سعود: ذولا رايحين الهايد بارك
"سلطان مبتسم من شافها"
سعود: ممكن سؤال
سلطان: تفضل
سعود: انت وش تبي منها بالضبط؟
"سلطان كنه حد صفعه لانه هو بنفسه مو عارف وش يبي فيها"
سعود: مضيع شي عندها
سلطان ضحك : بيني وبينك والله مادري بس في شي كذا يجذبني
سعود: على عيني وراسي بس يجيبك لهنا صدق مايدخل بالراس
سلطان: ههههههه انت متحسف انك جيت .. انت ماراح تستفيد غير وساعه الصدر وانا بوسع صدري وبشوف هالقمر الي توه مار
سعود: صدقني هي شافتك وماظن بتسكت لك لانك لحقتها لهنا
سلطان: بقولها انا هنا من قبلك
سعود: وبتصدقك
سلطان: وش الي يثبت لها اني كذاب
سعود: والله انك خبيث
سلطان: سعووود
سعود ابتسم: طيب كيفك "وصرخ " تعااال
سلطان نقز: هاااه
سعود: شوفهم متوجهيين لأهلهم ليكون بعد ناوي تتبعهم لهناك
سلطان ضحك بقوه واستوعب: امااا
سعود: لا شكلك خالص
سلطان: وشهي
سعود يبتسم ويتنهد: لا ابد
سلطان: طيب تعال تعال نروح الجهة الثانيه
.
.
.
سهر: ماطولتوا
جنى: الايميلات فاضيه مافي حد اون لاين
سهر: اهاا طيب المقهى كبير ولاصغير
وصايف: هئ يعني وووسط
سهر: اهااا"وتلف على منار" شفيك كن حد صافقك
منار تبتسم: مافيني شي
"سهر تهز راسه"ا
ام محمد : يلا سهر يمه قومي
سهر تناظر امها: وييييين
ام محمد: ابوك يبيك يقول انك نسيتيه من جيتي هنا والتهيتي مع البنات
سهر: حبيبي بابا اوكي خلاص بقوم
اديم والبنات :بتروحين
سهر: أي حظاً اوفر شبعت منكم حامت كبدي منكم
وصايف: صدق خاينه
اديم: دبه
سهر تضحك: ماقال لي .. بس جد بابا من جيت ماشفته وانا ملكعه عندكم
وصايف والبنات: اوكي يلا ... ضفي وجهك
سهر لوصايف: ياشينك"وطلعت لسانها ومشت "
"سهر وام محمد استأذنوا من الجماعه وقاموا .. والبنات قعدوا مع امهاتهم يتفقون على الطلعات الي راح يطلعونهم ويبون يروحونها "
.
.
.
"اما من جهة سهر وامها .. ابوهم كان مكلف منصور يجيبهم في المطعم الي عزمهم عليه ..وسهر وامها ماكانوا يعرفون ..ابوهم كان يبي يجتمع فيهم مع سلطان ..
وصل منصور قدام الهايد بارك واخذهم بسيارته اللي اليوم استأجرها .. وراح مكان ما ابوه قاله "
"بعد ماتجمعت العايله "
"سهر كانت مبسوطه حدها على هاللمه الحلوه.. ومنصور كان مبسوط بعد بس وده يذبح سهر.. لانها اذا كانت مع ابوه ينسى وجود منصور ويشيل سهر من على الارض.. وسهر من تشوف ابوها تشتغل دلع عليه ..والحين مع سلطان توأمها .. يالله شلون يتحمل .. ومنصور وده يصفقها "
سلطان: منصور شفيك متحرقص كنك مو على بعضك
منصور يضحك: شدعوى مافيني شي
سهر تتدخل: اعذروه مو متعود على هذي الاجواء
منصور يقلدها بطريقه غبيه طالعه من قلب
"ضحكوا عليه"
ومنصور استوعب وضحك على نفسه شلون طلعت هالتعابير على وجهه
بومحمد: منصوور شفيك يبه
منصور: مافيني شي يبه "وهو مستحي"
سلطان لسا يضحك: كل هذا غيظ
سهر: أي أي طلع الي بقلبك
منصور سكت وده يقول لها اسكتي تراك واقفه هنا سلطان من النوع الي مايتحمل الدلع وهو السبب الي خلاه يحب غزل لانه ماحس انها دلوعه بيوم الا فيها كل الدفاشه
ام محمد: منصور يبه فيك شي تبي تقول شي
منصور ضحك لهذي الدرجه شكله ملفت: لايمه شفيكم مافيني شي
بو محمد: طيب سولف علينا مو بعادتك تسكت
منصور: ماعندي شي والله اقوله
بو محمد: وضحى ماجبتي سلمان
ام محمد: امه كانت شايلته تلعبه
بو محمد: فقدته بعد عمري
