رد ع روايه
البارت الثامن والعشرون
:
:
:
:
:
لاحظ يوسف ضحكتها وانقهر وماعلق ،،، مريم انتبهت على اخوها وقامت وصوبه: فديت عينك شوفيك الغالي ..
يوسف ياشر. ظافر: بركات ريلج...
مريم: اكيد مسود ويهك عشان جيه حصلت ما يوبك ..
طالعها بقهر وقال بغيظ: تتنطزين فيج خير ردي ريلج عن العرس وخليني في حالي وطلع ورقع الباب وراه....
انصدمت مريم من كلامه جرحها هذا وهو اخوها شو خلى للغريب ماحست على نفسها الا وهي تدخل الغرفه وتختلي بنفسها الكل متشفق ع زواجك يا ظافر والكل متشفق على شوفتها افففف الله يغربلج خربتي حياتي من يد ويديد ...
:
جابگ قدر ما جابگ الحظ والوقت ،،، وجيت برضا قدري وحظي احبگ،،،لا لتسأل ليش او كيف ايقنت ،،،العلم عند الله والعمر قربگ ،،، ابغيه ثم ابغيه لو ما تفطنت،،،وش هو مخبيه القدر عقب دربگ...
:
:
بعد مرور ثلاث شهور وانتهاء عدة وضحى ظافر كان عندهم في شقه وهي قاعده وياه وتتكلم معاهم بدت الحديث بعد ما عبدالله وصى ظافر عليها وانها اخته وغاليه على قلبه وضحى نطقت بقهر: ما تفكرون في مشاعر الحرمة اللي بكون عديلتها ما تفكرون في المستقبل وشو راح يصير انا بدخل بين عايله وبين ريال وحرمته وبينهم عيال انتوا تفهمون شو قاعدين تخططون وتقولون احساسكم وين مشاعركم وين ليششش انتوا اموات وبغصه انا ما ارضى حرمة تي عليه ولا ارضى بحرمة تشارك ريلي فيني كيف هي ومشاعرها وزواج ريلها مني يا جماعه حرررام اللي تسوونه ودمعت عيونننها وهي مقهوووره ومغبونه تكفووون ردووا عن قراركم..
ظافر اللي تكلم بحده وعصبيه: وضححححى هالموضوع انا منتهي منه وهي متفهمه وضعي وعارفه شو سبب هالزواج ليش انتي تمانعين..
وضحى بقهر: لاني يوم بكون في بيتك باشوف بعيونك شو بيستوي وراح تستوي مشاكل وراح تتذكر كلامي وانا مب مستعده اني اخليك تخسر زوجتك وعيالك عشان حب قديم رجع لك بعد فتره ظافرانته...
قاطعها صوته المغتاض وهو يقول: وضححححححى ماراح تجتمعين فيها انتي في بيت وهي في بيت وكل وحده لها يومها ...
هدت وضحى وهي تقول: بس ظافر ..
بعصبيه صرخ وهو يقول: بسسسسس مابا اسمع منج شي والملجه باجر وتصديق الأوراق بنخلصها في سفاره انتي ليش عنيده ..
وضحى تبكي: عنيده لاني مابا اخرب بيتك..
ظافر يقرب منها : وحبي وقلبي وسعادتي وين اوديهم ترا انتي ما طلعتي لي فجاه عقب هالسنين انتي يابج لي القدر والله يبا يجازيني ع صبري ليش تعترضين ..
رفعت عيونها له ووشافت الحده والعتب في نظرة عيونه وبهمس قالت: موافقه..
مايدري أي شعور صابه ولايدري في هالحظه شو يسوي يحضنها ولا يفرح ولا يرقص ماحس الا بدمعة فرح تشق خده مب معقوله حبه بيتوج بزواج مسح دمعته قبل لاحد يلاحظها ولكنها ماخفت على وضحى اللي تبكي بصمت وهي تشوف الفرح في عيونه ونظرة عيونه اللي تغيرت صاحبتها شهقه قويه وهي تبكي بشده ودها تكون في حال احسن من حيه وعند ريال ماسبق له الزواج ماتبا تخرب بيوت ولا تبا تهدم اسره هي حرمه وتعرف غيرة الحريم
وسوالفهم وكيدهم انتبهت عليه وهو ينزل لمستواها وحط ايديه ع ركبتها: وربي ما يليق لعيونج الا دموع الفرح قرب عبدالله منهم وهو يقول: يا جماعه خلاص استهدوا بالله ولف ع وضحى ومسح ع شعرها وهو يقول: خلاص وضوح صدقيني باجر بتقبلين الموضوع ..
وضحى تشهق من البكي وهي تقول بقهر مكتوم: كل شي تسونه بالغصب وبالاجبار ماتخذون رايي ولا اعطوني فرصه افكر تراها حياتي ليش انتوا تختارون عني ليش تربطون اسمي باشخاص انا ما وافقت عليهم ...
