..( البـارت 35 )..
.
.
.
‏لا أنتِ يا حبيبتي معقولةٌ ،
‏ولا أنا معقولْ
‏هل من صفات الحُبِّ أن يُحَطِّمَ العاديَّ ؟
‏والمألوفَ ؟
‏والمعقولْ ؟! .
- نزار قباني -
.
.
أشار الحارس على شخص نحيل يقف بعيداً ويعطيهم قفاه : ذاك .
عدل ماجد شماغه وتحرك بخطوات واثقه ونطق بهدوء : هلا .
استدار ناطقاً بحقد وكُره : بتطلقها قبل تدخل على غيرها الليله .
عاد خطوه للخلف وب استفزاز وجسده يشتعل من جراءة هذه الشخص : انت وش جايبك .
بملامح حاقده وبياض عيناه قد اصبح بلون الدماء دالاً ان هذا الشخص لم ينام لساعات طويله : بلا كثر هرج ماله سنع طلق بنتنا وخلنا نروح .
ماجد حدق فيه مطولاً وبهدوء اصطنعه عكس مايدور داخله : ماحد له كلمه علي ، وابرار لي ماهيب لاحد ثاني .
قاطعه صوت الانثوي خلف ظهر راجس : انا امها وجايه اقول كلمتين .
ارتبك ماجد وعاد للخلف خطوه : مسيتي بالخير ي خاله .
بهدوء اقتربت ونبره مُعاتبه : لو انك تعتبرني خاله دليت بيتي وجيت سلمت .
واكملت بحديث صدمه : بنتي عيت لا تروح معي الليله لديرتنا ، عشان عرسك ، وانا مانب معوده الا ورقة بنتي معي .
رفع عيناه مُهداءً ذاته وبعناد غير مُهتم : ماحد يجبرني على شي مابيه .
صرخ راجس مُندفعاً له : تعقب تكسر كلمة عمتي .
دفعه ماجد بقوة وهذا يعود لبُنية جسده القويه ، ولف ذراعيه خلف ظهره وب اشمئزاز ضغط على اسنانه : انت اللي تعقب تمسك شعره منها ، تحسبني ماعرف ماضيك .
توسطتهم ام ابرار وابعدته وبرجفه ظهرت في همسها : طلبتك ي ولدي طلقها ، وكلن يروح في طريقه ، اللي سواه ابوها مايرضي احد ، وعارفه انك ماتبيها ، وهذا انت تزوجت الثانيه وبتعيش حياتك .
وبلعت ريقها وهي تُكمل بضعف : لا تظلم بنتي ، اعرفها ماتحكي لكن عيونها حكت .
ماجد بقسوه ونظره للواقف خلفها : طلاق مانب مطلق ، وفلوس ماعاد نبيها ، وزوجك بسجنه على سواياه .
شهقت وبكت بخوف : حسبي عليك ياللي ماتخاف ربك .
اقترب راجس وبتهديد : بتطلب الخلع منك دامك مانت مطلق بنت عمتي ماهيب لعبه بيدك انت وابوها .
ماجد بسُخريه وهو ينوي الابتعاد : زوجتي ماهيب لعبه ، وانا محترمك قدام امها ولا كان عرفت كيف اكسر لك ذي الاسنان اللي مستانس فيها .
اوقفه صوتها : بنتي باخذها معي وتحلم فيها ، وهذا الشرط مابقى عليه غير اقل من شهر وبتعرف وقتها كيف تطلق غصب .
ابتعد هامساً بغضب اخفاه : بلا شرط بلا بطيخ ، اذا بغيتو زوجتوا واذا ماعجبكم طلقتو .
مسكها راجس وبخوف من صوت نحبيها : ي عمه وش فيتس .
ام ابرار تشبثت براجس وبكلمات اختنقت خلف البكُاء : حسبي على منيف .
..
وقف بعيداً عن الانظار ورفع هاتفه ناطقاً وصوت الطرف الاخر يصله : ابي اشوف ابرار .
نوره ضحكت بسُخريه : يالحبيب مغلط انت العروس نوف مب ابرار .
وصبره ينفذ : نوره اتوقع اني اتكلم عربي وكلامي مفهوم .
نوره بللت شفاهها وعيناها على ابرار الجالسه بصمت : والله شكلها يكسر الخاطر .
صرخ بغضب : اشوفها اوريها الشغل .
