رد ع روايه
البارت الرابع
البارت الرابع
دانه: عونكــ
ذياب: عانج الله الغالية احم ابا اسالج سؤال وابا جوابه الحين مابا احتار في الكلام
دانه: شو في خاطركـ
ذياب توه بيرمس قطع عليه عمر: شكلك بتتاخر اليوم انا غلطان انى ييت وياك
دانه: ذياب برايك باي وسكرت
ذياب: عمر بلاك انته لابج اليوم عنبوه حد منقع شلق فيك
عمر بقهر: انا يا ذياب ما تقولي من يكون عبد الله ليش ترتبك جدامي فيه شي انا ما عرفه
ذياب: هاه
عمر: ذياب انا بديت الشكــ واالشياااطييين راكبه راسي لا تعكر مودي وقولى هالزفت من يكون
ذياب: بعدين بعدـــٍـن نسير الحين نيب اغراض دانه من محل العنود
عمر في خاطره فديت هالطاري ياربي متى بس بيخلص موضوعنا
ذياب سار صوبهم وتعذر ورد صوب عمر وقال عمر: الا اموت واعرف منم ذيلا وشعرفك فيهم
ذياب: عمر بلشتنا بقول لك كل شي بس مب الحينه
عمر: لا الحينه
ذياب: تبا تعرف الحينه الحينهــ متاكد
عمر هز راسه بهيه
ذياب: ما يهون عليه اقولك والله ما يهون عليه تعذب
عمر: شو يعذبني قول وخلصني دخيلك
ذياب: حدرنا المحل اول نيب اغراض دانوه وخلاف بخبرك
عمر: حدر انا بترياك هنيه ما تشوف المحل زحمه
ذياب طنشه وحدر المحل وهو يقول: لوسحمت
البياع: نعم
ذياب: فاتوره باسم محمد ال.... و رقمها 09098
البياع: تفصيل
ذياب: هيه جهزت ولا بعدها
البياع: لحظه من فضلك
ربع ساعه والبياع يدور ذياب طفر جان يقول: ياخى خلصنا لو بعدني طالب ذبيحه
عمر: ها بو شباب خلصت ولالا
ذياب: الله ينطب شغلة الحريم اسميها ما تخلص يا يوك حشىىى
عمر ضحك وقال: عاد كله ولا دانوه تعبها عسل على قلبك
ذياب رفع حياته وقال: جانها على قلبك عسل والله على قلبي هب عسل
عمر ضحك وقال: يلا انزين انقفض ورانا اشغال
ذياب: لحظه
البياع ياب الاكياس وكانن تقريبا 6 قراطيس وفي كل قراطيس كرتونين او ثلاثه
ذياب قال: صدق الحريم مخاسير كم حسابك اخونا في الله
البياع: 6500
ذياب: الله ينطبكم الحين هذا كله بالقيمه هاي والله يالسين على بنكـ
دفع الفلوس وطلع
عمر: قولى السالفه
ذياب: في السيارة
عمر: ذيـــــــــــــــــــــاب عاده ما تسوي علينا هالمذله
ذياب: لمصلحتك صدقني
عمر تنهد وقال: الله يصبرني يلا طلعنا على الباركنات بسرعه انته ما بتمشي الا بدز
ذياب: انزين لا دز ولا عندك خبر بمشي
وصلوا سيارة وركبوا وقال ذياب سالفه لعمر
عمر انصدم وقال بعصبية: يهبي الا هو ياخذها انته شله ما تقول ان هو اللى خاطفنها جان والله بهدلته لين قال امين
ذياب: عشان جيه ما قلت لك انا
عمر : وانته شو قلت له
ذياب: ما خليت لي فرصه من بدا يفتح لى الموضوع انته تي