منصور: اكييد نجوى تايهه بدون محمد
"سهر ضحكت"
بو محمد: منصور وش هالكلام
منصور: مافيها شي يبه كل حرمه تتوه بدون زوجها مثل امي بالضبط"ويغمز"
سهر وسلطان :منصووووور
منصور ضحك على امه وغير السالفه : هيهيهي يعني حنا توأم وخير ياطير
"ضحكوا عليه مايعرفون شفيه منصور اليوم"
سلطان: شفيك شايل علينا
منصور: لابس تقهرون تؤام زين عرفنا .. بعد تسوون حركات التواائم تضحكون مع بعض.. تتكلمون مع بعض مصاخه صراحه
سهر بضحكه: هذا اللي ذابحك الغيره
سلطان: انا اشهد
منصور: مابقى الا انا
ام محمد: منصور سهر وبعديين
منصور بأنفعال شوي: مافي الامنصور وسهر وسلطان لا ماتكلمينه ماتقدرين عليه
بو محمد باستغراب: منصور يبه انت تعبان
وسهر وسلطان يضحكون بخفيف على منصور صاير مثل البزر
سلطان: توي ادري انك غيور
منصور سكت وقعد يشرب البيبسي ويحرك السترو
سهر حست اخوها موطبيعي وكلمته بالخفيف لانها جنبه : لولي شفييك
منصور : مافيني شي
"منصور اكتشف بداخله انه فيه غيره بسيطه من سلطان وسهر .. بس حاول يتجاهلها "
سهر: على راحتك
بو محمد : سلطان بعد يومين بيوصل ياسر ولد عمك واخوانه لاتنسوونه انت واخوك روحوا استقبلوهم
سلطان: لاتوصي يبه
منصور ناظر ابوه وهز راسه بأنه لاتحاتي
"سهر تشققت من داخلها واخيرا بيجي بدر يااااه"
"وشوي قعدوا ومنصور وسلطان حسوا انهم تعشوا بدري بس عشان خاطر ابوهم.. سلطان ومنصور اخذوا نجوى وولدها وراحوا الاوتيل .. وسهر قعدت تحت مع نجوى عشا ن تتعشى "
.
.
.
فـــي الشــــــرقيــه
"بيت بو نايف"
بسمه: نجوول واخيرا افتكيتي من النفاس والحريم
نجلا بوناسه: من جد مابغينااااا اف
بسمه: يلا قومي تضبطي لزوجك اليوم بيجي ياخذك
نجلا: أي شوي وبقوم لسا بدري لاحقه عليه
بسمه تضحك
ام نايف: عشان يمديك يمه تسشورين شعرك وتلبسين
نجلا: لاتخافين يمه بخلص
نجود: ماما انا بطلع اليوم
ام نايف: على وين؟
نجود: بروح عند شهد
ام نايف: خلاص يمه
نجود: عن اذنكم"وقامت"
ام نايف: حياتي نجود زهقانه من كل شي
نجلا: والله ما الومها يايمه طفش هنا لابنات عمي ولا شي
ام نايف: شنسوي بعد سفر ومانقدر ابوك وماسك بدل عمك ونايف عنده صيفي
نجلا بتفكير: يمه بقترح عليك اقتراح مجرد اقتراح
ام نايف: قولي اسمعك
نجلا: مو بعد اسبوع محمد ولد عمي بيرجع
ام نايف: أي
نجلا: واذا رجع بيروح لندن .. ليش مايروحون بسمه ونجود معه يوسعون صدرهم وانا اونتي نقعد مع ابوي ونايف.. لافكرتي فيها مامنهم فايده غير الطفش وهالحر.. والبنات بيجوون مبسوطين ونجود وبسمه طفشانين وحنا لسا ببدايه العطله
ام نايف تفكر: والله مادري بشوف ابوهم
نجلا: ابوي مو قايل شي.. هو يعتبر محمد اخونا وعادي لو راحوا معه ماعليهم خوف.. وعمي بومحمد هناك بينبسط لو راحوا وراح يحطهم فعيونه ,,شقلتي
"ام نايف ابتسمت نجلا دخلت الفكره براسها بقوه
وبسمه من قالوا محمد وهي متلخبطه"
ام محمد: ها بسمه شرايك
بسمه انتبهت وابتسمت: والله انا عادي اذا ابوي وافق
نجلا: لا ابوي بيوافق ماعنده خلاف
ام نايف: روحي يمه بسمه شوفي نجود وش تقول
بسمه على طول قامت
ام نايف :اي والله يابنتي يغيرون جو ..نجود ماتعودت تقعد بالصيف هنا واخلاقها صايره شينه وخصوصا ان بنات عمها مسافرين كلهم
نجلا: اي يمه محد يتحمل يقعد هنا وانتي بعد حاولي في ابوي يروح وسعوا صدركم
ام نايف :الله يقدم اللي فيه الخير
.
