منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-26-2011

في غرفة سمر ..

تفكر وهي ترتعش أخيرا عرفها وبيعرف كل شيء عنها مشاعل بترد لها الصاع صاعين رن الجوال ففزت من الخوف طلعته من شنطتها بأيدين ترجف وابتسمت براحه لما شافت رقم بنت عمتها ميثه
سمر : هلا بالعروس
ميثه : هلا فيك أخبارك سمسم
سمر : بخير وأنتي
ميثه : تمام يالغاليه سمعي سموره يوم الأربعاء البنات بيجتمعن عندي وبينامن عندي وحبيت أخبرك تقولين لخالي وتجين معهن
سمر : والله مدري بقول لبابا وأرد عليك يا قمر
ميثه : أوكيه سلمي على الكل
سمر : يوصل وسلمى على ميوش وعمتي
ميثه : مع السلامة
سمر : مع السلامة

غيرت سمر ونزلت تتغدى مع أهلها وهي تسرح بين فتره وفترة باللي صار اليوم الكل موجود بس طلال ومنى في بيت أهل مشاري

سمر : يبه ممكن أطلب شيء
الاب : بعد الغداء
سمر : حاضر
كملوا الغداء ووقف الأب وألتفت لسمر
الأب : سمر جيبي لي كوب شاي لغرفتي بعد ما تخلصين
سمر : حاضر
بعد فتره أخذت كوب شاي لأبوها وضربت الباب
الأب : تعالي
سمر (ابتسمت ومدت الكوب لأبوها) : تفضل بالعافية
الأب : الله يعافيك سموره أنتي عارفه أن وقت الأكل ممنوع الكلام
سمر : أسفه
الأب (يشرب قليل من الشاي) : هاه شنو تبين
سمر : كل بنات عمامي بيروحون يوم الأربعاء بيت عمتي عائشة وبينامون هناك ميثه اتصلت وقالت لي إذا حابه أروح بعد أذنك طبعا
الأب : ما عندي مانع بس لا تزعجون عمتك
سمر (تبوس راسه وبفرح) : تأمر آمر بروح أتصل عليها
طلعت سمر وهي طالعه مرت من غرفة فيصل وتنهدت
سمر(في خاطرها) : يا قلبي يا خوي أحسك كبرت من الجوري تركتك وكأنك صرت ما تهتم ولا تبالي وصرت تطلب شفتات بالدوام بس تشغل نفسك تفتكر أنك بهذي الطريقة تنسى الله يرزقك باللي تنسيك الجوري
اتصلت على ميثه وخبرتها بأنها بتجيهم

&&&&&&&&&&&&&&&&&&&&

في بيت مشاري ..