عمر: انته ما قلت له عني ؟؟
ذياب: قتله بس عاد مادري انا شو بيستوى بينكم انته ودانه
عمر: ما عليه بتحبني صدقني دانه قلبها قلب عصفور والله بس تبا حد يهتم فيها الا بتخبركـــ شو سبب كرها لي
ذياب: ما تدري
عمر :لا والله
ذياب: تذكر يوم كنا ثانويه عامه
عمر: هيه
ذياب: كانت حافظه انشوده وكانت يالسه في صاله وتردد مقطع وايد عايبنها في الانشوده وكانت ذيج الفتره الاحظ انها وايد متعلقه فيكــ بس كم مره نبهتها المهم فمره دخلنا البيت وكنت انته عندي وكانت تردد المقطع اللي فيه يا عمر قلبي تولع بك ولوع وما وحى لها تكمل الا انته في ويهها وتضحك عليها قالت لك: شو فيك
قلت لها: يا هل وتقول هالكلام تمت طالعك مب مصدقه انك انته قلت جيه بعدين رديت عليها وقلت لها جابلي دروسج ابرك لج وخلى عنج سوالف المراهقه تخيل من ذاك اليوم وهى باغضتنك وحاقده عليك حقد لو يتوزع في الامارات كلها بيزيد من حقدها
عمر: والخيبه ثرى هالكلمتين وايد مسبابات حساسيه لها
ذياب: بس تبا صدق هي لين الحين مجروحه منك تخيل البارحه كانت كله تفكر بحياتها احسها كرهت طاري العرس وهالسوالف احس انا ما عاد يهمها اي شي
عمر: بس ذياب انا احبها وتنهد بقو شو تباني اسوي قولي يا ذياب انته ادري اختك ابد ما منها رجا
ذياب: انته حاول لا تعصب عليها
عمر تنهد وهو يمسح بيده على ويه وقال: والله انها في القلب اوووه الحلاق ما سرناه
ذياب: الله ينطب العدو يلا الحين مروحين اسميها شغلة الحريم روحها شغله
عمر: اهم شي تقول حق هذا اللى اسمه عبد الله ان حيتها خالصه
ذياب: بس انا عشان ما اظلم حد فيكم برمس دانه وبقولها عن عبد الله وعنكــ وبخيرها وهي تختار
عمــر: اقولك انته على اي اساس بتشاورها يوم بخطبها شاورها عليه لكن هو ماله حايه لا خطبها ولا شي
ذياب: بس يوم كنا مسافرين عطانا ارقامه كلها واسالنا عنه والحين هو يبا ييب اهله
عمر :شوف اييب هله ايبهم بس انا متاكد انها ما بتوافق دامها تحبني
ذياب: يعنى
عمر: شو تباني اقولك عيزت منك اقولك اباها تقولى هو خلاص ريح راسك وقوله اييب هله وقف سيارتك بنزل
ذياب: افففف زعلت ما حيدك زعول لحقت لنا البنات
عمر طالعه وقال: مب زعلان بس خلاص فريت لي راسي
ذياب: تخيل وافقت
عمر: على كيفها
ذياب: مب من قلبك هالرمسه
عمر سكت وقال: انا بنزل نزلني
ذياب: لا مابا نزلك وخل عنك زعل بس تبا صدق انا بشاورها وافقت وافقت ما وافقت كان الله غفورا رحيما ..
عمر: سو اللي تباه
عقب نص ساعه الكل كان متواجد في بيت ابوسهيل
وكانن من الخاطر مرتبشات البنات كلهن ويرتبن الميلس ويحطن الخضره ويعدلن صواني الحلويات ومن هالاشياء ...