"طق طق "
..:انا بسمه ممكن ادخل
نجود: تفضلي
"دخلت بسمه وشافت اختها على السرير منسدحه جات وقعدت جنبها "
بسمه: نجود
نجود: هممم
بسمه: ماما ونجلا يقولون وش رايك نروح مع محمد ولد عمي لندن
نجود وقفت على حيلها وفتحت عيونها: من جدك
بسمه ابتسمت: ايه من جدي
نجود بفررحه: قولي لهم اكييييييييييييييد
بسمه: يعني موافقه
نجود: حماااره اذا ماوااااافقت
بسمه ضحكت: طيب قومي نقولهم عشان يقولون لابوي
نجود: قومي قومي"وسبقتها "
"ونزلوا تحت وام نايف انبسطت يوم شافت نجود مقبله مبسووطه "
نجود: يمه صحيح الي تقوله بسمه
ام نايف: والله مادري عنكم تبون اقول لابوكم ولالا
نجود: أي يمه مايبيلها
ام نايف: خلاص ولايهمكم بس يجي بقوله
نجود: أي يمه تكفييييييين ياحوبيلك"وقامت تبوس امها"
"ام نايف انبسطت على وناسه نجود"
نجود: بروح اكلم سهر وبقوول لها
ام نايف: انتظري شوي اشوف عن ابووك بعدين بشري وسوي أللي تبينه.
بسمه: واخيرا
نجود ضحكت : من جد
"وقعدوا البنات ينتظرون ابوهم "
.
.
.
لنــــدن
"الهايد بارك "
"كانت اديم قاعده مع البنات ومش قاعده.. قاعده تفكرليه يوم شافت فواز ماحست بشي تجاهه ليه ماحست حتى انها مالها وجه تطالعه الابالعكس ماهتمت لوجوده وهذا هي كانت خايفه تشوفه ويصير شي .. بس ارتاحت يعني هو فاهمها وانبسطت حيل.. كانت تبي تشوفه من جديد يمكن قلبها يميل له هي ماقد صادفت معه .. بس كانت تسمع عنه سوالف .. وكانت عارفه انها هنا فرصه تشوفه وتعرف عنه اكثر "
اديم: يمه وين راح تتعشى
ام فيصل: والله مادري بتصل على فيصل ونشوف وينهم فيه
جنى: يمه مانبي عيال قومي نروح لحالنا لاتقولين تخافين
ام فواز: لامو عن كذا ياماما بس عشان نعطيهم خبر
جنى لوت بوزها:طيب
غزل: بنروح ناندووز
جنى: ايه ايه
وصايف: يسووووو
اديم: لامانبيه حااار
غزل: لاااا مشتهيته تكفووون
وصايف:حتى انا ابيي
اديم: حااار ماقدر عليه ماقدر
ام فواز: حتى انا ماكل حار
غزل: لااااتكفووون
ام فواز: خلاص انا واديم بنشوف لنا مطعم
منار: حتى انا معكم عمتي
اديم استحت انها تروح مع عمتها
منار:خلاص انا وعمتي واديم بنروح مطعم ثاني
ام فيصل: خلاص صار
وصايف: اجل يلاقوموا نطلب لنا تاكسي
ام فيصل: خلاص يام فواز اروح عنكم مع البنات
ام فواز: أي خلاص.. وكويس عشان ننقسم
"البنات ضحكوا"
جنى: خلاص يلا قوموا
"وقاموا البنات كل وحده تشيل نفسها وترتب خشتها "
ام فيصل: يلا مع السلامه
"ومشوا البنات مبسوطات"
اديم مستحيه طول الوقت
منار: عمتي أي مطعم تبون نروحه
ام فواز: والله مادري يابنتي بشوف فواز يشوف لنا مطعم حلو يودينا فيه
اديم انصقعت فواز ومنار على طول لفت نظرها على اديم الي لاحظت تعابير وجهها
منار بصوت واطي: ياسلام عاشو
اديم بصوت اقرب للمخنووق : بروح مع امي
منار ضحكت : مايلوق الحيا بس
ام فواز بعد مارد فواز: هلا يبه شخبارك
فواز: تمام يمه وانتي شخبارك
ام فواز: والله ابد .. انت ماتقولي وينك فيه من جيت ماشفت اثرك
فواز ضحك: يايمه وين اجي وانتم كلكم بنات
ام فواز: لو تشتاق كان كلمتني وانا افضي لك المكان
فواز: ههههههه حقك علي يا ام فواز
ام فواز: وعلى بالك اني بارضى
فواز: امريييني وشو يرضييك
ام فواز بأستغلال: ودي لو تفضي نفسك شوي من الشباب وتجي تطلعني مطعم على ذوقك
فواز: ابد ماطلبتي عيوني لك.. وينك واجيك طيران
ام فواز: انا في الهايد بارك بنقوم الحين وبخلي الاغراض يشيلونها الخدامات
فواز: خلاص دقايق وانا عندك
ام فواز: يلا يبه
ام فواز تلف على الخدامات وتامرهم يشيلون الاغراض وهم بيقومن يمشون حتى يوصلوون
ام فواز: يلا بنات
"قاموا البنات معها واديم ودها تتراجع على اللي قالته "
منار تضحك : هاهاي
اديم: مبسوطه هاه
منار: حدي
اديم سكتت وبدا قلبها يرقع .. كرهت نفسها يوم سرحت وقررت تشوفه بأي مكان بس مو بهالسرعه ياربي شسوي ..ضبطت شكلها وضبطت ملابسها .. وقعدوا ينتظرون فواز يوصل انتظروا حول عشر دقايق وام فواز مقضيتها سوالف عليهم وتعليق"
"اول ماوصل فواز"
ام فواز ابتسمت : منار من هذا الي مع فواز
منار : عمتي هذا سلطان
ام فواز تشققت اكثر
اديم ارتجفت"ياربييه كملت ونزلت راسها "
.