نوره ابتسمت ب استفزاز : وان شاءالله كيف بتشوفها ، عاد زي ماسمعت تقول جدتها بتروح بها معها .
امال ثغره بخبث : لا جدتها حبيبتي .
واكمل بهمس : لازم اشوفها قبل تبدا الزفه .
نوره اغمضت عيناها مراراً وبضيق : وانت لازم تنزف .
نطق قبل ان يُقفل الخط : انتظر اتصالك لاتطولين .
..
ابتسمت وهي تراه يقف امامها : انس .
اومإ براسه وبهدوء : هل انتِ بخير .
حركت راسها برفض وهمست : والدتي لا تتركها وحيده .
انحنى لها ضاغطاً على اسنانه : هيلدا ساتُصبحين بخير ، اعدك بهذا لاتكوني ضعيفه .
اغمضت عيناها وبإلم يفتك بجسدها : كنت اُريد ان اراك للمره الاخيره .
صرخ بعدم استيعاب : هل مُناداتك لي من اجل ان تقولِ هذا ؟! .
بشبه ابتسامه هتفت بنبره مُتعبه : لا من اجل والدتي .
ابعدت راسها للجهه الاُخرى على دخول الدكتور : ساتتحسن لاتخف .
انس استغرب ردة فعلها واستدار لطبيب بضيق : هي كانت بخير ليش صايره تنام كثير وتتإلم بدون سبب ؟! .
الطبيب بهدوء : اعراض مؤقته بس .
خرج صوتها ببحه مُتعبه : انس .
تقدم لها وانحنى : نعم .
قالت برجاء اخيراً وعيناها تغرق بالدموع : امسك يدي .
انصدم من طلبها وبشفقه حاوط يدها الايُسر بكفيه .
دست ورقه صغيره فيها هامسه ونظرها لعينان الطبيب المُتوعده خلفه : اهتم بوالدتي العنوان بالورقه .
استدار على صوت الطبيب : استاذ انس ، واضح المريضه مُتعبه بنخليها ترتاح شوي .
هز راسه وهي تُغمض عيناها بهدوء غريب تعجب منه .
..
يقف خلف عمه ونظره للقاعه الفخمه من الخارج : بتدخل ؟! .
زياد ( حمد ) حرك راسه برفض : لا انت اللي بتدخل .
تصنم جابر وبعدم فهم : كيف تبيني ادخل ؟! .
زياد نظر له وبهمس رتب على صدره : على نهاية الزواج .
جابر بهدوء : بيعرفني عايد العايد .
زياد استدار للقاعه وبدا يتإمل الداخلين بكُره : هذا المطلوب .
وهتف بوعيد : يخلي وراك حارس يراقبك ماعجبتني .
ابتسم جابر وهو يتذكر الحارس الذي مُسك قبل ايام من قبل حُراس عمه : وش بتسوي فيه .
زياد بتفكير طويل : للحين نشوف ، بس الاكيد بخلي عايد هو اللي يقرر .
عدل جابر نسفت شماغه وبلل شفاهه بضيق : تعرفني ماحب اللبس الرسمي كثير .
ارتداء نظارته الطبيه وادخل كفيه بجيب ثوبه وعيناه للان تُراقب الداخلين : تحمل .
تصنم نظره على نايف ورياض وهما يصعدان عتبات المدخل انزل راسه وصدره يضيق .
جابر ونظره لرياض : وش علاقه عيال هاني الجابر معهم عشان يحضرون زواجهم .
رفع راسه مُستغرباً : وانت وش عرفك انهم عيال الجابر .
جابر اغلق أزرار جاكيته والبرد يشتد : شفتهم بمكان مره .
زياد بعدم تصديق : واعرفوك ؟! .
هز راسه : لا .
اخرج هاتفه على اهتزازه واجاب بهدوء رخيم : نعم .
: ي طويل العمر الاجنبيه ذي واضح تخطط على شي وتو ولد العايد طالع من عندها .
قاطعه زياد : وش تبي فيه ؟! .
همس بتفكير : ماقالت شي مهم .
نطق بعد صمت : اقتلوها لان الماده اللي نعطيها بتطول لين تذبحها .
هز راسه وعيناه عليها : ابشر .
زياد : طيارتك بتكون جاهزه الليله ، وين حاب تسافر روح لاعاد اشوف رقعة وجهك .
وضميره يُآنبه نطق جابر : ابي اشوفها اول .
نظر له زياد ونطق للمتصل بعدم اهتمام : لا تغيرت الخطه ، اخطفها وجبها لي .