الأم : يمه منى أسمحي لي بروح ارتاح
منى : خذي راحتك خالتي ويعطيك العافية على الغدوه الحلوه
الأم : ما سوينا غير الواجب وتستاهلين
منى : تسلمين
الأم : يا ربي عنه نام
منى (تمسح على شعر طلال اللي رأسه بحضنها) : هذا وقت نومه ينام ساعتين ويصحى
الأم : يمه مشاري خذه غرفة غلا خله ينام براحه
منى : لا ماله داعي ألحين بصحيه بنمشي
مشاري: شنو تمشين يمه روحي ارتاحي
الأم : طيب
منى (تلف لمشاري) : مشاري بروح البيت
مشاري : لا حبيبتي أحنا من جيتي وأنتي مع أمي ولا طلال وحتى أبوي وأنا ولا جلست معك
منى (بحيا) : مره ثانيه
مشاري (يقرب ويشيل طلال) : أبودي طلال وأرجع
طلع مشاري فوق يوصل طلال لغرفة غلا الموجوده عندهم إذا جت لأهل أمها وتسندت منى على عكازها وطلعت للحديقة لفت نظرها بيت من الزحاج مصمم على شكل جلسه عربيه ومكيفه وحلوه كثير مشت لين وقفت عند بابه تأملته كثير راقي
مشاري (من خلفها) : أعجبك
منى : كثير حلو
مشاري : بس أنتي أحلى
منى (ارتبكت هو خلفها وقرب منها لأول مره) : مشاري
مشاري : هههههههههههه فديت الحياوي تعالي (وأخذ يدها وساعدها على الجلسة) مرتاحة
منى : أيه
دخلت الخدامة جابيه عصير وحلى لهم
مشاري : شكرا ليزا
منى : ما اقدر آكل
مشاري : شنو ما تقدرين تأكلين قبيل لاحظت أنك ما أكلتي شنو مستحيه
منى : لا والله بس هذا أكلي
مشاري : بتصيرين ضعيفة وأنا ما أحب الضعف
منى (طالعت جسمها) : ضعيفة بالعكس جسمي حلو الكل يقول
مشاري : بس أنا أشوفك ضعيفة
منى : مشااااااااااااااري
مشاري : ههههههههههههههههه لا أمزح والله (صدت عنه مبوزه يموت فيها مد يده ومسك يدها وباسها وقعد يلعب بأصابعها) : أمزح
منى (استحت وحاولت تسحب يدها بس أهو رافض ومعند) : مشـ...
مشاري (حط أصبعه على فمها) : أششششششش خليني مستمتع (وحط رأسه بحضنها ويدها على رأسه) : لعبي بشعري مناي
منى(طالعت بنص عين) : لا تقول غرت من طلال
مشاري (رفع نظره لها) : بصراحة أيه وكثيررررررر مو بس منه من كل واحد له علاقة بمناي
منى(غطت عيونه بيدها تربكها نظراته ) : لا تطالعني كذا تخجلني
مشاري (مسك يدها وباسها ) : ههههههههههههههههههههههههههه طيب لعبي بشعري ما أطالع لك أغمض
لعبت له بشعره وكانت مستمتعه وبعد صمت وأهو على حاله مغمض عيونه
مشاري : منى
منى : عيونها
مشاري : فديت العيون وصاحبتها حبيت أقول لك أني أدور على شقه تكون قريبه من أهلي
منى : ليه الشقه
مشاري : أنتي قلتي تبين لك سكن خاص
منى : أنا بتكلم معك بصراحه بتسمعني
مشاري : أسمعك
منى : أنا طلبت نعيش بسكن مستقل لأني مريت بتجربه مررررره مع عمر وأمه أنا انهنت وانذليت كانت امه تلفض علي بأبشع الكلمات واهو كان دائم معها ما كان يقول لي مثل كل الأزواج ما يقولون لزوجاتهم حبيبتي عمري حياتي لا كان يقول المعاقه أم العكاز المشوهه وأمه ما كانت تترك فرصه إلا تهيني فيها حتى قدام أصحابها وقرايبهم والخدم كنت احسب إن الكل بيكونون عمر وأمه (دمعت عيونها ) بس أنا ما شفت أمك مثل أم عمر ما أبي سكن مستقل بعيش هنا معهم وبينهم (مشاري رفع رأسه يوم حس بدمعه طاحت على خده ) أنا حبيتهم وحبيتك وأبي اللي يريحك
مشاري (ضمها) : بس يا قلبي هذا ماضي وانتهى وأنا صرت الحاضر والمستقبل والله لأسعدك وأعوضك
: وش تسوووووووووووون
مشاري(فزع من الخرعه وبعصبيه) : غربلك الله روعتينا
منى ابتعدت عنه وماتت حيا دخلت عليهم سهام ومشاري ضامها
سهام : هههههههههههههه شكلكم تحفه
مشاري : وش جابك أنتي
سهام(تقرب وتسلم عليهم) : قالت لي رغوده انك عندنا فجيت بس خساره مالحقت على الغداء
مشاري : أحسن وش يكفيك أنتي بزرانك
سهام : أذكر الله وبعدين تهيني قدام المدام
منى : ههههههههههههههههههههههههه
سهام : ترى هذي حركات بس قدامك
مشاري : لا تفضحينا هذا وأنا مسوي ثقيل وعصبي
الكل : هههههههههههههههههههههههههه