"من جهة فواز وسلطان اول ماقبلوا كانوا سوالف وضحك وكانوا كاشخين حدهم.. وكشروا مع بعض اول ماشافوا هالثنتين معهم "
سلطان: من معها؟
فواز: مادري
سلطان بخبث داخلي: منهي الي منزله راسها
فواز: مادري انت الثاني وانا شايف وجهها
سلطان: طيب انزل يلا شوفهم
"فواز نزل"
.
.
منار: عمتي نستحي
ام فواز: ماعليكم بنقعد لحالنا اهم شي يوصلونا انا ماعرف الاماكن بالضبط هنا
منار راحت جنب اديم : ديوم ديوم شوفي سلطان
اديم: زين انتظري
فواز ابتسم يوم اقبل على امه
ام فواز: ياني فديت هالقبله
تشقق فواز: ياعساي افدا راسك "وباس راسها "
فواز يناظر البنات
وام فواز فهمت عليه: البنات راحوا مطعم واكله حار واديم ومنار مايحبون الاكل الحار وقلت اجيبهم معي
فواز ابتسم من ورا خاطر يعني مجامله "مالقيتي الا اديم ": اوكي يلا تفضلوا
"وسبقهم "
فواز بسرعه : اديم معها ياسلطان
سلطان وقتها كان سرحان " ااااخ عليك حرمتي فواز من هالجمال حسبي الله عليك .. ليتني اعرف بسبب مين ليييتني يااديم .. " حس بحراره بوجهه وفسرها على انها من قهره منها"
البنات: السلام عليكم
فواز وسلطان: وعليكم السلام
سلطان: تو مانورت السياره يا ام فواز
ام فواز: منوره بوجودكم
سلطان حرك: وش مشتهيه خالتنا
ام فواز: والله نبي على ذوقك
فواز: طيب قولي مشتهيه سي فوود اومكسيكي ...صيني هندي وشو كل المطاعم تحت امرك
ام فواز تشاور البنات: وش تبوون يمه
منار بصوت واطي: مكسيكي
ام فواز: يبون مكسيكي
"سلطان كان يناظر المرايه وكانت وراه منار وانتبه ان هي اللي تكلمت وحمد ربه انها منار مو اديم"
فواز: خلاص ولايهمكم
"وكملوا الطريق سوالف واديم طول الوقت منزله راسها وقلبها يرقع "
"بعد ماوصلوا المطعم
سلطان: وغلاه فواز عندك تقعدين معنا
ام فواز ضحكت: والبنات
سلطان: عادي يجلسون لحالهم بنخليهم بطاوله جنبنا
ام فواز بصوت عالي للبنات: عادي بنات
منار: أي عادي
"وقعدت ام فواز معهم بعد ماجننها سلطان وفواز كان سرحان من يوم ماشاف اديم "
منار واديم بعد ماقعدوا
اديم: وه قلبي وه قلبي
منار تضحك : ههههههه حسافه اخرتي ملكتك ياديووم
اديم بحسره: حظا اوووفر
منار تضحك : أي من جد "وابتسمت للويتر الي استقبلهم بابتسامه والمنيو "
"وبعد مافتشوا في المنيو وقرووا وش يطلبون قعدوا يسولفونواديم تسهى شوي وتكون مع منار شوي "
.
.
.