ابتسم جابر براحه .
..
اغلق الهاتف واقترب لها بعينان مُتوعده هاتفاً بخبث : ليش ماصرتي حلوه وسمعتي الكلام وانتي تخونين اسيادك .
اغلق ثغرها بسُرعه وهو يمنع صرختها .
سحب الوساده الجانبيه وابتسم ب استفزاز وهو يُغطي ملامحها بها .
حركت جسدها بمقاومه ، ومسكت رسغيه بقوه حتى تنقذ نفسها والهواء لم تعد تشعر به يصل لرئتيها .
ابتسم بضمير ميت شاعراً بخمول جسدها وسكونها بعد ان غرز ابرة المنوم في عضدها .
رفع الوساده ببتسامه وتحسس نبضها ، ابتسم براحه ونبضها يشعر به .
خرج بهدوء .
اقترب الشرطي : متى بتطلع ؟! .
عدل شعره بتوتر وحادقتيه تتحرك بوضع مُريب : اعطيتها منوم ، لانها شوي كانت تتإلم ، والحين لازم ناخذها للاشعه ، بروح انادي المُمرضين .
أومأ الشرطي براسه وابتعد يُجيب على هاتفه .
خرج يتبع السرير ونظراته على الشرطي .
لحقهم الشرطي بخطوات هاديه .
نطق بعجله : راح اشغله ، اطلعو من الباب الخلفي .
..
بهدوء وعيناها لرعشه يديها : يمه فيك شي ؟! .
ام نايف وقفت : بروح انسدح شوي ، اليوم خاطري ضايق زود .
هُدى اقتربت بملامح خائفه : اكلم نايف يوديك للمستشفى .
حركت راسها برفض : لا وين اطلعه من الزواج وهو قد دخل .
مسكت ذراعها وبنبره قلقه : اكلم رجلي طيب .
ام نايف بعدم رضا : قلت خاطري ضايق مهب تعبانه .
هُدى وقلبها يضيق على والدتها : من وش ؟ .
ام نايف وهي تستلقي : حلم شين شين .
غطت والدتها وتنهدت بخفوت ف احلام والدتها كثيره جداً .
اغلقت الباب على صوت هاتفها العالِ .
تقدمت ورفعت ناطقه ببتسامه : من طول جاب الغنايم .
اسماء وعيناها للجالسه بالطاوله المُقابله لها : والله مابه غنايم ولا شي ، الا ليش ماحضرتي الزواج ؟! .
هُدى بنبره ضائقه : خليها على الله بس .
اسماء بخوف : وش في صوتك .
هُدى صعدت لغرفتها وبتعب : امي اليوم حيل تعبانه ولا قدرت اروح واخليها .
اسماء هزت راسها وبتردد التزمت الصمت .
هُدى ب استغراب : ايه وش كنتي بتقولين ؟! .
اسماء بللت شفاهها وبهمس : تتوقين من جالس قدامي ؟ .
هُدى ابتسمت : مين ؟! .
اغمضت عيناها وزفرت بخوف : ناهد الراشد .
شعرت انها سمعت صوت قُنبله في اعماقها ، لا حروف اسم .
اسماء بقلق على سكونها : هُدى تسمعيني ؟! .
هُدى ضغطت على اسنانها وبحقد على هذه العائله : وذي بي وجه تحضر زواجات ؟! .
اسماء بشفقه : ترى مالها ذنب ، ولا تنسين انها وقفت معكم على اخوها .
هُدى همست بكُره وحقد دفين : اهم شي انه اخوها .
نظرت لناهد بعينان حزينه مُتذكره ايام صداقتهم ، كانت صديقة مراحل الدراسه ، الضحك وحتى البُكاء ابعدت عيناها بربكه وملامح ناهد تتجمد مُتعرفه عليها .
..
وقف الجميع على دخوله الشامخ ، الواثق .
جلس بعد السلام واخذ الاخبار .
نظر للجموع الغفير على صوت ماجد الغاضب : كان طولت شوي .
انس بعدم اهتمام وكانه الضيف ليس العريس : اشغال وتوي خلصتها .
رفع انس حاجبه مُستغرباً : وين احمد ؟! .
عض شفاه السُفليه وبحده : وانا بطول هنا .
انس بهدوء همس : لاتوضح لناس شي .
ماجد ابعد نظره وبنفاذ صبر : اسمع من يتكلم .