عليا كانت في المطبخ تحضيري تعدل سلة المكسرات والحلويات ويالسه ترتبهن حست بحد يدخل لفت وشافت سعيد ابتسمت وهى تقول: هلا والله بلي يتغلون
سعيد كان زعلان من عليا وما عطاها ويه ويلس على الكرسي وحط على طاولة اكل ويلس ياكل
عليا يلست على الكرسي اللي مجابل وقالت: زعلان
سعيد طالعها بطرف عينه وقال: انتى شو رايج؟
عليا: سعيد انا ما حس انى غلط يوم قتلهم ياجلون فكرة الملجة
سعيد: لا والله ابدا ما غلطي بس كسرتي كلمتيه جدام رياييل صح
عليا: ليش انته مرمس ابويه
سعيد: هيه عيل
عليا: سعيد انته فكر فيها ملجه ودراسه ما بوفق بينهم وانا سنه اخر سنه
سعيد: ما يضرج هب عرس هو الا ملجة وانا ما عليه منج بسير ارمس عمى اخوانج باجر كلهم بيملجون الا انا
عليا استحت وقالت: خلاص انزين سوا اللى تباه
سعيد بقهر: عقب شو يبانا فحص لين الحين ما فحصنا الحينه تفيجتي تقولين سو اللي تباه
عليا: اسفه والله سامحنى ماريد اهتم في دراسه وقلعك وانته تدري سنه ثانوية عامه ولا اباهم يقولون من ملجة ولد عمتها لا هنها عن دراسه ترا العرب مالهم الا ظاهر وانا مابا حد يغلط عليك
سعيد: لا اله الا الله ... محمد رسول الله ... يعني الحين هذا عذرج
عليا هزت راسها بلا وقال سعيد: عيل
عليا انتبهت على حد يدخل وقالت: بسم الله روعتنا
عمر: اسف تنهد وقعد وقال حق سعيد: بلاك انته على عليوه
سعيد: ابا املج وهى مب في خاطرها الحين الملجة
عمر: تبين الصدق عليا وافقى وسيري سوي فحص وحددوا ملجتكم ولاتمون تاخرون ترا الواحد مايدري منوه اللي بيظفر بلي يباها
عقد سعيد حياته وطالع عليوه وقال سعيد وهو يحط ايده على جتف عمر: بلاك الغالى
عمر تنهد وقال: آآآآآآه بس دانه ابا اخطبها وفي نفسس الوقت واحد يباها وذياب محتار شو يقولها عنى ولا عن عبد الله
عليا وسعيد رباعه قالوا: من عبد الله
ضحك سعيد وعليوه استحت وقال عمر: واحد كان وياها يدرس برى وعيبته ويبا ايب هله عشان يخلصون موضوعهم
سعيد: لا عاد يوطي راسه ويقعد على البراد ايي يشلها يهبي جانك تباها انا برمسها لك
عمر: شو بتقول لها وبعدين عندها اخوانها بيرمسونها
سعيد: لا انا اللي برمسها وبقول لها ومتى تباني ارمسها لان ذياب بيحط السالفه كلها على هله وبيقول شور عندهم لكن خلنى انا ارمسها لك
عمر: سعيد انا تعبان والبنت ما بتنسى الموقف اللى كان بينا من كمن سنه
سعيد: مهما كان قدر الموقف اللي ستوى اذا هي تحبك وتباك ما بتوافق على هذا اللي اسمه عبد الله انا اللى يهمنى الحين ارمسها عنك
عمر: تدري سعيد احس البنت كارهتني اففف مب عارف شو اسوي احس ان مالي ويه ارد واقولها وافقي عليه
سعيد: طبها عنك انا برمسها والله هي قلبها قلب عصفور وبتوافق عليك بس انته صبر
عمر تنهد ونش واقف: برايكم انا بسير ارقد مصدع
سعيد: سير الغالـــي
سعيد لف لعليا وقال : ما بديتي رايج في الموضوع
عليا: شو اقول يا سعيد نحن مستانسين 2 يحبون بعض وبنملج قريب عقب ما خطبتينه وسهيل يحب شما وباجر ملجته هو وعلي نفس شي يحب ميثا ويباها وكلن لاهي بحياته وبحبه ونسينا نفكر بعمر اللى شال هم على راسه دانوه ما تحبه وهو يباها ليش تفضل الغريب على اخويه شو قاصرنه ترا والله 100 بنت تتمنى نظره منه
