$$الفصل السابع$$
بعد المغرب
راحت هيفاء تقوم ولدها
ام هيثم:يلا يمه ........قوم صل المغرب والبس عشان مانتأخر على الجماعه
هيثم بتعب:انشاالله
وقام واخذله دش ولبس الثوب والغتره البيضاء "طلع عذذذذذذاب"وتعطر وحط مفاتيح سيارته في جيبه ونزل الصاله
رفال كانت تطالع التلفزيون
هيثم:السلام
رفال:وعليكم السلام "إلاانتبهت للكشخه" كل هالكشخه عشانها
هيثم يبي يقهرها:اجل اذا مو على عشانها عشان مين
رفال انقهرت:وووووووووووع من زينها ......ماادري مين مسميها انفال؟؟ بصراحه حسافه عليها هذا الأسم
هيثم ببرود:والله اني ماطلبت رايك
ويكمل:وبعدين انتِ ليش مالبستي منتي رايحه
رفال:لا........ لو روز كان اول وحده تركب السياره بس انفال تخسي
هيثم بعصبيه:ريفالوا بلعي لسانك لتشوفين شي ثاني
دخل إياد بالبدله الرياضيه كان توه راجع من النادي
إياد بصوت خشن:هلاشباب
رفال تطالع في نفسها:يمه شكيت في عمري انا شاب
إياد يستهبل:لاعجوز
هيثم:هههههههههههههههههههه
إياد يطالع في كشخته:خلاص يامعرس نويت تاخذ انفال ماراح تغير رايك
هيثم عصب:شفيكم انتوا........!! إي باخذ غصبا عنكم
ويكمل:وانت منت رايح؟؟؟
إياد:انا وش يوديني ؟؟ابوي يكفي
ام هيثم:السلام
إياد:الله يمه وش هالكشخه.........!! وين ابوي عنك؟
ام هيثم بأحراج:نقطنا بسكوتك
كانت لابسه جلابيه ضخمه لونها عنابي وفيها ترتر لونها ذهبي وحاطه مكياج خفيف
ام هيثم:ههههههه اكيد هذا ولدي الغالي....... إذا ماتكشخت الحين متى اتكشخ
هيثم بغرور وهو يعدل غترته:احم احم
رفال وإياد طنشوه وطلعوا لغرفتهم
هيثم تفشل:شفتي يمه عيالك
ام هيثم:تستاهل اللي يجيك........ ودق على ابوك شوفه وين لا نتأخر
طلع الجوال وتوه بيدق
الا دخل
بوهيثم:السلام
ام هيثم وهيثم:وعليكم السلام
هيثم:يالله يبا....... مشينا
بوهيثم:لها الدرجه مستعجل
هيثم بصراخ:شفيكم علي بالغصب اخذ روز .....ماابيها
وطلع
ام هيثم:خف على الولد والزواج مو بالغصب كل شي قسمه ونصيب
بوهيثم:استغفر الله .........مالي وجهه اقابل اخوي
ام هيثم:امش نروح للجماعه لانتأخر عليهم وكل شي وله حل..... حتى انا من كلمت اختي للحين !!ماادري عنها شي؟؟
بوهيثم:يالله .........بس رفال مهي رايحه؟؟!
ام هيثم:لا
00000000000000000000000000000
ام فيصل رقت تتطمن على بنتها مااتدري وش صار فيها لمن قالتها لها وئام
وصادفت شجون
ام فيصل:وين اختك؟؟
شجون تأشر على غرفتها
ام فيصل بعصبيه:طيب وخري عن وجهي ورحي قومي اخواتك لمى وريتاج
دخلت غرفتها لقتها نايمه
سكرت الباب بهدوء وهي تتحسب
شجون راحت غرفتهم و فتحت الباب وشهقت :وجع.....!! وش ذا برررد
راحت للمكيف لقته على العالي ولمى كانت مكوره نفسها وريتاج راميه البطانيه
شجون بصوت عالي من البرد:وجع لمى ريتاج ......وش ذا البرد؟؟! الظاهر من تأثير البروستد
وراحت طفت المكيف ونزلت
بعد ماحسوا بالحر مابقى دعى مادعوا عليه مابقى سبه الاسبوها
بعد ساعتين نزلوا وهم نفسهم في خشمهم
00000000000000000000000000000
ام هيثم وهي تشرب القهوى:والله احنا اليوم جينا طالبين القرب منكم
منيره ابتسمت
ام هيثم تكمل:طالبين يد بنتك انفال لولدنا هيثم على سنه الله ورسوله
منيره بفرحه:هذي الساعه المباركه ..........وهيثم ولد والنعم فيه
ام هيثم :الله يسلمك ........ماتقصرين