وبحديث مقصود : والله ماندري وش يقولون بصدورهم ، لكن والله انهم من ورانا يمضغونا .
انس مُصطنع عدم الفهم : على ؟! .
ماجد : على زواجك .
انس وقف ب استفزاز : مو علي لحالي ، لاتنسى زواجك الاول وزواجك الحين كل واحد افشل من الثاني .
ضغطة بقوه على قبضته وجسده يشتعل .
جلس انس بجوار والده ونظره لمن ينظر : تعرفهم .
ابو انس بهدوء : سمعتهم معروفه .
انس ابعد نظره عن نايف وبهمس : وش فيك متضايق ، مهب هذا اللي تبيه ؟! .
ربت على فخذه وبضيق : لا .
وقف بتساؤل من حديث والده على اقترب نايف : واخيراً حصلت فرصه نشوف الوالد .
..
مُستلقيه بتعب جسدي غريب ، قفزت على طرق الخادمه وصُراخها : ماما امل فيه يموت .
نزلت بخطوات واسعه للاسفل : وش فيها ؟! .
امل ببُكاء عالي وهي ترى وتين : بموت ي وتين .
وتين برجفه جلست امامها : من وش تموتين ،وش فيك .
امل مسكت بطنها : يعني بولد ، دقي على ابوي ولا مساعد بسرعه .
هزت راسها وتحركت صاعده : ناني خليك معها .
مسكت قلبها ونبضاتها تتسارع ورفعت الهاتفه ب اصابع مُرتعشه ضاغطه على اول رقم يُصادفها .
..
جلس بجانبه : كنت عند هيلدا ؟! .
انس بملامح لا يُفهم ماخلفها : البنت مو عاجبتني .
احمد همس : وانت مو عاجبني .
انس طرق ب اصابعه على ذراع المقعد الذهبي : زي العاده صُداع .
احمد بخوف : تبي مُسكن .
انس بكذب : اكلت .
وقف احمد مُبتعد ب استغرب على اتصالها بهذا الوقت .
نطقت برُعب : ي عمي الحق امل مدري وش فيها يمكن تولد .
احمد بردة اطرافه : انتي وش تقولين .
ضربت جبينها وبتلعثم : احمد وين عمي .
ضغط على اسنانه هامساً : انتم وينكم .
اتكت على الجدار وهي تشعر بدوران : بالبيت .
هز راسه : جايكم ، لاتتصلون على احد وتخوفونهم .
..
ابتسمت على رقص ريما الطفولي : اتمنى ارجع طفله .
الجوهره وعيناها على مالذ وطاب : من كبرك الحين .
تاففت اسيل : مستحيل تسكتين ، لازم تتكلمين حتى لو السالفه ماتخصك .
روان رفعت نظرها على مايهمسن عليه النساء خلفها : شوفو ذي ام انس واخته .
الجوهره وعيناها تبحث عنهم بحماس : وانتي وش دراك ؟! .
روان بصدمه فتحت ثغرها : اسيل عرفتيها ؟ .
اسيل اضاقت عيناها واعطتهن ظهرها : لا عاد مُستحيل .
الجوهره بعدم فهم : وش فيكم ؟! .
..
شادن بتوتر من نظرات الحضور : متى نشوف عروس انس .
ام انس بهدوء : روحي شوفيها انتي .
شادن ب استغراب : وانتي ؟! .
ام انس : الوقت طويل .
شادن بهمس : بس انس قال بيطلع بسرعه ولا راح ينزف .
ام انس تنهدت بتعب : شادن حبيبتي خلاص خليني براحتي .
بتردد احتضنت يد والدتها : متضايقه عشاني خوالي ماحضرو الزواج .
هزت راسها : لا .
ابتسمت : طيب ابتسمي عشان الناس مايشكون . بيقولون انك ماتبين العروس .
ضحكت ب اعجاب : وانتي متى تفكرين كذا ، والله كبرتي .
ابتسمت على قدوم نوره : جات السميه .
ام انس ابتسمت بود فكانت كثيراً ماترغب بنوره زوجه لانس لكن قدر الله .
نوره هزت كتفيها وتمايلت بطرب على انغام الموسيقى وهي تصدح : مُمكن اخطف بنت عمي الحلوه .
هزت راسها ببتسامه : انتبهي عليها .
نوره اخرجت لسانها بتسليه : خلاص ب اكلها .
ابتعدت عنهم وتوسطت صديقاتها على نظرات ام ماجد الحاقده .
