشاردات من القصيد ****** الـلـي تـثـيـر الـصـمـت بـالـجـمـهـور لاغنيتها
ونـشـرتـهـا بـاشـهـر مـجـلـه للقـريـب وللبعيد ****** عـلـى غـلاف الـمـخـتـلف كلن قرا ماانشيتها
عـقـدن يليق بجيدك اللي فارقن عن كــل جيد ****** والـشـفـه الـلي طعمها معـسول يـخـرب بيتها
لاقلت اريد وقالت امر قلت مدري ويش اريـد ****** قـالـت عـلامـك قـلـت انـا بـغـيـتـهـا واخطيتها
مره من المرات في ليل نسا نيسه جليد ****** هزتني الذكرى وسرتني وانا سيرتها
مدري بطل مدري خبل مدري ذكي مدري بليد ****** مـيـر الـمـهـم ان الـعـنود اللي دعتنيي جيتها
بـيـن الـشـقـا والـضـيـم والليل والبرد الشديد ****** واقــول يـالـيـت الـلـيـالــي كــلـهـا يـالـلـيـتـهـا
مـرة شـقـاهـا للشقي ولــذة سـعـدهـا للسعيد ****** والـذ مـنـهـا الـجـمـره الـلـي في يدي ضميتها
مثل تالـي النهـار اللـي تقفـاه ليـل = والشفق تحت قرص الشمس متبعثـري
يالله انـي دخيلـك يامنجـي الدخيـل = جعلنـي دايمـا متهـوم وانـا بـري
مايـذل العزيـز ولا يـعـز الذلـيـل = كود مسرى الخطأ في ليـل ماينسـري
حسبنا الله على الظالم ونعـم الوكيـل = كل ماشفـت طلـة زينـب العسكـري
ياوجودي وجود اللي عشـق مستحيـل = قلت وش تحتري وقـال وش تحتـري
قلت طرقي ومتغـرب وعابـر سبيـل = والمصيبه هنـا يابـري حالـي بـري
والله اني مـن الـوزن الثقيـل الثقيـل = مير بعض المواقف ماتجـري جـري
مادري ويش أحط ولا أدري ويش أشيل = بـس أغنـي كـذا يالابـس الغنـدري
زينب العسكري بي أم اخـر موديـل = ماركـه عالميـه تتعـب المشتـري
هذه قصيدة للشاعر سلطان بن وسام الهاجري موجهه للشاعر متعب الغربي العتيبي رحمه الله.
قالو شراله خمــــس ميه وستين
مسكين قلت اللي على البال كافي
ما دامني في انظار الاقزام مسكين
هذا دليل اني عزيز وافي
نعم شريت البنز الاخضر بتسعين
سمته وتليته بتسعين صافي
ابيه إلى منه غدى الليل ثلثين
واقفت مدابيح النجوم المقافي
انخاه والدمعه تحت محجر العين
نخوه دريك ٍ ناخي ٍ له سنافي
غيرت له زيته وفللت بنزين
واستنشق البنزين عقب الوقافي
كنه يصعط من صعوط المجانين
يرسي إلى جا في الطريق انعطافي
و قفى كما طير كفخ بالجناحين
نور الحساء قدمي و سلوى خلافي
منصاه في نجد العذيه عزيزين
هل موقف ٍ يوم الحرايب يشافي
الاد روق مرجحين الموازين
شطرن ركب من قاف غيري لقافي
ترعابهم في الخوف سود العرانين
ويبدي شحمها عقب ماهي عجافي
غربيه بأصل الصداقه وفيين
ونا لهم مع طول الايام وافي
قلته وانا من عزوتن تنزع الدين
ستر العذارا لا رمن بالغذافي
هواجر ٍ وصل القبيله قحاطين
مرويه حدب السيوف الرهافي
وختامها بالمستكا والرياحين
اخذت من نده وعطرت قافي
واهني الصخره
واهني الصخره اللي مايحرقها iiسمـوم
الزمان اللـي يهـد العـزم مـا هدّهـا
الزمان اللـي تحـدا قوييـن iiالعـزوم
لين مشّاهـا علـى ود ماهـو iiودّهـا
والمجامل بعض الأحيان ما يقضي iiلزوم
لابو النفـس الضعيفـه ولابـو جدّهـا
مير تجبرنا العوايد وتجبرنـا iiالسلـوم
نكتم الأسـرار ياليـن تاصـل iiحدّهـا
الردي لا طاح جعله يطيـح ولا iiيقـوم
باح سدّه والنشامـا مـا بـاح سدّهـا
كل ماكبرت وضاقت على عيال iiالرخوم
نحتزم لأكبـر مصيبـه وناطـا iiخدّهـا
جعل قسمي عند ربي من خيار iiالقسوم
واحـدٍ يعطـي العطايـا ولا iiيرتـدّهـا
ياعيال آدم وحـوّا تراهـا مـا iiتـدوم
دورة الأيــام لابـدّهــا iiلابـدّهــا
ياوليد البـط وشلـون ماتقـدر iiتعـوم
وانت ابوك يعوم جزر البحور iiومدّهـا