ظافر سكت يعرف شعورها شعور قهر وضيم وكتمه وضيق بس هو متاكد انها بتحبه وبيسعدها سكت هو ومقدر كلامها وخوفها من الياي اما عبدالله نطق وقال: انا اعرف انه هذا صح واللي قاعد اسويه عمره ما كان غلط وباجر بتشكريني عليه ..
خلوها بروحها تفرغ اللي في خاطرها وطلعوا عنها خذت تلفونها واتصلت بهادي وهي تبكي وتقوله عن عبدالله وقرارته ..
هادي ببتسامه: وانتي تتحسبين عبدالله بيسوي شي من دون ما يرجع لي يا وضحى ..
وضحى ببكى: طيب ليش !!! جي تسوون فيني انا مب اختكم !!
غمض عيونه بالم وهو خايف يقولها الحقيقه قال بهمس: اختنا والله اختنا بس صدقيني باجر بتشكرينا كلنا ان وقفنا وياج وضحى بعد ما تملجين بظافر انا بنفسي بتصل وبقولج ليش نحن ما نباح تردين البلاد في هالوقت بالذات ...
وضحى وهي مخنوقه من البكي: ترا تعبت انا مخنوقه من كل شي صار لي ثلاث اشهر وشي وانا محبوسه بين إيطاليا ولا اعرف عن شي شو مستوي عندكم في البلاد ..
هادي بضيق: يا قلب اخوج والله الحمل هنيه فوق طاقتنا قضايا ابويه من صوب وامج وحواراتها من صوب اختج العنود من صوب حياتى انا بعد في صوب ثاني اريام لها الحق فيني وانا هالفترة لهيت عنها وايد قليل ما ايي عندها بسبب اخر مره امج سوت فيها مصيبه ضاربه اشواق لين قالت بس لان سلطان افترق عنها وقال لامي ماريد اكمل وياها واشواق منهاره نفسيا ومن مستشفى لين مستشفى وامج تبرت منج ومنها زين هذي الحقيقه المره عرفتي في ام تتربى عن بناتها بسبب عيال اختها اطردت اشواق من بيت خالتيه والحين اشواق في المصحه من تتعالج بييبها عندي وانتي متبريه منج وحالفه بو تشوفج تقتلج ترانا كلنا في دوامه ومشاكل بس ما نقر نتحمل فوق طاقتنا عشان جي يا حبيبة اخوج ظافر افضل لج واكفأ عن سيف وعلي اخوه ترا مايانا من عيال خالتج غير المغثه والمرض والخيبه ...
سكتت وضحى بصمت وبعدها قالت: سلم ع اريام وايد مشتاقه لها وايد ..
هادي: يوصل سلامج بس تصدقين ثلاث شهور ما شفتها كنت بيت خالتي احل مشاكلهم بس بيني وبينها تلفون لكن ان شاء الله اليوم برد لها متوله عليها..
وضحى بحب اخوي: يعل عيني ما تبكيك يا خوي الله يديمكم لبعض ويسعدكم وعسى عينك غير دمع الفرح ماتذوق ...
هادي بحب وببتسامه: ويسعدج يا الغاليه ...
ابتسمت وهي تقول: ودعتك الله يا الغالي ..وسكروا الخط..
:
عند اريام من ثلاث شهور ما شافت هادي لانه كان مضغوط عند اهله كانت قاعده تعدل أشياء في غرفة نومها وتحط الشموع وتشغل الفواحة العطريه بمعطر الليمون ونعناع للانتعاش وطرد الطاقه السلبيه وتسترخي في هالجو البديع رن تلفونها وهي مغمضه عيونها على اللحن الكلاسيكي اللي حاطتنه بلاب توب ردت وهي منسدحة على الكرسي الهزاز: الو
دق قلبه بسماع صوتها الدافيء: لبى الصوت وراعيته تولهت عليج ..
فجت عيونها ع كبرهن وقلبها يدق بقو وهي تهمس: هادي !!
بصوته اللي ماليه شووق رد عليها: قلبه وعيوووونه ورووووحه ...
اريام كتمت صيحتها وقالت بضيق: تولللهت عليككگ متى بتي خلاص من ثلاث شهور ماشفتك لا تستوي ظالم وقاسي
ضحك بحب وهو يقول: سددددديت العوق عنج والله انا بعد ولهاااان عليج مووووت قريب ان شاء الله بيي ..
اريا بشوق: ما يستوي جي حبيبي
هادي اللي اختبص من هالكلمه اول مره تقولها قال بهمس: شو قلتي !!
اريام سكتت وبعدها قالت: قلت ما يستوي جي ..
هادي: لا ،، في كلمه عقبها لامست قلبي واااايد ...
اريام بشوق: هذا من شووووق قلبي قام يعبر عن شعوره واحساسه ..
هادي قال: لا تهيجين مشاعريه بصوتج دافيء تحركين المشاعر تراج ...
ابتسمت بهدوء: انزين خلها تتحرك عشان تييبگ صوبي بسك بعد ...
ابتسم بحب وتنهد براحه وهو يقول: فالج طيب غناتى قريب بييج ...
ابتسمت بضيق: اووووف البعد خايس والشوق يعذب ...