سعيد تنهد وهو يقول: علويه فديتج هدي هي ما بتحصل احسن عن عمر وهذا ويهي بتقولين سعيد قال
عليا: خايفه تخليه جيه ترا عمر يحبها والله
سعيد: عليوه حبيبي قومي شويه برمسج قومي خاري اباج في سالفه
ظهرت عليوه وهى تقول: يزوي فديتج طالعى سلال الخضره
وسارت صوب سعيد اللي ظهر برى ساروا صوب الحديقه اللي في البيت ويلسوا على العشب حط سعيد ايده على جتف عليا انتفضت عليا وحست بقشعريره وقالت بضحكه: يا الله يا سعيد خوز ايدك
ضحك سعيد وقال: بادبج عقب المهم دقي لهاي دانوه ووشوفي شعورها صوب عمر اخوج انا ماباه يرد خايب وسبب هي
عليا: سعيد دانه ما تحب عمر بسبب الموقف اللي صار
سعيد: انتى تعرفين الموقف اللى صار
عليا: هيه هي خبرتني وخبرت سعيد عن الموقف
سعيد: احسه موقف بايخ وما ينزعل منه بصراحه
عليا: مادري بس هي انجرحت منه
سعيد: على العموم دقي لها وان قالت لج لا انا بتصرف
عليا: انزين مسكت فونها ودقت لدانه وكلمتها
دانه: انزين علياا وهاى علومج
عليا: احم دانه بصراحه انا داقة اكلمج بموضوع عمر
تنهدت دانه وقالت:ردينا على طير يلي
عليا انقهرت وقالت: لا بس سمعت انج بنتخطبيبن حبيت اعرف رايج في عمر
دانه: اذا انا بنخطب من منوه عمر اخوج
عليا وهى طالع سعيد اللي يهديها: هاه لالا مب من عمر من واحد يقال له عبد الله صدق
دانه ارتبكت وقالت: عبد الله من هذا ؟؟
عليا: مادري بس انا اقولج لو عمر اخويه خطبج بتوافقين
دانه: والله يا عليا ان نفسي عافت العرس وعافت كل شي ولا ابا اعرس لا ابا اخوج ولا ابا غير اخوج ابا اكمل دراستيه وابا هليه مابا اظهر من عندهم وما عليج من اي رمسه تظهر لو يقولون لج باجر عرسها لا تصدقينهم تراني بفجر قنبله قبل هاليوم
ضحكت عليا وسعيد قال بهمس حق عليا: مينونه رسمي هاي
قالت عليا: انزين دانه رسينا على بر نحن مب عارفين نرسي على بر ولا هم يحزنون
دانه: اخوج معذبني من سنين وجرحنى وايد وهذا الزفت اللي ينقال ان اسمه عبد الله ترا هو اللى خاطفنى وحصل هزبه من ذياب وليت الا عمر دبغه وجتله كان اهون بعد وبس واونه يبا يصلح غلطته ويبا ييب هله بس يا عليا خليني اعرف ارسي عمري على بر علشان ارسيكم انتوا على بر بعد
سعيد اشر لعليا بمعنى سكري
عليا: انزين دندون بخليج مع سلامه
دانه: الله يحفظج وسكروا الخط
سعيد مسك ايد عليا وقال: ما عليج منها حبيبي هاي ما تعرف وين الله عاقنها
عليا دمعت عيونها: حرام كله ولا عمر جيه يستوي به ليته ما عرف الحب ليت قلبه ما هواها
سعيد: عليا فدييييييييييت قلبج لا تصيحين والله يا تهور ترانى
عليا مسحت دموعها وهى تقول: كلن مشغول بحاله وبنفسه وعمر يكتم حبه بقلبه وما يبوح به خايف من رده فعلها خايف من زمن لا يغدر به ويبعده عنها
سعيد مسك ايدها وقال: بس فديتج بس حبيبي ترا والله هم الاثنين غلطانين المفروض عمر ما يقول هالرمسه والمفروض هي ما تبوح بمشاعرها لاي شخص وهى ما تدري شو شعوره تجاهه
عليا: الله ينطبها جانها بتكدر على عمر
سعيد: بس غناتى قومي يلا بنسير صوب البيت ورقدي من وقت باجر عيد يا ويلج ان سهرتي
عليا:يا الله توقع بيني رقاد عقب اللي شفته انا اول مره اشوف عمر تعبان بها طريقة
سعيد: حبي طبيهم عنج انا كرهت هالسالفه قومي نشي نسير داخل
عليا نشت وهى تقول: يلا...