منيره وقفت:بروح اشوف العروس
وراحت لغرفتها
منيره تطالع بنتها:مشالله وش هالجمال
انفال واقف في المرايه وتعدل في شكلها:يمه طالعه حلوه
منيره:الا قمر
كانت لابسه تنوره قصيره حد الركبه احمر واورنج مع كت اورنج وبروش وحطت في اظافرها مناكير احمر في لمعه اورنج ولابسه بوت احمر وفاتحها شعرها ومرولته كله على ورى مع المكياج الخليجي الكامل طالعه رووعه
منيره:تكلمت معاي في الموضوع
انفال تشققت من الوناسه:صدق.......!! وش قلتي لها؟؟؟
منيره ابتسمت ناعمه:يعني وش بقول ........قلت لها هذي الساعه المباركه ........وهيثم والنعم فيه
انفال بتوتر:يمه احس اني متوتره
منيره:هذا شي طبيعي لازم كل عروس تتوتر....... المهم انزلي لاتتأخرين
انفال:اوكي
بعد فتره انزلت
ام هيثم ابتسمت مجامله:حيالله زوجة ولد تعالي جنبي
مشت بدلع وجلست جنبها
ام هيثم:اكيد امك قالت لك عن الموضوع..... وليش احنا جايين اليوم؟؟؟
انفال هزت راسها
ام هيثم:وشرايك؟؟
انفال انحرجت
منيره:البنت موافقه......... وماراح نلقى احسن منه
دخلت الجده
الجده:السلام عليكم
الكل :وعليكم السلام
راحت انفال سلمت على جدتها وباستها على راسها
منيره:حياك يمه......... استريحي
بعد ماجلست
ام هيثم:شلونك يمه ؟؟وش اخبارك؟؟
ام سعود"الجده":الحمدالله...... شخبارك ؟؟وشخبار هيثم ؟والعيال كلهم ؟؟
ام هيثم:بخير يمه.......... واحنا جينا اليوم عشان نخطب انفال لهيثم
ام سعود انصدمت :كيف ملكوا ولا مابعد
منيره مستغربه:لايمه مابعد
ام سعود ارتاحت:الحمدالله
ام هيثم :ليه يمه تقولين كذا.......!! انتِ ماتبغينهم يتزوجون ؟
ام سعود:لا كيف يتزوجون ......وانفال تصير عمت هيثم
الكل انصدم انفال على طول راحت غرفتها وهي ميته من الصياح
منيره بعصبيه:شلون يمه........!! كيف فهميني؟؟
ام سعود :ولدت ام هيثم وجابت هيثم.... وبعد سنتين جبتي انتِ انفال ........بعد ماولدتيها مرضتي تذكرين
........؟؟؟
منيره اللي منتبها لها مره:إي اذكر
ام سعود:الدكتور منع عليك ترضعين انفال عشان ماتمرض بعدها البنت عيت تاخذ حليب العلب .........قمت انا وديتها لأم هيثم قلت ترضعها يمكن حليبها ماوقف لها سنتين بس.......
منيره:طيب
ام سعود تكمل:لقيت ماعندها حليب حزنت وقمت ادعي لك انك تقومين بالسلامه وترضعين بنتك ..........بس انتِ طولتي وبنتك تصيح اكثرما تبي حليب العلب ........ تقطع قلبي عليها انا وابوك خفنا يمكن تموت بين يدينا قال بوسعود الله يرحمه اني ارضعها يمكن فيني حليب انا ماتوقعت خصوصا بهذا العمربس هو اصر علي وسبحان الله بقدرته انه طلع لي حليب وصارت تشرب لمن شبعت استغربت انا وابوك قمنا ندعي ربك ونشكره وصرت ارضعها من صدري كل يوم لمن طلعتي من المستشفى وتعافيتي
منيره وام هيثم مومصدقين معقوله وحده كبيره في السن يطلع لها حليب كل شيء جائز بحكمته
منيره بصدمه:يعني انفال تحل على كل اولاد خوالها...... موبس هيثم!!
ام سعود بحزن:ايه
ام هيثم:الله كريم ربي مااراد الزواج يتم وانشاالله تلقى اللي احسن منه
منيره للحين اثارالصدمه في وجهها :الله كريم (ولفت على امها )
:وليش ماقلت لي ساعتها
ام سعود بحزن:كنت بقولك اذا تعافيتي ومر الوقت ونسيت اقولك
ام هيثم: منيره خلينا نروح للرجال نبلغهم قبل لا يملكون
ولبسوا عبايتهم وراحوا للرجال في المجلس
|