سهام (غمزت له) : يا أخي وش هالحركات اللي قبل شوي
مشاري (يهمس لمنى اللي مستحيه) : شافونا لازم نسكر فمها
منى : كيف
مشاري (بخبث) : نقدم العرس الأسبوع الجاي
منى : لا والله هذا اللي تبيه جاك من الله
منى تنبهت للي قالت ونزلت رأسها خلاص تتمنى الأرض تنشق وتبلعها
سهام ومشاري : ههههههههههههههههههههههههه
مشاري : قويه زوجتي هههههههههههههههههههههه
منى(تضربه على كتفه) : مشاري
سهام : تستاهل أقول قوم قوم عادل بالمجلس ينتظرك
مشاري : وش يبي
سهام : ما تبي تروح ترى سليمان عنده
مشاري (يحط رأسه بحضن منى) : أنا اليوم خارج منطقة التغطيه مو فاضي عندي الأهم
سهام : يمه منك منى ما بتطير شف سليمان كل شيء عادي عنده يدخل عادي لا همه حرمتك ولا خارج منطقة التغطيه كيفك حذرتك
مشاري (يوقف) : بهذي صدقتي بروح أوزعهم وأرد
سهام ومنى : هههههههههههههههههههههههههه
سهام : وينه طلال
منى : نايم فوق خالتي قالت لمشاري يحطه بغرفة غلا
سهام : تلاقين غلا ألحين تصحيه يوم عرفت أنكم هنا جنت علينا يله بسرعة بنروح ويله ويله
منى : يا حبي لها
سهام : كيف اهلك
منى : بخير ويسلمون عليك (رن جوالها وابتسمت) ألوووو هلا وغلا ..... أنا القاطعة ولا أنتي .......... إيه زعلانه ملكتي ما حضرتي ....... مالي دخل عيالك مريضين مو عذر ......... لا تحاولين ما أرضى ....... آآآآآي مسكتيني من اليد اللي تعورني هههههههههههه ........ خلاص وغلاة مشاري مو زعلانه ............ أيه لهذي الدرجة وزود ........ (بحيا ) لا والله مو موجود بالمجلس مع الشباب بس كيف عرفتي أني مو بالبيت ومع مشاري .... امي اها ..... (طالعت ساعتها) والله مدري متى أرد للبيت خير تبين شيء ... (بفرح) حللللللللللللفي متى وصلتوا ....... يالخاينه ليه ما قلتي لي ...... وربي أحلى مفاجئه ........ أيه خلاص بقول لمشاري يوصلني للبيت مع السلامة
كان مشاري طول الوقت متسند على الباب يسمع لما خلصت أبتسم
مشاري : أنتي تأمرين مو تطلبين تدللي يا مناي
منى (رفعت نظرها) : أنت هنا
سهام (توقف) : خليني أروح أحسن
مشاري : يكون أحسن (قعد جنبها ) مناي
منى : هممممم
مشاري : أنا غالي عندك
منى (استحت منه ومن قربه ونزلت نظرها) : .............
مشاري (بخبث) : سمعتك تقولين وغلاة مشاري وش قد أنا غالي تراني طماع
منى خلاص أحترق وجها واهو قريب وكل ماله يقرب وقطع عليه تخطيطه دخول
طلال : مااااااامااااااااااا
منى (ابتسمت ورفع نظرها له ) : صحيت حبيبي
طلال : وين كنت صحيت ومالقيتك
منى(تفتح له أيديها) : كنت قاعدة مع مشاري
مشاري (يهمس لها) : فكك ربك بس لي جلسه معك
منى (كتمت الضحكة) : طلال عارف من ينتظرنا بالبيت
طلال : من
منى : خاله نجود
طلال (بفرح) : وحمد ومحمد وأحمد بعد
منى : أيه
طلال : يلاااااااااااا نروووووووووووووح
مشاري : شنو ما تبينا
طلال : لا بس أبي أشوفهم هنا ما عندكم أحد ألعب معه
مشاري(يطالع منى بنظرات أحرجتها) : قريب بجيب لك أحد تلعب معه
منى(تغير الموضوع) : طلال قول للخدامة تجيب عباتي وشنطتي
طلال : حاضر
مشاري (يوقف وشافها تحاول توقف بس شوي صعبه بالعكاز نزل وشالها) : كل مره يخربون علي وأنا عصبت
منى (انحرجت) : مشاري نزلني
مشاري : أممممممم وش تعطيني ونزل لك
منى : ولا شيء نزلني لا يجي طلال ويشوفني
مشاري : خليه يشوفك ويسولف ماما شالها مشاري
منى : يووووووووه مشاري وربي أزعل منك
مشاري : مالي شغل عطيني شيء وأنزلك
منى : طيب وش تبي
مشاري : مابكون طماع (بخبث) أبوسه
منى(شهقت وحطت يدها على فمها) : .........................
مشاري : ههههههههههههههههه بوسه بريئه
منى (ضربته على كتفه ) : نزلننننننننننننننننننننننني
مشاري (باسها على خدها ونزلها) : أنا أبوسك هههههههههههههههههههه
منى : بذبحك
مشاري : راضي هههههههههههههه يالله نروح
منى : يالله