مسك سعيد ايدها وقال : نحن موضوعنا ما خلص
عليا بحيا: شور شوركــ يا سعيد متى ما بغيت الملجة بنملج
سعيد بفرحه : صدــــــــــــــــــــــــــــــــــــق
عليا نزلت راسها وقالت: هيه ماباكـــ تعذبـــــــ
سعيد: لبي قلبج والله
عليا استحت وظهروا من الحديقه ولاقفوا علي وسهيل توهم يايين وكل واحد ينزل من سيارته سامان
علي قال: شو عندكم ظاهرين في نصاص الليل من الحديقة جنكم حراميه
سهيل: خطيب ويالس ويا خطيبته انته شو تباهم
علي: مستغرب منهم ياخي احس انه فيهم شي
سعيد: لا بسم الله علينا ما فينا شي كلنا نرمس عن موضوع ملجتنا بس
علي: ها متى تبونها ملجتكم
سعيد: ان شاء الله قريب لين ما نفحص
علي: هيه مطولين يمكن اسبوع يبالكم
سعيد: ما علينا عيله
سهيل زقر البشكارة تي تشل سامان وتحطه في البيت وحدر عنهم داخل اما علي وسعيد سولفوا شوي وافترقوا اما عليا دخلت داخل وعلى حجرتها زهبت لبسها اللي بتلبسه وعلقته ودخنته وعطرته وطلعت شيله ودخنتها وعطرتها وطلعت شنطة المكياج وشنطة ذهب وحطتهن على طاوله ورن فونها وسارت تشله : هلا ساروه
ساروه بضيجه: اهلين صدق عمر اخوج بيخطب
عليا: والله يا ساروه ما نعرف وين نرقع بويهنا البنت رافضه وانا احس عمر بيموت وياخذها تخيلي اول مره اشوف عمر تعبان واول مره يرقد من وقت ولا يحاتي شي ولا حتى زهب اغراضه
ساره بعبره: وانا وحبي له عليوه اونج ما تدرين انى احبه
عليا: اه يا ساروه انا شو بيدي اسوي سواءً عرفت ولالا شو ثرني بسوي غير بعذبج زياده صدقيني عمر محد في قلبه الا دانوه ولا ندري شو بيستوي احس ان مب راسين على بر تصدقين
ساروه: يا ربي يا عليوه سمعي سيري عند عموري وشو فيه اذا كان تعبان ولالا وحاولى تواسينه تراه باجر العيد ومابا مزاجه يكون متعكر
عليا: ان شاء الله وفديت اللى يفكر بعمر وشال همه
ساروه: عشان تعرفين بس انى اتعذب يوم اشوفه يتعذب جدامي
عليا: يلا برايج باي بسير اطالع شوقج
ساره:فديت الشوق جانه بيخلي عمر مرتاح
عليا: يلا انزين برايج باي
سكرت عليا من ساروه وسارت صوبه دقت الباب بس محد فتح لها فجت الباب وشافت عمر راقد على الكرسي سارت صوبه وهي تقول:عمـــــــــــــــــــــر عمـــــــــــــــــــورري أخويه حبــــــــــــيبي
عمر لف راسه وقال: علايه عن صدعه
عليا: عمور فديتك قوم جهز ملابسكــ واغراضك
عمر: ما فينــــــي
عليا بهدوء: تحبهــــــا
عمر لف صوبها وقال: كثر حبات الرمال وكثر البحر واللي فيه وكثر شوق المظلوم لنصر وكثر شوق الام بشوف ولدها وكثر قلبي ودقاته وكثر عيون العشاق اللي باتت تسهر من شوق حبهم
عليا خنقتها العبره وقالت: فديت روحك ان شاء الله جانك لك نصيب وياها بتاخذها وجانك مالك نصيب وياها الله كريم واباك تعرف ان الخيره فيما اختاره الله
عمر تنهد وهو يقول : يلا برايج انا برقد
عليا تقول في خاطرها حرام والله ساروه تموت فيك وانته مب حاس تحب لك وحده ما تعرف عن هوى دارك شي
