بديت ذكراللي فرض خمس الاركان
ماله شريك بكرسي العرش عالي
اللي خلق لعبادته الانس والجان
سجدت انالوجهه وعليه اتكالي
ومن بعدذكرالله نظمت قيفان
شعربدى بصدري يجول اجتوالي
ياهاجسي شدالمعاني بالاوزان
وانقاسمين الهرج جزل اجلالي
بعبدالعزيزاللي حكم حدالاوطان
من شرق للغرب وجنوب وشمالي
وحدحدودالمملكه بسيف وعنان
على الاصايل بالسيوف الصقالي
وساروعلى نهجه ملوك لهم شان
تاريخهم يبقاسنين طوالي
ايمانهم بالله وكتاب قران
ونهج النبي المصطفى بالعدالي
ملوك تعين الجارمن ماض الازمان
وسلمان شيال الحمول الثقالي
الله يعزالدين وابطال سلمان
اللي رقابالمجدفوق المعالي
وكل الفخربالمجدمقرن كحيلان
ومحمدالنايف ونعو الرجالي
والعاصفه مقدامهاطيرحوران
ابن الملك سلمان واف الخصالي
يقودجيش للبطولات شجعان
على العدوضربه يهدالجبالي
يلعن ابوالحوثي مع كلاب طهران
اللي غدرداره وجاره يزالي
مكه وطيبه بامنهاخيروايمان
باذن الولي علام غيب الليالي
وصلو على محمدعددصوت الاذان
عداد مادارت سنين وليالي
عبدالله الرشيدي
|