وصلها مشاري لبيتهم وسلم على رجل نجود ورجع لبيتهم ........

منى (دخلت البيت) : نجود قلبي
نجود (وقفت تسلم عليها) : هلا بعروستنا القمر
منى : لا يعني تقصين علي بكلمة قمر مو راضيه
نجود : عاد لا تتغلين كفاية غلاتك عند ميشو
منى : ويه فديت ذكره لا مو زعلانه (اتجهت لامها وباست رأسها) اشتقت لك
الأم : وأنا بعد هاه كيف أهل رجلك
منى : بخير ويسلمون عليك يمه أبيك بسالفة
نجود : ومن ورآنا
منى : لا بس أبي رأيها
سلمى : ما عليك منها روحي
الأم : نجود مالك شغل تعالي تبين نروح غرفتك ولا غرفتي
منى : نروح لغرفتي عشان ببدل
سمر : نجوده صدق ما عرفتي أخر الأخبار
نجود : شنو
سمر : راح أصير عمه وأنتي بعد
نجود (بفرح) : سلمى حاااااااااااااااااااااااااامل
سلمى (ابتسمت) : إيه
نجود : ألف مبرووووووك يا قلبي بأي شهر
سلمى : الثاني
نجود(تتجه للتلفون) : الخايس إبراهيم أسلم عليه واسولف عليه ولا قالي بروح أتصل أبارك له

أمااااااا عند منى وأمها ......

