تطيح الدمعه من عيني
ويجري غصب مدمعها
كرهت الأرض من أولها لسابعها
بعد هالعمر والعشره حبيبي لوتسألني أنا أحبك؟
إيه أحبك أحبك أحبك وتكفى خل الناس تسمعها..!!
*********************************
عسى الليالي من حلا الحظ تعطيك
تآمر وتنهى وتخضع الناس لرضاك
وتعجز لسان من قد حكى فيك
والناس تبدأ تغار من فعل يمناك
وجعل الكريم بجنته فوق يبقيك
ويحفظك بالدنيا من ذا ومن ذاك
*******************************
ابعتذر وأرسل مع الشوق عذري
ياللي مكانك بين عيني وقلبي
أنا مقصر والظروف أجبرتني
وأبيك تقبل اعتذاري بظرفي
والله ماني مهملك ياغلاتي
لكن حياتي حيل أتعبتني
*****************************
الله أكبر كل ماأخترت في الدنيا صديق
مالقيت إلا صديق يدور منفعه
إن نصيته حزة الضيق زاد الضيق ضيق
وإن نصاني سقت دمي عشان أنفعه
وأنت لي مكسب ولي عز الرفيق
أتشرف كل ماقلت : أنا بمشي معه...!!!
***************************
لاتقول أني قاطع
وبإتصالي دوم اتغلى
والله أني شخص متواضع
ولا بالحب اتسلى
يمكن ظروفي تمانع
ويمكن مستواك أعلى
ولو بلف الكون لك راجع
والعين فوق الرمش ماتعلى
*******************************
دااايم
ونفسي بالمحبه
تناديك
ودااايم حنين الشوق يمك خذاني
ألا يابعد عمري من الناس شاريك
أرخصت كل الناس قاصي وداني
قالوا لي العذال
أبعد وأجافيك
وحلفت أنا
ماأنساك
لو هي ثواني
*****************************
أصعب اللحظات فرقا من تحب
لامشى وأنت احكمت فيك الظروف
وقتها يكويك في قلبك لهب
غير قوله: آآآه مع صفق الكفوف
الحسافه والملامه والعتب لامشى غاليك وعيونك تشوف
***********************
حبيبي:
هات الورق...كل الورق
وأكتب بكل السطور
كلمة يملاها الشعور
كلمه لايمكن تبور
أكتب باول سطر
وأخر سطر
وفوق الورق
لايمكن إنا بنفترق
ولو قضى فيك العمر
باعطيك من عمري ... عمر
بس المهم ... مانفترق
*********************************
ليتني دمع على خدك جرى
في ليالي الحزن والجو الكئيب
ليتني طيف بأفكارك طرى
كل ماناديتني بأسمي أجيب
ليتني عيني وعينك بي ترى
كل ماحركت طيفك أستجيب
ليت قلبي قبل تهواكم درى
إن شمس الحب يتبعها المغيب
**********************************
إن جيت ابقرب
ردني قول:
مابيك
وإن رحت اببعد
قلت: يمكن تبيني ؟!
تعبت
أضمك داخل القلب
وأخفيك
وأخاف
من عين تشوفك بعيني
شفها يديني
لاقربت من أياديك
وشف حكمة الله
ماتطولك يديني!!
****************************
|