عليوه طلعت برى وهى تقول : تصبح على خير
عمر: وانتى من هله
طلعت عليوه ولقت سهيل في ويهها: ها راقد عمر
عليا: على وشكــ
سهيل: زين عيل
دخلت حجرتها ولقت حياب ولد محمد استغربت وقالت: حبيبي حيوب انته شو تسوي هنيه
حياب: بنام عند عمى ذياب
عليا: وعمك ذياب وينه
حياب: عندكم في البيت
دقت عليوه لعلي وقالت له يأ علي حجرة عليوه وقال: محد ذياب يا بنت الناس هنيه
عليوه: عيل من يابه هنيه دق لمحمد
علي :ان شاء الله دق لمحمد وقال له
محمد: يا الله يبشرك بالخير عنبوه جلبنا الدنيا وما ريناه هو من يابه
علي: يقول ذياب
محمد: هيه زين عيل
وبالباجر اول يوم العيد الصبح الشباب وشواب والحريم ساروا صوب المصلي العيد بيصلون العيد والبنات يتعدلن وبتمكيجن ويتلبسن وضرابه على الاستشوار اهم شي هههههههههه
وعقب ساعه بالضبط بالبنات تجهزن ورتزن في صاله خخخخخخخخخخ اهم شي ام الصدف اللي تستوي ايام العيد
دش ابو سهيل وعمر وعلي وخالد وسلموا على اخواتهن واخوانهن وعلى امهن وابوهن وحبوهم على روسهم ...
خالد وهو يلوي على عليا: عنى هبلاج يا الغلا مباركن عيدج
عليا: عساكــ من العآيدـــين والسالمين ان شاء الله
علي: يا هليه الكرام بمناسبة اليوم حبيت اقول لكم اليوم العيد عيدين عيدنا عيد المسلمين وفرحة ملجتنا انا وسهيل تتويج حبنا بزواج ان شاء الله
خالد: الله يهنيكم ان شاء الله
عمر: عليا فديتج غرفى لى بلاليط ترانى ميت من اليوع
عليا: ان شاء الله فديتك
ونشت عليا تغرف ودخلوا عليهم ابو منصور ولده منصور ودخلوا ابو محمد وعياله محمد وذياب وحياب ودخلو بو غانم وعياله غانم وسعيد وسالم وسلموا عليهم كلهم يزوي وايهت عمومها وريلها وعليوه كانت صدق مرتبكه ومختبصه مب عارفه تحجب ولا تكمل غراف وطت صحن من ايدها بسرعه وتحجبت وسلمت على عمومها وتقرب سعيد منها وايها كانت منحرجه منه بس بعدين شافتهم كلهم لاهين مادروا بها هههههههه حلوه طالعه اليوم حد قالج
طالعته عليا بطرف عينها رد قال: لالا انتــــي اصلن دوم حلوه بس الوردي عليج غير ياربي بس على الموردين اليوم
عليا استحت ونشت وسارت فوق ابتسم سعيد وسالم دزه بخفيف وقال: حوو خالي يحاييكــ
سعيد انتبه وقال: هاه عساك من العايدين خالي وسالمين
ضحكــ سهيل عليه وقال: ما قال لك هو مباركن عيدك قال لك شحالكــ ربك بخير والكل ضحك على سعيد اللى انحرج وقال خاله: ما عليه ما ينلام بنتى ماخذه عقله
سعيد ضحك وقال: الا بتخبركم الملاج بيي اليوم ولا بعد هو ماخذ اجازة العيد
سهيل: لا بيي
سالم: خالي مره لا تخبر سعيد انقهر يوم شاف كل المستشفيات بندات بمناسبة العيد وعندهم عطه
خاله ابو سهيل: صدقه الولد متصاوب بالحب خله يحرج عليهم
ضحكوا عليه وقال علي: يلا انا بسير اسلم على باجي العرب
وثاروا كلهم الا عمر اللي يتريق نزلت يزوي وهى تقول: افا عمر ما سرت
عمر وهو ينش يغسل ايده في المغاسل قال: تعالي يزوي شويه ... بلحقهم خلاف