الأم : والله يا منى مدري شنو أقول
منى : يمه أهل مشاري حبوبين وطيبين عكس عمر وأهله فرق كبير ومرتاحه منهم
الأم : الله يهنيك خلاص إذا يريحك خلاص
منى : بتقولين لأأبوي
الأم : أذا حابه وأنا أفضل نقول له
منى : على راحتك يوووووه يا يمه مشاري بيموتني يحرجني بحركاته
الأم : هههههههههههههه فرحان فيك (قطع كلامهم دخلت سالم ) هلا الغالي
سالم : هلا يمه ترى أبوي يقول عمامي وعيالهم بيتعشون عندنا اليوم
الأم : في غيرهم ولا بس عمامك وعيالهم
سالم : يعني كم رجال من عرفوا إن أبو محمد صالح موجود
الأم : اجل بروح أجهز العشاء لهم
سالم : على راحتك يالله تشاو تشاو
الأم : شنو قال
منى : ههههههههه يعني مع السلامة
الأم : الله يصلحه أنا بنزل تنزلين
منى : بغير ملابسي وأصلي وأنزل
الأم : على راحتك
طلعت الأم و توضأت منى وفرشت السجادة وجلست على الكرسي تصلي لأنها ما تقدر تثني رجلها بالسجود دخلت نجود وبهدوء جلست على طرف السرير تنتظر منى تخلص الصلاة
منى : هلا نجوده
نجود : يا قلبي عنك محد جاب راسك غير مشاري
منى (رفعت حاجبها) : ما فهمت (وقفت وجلست جنبها)
نجود : ههههههههه قلبك ما أنفتح غير له
منى : هههههههههههههههههه بهذي صدقتي
نجود : مرتاحه منى معه
منى : كثير مشاري طيب وحنون حتى مع طلال
نجود : صدق لو تزوجتي طلال بيكون وين
منى : معاي أنا كلمت مشاري واهو ما عارض حتى خططنا لغرفته وشكلها
نجود : تصدقين منى لما قالت لي سمر أن أبوي كان غاصبك على الزواج زعلت كثير حتى صالح لاحظ وكان واقف بصف أبوي بقراره وزعلت منه تصدقين 3 أيام ما أتكلم معه وأنام مع التوأم
منى : هههههههههههههههههههه مسكين أبو محمد
نجود : تزاعلنا بسبتك وتضحكين
منى : وأنا شنو خصني إلا أنتي اللي بتشوفين غلاتك عند صالح وأخذتي موضوعي عذر
نجود : ما هنت عليه وراضاني
منى : منتي هينه يا بنت فهد سولفي لي كيف
نجود : ابدا ودي العيال لامه وطلعني عشاني برى وأشترى لي خاتم يهبل
منى : أكيد لما وصلتوا لخالتك كان الشيب برأسها منهم
نجود : لا الشيب موجود بس طلعوا لها قرون
منى ونجود : ههههههههههههههههههههههههههههههههههههههه
منى (سكتت عن الضحك) : عارفه رغم الفرح اللي أحس في شيء ناقصني
نجود : وش ناقصك زوج يحبك واستقرار
منى (قاطعتها) : منال أنا طول حياتي ما أحس بالفرح إلا معها وهالمره إحساسي ناقص مدري فاقدتها ودي أضمها اشتقت لها ولضحكتها واشتقت لغمازاتها لما تضحك تبان أحب ليالي فيها منها الكثير وأحب ضحكت ليالي تذكرني لما أشوف قمازاتها كأني أشوف منال (لفت لنجود) في وجع بقلبي أضحك معكم وأنا الوجع كبير خايفه من بكره وش محضر لي خايفه من حياتي مع مشاري بيتحمل طلال طول عمره ولا لما يجي ضناه يتغير شعوره أتخيل طلال مع الوقت لو عرف الفرق بين الخالة والأم وش بيكون شعوره وتصرفاته وتقبله لي هل بكون أمه على طول ولا بيجي وقت ويقول أنتي خالتي وتتغير كلمت ماما لخاله أفكر بكثير أشياء وتعبت تعبت كل ما كبر طلال كبرت مسؤولية طلال وحياتي الجايه خايفه وكاتمه بقلبي ألم وحزن وأحس بفراغ لو كلكم حولي منال هي نصفي الثاني
نجود (بعد صمت) : منال الله يرحمها وأنتي مو ناقصك شيء إلا على ذكر منال ترى اليوم عم طلال كان عندنا
منى(بصدمه تلف لها) : شنو عم طلال من فيهم
نجود : حامد
منى(تسندت على عكازها ووقفت بصعوبة) : وش جابه هذا عايش في بريطانيا وش رجعه
نجود : مو هذا اللي طالبك بطلال من توفى أبوه
منى : صح اهو وحتى قال لي تزوجيني ويكون طلال بينا بس أنا رفضته أعرفه إنسان مو قد المسؤولية ولا اهو إنسان سوي وما يعرف الله بس وش رجعه مو قالوا هاجر وتزوج من هناك
نجود(بلعت ريقها) : سمع انك تزوجتي وقال أنا أحق من الغريب بولد اخوي وبأخذه
منى(لفت لها بصدمه واختل توازنها من الصدمة بس نجود مسكتها قبل تطيح) : يأخذه
نجود(تجلسها على السرير وتجلس جنبها) : أيه وصار في شد بالكلام لدرجه وصلت أصواتهم لهنا
منى(لازالت في صدمه ولا تسمع نجود وش تقول بس كلمه تتردد في عقلها) : يأخذه