..
نوره بهمس : والله متغيره ، وكاني مو بنت عمك الوحيده ، ايش ذا التكبر ماعاد شفتك ولا صرتي تكلميني .
شادن بضيق : والله ماتكبرت .
قاطعتها : طيب اجل ايش ذي الانطوائية اللي داخله فيها .
شادن بتغيير للموضوع : وين بنجلس .
نوره وقفت امامها وزفرت توترها : ابرار تبي تشوف عروس انس ، اذا مُمكن تودينا لها .
شادن ضحكت بهدوء : بس انا مارحت لها .
قاطعتها وهي تُشير لطاوله قريبه منهم بتوتر : هذولا خواتها بالرضاعه كلميهم .
نظرت لهم بفضول ، وتشنجت ملامحها على اسيل .
اسيل ببتسامه صفراء : شكلها عرفتني ، ي ويلي .
نوره همست : تعرفينها .
ابعدت عيناها وعقلها لا يستوعب مايجري : اتوقع انها معي بالمدرسه .
تكتفت نوره ببتسامه والوضع يُعجبها : حلو ماتوقعت علاقتنا قويه لهذه الدرجه .
تحركت نوره ساحبه شادن خلفها واقتربت ببتسامه عريضه : هلا بالصبايا .
واشارت لشادن : اكيد تعرفونها .
وبملامح مُبتسمه : انا نوره بنت عمها .
الجوهره امالت ثغرها ب استغراب : لا والله مانعرفها .
اتسعت عينان نوره من وقاحة هذه الفتاة .
الجوهره اخرجت لسانها ورمت بيدها : امزح امزح ، ايه هذي اخت انس .
وقفت اسيل ومدة يدها : ايه اعرفها بالمدرسه ، وتشرفت نتقابل مره ثانيه ، وزاد الشرف شرف لما صرنا اهل .
شادن ووجنتيها تتورد ب احراج : تشرفنا .
نوره بهدوء بعد السلام والمُصافحه : ممكن نشوف عروسنا .
اسيل هزت راسها ببتسامه : ايه اكيد .
نوره رفعت اصبعها ألسبابه : لحظة بروح انادي ابرار .
الجوهره رفعت حاجبها ب استغراب .
شادن لاحظت استغرابها : زوجة اخوها .
اسيل هزت راسها بتفهم : اها .
..
اغمضت عيناها بضيق من نظرات الضيوف وتهامسهم ، فتحت عيناها على صوت جدتها : نروح ؟! .
استجمعت قوتها وبهدوء : لا بشوفه وهو ينزف .
اقتربت نوره وبهمس : بنروح لزوجة انس تروحين معنا .
هزت راسها وهي تهرب من نظرات الجميع : ياليت .
استاذنت من جدتها : بروح شوي وارجع .
جدتها وعيناها تنتقد وتتإمل الثياب الغريبه بنظرها عن مايُلبس في زواجات اهل قريتها .
ابرار بهمس لنوره وهما يتبعون فتاة ترتدي اسود : من ذي ؟! .
نوره دفعتها بكتفها وبهمس : اخت راكان .
وبخفوت غمزت : فيها ملامح من راكان صح .
نظرت لعينان نوره الناعسه وابعدتها بربكه مُتذكره نظرات ماجد : ماتذكره .
اسيل اقتربت من الغرفه المُغلقه : شوي .
نوره هزت راسها واستدارت براسها للغرفه المجاوره المفتوحه وصوت والدتها يخرج منها .
نظرت ابرار لما تنظر تجمدت عيناها على الفُستان الابيض الفخم بتفصيله انزلت نظرها برجفه استوطنت جسدها .. مكياجها الاكثر من رائع .. فُستانها المُصمم خصيصاً لهذه الليله .. هل سيراها ماجد بهذا الشكل الجميل .
رفعت راسها على ذراع نوره خلف ظهرها هامسه : تعالي معي .
نوره بهمس لشادن : شوي وبنجيكم .
سحبت ذراعها نوره .
اتحرك ؟!
هل اقدامي تسير .. لا اشعر الا بإلم غرزة سكين حاده تستوطن قلبي .
شعرت بنوره ترفع ذقنها : ابرار وش فيك .
تحنحنت مُستوعبه الغرفه الخاليه : وين حنا فيه .
نوره فتحت ذراعيها وهي تُعانق ابرار بقوه وبحزن : مايستاهلك والله ، لاتسوين بنفسك كذا عشانه .
