وليه الهجر والتعذيب ..
حكاية حبنا صارت
على كيفك.. تمشيها..
تصيب مره ومره تخيب
علي متغير الاحساس ..
مهو من يوم او يومين?!
قسم بالله من اشهر..
تعالي والعني ابليس!
تعالي قربي جنبي..
تعالي قربي اكثر!
ولاهمك من الجلاس ..
كثير ما../لهم احساس
ولا../هم بالحقيقه ناس..
تعالي قربي اكثر ..
ابي ريحتك بي تكثر!!
نصير اكبر.. نصير اكثر
ولاعمره يجينا باس..
ولا غبنه ولا..وسواس
مدام نتبادل الانفاس!
تعالي مري في صدري..
شوي شوي ياعمري!
على مهلك تمشي فيه..
ومري واجلسي شويه!
تقهوي واشربي لك كاس..
تعالي قربي اكثر
ابي ريحتك بي تكثر!!
وتبقى روحك وروحي..
جسد واحد
باحساسك وانفاسك..
تغيضي كل جلاسك
وحسادك ..سلم راسك!
ولا ..بالناس تهتمي ..
تعالي اجلسي يمي
ولو تامر على دمي
فدا راسك واحساسك
وربي ريحة انفاسك ..

من البارح..
لين الحين في فمي !!
تعالي اجلسي يمي
تعالي قربي اكثر..
ابي ريحتك بي تكثر
ولا تخسر ولا بخسر
فديتك قربي اكثر!
ابي يامنيتي اسهر
واتنفس بـ/أنفاسك
وانا غافي على لحافك ..
وايدي.. حاضنه ايدك
ولا .. واحد معي شافك؟!
وابوسك واتعب اعصابك
والمك .. قد ما اقدر..
على صدري .. وادفابك!
واشرب من نبيذ الحب
من شفاتك الين اسكر
تعالي قربي جنبي
تعالي قربي اكثر..
ابي ريحتك بي تكثر!
ابي ..
مع.. حضرتك اسهر!
واصير اكثر..
واعيش في داخلك..
و اكبر!

........

رااامز