يت يزوي صوبه وقالت: امر
عمر: حسري ايديه ابا اغسل يديه رفعى الكندوره حسريها لين فوق
حسرت يزوي ايديه وهى تامله وقالت: عمر
عمر :لبيه
يزوي: لبية في منى الغالي ... لين متى بتم جيه تحسبنا هب حاسين فيكـ ترا والله تعذب عمرك
عمر يمشش ايديه وقال: معقــــــــوله انا مفضوح
اليازيه: مفضوح واذا تباها خلص موضوعك اليوم واذا عليها هي تراها بتحبك عمر حبيبي البنت تلين بسرعه وبسرعه تحب وتعلق في ريال لكن ريال صعب يلقى وحده تعوضه عن حبيبته اللى يحبها وخلها عنك من الحين اقول لك انته ولد عمها واولى من الغريب
عمر: الله كريم بسير اسلم عليهم ...
يزوي: سير فديتكــ
سار عمر صوب المرآيه وعدل السفره وحط العقال عليها وطالع لحيته اللى مخففنها وشاف شعره اللي طول ومحلتنه اكثر سفره والعقال عليوه من ورى وهي تقول: فدييييييييييييييييييييييييييييييييت المزايين ياربي الا يوم هم شراتكــ
عمر ببتسامه: صدق عليا بسالج سوال لو انتى ما تحبين سعيد ممكن انج تحبينه اذا تم يعاملج بحب ويصبر عليج وعلى طبعج توقعين بتيب فايده
عليا: اكيييييييييد حبيبي ما يبالها رمسها الغالى دامه محترمنى انا بتعلق فيه قبل كل شي اصلن انته قولى البنات شو يبن من الرياييل غير كمن كلمه حلوه تذوب قلوبهم وخلاص وانتهت السالفه
عمر : دعي لي عليوه ان الله يجمع بينا
عليا: امين والله اتمنى
عمر طلع من بيتهم وركب الرنج وتوكل على رب الكون وهو ساير صوب بيت قوم عمه رن فونه وشاف الرقم ورد: مرحبا
ذياب: مرحبتين الله حيهم شحالك
عمر تنهد: بكــ حي وسهلا تحيا ودوم الغالي ... بخير وسهالة الله ومن صوبك الغالي
ذياب: هب بخير وينكـ عنبوه ما ييت تعيد علينا زعلان
عمر: هـــه زعلان ازعل من روحي والله ما فيك عقل انا ما روم اجابل دانوه وهي ما تباني
ذياب: خل عنك هالرمسه وتعال
عمر :يلا جدام البيت
سكر عمر فونه ودخل سيارته داخل ونزل من سيارة وسلم على عمه
عمر: ومباركن عيدك
عمه: عساكم من العايدين والسالمين
عمر وهو يشوف ذياب نازل من دري الميلس وياي صوبهم قال: هلا بو شباب شحالك واخيرا شرفت
عمر وهو يوايهه: هلا فيك الغالي
ذياب: مباركن عيدك
عمر: عساك من العايدين والسالمين ان شاء الله
ذياب اشر لعمر وغمز له عمر فهم عليه وقال: اترخص انا بسير اسلم على عمتيه
سار عمر صوب الصاله : هوووووووووود هوووووووود
الكل: هدا هدآآآ
عمته: مرحبا الساع بالغالي مرحبا والله
دخل عمر والابتسامه من اليمين لين اليسار: المرحب باجي الغاليه
سلم عليها وحبها على راسها وهو يقول: مباركن عيدج عموه
عمته: الله يعيدكم على عيدكم يا الغالى وعساك من العايدين والسالمين
دانوه كانت يالسه تغرف من الفواله وصدق انصدمت من دخول عمر وشافت ابتسامته ابتسمت مع نفسها وهى تخيل عمرها حادره وياه عقب نفضت الافكار من بالها وقالت دام هو اللي باعنى مره انا بعد ماباه يالسه اقص على عمري انه يحبني ليت الا صدق يا عمر تحبني ...