حركت راسها وبرجفه ظهرت في صوتها : ماشافني بالابيض بس بيشوفها .
مسكت عضديها وهزتها : خليك قويه صح ماجد خسرك ، بس انا مابي اخسرك .
كتمت دموعها وجلست ب ضعف : متى راح يزفونه ؟! .
نوره بكذب وهي تُريد الهرب : بروح اسال لك ، خليك هنا .
هزت راسها .. فهي فعلاً تُريد ان تبقى وحيده .
..
اتاها صوته : نوره ينادوني على الزفه وانا ماشفت ابرار .
نوره بنبره حزينه : شوفها يمين المدخل .
اغلقت في وجهه واتجهت بخطوات ضائقه للحمام ، وقفت امام المراءة ، رفعت كفها تمسح الدمعه اليتيمه .
..
دخلت شادن بهدوء على نظرات الجالسين .
وقفت عيناها على اريان الجالسه .. اجمل بكثير مما توقعته حتى من وصف انس الشنيع لها ..توارد لذهنها هل عيناها حقيقه ام لا .?!
ابعدت نظراتها على صوت ام علي : هلا ببنيتي .
شادن بهدوء : مبروك لنا .
انزلت نظرها على اهتزاز هاتفها وفتحت على الخط .
اتاها صوته البارد : انا انتظرها تحت .
رفعت عيناها بتوتر على نظرات اريان الحاده .
همست : انس حرام عليك ، البنت جميله ليه كذبت علي .
قاطعها بغضب : شادن مو وقتك .
شادن بللت شفاهها : لازم تنزفون .
نطقت اريان بصوت وصل لانس : لا مابي انزف .
انس بهدوء نطق وهو يُقفل الخط : انتظرها تحت ، اذا مانزلت ترى رحت .
انزلت هاتفها وبتلعثم : انس ينتظرك تحت .
ام علي وقفت مُخفيه صدمتها : طيب وين امك تشوفها قبل تنزل .
نطقت شادن بحديث صدم الجميع : امي ماتقدر تجي ، مشغوله تحت .
وخرجت بخطوات هاربه .
نجلاء صرخت : وش ذا الزواج .
وقفت اريان حامده ربها : اعطيني عبايتي .
جلست ام علي وبكت بقوه .
بردت اطراف اريان بصدمه .
هند والعبره تغص في بلعومها : يمه وش فيك ؟! .
ام علي غطت عيناها هاتفه : عطيني منديل ي هند .
اريان جلست امام والدتها ووضعت راسها على حجرها وبرجفه والدمع يُغرق عيناها : ليه الدموع يالغاليه .
ام علي انزلت راسها على راس اريان وبخفوت : ماكنت امك .
وبصوت مخنوق مُتقطع : ماقدرت ازفك ، ولا امنعهم مايجبرونك ولا حتى قلت مبروك .
عانقت والدتها بقوه وضغطت على اسنانها تصطنع القوه : ماعرف غيرك ام ، مافتحت عيوني الا عليك .
وببتسامه همست : ماتذكرين اول كلمه قلتها .
ابتسمت ام علي وبعبره : ماما .
ضحكت اريان : طيب ي ماما ليش الدموع .
نجلاء اقتربت وبهدوء حزين : يمه لاتخربين مكياجها .
وقفت ام علي وهي توقف اريان : **** المكياج .
ضحك الجميع ، وتقدمت هاجر بالعباءة المُخصصه لهذه الليله : انتبهي على نفسك .
اريان بضيق مُتسائل : وين ابوي ، وين اخواني ؟! .
نجلاء بهدوء : تحت تحت كلهم .
ابتسمت وارتدت عبائتها : عاد كنت مخططه احط الفُستان ، بس بعد دموع امي كنسلنا .
ام علي تنهدت كاتمه دموعها .
اسيل خرجت تمسح عيناها .. سافقدها اليوم ، الاخُت الكبرى .. من سيُشاركنا الضحك ؟ ، السهر ، العتاب .
هند انزلت راسها وهي تُضم شفتيها ببعض ماسكه دموعها .
هاجر ودموعها تنزل لم تستطع مسكها اكثر همست : اريان بشتاق لك .
اريان رفعت حاجبها بعدم رضا : وهذا وحنا بنتقابل يوم الاثنين وتبكين .
ضحكت هاجر وابتعدت للخلف .
