مساء السكينه كلنا نحلم وعندنا امنيات ودنا انها تتحقق ونعيش لحظتها الفرح ودائما نقول ونردد هالكلام ودي اطير من شعور الفرح ياربي" ترى سامعك شايفك " يحبك وراح يطمنك ويطمن قلبك وراح يحقق كل امنياتك ولايمكن احد يحرمك منها مادام الله حي لاتقلقي ولاتفكري ربك يسيرها ويخبي لك حاجات بتبكيك فرح طيب كيف تتحقق امنياتي؟ باليقين بالله وخليك مقتنع اقتناع تام وتمام التصديق من كل قلبك ان الله قادر يحقق لك كل الاشياء اللي تتمناها مافي اي قوه بالحياه كقوه الله سبحانه وتعالى يومياً اكد لعقلك الباطني ان قوه الله قوه لامحدوده ابداً اجلس مع نفسك يومياً لحظات وتامل وتفكر بجميع المخلوقات في السماء والارض فكر بقصص صارت مع الصحابه وقوه الله العظيمه التى انجتهم تفكر وجودك في ظلمه رحم امك وكيف اخرجك الله للنور وكتب لك العيش في هذه الحياه اثبت لعقلك الباطني قدرات الله لازم تقنع عقلك الباطني بهذا الاشياء حتى يسهل عليك الوصول لليقين وتصدق بقلبك التصديق التام بدون كلام تخلص من ذنوبك الكبيره والصغيره نقي نفسك قدر الامكان الاستغفار الاستغفار الاستغفار " لو كل انسان قدر قيمه الاستغفار وعظمته لجعل لسانه يتحرك فقط للاستغفار " رزق وراحه بال عظيمه " اربط استغفارك بربك وتحقيق كل شي تتمناه بر الوالدين ابي اوصيكم بوصيه من برك في والدينك تنزل دموعهم فرحه وسعاده لبرك فيهم حاول قد الامكان حتى لو كان مزاجهم صعب .. وشخصياتهم صعبه خليك اقوى وحاول وراح تتمكن خلي هدفك كل يوم تسعدهم ؟ تساعدهم؟ ترضيهم؟ كيف تخليهم يرفعون يدينهم لك بدعوات تسعدك ؟ هذا هو البر ؟ هذا هو المطلوب الصدقه مهما قلت وحكيت عن فضل الصدقات ماراح اعطيها حقها ابدا بلسم للروح وشفاء للمريض وارضاء للرب وسعاده بالدنيا وفوق كل هذا " تحقيق لامنياتك الصعبه عود نفسك كل يوم تتصدق ولو بشق تمره بينك وبين زميلك بالعمل " اقلها" عود نفسك كل يوم تتصدق بالابتسامه في وجوه من هم حولك عود نفسك كل يوم لسانك ماينطق الا الكلمات الطيبه عود نفسك تطعم الحيوانات لوجه الله لاتنتظر الفقير والمحتاج يجيك ويطلبك منك حتى تتصدق بل بادر وتصدق دائما ولاتنسى بكل صدقه تدعي وتخلص نيتك لله ادعي بحب لله قيام الليل وقراءه سوره البقره عباده عظيمه تحقق لك جميع الامنيات بعد الله وتساعدك في متطلبات حياتك مهما كانت بنظرك مستحيله ساعه في جوف الليل راح تغيرك للافضل وراح تحقق لك افضل ماتتمنى اوصيكم خيراً فيها ادعو دائما الاشياء اللي تحبونها بالحلال انتبهو الحرام مافي شي صعب ومستحيل مادمت تخشى الله وعظمته الله يحقق امنياتكم الخير منها ويسعدكم ويرفع عنكم السوء ويسخر لكم اجمل اخفت صدوركم ياحي ياقيوم كتابه فزولها

احُب كل شي كان رحمه لي من الله