عمر كان حاس فيها بس يبا يطنشها شويه : انزين عمتيه شو العيد
عمته وهى تصب له جاهي: والله بشوفتك يا الغالى حلو
عمر: عمتيه شله صابه جاهي
عمته: لك
عمر وهو ينش ياخذ الكوب: يا الله عنى افداج يعلج تحدرين عليه حرمتتيه
هههههههههههههههه
ضحكة عمته وهى تقول: ههههههههههههه ان شاء الله ياربي متى بس ايي هاليوم
عمر: جريب ان شاء الله جريب
انصدمت دانه معقولة يفكر بغيري معقولة يبا وحده غيري انزين ليش مثل ما هو باعنى حتى انا ببيعه انا بلايه اليوم وايد مستويه افكر وببيعه ومن هالكلام اسميني بقره
عمر صد صوب شموه وهو يقول: مرحبا بالعرووووس والله شحالج
شموه بحيا: بخير وسهالة الله ومباركن عيدك
عمر: عساج من العايدين والسالمين
شما يلست على الكرسي وهي تعدل المغربية اللي لابستنه وحاطه فوقها العباه ومتعدله تعديل خفيف طالعها عمر وهو يقول: يا ويل حال اخويه عليج اليوم وغمز لها
شما ناقمتنه: عمر عن الجراه زايده ترا الله يعين حرمتك من جرائتك
عمر: تفدينها حرمتيه انتى
شما: ههههههههههه عمر لا ضحكنى
عمر: سهيل يا قومى سيري فوق
شما: ههههههههههههههه لعب على غيري سهيل ياي قبلك وسلم وروح
عمر: هيه شكلج مشغله رادارج على اخويه من الحين
شما بمستحي: لا شغلته ولا الله قاله
شوي وسمعوا هوووووووووووووود هوووووووووووود يا هل البيت
عمر نش واقف وبنظره سريعه للبنات: حدرن داخل
هدا هدااااا قربوا وظهر برى صالة : قربوا الله حيهم وسلم عليهم عمر وقربهم داخل الميلس وهو يشوفهم وما يعرف من ذيلا
دخلوا داخل وكان ابو محمد ومحمد وذياب وحياب داخل سلموا على رياييل
وذياب يشوف عمر وهو متلوم
عمر يطالع ذياب بعيونه بمعني منم ذيلا
ذياب تقرب منه وقال: ذيلا هل عبد الله
عمر نطر حوايبه وقال :لا اله الا الله محمد رسول الله ما عليه انا واقف لهم وقفه
ذياب ضحك وقال: الله كريم
قعدوا كلهم وتعرفوا على الريال وعمر متحرقص يباهم يبدون بالسالفه عشان ويقفهم عند حدهم بس اللي انصدموا منهم كلهم دخول عبد الله وعنده رياييل معروفين صدق حس عمر ان سالفه مصخت بس سكت يبا يعرف النهاية شوه
انتهى البارت
|