اريان بتساؤل : وين روان وريما والجوهره ؟! .
وبحثت بعيناها : واسيل ؟ .
هند تنحنحت مُبعده الغصه : تحت .
هزت اريان راسها .
ام علي سحبها عبائتها وارتدها وبهدوء : يلا امشي .
ابتسمت اريان على حركت والدتها .
..
استجمعت قوتها على صوت فتح الباب خلفها ووقفت .
نظر ب اعجاب لخُصلات شعرها البُنيه الطويلة وهي تُغطي ظهرها ، وزادت ابتسامته وجسدها يستدير له .. استهنتُ بسمراءٍ ولم أعرف بأن الموت هو سمارها .. ترتدي فستانا قُرمزيّا يُبرز لون بشرتها الفاتنه .. فلأول مره يرى رسمت الكحل العربي على عيناها وقد زاد سحرها .. من تقف امامه الان بعيده كليّا عن تلك الفتاه التي تركها منذ يومان .. نظرات حقد كُره ، غضب لا يعلم لكن هُناك شي يشع من خلف هذه العينان لم يراه منذ عرفها .. فهو كان يرى اشياء اُخر لا تُشبه مايراه هذه اللحظه .. تعلقت عيناه في ملامحها الحادة البارزة المليئة بالحقد .. انزل نظره بتإمل لقُماش الفُستان الضيق على جسدها وابرزه اليوم بشكل مُختلف .. هل وقع في ذلك السحر الذي تعيده على مسامعه والدته ، لم يُبعد عيناه عنها حتى هتفت بغضب من نظراته : خير وش جايبك .
عدل بشته على منكبيه وبربكه : انتي اللي وش جايبك ؟! .
ابرار اقتربت وضغطت على اسنانها : اشوفك .
رفع حاجبه : تشوفيني ؟ .
حركت حادقتيها ببطء على كشخته وصفرت بسُخريه : بشوف كيف شكلك اليوم .
وغمزت بقهر لم تُظهره : زي ماتعرف ماشفتك البشت عليك بعرسنا .
واكملت ب استفهام : الا وينك مختفي من يومين كل ذا تجهيز لزواجك ؟ .
بلل شفاهه وتثيرها يُرهقه .. لماذا تظهر بهذا الشكل العنيف في يوم زفافه .. اغمض عيناه يستجمع الكلمات لعقله .. هل يُخبرها بوالدها ؟ .. هذا اذا لا تعلم .
قاطع تفكيره صوتها : ماجد .
ماجد مسك عضديها وبغضب : فيه وحده بعقلك تحضر زواج زوجها .
ضحكت بسُخريه : قلتها بزواج زوجها .
وببطء رفع ضغطه : انت ماشوفك زوج .
اشتعلت عيناه ضاغطاً على اسنانه : مو الوقت المناسب عشان اوريك كيف انا زوجك .
سحبت ذراعيها بقوة وعادت للخلف بغضب : بتسحب شعري .
ورفعت عيناها مُصطنعه التفكير : يمكن تعطيني كف .
عض شفاهه على صوت رنين هاتفه : اوريك اذا رجعت البيت .
مدت شفاهها وهي تقهره : شوف جوالك يدق ، روح لحبيبه القلب .
وحركت ثغرها بهمس خبيث : امسك يدها عشان يعرفون الضيوف قد ايش تحبها .
اقترب لها بحده : ابرار تراك مهوب قد اللي تسوين .
بعدم اهتمام : انا رايحه مع اهلي ، ورقة طلاقي لاتنساها .
عاد لذهنه راجس وحديث والدتها .. وشكلها الان امامه .. هل اتت معه بهذا الشكل وساتعود معه ايضاً .
مسك عضدها وبغيره صرخ : قسم بالله شوفيني حلفت لا ادري انك راكبه مع الراجس ذا اني .
قاطعته بتحدي : انك ايش ؟! .
نفضها بقسوه : طلاق ماني مطلق .
وبحده اكمل : ي زوجه ولا معلقه وغيره ماعندي .
اغمض عيناه يُهدي نفسه هذا ليس وقت الغضب ، فتحها وبتساؤل هادي : انتي قايله لامك انك تبين الطلاق ؟! .
استغربت من حديثه : امي ؟! .
هز راسه بنفاذ صبر : ايه .
تجمدت عيناها على ملامحه التي تعشقها وبتلعثم كذبت : ايه .
هز راسه ببرود : طيب طيب .
