منتديات قصايد ليل - عرض مشاركة واحدة

09-21-2014

نشيد كنت/ي تحبه / تحبينه أيام الطفوله ؟؟

هو مو نشيد اغنية كانت امي الله يرحمها
تغنيها ليه {اغنية حبيبة امها }
وكنت دايما ارددها معاها

شخصيه كرتونيه كنت/ي تحبه/تحبينها ؟؟
هايدي احبها للحين

كيف كنت/ي ايام طفولتك شيطان/يه ولامؤدب/ه ؟؟

شيطونة بس ما احد يكتشف شيطنتي
يعني وجهي برئ ودايما اختي هي الي
تتعاقب بدلا عني

ماهي المواقف اللي عرضت فيها اهلك للاحراج؟؟
ابد ولا مرة لاني بنفس الوقت خوافه
درجة اولى ودمعتي قريبة ع طول ابكي

هل كنت شخص ذو شخصيه قويه أم مغلوب عليه ؟؟
قوية بس باسلوب يعني حقي اخذه اخذه
بالطيب بالسياسة الين يتحقق

اكبر عيديه جمعته/جمعتيه كم ؟؟ ومن مين ؟؟
الف ريال من خالي كان وقتها الالف
كانها عشرة الاف//كان مدللنا لان
امي اختهم الوحيدة

يوم كنتي صغيره بتعملي جدايل والا كاريه ؟؟<<للبنات بس
جدايل الله وكيلك لو افتحهم امي كسرت
راسي وكان شعري مرة طويل

يوم كنت/ي طفل/ه تلع/بين بكمبيوتر العائله ؟؟
لا كنت احب الالعاب الحركية يعني طول الوقت
العاب البنات جارات ضيوف وهيك يعني
وبس من درست ع القصص والمغامرات
احب القراءة والاطلاع ما احب الالعاب
الالكترونية من صغري مع ان اخواني واختي
يلعبونهم لكن انا ابد للحين ما احب الالعاب

يوم كنتي تلبسين مريول المدرسه هل تحطين شباصات ميكي ماوس وشرايط بيض ؟؟ << للبنات
مرة ودقيقة لازم انسقهم نفس الالوان مع الرباطات والاساور
حتى الشنطة والجزمة وانتي بكرامة نفس اللون امي الله يرحمها
كانت مدلعتنا ع الاخر

من كـان يدلعك أكثر أبوك او أمك ؟
كلهم لاننا بس بنتين في العايلة والبقية
اولاد بس اكثر امي الله يرحمها

اســم دلعك بالطفوله لحد الان ينادونك به ؟؟ وماهو ؟؟
توتا لحد الحين

بطفولتك كنت/ي تبكي/ن إذا ماجلست/ي بالاول بالطابور اوالفصل ؟؟

ايه للحين حتى بالاجتماعات في العمل لو ما اجلس بالاول
اسحب كرسي قدام واجلس // حتى بالحفلات
العائلية لو ما اجلس بالاول ما ارتاح

عندك لعبه موجوده من صغرك إلى الآن ؟ وماهي ؟
لا للاسف

هـل كـنت/ي تـعانـ/ين مـن اخـطاء فـي مخـارج الحـروف

.. (الوح=أروح) عثير= عصير ؟؟؟خبذ =خبز؟؟
لا ولله الحمد

اجمل موقف صار لك بطفولتك ..ومازال عالق في ذاكرتك؟؟
كل طفولتي كانت رائعة مع الوالد والوالدة الله يرحمهم
اكثر شي عالق بذاكرتي خرجاتنا للبر // الوالد كان يحب
الكشتات للبر الله يرحمة

شو الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟؟
اكثر العابنا الجارات والضيوف احب العبها مع اختي وبنات عمتي

أجمل مكان سافرت له وانت صغير وتتمنى ترجع له ثااني ؟؟
احنا ما خرجنا برا المملكة كلها بالسعودية
الرياض احبها وجدة

هل مر عليك موقف بطفولتك خلاك تكره شخص معين واذكر الموقف ؟؟
واحد جارنا كان مرة قاسي ع بناته كنت اكرهه
حتى لما يجي عند الوالد اتخبى الين يروح لانه اذا سلم
علي يعض خدودي
الموقف مرة شفته يضرب وحدة من بناته فما انسى
الموقف يمكن لاني ما تعودت ع العنف ولله الحمد

كم مرة انضربت ..او كنت تنضرب كثير؟؟
ابد ولا مرة الوالد والوالدة ما يضربون
بس يعاقبون بالحرمان

كيف مستواك الدراسي ممتاز ..ولا كسلان ..ولا نص ونص ..؟
ممتازة ولله الحمد الين تخرجت من الجامعة

واخيراً ..ماهو الحلم البريء ..حلم طفولتك..كنت تتمنى ان يتحقق..!
ماكان عندي حلم لان ولله الحمد كل شي محقق لي
بس اذكر وانا صغيرة كنت اتمنى لما افرح اتمنى العالم
كله يفرح نفسي الكل يكون سعيد ومبسوط من جد هذا
كان اكبر حلم في حياتي ما ادري يمكن لاني مبسوطة
ودي العالم يكون مبسوط

كلمه اخيره تهديها لطفولتك..!!
احب ايام طفولتي اجمل ايام عمري
وخصوصا مع الوالد والوالدة الله يرحمهم

ايقاع اشكرك ع الاستضافة اللطيفة
واتمنى اكون ضيفه خفيفة ع قلوبكم
ولو ان اجاباتي احسها غثيثة شوي