تدري إني احبك و أني اموت فيك
وانك اغلى الحبايب والا غيرك فَ لا

وان ما لك في روحي يا هواها شريك
انت كل المشاعر تنتمي لك ولى

من جمالك وزينك غار قلبي عليك
لو بغى القلب يسلى عنكم ما سلى

ولو بوصّف جمالك قصّر الوصف فيك
شفت طيب الوصايف منك تاخذ حلى

ما تمنى لقلبي غير شخصك مليك
امر بما تمنا… وسو به ما حلى

بالوفا والموده يا غرام ارتجيك
وانت مرسى ودادك فالضمير اعتلى

اقضي الوقت وحدي بين فكرة وذيك
كن مالي نديم يقوللي يا هلا

في طريق المحبه خلني بلتقيك
ولا تخاف الملامه من كلام الملى