"ياحوبيييييييييييييييللك والله "
....: لاتنبسطين حيييل هاه
.....: فديتك يابدر والله
بدر: طيب عبيروه قومي اول جيبي دنو
عبير قامت على طول وجابتها له
بدر: بكرا من 9 الصباح بنمشي
عبير: افا عليك
بدر ابتسم : عبيروه
عبير: هلا
بدر: بقى ثلاث ايام على لووندوون
عبير تضحك شفيه اخوها : ههههههههه ادري
بدر: مو متحمسه
عبير: حـــــــــدي
بدر: انا اشهد
عبير: والله حدي مشتاقه للبنات ولكل شــــــــــي
بدر: أي والله حتى انا
عبير كاتمه الضحكه : انت وشو
بدر يضحك: حدي مشتاق للشباب وكل شي
عبير ضحكت على نغمته
بدر: وين ياسر
عبير: ياسر نايم
بدر: وش عنده لازم يتعود على السهر
عبير تضحك : أي طيب
بدر: هههههههه ماعنده سالفه والله الناس تأجز عشان تنبسط وتسهر وتنام وتقعد وقت ماتبي
عبير: أي والله
بدر يتخيل شعوره وهو يشوف سهر : اااااااه متى بتعد هلايام ياثقلها
عبير: من جدد وتدري بعد يوم بيوصلون خال غزل
بدر: أي غزل
عبير تضحك : غزل بنت عمي شفيييك
بدر: اها مساعد وذولا
عبير: ايه .... شفيك مانت بحولنا
بدر يضحك: لاتلوميييني
عبير: ليه ان شاء الله
بدر : انقلعي مالك شغل "وبدا يبوس دنو ويطفشها "
.
.
.
اديم: شوي بروح التواليت
منار: اوكي
"اديم وقفت وعلى طول العيون لفت عليها .. واديم تتلافت بعيونها تدور التواليت واستقرت ملامحها يوم شافته .. ومشت له "
"منار بس راحت اديم سرحت وخذت راحتها .. كانت خايفة من تهور سلطان تندمت على اللي سوته كرهت نفسها معقوله هذا الانسان يسوي كذا .. استغلني واستغل سوالفي له بشي مايخطر على البال هذا تعتبره تهور .. خافت ينشب لها ويسوي لها مشاكل مع اهلها… خافت بقوه خافت على اللي سوته "
"اديم دخلت التواليت وهي تتنفس الصعداء تحس انها مراقبه وهي على الطاوله... ضبطت شكلها فكت حجابها وصلحت شكلها وصلحت المسكارا حقتها وضبطت شعرها الي مضايقها وصلحت شكلها النهائي وطلعت ماطولت .. الا بوجهها الوجه الي ماتدري وش يعني لها ووش يبي منها "
....: مرحبا
اديم نزلت راسها وسكرت باب التواليت ببطئ
.....: مستغربه؟
اديم رفعت راسها يعني تبي شي
شاف فعيونها كل البراءه وهذا الي خلاه يندفع : لاتقعدين تناظريني هذي النظرات .. ممكن اعرف انتي وش شايفه فيك زود عن البنات عشان ترفضين فواز.. تفكرينه بيموت عليك وبيرجع لك يطلب يدك من جديد .. يعني على بالك بتمشي سالفة انك بتكملين دراستك علينا .. وعلى بالك مانعرف انه رفض غير مباشر .. شوفي يكون بعلمك مافيك زود عن البنات وفواز يقدر ياخذ أي وحده وان شاء الله يلاقي الي احلى واجمل منك من داخل اكثر من برا
اديم تحس انها منزعجه من هالكلام وش يبي منها الانسان النادر وجوده بحياتها وبجراءه مختلطه بغرغره دموع : هو موكلك عنه؟
سلطان بقهر: لاتحاولين تحطين راسك براسنا يااديم مو احسن لك
اديم ببراءه انفلتت : يعني ايش مو من حقي كابنت اكمل دراستي مو من حقي عشان اقبل وارفض .. انا ماقلت في ولد عمك عيب .. انا كل اللي اشوفه ان لساتني صغيره وعلى قولتك بتلقون بنات اكبر مني والى واجمل مني داخليا وخاارجياً "وتركته بنظره مكسوره "
سلطان اثر كلامها فيه بس كابر ورجع يقول مو من حقها .. هي لو تقدر احاسيس الغير كان مارفضت "والبنت شدراها عن خباياكم " ..
سلطان شوي ورجع محله مقهور من ردها بس حس انه ارتاح انه قدر يكلمها ويطلع اللي بخاطره اهم شي الي بخاطري وصل ومايهمني ردها ..
.