وانت ياحلمٍ حلمته مهو مثـل iiالحلـوم
ياضحيّة مزح الأحـلام مـدري iiجدّهـا
ادري ان فالناس معطى وفالناس محروم
ايـه يابيـض النوايـا ويامسـودّهـا
وياضميري لا يهمك من الدنيـا همـوم
الصعيبـه حلّهـا والبسيطـه iiعـدّهـا
جات في سد الشوارب وفي سد iiالخشوم
كبّر الضيفه وعش الضيـوف iiوغدّهـا
والمراجل ماتوفـى بضافيـة iiالهـدوم
كود بسيوفٍ يشـوق النواظـر iiحدّهـا
والردي لو درّس المرجله في كل يـوم
المراجل عنـد اهلهـا يذعـذع iiندّهـا
يعتبر قسمه مثل قسم زاهيـة iiالرقـوم
يوم تكحل رمشهـا والقـرون iiتكدّهـا
ماكسبت الا رضا اهل النمايم iiوالعلـوم
يارسول الحكي هـات العلـوم iiوودّهـا
الصفوف اثنين هذا دفـاع وذا iiهجـوم
وانت اظنك لانت معها ولا انت iiبضدّها
شرهة الطيّب تعـداك للغـوج iiالعـزوم
وانت صلفات المشاريه ماانـت iiبقدّهـا
وانت في سود الأظله تريّـح iiومخـدوم
وان ذبحك الجوع كد التكاسـي iiكدّهـا
البـارح امسيـت
البـارح امسيـت لا هـمٍ ولا iiضيـقـة
واصبحت والخاطر اضوق من ثقب لابره
واخذت فـي نجـد تغريبـه iiوتشريقـه
واقول وين انت يا ضيدان اخـو iiحبـره
الصاحـب اللـي تونسنـي طواريـقـه
حبر القلم يستمـد الحبـر مـن iiحبـره
الهـم يجتـاح قلبـي مـع iiمعاليـقـه
لي ماضي التجربه يا ماضـي iiالخبـره
الـحـر لا تــل فكيـنـا iiمسابيـقـه
وان رد يـا مرحبـا مـن رد iiنعتبـره
ليـلٍ رعــوده تقفتـهـا براريـقـه
ولا رفيق الوفـى شبـري ورا iiشبـره
يا مجهز الفكسـار
يا مجهز الفكسـار بسيـوف iiورمـاح
ومفرقـات الجمـع حيـن التحـامـه
مـن ثقـل مافوقـه مطبـه iiتمرجـاح
مجهـزه راعيـه والـدرب iiأمـامـه
يهوي كما حـرٍ دعـي لـه iiبملـواح
فوقـه عطـاوي خـوالـه عمـامـه
من وادي الشبرم الى مفـرق iiرمـاح
يحـدّد السرعـه ويـربـط iiحـزامـه
وساعة تعـدى سعـد يـالاح iiيومـاح
عوّذ من الشيطـان وارخـى iiخطامـه
ولحظة وصوله والشفق مابعـد iiبـاح
رحبـت بـه قـدام يبـدي iiسـلامـه
على أشقـر الفنجـال والعـود iiفـوّاح
وفقـار شـتـوي سنـامـه يـدامـه
واخذت منـه روس الأقـلام iiبألحـاح
وازرا المفسّـر لا يفـسّـر iiحـلامـه
ورحت أتصفّـح كـل بيـت تصفـاح
وافـك حـرف وحـرف أزوّد iiلحامـه
يا ( ناصر الروقي ) ترى الزند iiقـداح
والسلـم الأول عــزه الله iiوادامــه
ماكـل راعـي ذود للـذود مـصـلاح
بعـض الرعـاه مرافقتـه iiالغشـامـه
اللهم انـه بـس ضـاوي iiوســرّاح
عنده مسـاس الأرض كنّـه iiوخامـه
الموت لا طيـح مـن الـذود iiطيـاح
واقفـى عليهـا الليـل يابـو دلامـه
وجاتـك بعـد مـدّه معاشيـر iiولقـاح
وولادهـن عيـد الضحّيـه iiتمـامـه
والغيث لاتكـره مطيحـه اليـا iiطـاح
ربـع بصفـاره وعطـنـي خـزامـه
وان مرتـك هجـن المهابيـل iiطفـاح
اهبـال طيـب ولا صحـاوة iiرخامـه
هذا شطر بيـت كمـا النجـم iiوضـاح
وعـز الله ان راعيـه علـى كلامـه
اللي مسح روس التماسيـح iiتمسـاح
واليـا انتقـم كـلٍ يعـرف iiانتقامـه
والأولـه والثانيـه ســم iiاذحــاح
يبحر بها الصايـم وتجـرح iiصيامـه
راحـت سوالـف كحيـح iiونتحـنـاح
كـلٍ شكـت سبّابتـه مـن iiابهـامـه
واليـا حصـد زرع الفلاليـح iiفـلاّح
العـز يبقـى مـن يجـوّد iiزمـامـه
ولا يربح المليون يا جـورج iiقـرداح
يكـود مـن راسـه قويّـه iiعظـامـه
ما يستـرد الحـق بصيـاح iiوانيـاح
وبشـتٍ حسـاوي وسـاعٍ iiكمـامـه
الا بيـوم فيـه للجمـع iiضحـضـاح
يشيـب منـه اللـي بحـزّة iiفطـامـه
واسلـم ودم مانـاض برقـا iiومـالاح
واقبـل تحيـة صاحبـك iiواحتـرامـه
أتمنى أن تنال على إعجابكم
|