ضحك وهو يقول: ياخي اعترافج بالحب شاعري دايماً تيبينها بأسلوب جذاب ومغري وبتخليني ايييج الحينن...
ضحكت وهي تقول: ان ما يابگ شوووق تيبك طواري الليالي يا بعد عيني ...
هادي غمض عيونه وهو يقول: ان ما يبني شوق اييبني حبج والله ولا طواري الليالي مب في قاموسي ...
ضحكت بهمس وهي تقول: ياليل الشووق شكلنا اثنينا غرقنا في مركب واحد ..
ضحك بحب وهو يشوف خالته وامه يايات صوبه وبهمس قال: بدق لج بعد شوي حبي ...
ضاق صدرها وهي تقوله: اوووك حبي ..
سكر الخط وهو باله مب عنده اريام في هالثلاث شهور تهيضن مشاعرها المكبوته وقامت وتبين مشاعرها لهادي وهاشيء اللي مينن هادي ومخلنه بلا قلب ولا عقل تنهد بضيقه وهو معزم انه اليوم يرد بوظبي ويروح لها لين اليزيره انتبه ع امه اللي تقول: هادي من ساعه أتكلم...
لف ع امه وهو يقول: هلا امري ...
امه بضيقه وعصبيه: هاي بنت عمك الزفته وين عندك ولالا !؟ وليششش ما تخليها تتنازل عن حلالها لك....
هادي بعصبيه: اممي حلال ابوها حلالها حقها ورجع لها...
امه بغضب: سير شوف ولد خالتك سيف وكلمه ينسى هالوضحى اللي حشرنا فيها ...
تضايق منهم وراح لسيف وهو يدخل شاف عبدالله ولده ربع صوبه يحضن ابوه حضنه هادي وباسه وهو يلعب بشعره وشله وراح لسيف اللي قاله؛ هادي طلبتك عاد تيوزني وضحى علي كان عايق وراح من دربنا..
هادي بضيقه وده يرد لاريام شوقه مليون ومشاكلهم ماتخلص لف عليه وبحده قال: سيف وضحى ماراح تكون لكم بعد اللي صار بين اشواق وسلطان ووضحى وعلي خلاص اطلعوا شوي من حياة خواتي ووضحى شافت حياتها والله سهل لها وتزوجت ربيع عبدالله وانتهينا ي سيف ...
انصدم سيف وبقهر قال: ليييش يعني انا نفس علي وسلطان مايخصني فيهم هم عقليتهم خفيفه اما انا غير احب وضحى ومستحيل ابهدلها. ....
رد عليه علي اللي كان نازل من دري وهو يقول: نفسي يوم قطعت الوعد اني ما اضرها ما لقيت نفسي الا اضرها وزياده لين ما شردت مني واكتشفت ها شي متأخر نحن ما نصلح لبنات خالتيه سكت لانه هادي عطاه نظره وقال: ان كان في حد ما يستاهل اخواتي فهم انتتوا لان جملتك اللي ما كلمتها تنطبق عليك انته وخواتك عيل انا خواتي ما وراهن والي ورغد ليش كتمتها ليش مانطقتها جدامي ...
صرط ريجه علي وبتوتر قال: ما قصدت بس...
قاطعه هادي وهو يقول : الله يعينك ع نفسك وراح هادي بعد ما باس عبدالله ولده وعطاه الخدامه تشله فوق وحرك وهو ناوي يروح عند الشوق والحب خلاص بس تعب من هله ومشاكلهم اتصل براشد وبلغه انه هو يتولى المهمه وان هادي بيغلق تلفونه أسبوعين كراحة ما يبا ازعاج من حد وطلع وراح بوظبي وهو في درب خطف محل الورد وسوى باقة ورد بلون الأحمر والبيبي روز مع الأبيض وحط فيها جوكلت وربطها بشريطه حمرا واتصل باريام اللي ردت عليه بلهفه من اول رنه: مرررححبا الساااع ...
هادي بحب: لا شكل اليوم الشووق عندج واصل الف...
ابتسمت بخجل وهي تقول: ليش عبالك ثلاث شهور شويه محرومه من شوفك ...
ابتسم وهو يقول: ماعرفتج يا مرهفة الإحساس ....
ضحكت وهي تقول: تصدق لو اشوفك قدامي الحين اسوي اللي ما يخطر ع بالك ...
ضحك وهو يقول: لاااا صدق يعني قولي والله انتي بس...
ابتسمت بخجل وهي تقول: والله ولك عينن تنظر يوم بتي بتشوف شو بسوي بك ...
يبا يجيس نبضها : شو سوين احين ..
خذت نفس عميق وقالت : بعد ماسكرت منك سويت يوغا ورحت بعدين حطيت ماسكات وكريمات على ويهي وبعدين يا حبيب العين شفت العشا شو مسوين وخليتها ترتب لي الاكل في غرفه طعام وتزينه بشموع والورد مثل كل مره وتفتح البلكونة المطله ع البحر وبس بعدين بتلبس وبنام ..
انتهى ✅
|