"اديم رجعت محلها مقهوره "
منار: شفيك ؟
اديم: مافيني شي "وبدت تهز رجولها "
منار: ديوم ذوقي هذا لايفووتك يجنن
"اديم ابتسمت لعمتها الي كانت جايتهم بمجامله "
ام فواز: كيف الاكل بنات ؟
اديم ومنار: رهييب
ام فواز: طلبكم شي ..غير عنا
منار ضحكت واديم ابتسمت :تفضلي معنا
ام فواز: فواز وسلطان يبوني معهم يقولون بسني منكم
"ضحكت منار واديم كمان مجامله "
اديم: متى بنرجع الشقه عمتي
ام فواز: تعبتوا؟
اديم: لا بس اسأل
ام فواز: اذا خلصتوا اكل قولوا لنا اوكي
منار: خلاص صار
.
.
سلطان: بردت حرتي فيها يافواز
فواز لف بقوه : مين اديم ؟
سلطان: ايييه
فواز اخترع: وش سويت
سلطان "قاله كل شي "
فواز فتح عيونه وحط يده على راسه
فواز: وش سوووووويت انت
سلطان: اخذ حقك اللي ماراح تاخذه
فواز: من قالك اني ابي اخذه سلطان انت عارف وش سويت
سلطان: شوف انت لاتحاول تخطبها من جديد خلها تنقلع
فواز شاف امه رجعت" نتفاهم بعدين
"سلطان ماهتم بس حس انه مرتاح "
.
.
.
........: وش ورى هلابتسامه
........... بتنهد : ابد
......: فصييييل عليناا "ويغمز "
فيصل: منصووور حل عني زين
منصور قرب كرسيه من فيصل: يلا يلا وش عندك "وبغمزه " طحت؟
فيصل يضحك وطلبه وصل :وين طحت الله يخليك شوف بس موكاتشينو
منصور: يعني في حب في غرام شي مثل كذا
فيصل يضحك ويبعده عنه : وخر عني منصور ماني تبع هالسوالف
منصور: احلق شواربي
فيصل يضحك : مشاري شيل رفيقك عني
منصور: لو سمحت انا رفيق الجميع
"ضحك مشاري وفيصل عليه "
منصور: صدق صدق تعال ... اوووووه قصدك عشان مشاري هنا خلاص خلاص بقرب " وقرب اذنه من وجه فيصل .. فيصل ضحك وبقوه ابعده عنه "
فيصل: منصووور وجعوووه وش عندك ناشب
منصور: ابي اعرف سر هلابتسامه
فيصل: بس كذا عن خاطري.. يقولون اني احلى بلابتسامه
منصور يضحك : هههههههه ضحكتن
فيصل ضحك وسكت
منصور : يلا عاد بلاسخافه قول
فيصل يتنهد : وش اقولك
منصور: من الي طيحتك
فيصل: من قالك اني طايح
منصور: طايح وشكلك عالق بعد .. ياخي ما امدانا توك واصل وطيحتك
فيصل: ههههههه طيب من قال ان هلابتسامه سرها طيحه
مشاري: شي طبيعي ان تووك واصل واكيد كشفت عن وحده وخققتك
فيصل يضحك: انت تقول هالكلام
منصور: هههههههه بس ياحلاه كلامه كله صدق
فيصل: واللي يقولك اني ماشفت ولاوحده
مشاري: لاتنصب وغزل
منصور انقلب وجهه وانتتظر جواب فيصل
فيصل بضحكه : هممممم بس مو شرط هي اللي طيحتني
منصور قلبه يدق
مشاري: اكييييد
فيصل: وربي اصلا انا توني اشوفها ولااعرف عنها شي
مشاري: جااايز
فيصل: ياخوفي انها خققتك
مشاري يضحك : هههههههه لا مابغيت الا غزل هالهطفه
منصور: لاحد يسمعكم من اخوانها
مشاري يضحك: أي والله اسكتوا
"منصور تحسف انه جاب هذي السيرة .. تخيل لو فيصل يحب غزل ... حس بطعنه بصدره .. تخيل لو يخطب فيصل غزل اكيد بتوافق فيصل مزيون ومتعلم ... وغير كذا بتقارنه فيني اللي تكرهني .. اااخ ياربي ليتني لو مادريت "
فيصل شك على طول من جاب سيره غزل وهو منقلب وجهه والاخ الحين سرح "هاهااي مادري من اللي طايح "
مشاري: يلا انا بقوم احاسب
منصور سرحان وفيصل ماعلق.. اول ماقام مشاري
فيصل ضربه على ركبته : مادري من اللي طايح
منصور نقز :هاه
فيصل فهم : لا سلامتك
منصور نزل راسه
فيصل حب يطمنه : لاتخاف مو على البال"وقام "
منصور سكر عيونه وشلون فهمه فيصل وهو مو لذاك الزود مع فيصل .. ياربي لايكون مبين على وجههي لالا ماتوقع ..بس ارتاح يوم طمنه فيصل ولحقهم وهو ساكت "
.
.
.
"ومييين بأمره ياسلطان تسوي كذا .."