بقهر اخرج هاتفه ورنينه يرتفعه واغلقه .
عضت طرف شفاها تمنع نفسها عن البُكاء .
اقترب اكثر وسحبها لجسده .
تجمدت وهي تشعر ان هذا هو فعلاً الوداع الاخير .. رائحة عُطره ,عيناه الناعسه ,صوته وملامحه الحاده .
رفعت قدميها ب اطراف كعبها مُكبله عُنقه بذراعيها .
ادخل انفه في عُنقها مُستنشقاً عطرها وبهمس : احس فيه شي غلط يصير .
بعد صمت ثواني ابتعدت بقوة على مُلامسة شفاهه عُنقها .
كادت تسقط من حركتها المُندفعه ، انزلت نظرها وكفه تستقر على ظهرها مُعدلاً وقفتها هامساً : شوي شوي على نفسك لاتطيحين .
همست مُبعده يده : ي مهتم .
وتحركت بخطوات واسعه وهي تتركه خلفها .
لحق بها ووقفت اقدامه على الفتاه القادمه ويظهر من تحت عبائتها فُستان ابيض طويل .
في الطرف المُقابل تجمدت عينان اريان عليه وابعدتها لابرار وتلونت ملامحها بالصدمه مُتعرفه عليه .. نعم هو ابن المصعد من شهور .. من كان يقول ساطُلقها لانها بنت قريه .. كيف انسى شخص يملك ذلك اللسان السليط والقذر .. لماذا استغرب فهو ابن عمه .
انزلت نظرها على احتضان ابرار لها وهمسها : انس مو مثل ولد عمه ، حنون وقلبه كبير ، حافظيه عليه ي اريان .
وابتعدت بخفه مُختفيه بخطوات واسعه .
ام علي سحبت ذراع ابنتها مُتجاوزه ماجد الواقف .
..
امام المشفى الكبير وقف وهتف بخوف : تقدرين تنزلين ولا اجيب لك سرير .
مررت كفيها على بطنها ورفعت عيناها بخجل والإلم يختفي : خلاص .
وتين والخوف للان يُسيطر عليها : وش خلاص ؟! .
امل اعتدلت بجلستها وب استغرب من نفسها : ماعاد احس بشي .
نزل احمد واقترب لبابها وفتحته ناطقاً بحده : انزلي .
نزلت وبتساؤل : وين بنروح ؟! .
احمد اشار للمشفى يساره : بنروح ندخل عشان تولدين .
امل بعدم فهم : كيف اولد ؟! .
احمد اقفل ابواب سيارته بعد نزول وتين وبدون مُبالاة : دبري نفسك ، ماراح نرجع الا وانتي والده .
وتين اومت براسها مُتفقه مع حديث احمد : ايه صادق مو كنتي بتولدين ؟! .
همست : وكيف اولد وانا مافيني طلق الولاده ؟ .
نظر لها بحده : زواج اعز اخوياي وخليته عشانك بتولدين ، والحين تقولين ماحس بشي .
ومسك ذراعها واشار لوتين : انتي امسكيها من عندك، يمكن خايفه بس .
امل بخوف : والله ماحس بشي .
وتين بهدوء : امل ع الاقل ندخل يشوفون حالتك ، لان وضعك غريب مو قبل شوي تتإلمين ؟ .
..
انزل عيناه بصدمه .. ماذا يعني ان تكون زوجة انس العايد اُختاً له .
نايف بشك من حركات اخاة : وش فيك ؟! .
رياض ضغط على اسنانه بحقد : كل مكان اروح له يطلع لي عاملك ذا .
نايف بحده همس : وانا قلت صار خويك ؟ .
واكمل : وش فيك كارهه ؟ ، الولد ماعليه كلام .
وقف خارجاً : ماقدر اتحمله ساعه .
نظر نايف للجالس بعيداً عنهم وملامحه المُجعده تحمل الكثير من الحُزن منذُ ان عرف انه والده تُركي لم تبتعد عيناه عنه .. انا لا اذكره هل كان سائق فعلاً لدى اختي ؟! .
رفع راسه على وقوف انس .. كما عهده شامخ لا يُظهر مايُخفي وزواجه الغريب الذي لم يستطع احد معرفة سببه .
..

• جنون قصايدليل في التصاميـم
• لآ تسألونيے مـכּ أڪَوכּ •● هُنآ أنفَآسْ وξـشقـہآ כـتى الجنوכּ •●