وش عليك ان همت في وادي مرادي
وش على فراج لاهوجس فرج
لاتشك اني الى ماصحت هادي
خاف ابين لك من انت وتنحرج
النصيحه خلها لك وانت عادي
منت باللي راح للقدس وعرج
العواذل عشرة واصبحت حادي
عشرة راحوا مراويح الدرج
غادي وانا لو اسمع منك غادي
واشهد انك اللي ماصاب الى هرج
كيف باطرح من على شفي شدادي
واقتدي باعمى وتايه واعرج
وكيف بانساها وانا لاجيت انادي
اتمسك باسمها خوف يخرج
فكرة النسيان منزال بوادي
وطيفها سيل مسيره يندرج
وقدرها في العين وان حول فوادي
والغلا يطلع على مثل الدرج
حسنها واسلوبها سر انقيادي
والوفى والصدق حدث لاحرج
وصلها كايد وهي تسكن بلادي
انشد اللي بالمرابع قد درج
روحت باسلوب مقبول وحيادي
وخلدت في القلب عكس احرف(حرج)
عقبها الابيض غدا مثل الرمادي
وفي عيوني ضاقت افجوج زرج
وانتهى ضحكي وحاربني رقادي
وانقطع حبل الرجا واقفت مرج
وفر اهروجك وانا هاذا مرادي
لين ربي زيد ياتي بالفرج
|