سلطان: انت وش دخلك وش بيضرك
فواز: بيضرك انت واللي يضرك بيضرني
سلطان: انا لاتشيل همي زين
فواز: اجل حتى انت لاتشيل همي
سلطان: اووووووووه فواز وبعدين معك وش مسوي انا
فواز: انت قاعد تضر بنت عمي تفهم شلون
سلطان: تدافع عنها ماكنها ضرتك
فواز: تراك عليت قلبي وبجد ندمت اني اقولك كل شي" وقام من على الطاوله "
سلطان انقهر من تصرف فواز " عشاني دافعت عنه يقوم ويزعل مني بسببها .. ياكرهي لها لانسااانه من قللللللب .. ويامالها مني ماراح اخليها بتنبسط بهذي السفره ابد لاخليها تمشي وتوسوس"
.
.
.
بعــــــد ثــــــلاثة أيــــــــام
" اليوم الموعود لكثير من ابطالنا .. بأختصار لهذا اليوم ياسر واهله تجهزوا ووصلت السيارات وشالت الاغراض وراحوا معها .. استقروا في الطياره عبير مرت ساعه وعلى طول نامت وكانت امها جنبها ونامت بعد .. وبدر اللي جنبه وليد ماهم قادرين ينامون من الفرحه .. وبعد مرور سبع ساعات "
عبير: مانمتوا
بدر: لا وين يجينا نووم
وليد : من جد
عبير وجسمها متكسر: اهاا.. يلا انا بروح الحمام مع دنوو
بدر: بسرعه
"راحت دنو وعبير وامهم الحمام وانتم بكرامه .. عبير وامها شالوا العبايات ورتبوا لبسهم وعبير غيرت لدنو لبسها لانها وسخته ورتبتها وصار شكل دنو كيوووت .. دنو بس خلصت طلعت من الحمام رايحه لبدر..وعبير امها شوي ولحقوها "
ياسر : يااااااااااقلبو انا حيييه
دنو ركضت له وشالها من على الارض ويبوسها
ياسر يشمها : يانااااااسي انا على البنات
ودنو مبسوطه وتتضحك
وليد: يااااناااشي انا على الشوشه الي تدوخني
بدر لياسر : عطني اياها
"اخذها بدر وكانت تبي ياسر عصب بدر عليها ورجعها على ياسر وبرطمت هي "
ياسر شايلها وهي تناظر بدر
وليد ضحك : لاتفشل نفسك
بدر: حتى نظره لاتناظريني
ياسر: بدر خف عليها
بدر: وش دعوى وش قايل انا "ويناظرها " دلوعه
دنو: ماحبك
بدر: وانا بعد
ياسر يرفعها : ماعليك منه امواااه "ويبوسها"
"شوي وطلعت امه وعبير واشر لهم عشان يلحقونه ومشى معه وليد "
"بدر وقف شوي ينتظر عبير وامه "
بدر: اوه اوه ماقدر انا على الحركاات
عبير وامها ضحكوا
عبير: هذا انتم غطيتوا علينا
بدر:هههههههههه بهذي صدقتي
ام ياسر: ياعساي اشوفكم معاريس
بدر: امييين قريب ان شاء الله
ام ياسر ماصدقت خبر: صدق
بدر ضحك : يمه حنا بمطار"وسبقهم شوي "
ام ياسر: الملعون
عبير تضحك : هههه يمه صادق
ام ياسر: اخلصي انتي بعد
عبير : لايفوتك وليد وياسر طايرين
ام ياسر: ههههههه الله يحفظهم
"بعد ماخلصوا الاجراءات راحوا واستلمو الشنط .. وتوجهوا لقاعة الاستقبال ..واللي كان ينتظرهـــــــــــم
طـــــــلال شي طبيعي
وسلطـــــــان الي حب يستقبل ياسر على اساس انه زمان ماشااافه
ووووووفيصــــل اللي ماقدر ينتظر اكثر من الايام الي طافت مايشوووفها وحس ان الانتظار طال .. وماحس الا بنفسه وهو يقول خاطره بينه وبين نفسه عنها ..
.
.
.
.
.
.
.
.
.
.
.
.
.
.
.
.
.
.
.
.
.
.
.
.
عند صالات المطار ..
انتظرت الموعد اللي بيننا ..
كانت الساعة .. ثواني ..
كانت اللحظة .. اماني ..
وكنت واقف .. كني جالس ..
وكنت جالس .. كني واقف ..!!
كنت خايف ..
كنت أعاني ..
وكنت اردد وقتها ..
بعض القصايد والاغاني ..
طال والله الانتظار ..
عند صالات المطار ...!!
واقبلت ست الحسن ..
رمز الانوثه والدلال ..
شامخة .. مثل الجبال ..
وانجلى عني الحزن ..
والخوف ولى وانحدر ..
