ورضيت اعيش عشانك حياتى
واموت كل ثانيه مليون مره

اعيش واكتب كل يوم ذكرياتى
الحلوه مره والباقيه كلها مره

واحلم بيك فى حلمى ليلاتى
والاقى النوم فى عينى سهره

واضحك فى وش الصبح المواتى
وقلبى بيتحرق من عذاب جمره

لو يعرفوا قد ايه تصرخ اهاتى
لتدوب من صرختى كل صخره

انا ماضى فى الزمان الآتى
وفى الماضى انا احلام بكره

ياعمر عدا ماحققت امنياتى
ياثوانى فاضله والموت سكره

تصرخ اهاتى ولا اكتم سكاتى
واصبر قلبى اللى طال صبره

ايام حياتى تحكى معاناتى
وشاهد عليها الزمان وحبره

الحزن كان فى الدنيا جزاتى
عشان مخدتش من البعد عبره

اوعى تسيب حبيبك زى حلاتى
هتعيش حزين وللحياه هتكره

ياريت ترجع ايامى وساعاتى
لافضل جنبك وابصم بالعشره

ولا يفرقنا غير سكرة مماتى
وتبقى حبيبى تانى فى الاخره


بقلمي: ياسر ابراهيم خليفه

حرف إحساسي قصيد فى مجمله
ماهمني" لونه"بحره" و تفاعيله

صحيح ان أجمل الاحساس اوله
وصحيح الحرف واصف تفاصيله

بعض القصيد وحي من دنيا الوله
وبعضه حرف ما تلقى للوله دليله

وانا قصيدي إحساس طيف وأخيله
بعضه غصه وبعضه قصه جميله


]
وبعض الحروف ما تلقى التكمله
وبعض الاحساس من حرفي اشيله

اه يالقصيد كل حروفك مشكله
وجرحك دوا للقلوب العليله

ياسر إبراهيم خليفه**بكاء بلادموع**