أقبلت مثل البحر ..
مثل المطر .. مثل المزن ..
على القلوب الضاميه ..
على الشواطيء والمواني ..
وكنت أردد وقتها ..
بعض القصايد والاغاني ..
آآآه يا محلى الانتظار ..
عند صالات المطار ...!!
آآآآآه يا ذيك العيون ..
اللي اذا مره أرمشت ..
حركت كل السكون ..!!
وآآآآآه من ذيك الشفايف ..
اللي اذا مره انطقت ..
كل هالعالم يجووون ...!!
وآآآآه من ذاك القوام ..
اللي اذا مره أنثنى ..
صارت الدنيا هنى ...!!
ووقتها والله انا ..
كنت واقف في مكاني ..
وقتها ما كنت خايف ..
والحزن ولى وطار ..
وكنت اردد هالاغاني ..
وكنت اردد هالاماني :
ليتنا يا قلبي .. ثاني ..
نلتقي عند المطار
.....!!!!!
.
.
"وليد اول ماشاف طلال قام يركض جهته كنه ولد شايف امه لوووول وسلطان لف على فيصل اللي على طول لف عليه وصاروا يطالعون بعض ويضحكون شفيهم ذولا "
سلطان: انا اوريهم مين المفروض يشتاق له اكثر انا ولا طلال "ومشى جهتهم وضرب وليد "
وليد بعد عن طلال وتفشل
وليد يصارخ : حقك علي والله حقك علي
"سلطان ضحك وحضنه وسلم عليه ...شوي ويوصل ياسر ودنو معه سلطان اخذ دنو وسلم على ياسر"
بدر يصارخ : سلييييييييطين
سلطان انتبه له وضمه ومبسوطين وقعدوا يتبادلون الاخبار
سلطان يقرص خدود دنوو: شخبارك حبيبي
دنو ممميله شفايفها مستغربه من هالانسان
بدر: هذي يالله تبتسم تبيها تبستسم لك
سلطان: ههههههههه فديت غرورها انا ياناااسي باكلها
سلطان: اووه نسيت عمتي وينها
بدر يأشر له : هذي هي هناك توها واصله
"راح سلطان وبدر يسلمون عليها وسلم سلطان وطلال على عبير"
"فيصل طول ماهو ينتظر كانت تعابيره خاينته ماهو قادر يوصف شعوره"
"عند طلال وسلطان وام ياسر وعبير اللي مانتهبت لوجود فيصل ولاتدري انه بيجي "
طلال اول ماشافها ضحك وسلطان لف عليه
طلال: ههههههههه يووووووه عبربر صايره بنت
عبير فتحت عيونها وسلطان ضحك وفتح عيونه
ام ياسر: الله يخسك طلييل اعقل عن بنتي لاتفشلها قدام ولد عمك
عبير مقهوره : احسن منك .. انت اللي والله صاير بنت
سلطان فتح عيونه زياده يمه لسانها اول بنت عم يسمع لسانها بعد جنى
طلال: يااي ادري محتره
عبير : يلا يلا مقفاك ولا ابي اشوف خشتك
سلطان ضحك : اش اش لاتفشلونا بالمطار
عبير تناظر طلال بقهر اللي فشلها قدام سلطان
عبير تبتسم : سوري ..يلا بنطول هنا
سلطان ضحك على اسلوبها : يلا تفضلوا
"مشوا وطلال واقف رمته بنظره وعرف انها زعلانه منه"
"تجمعوا وسلموا الشباب على ام ياسر وسبقوهم .. وطلال يمشي جنب عبير ووليد جنبه "
طلال: ههههه عبربر زعلانه
عبير تناظر قدام: مايخصك
طلال: والله ماتهونين بس حليانه ماقد شفتك حلوه مثل كذا والتعبير خانني شسوي
عبير وامها ضحكوا
ام ياسر: ههههه مشكلتي ماقدر عليك
وليد: ياسلام يغازل اختي وقدامي
طلال يبي يراضيها: ههههه لاتلومني
عبير تضحك : طيب طيب رضيت"ولفت الجهة الثانيه تشوف امها ورقع قلبها يوم شافت الانسان اللي ماتوقعت وجوده يسلم على امها "
"هو كان يناظرها من جنب وهي مااننتهبت لنظراته وارتبكت .. كان شبه معصب او تنرفز احتارت تفسر نظرته ولفت بسرعه قبل لاحد ينتبه عليها"
"طلال انبسط وسبقهم وركبوا السيارات وعبير مو مصدقه انه جا يستقبلها بالمطار تحس انها بتطييير ...سلطان كان مره مبسوط على دنوو اللي ماشافها الا مره "
"كانوا الاهل ينتظرونهم في الشقه والعيال تحت ينتظرونهم .."
.
.
.
|