نجود(تكمل ولا انتبهت لمنى اللي مصدومة) : وأبوي عصب وقال تحلم تأخذه أهو حفيدي وبعدين كان فيصل معصب وبغى يضربه بس جدي حلف عليه يطلع وبعدها إبراهيم رفع صوته وقال بعد السنوات جاي تأخذه مو أنت اللي بعته بالفلوس ورضيت بالورث مقابل تتنازل عنه وعمه قال برفع عليكم قضيه بس شفنا أبوي طلع من المجلس وصعد غرفته ونزل واهو معصب وبيده أوراق كثيرة وسمعناه يقول خذ هذي أوراق حق الحضانة لنا أبوك الله يرحمه عطاني حق الوصاية عليه من قبل يتوفى ما وثق فيك ولا في إخوانك ويعرف عياله وش يبون الفلوس وبس وأنت لما رفضتك بنتي وقومت الدنيا علينا أبوك عطاني حق الوصاية الكاملة على طلال ومنعا للفضايح عطيتكم وتنازلنا لكم عن كل شيء له الفلوس والمال والجاه ما يساوي ظفر طلال الصغير فاهمني وبعدها أبوي طرده (شافت عيون منى ودموعها على خدها) مناي
منى : يأخذه مستحيييييييييييييييييييييييييييييييييييييييييييييي يييل
نجود(تقرب وتضمها) : تعوذي من الشيطان مناي
منى (تصيح) : لا ما يأخذه مستحيل اللي خفت منه يحصل يبعد طلال عني لااااااا هذي وصيت منال وصيت المرحومة ما يأخذها قولوا له أموت ولا يبتعد طلال عني آآآآآآآآآآآآآه منااااااااااال تعالي شوفي بيبعدون طلال عني بيبعدون نبض قلبي ويقسمون روحي وينتزعونه مني كل ما فرحت صار شيء وسلب مني الفرحة حرام عليكم أبي أفرح بحياتي مثل كل البشر ليييه عشان فرحانة بحياتي يجي ويبي يحرمني منها آآآه بمووووووووت يا منااااااااااااااال إلا طلال يا ناااااااااااس إلا اهو اخذوا عمري حياتي كل اللي تبون إلا طلال لا يقربون منه آآآآآآآآه
نجود(بدت تصيح) : منى وش جري أهدي أنا معك الكل معك
دخلت الأم وسلمى وسمر وشافوا منى تصيح ونجود تصيح
الأم (تقرب وأول ما شافتها ضمتها منى) : منى وش فيك
منى(تصيح) : يمه قولي لهم لا يأخذون طلال يمااه طلال أمانه عندي تعبانه يمه ماني قادرة أستوعب كيف يأخذه مني أنا أمه اماااااااااااااااااه طلال أيه طلال بياخذونه مني يمه بيقولون تزوجت خلاص الولد لنا خلي مشاري يطلقني ما أبي أتزوج طلال أهم عندي قلت لكم (ضربت وجها بأيدها بعصبيه واهي تبكي ) قلت لكم ما سمعتوني أن تزوجت بياخذون طلاااااااااااااااااال بس أنتوا ما صدقتوا شوفوا وش صار عمه بياخذه مني لييييييييييييييييييييه حرام والله حرام طلال ولدي لو يبعد امووووووت
سمر : منى وش هالكلام منال ما تبي غير الرحمة والدعاء لها (وحست بدموعها تنزل ) تعوذي من الشيطان وطلال معاك على طول لا تخافين أنتي الوصية عليه
سلمى : وش فيك نجود وش صار
نجود (تمسح دموعها) : مدري كنا نسولف ونضحك و قلت لها عن عم طلال اللي جاء اليوم وتغيرت
الام(بعصبيه) : ليه قلتي لها أنا قلت لا تقولون لها شيء أهو جاء وراح بخيره وشره
نجود : قلت
الأم(قاطعتها) : لا قلت ولا قلتي اطلعوا وخلوني معها (مسكت يدين منى وضمتها لها واهي تبكي وترفض أنه يأخذونه منها) أهدي طلال محد يقدر يبعده والله محد يقدر منى أهدي رضاي عليك لا تخافين طلال بخير
سمر طلعت من الغرفة ما قدرت تتحمل وقعدت على الدرج ودموعها بعيونها بهذي اللحظة كان إبراهيم صاعد تعجب أنها جالسه على الدرج وتصيح خاف ركض لها وجلس جنبها
إبراهيم : سمر وش صاير ليه تصيحين
سمر : منى تبكي
إبراهيم : ليه صار شيء بينها وبين مشاري
سمر (تبكي) : لا تصيح تبي منال أنا خايفه عليها منى تسولف وما تركز ترتعش تخاف يأخذون طلال منها بعد ما تزوجت
إبراهيم (يضمها) : بسم الله عليك لا اهدي سمسم افاااا لازم تكونين قويه مو بزر قومي غسلي وجهك أنا بشوفها ومنال الله يرحمها وطلال محد يقدر يلمسه ويبعده عن أمه منى الوصاية لأبوي وعمه لو يرفع بدل القضية ألف ما يقدر يحصل على طلال
سمر(توقف) : حاضر
تعوذ من الشيطان وقام أتجه لغرفة منى وأول ما يبي يفتح الباب طلعت نجود وسلمى
إبراهيم : أنتو بعد وش صاير ليه الصياح الدموع
نجود : ما فيه شيء منى شوي تعبانه
إبراهيم : تعبانه ولا سالفة منال الله يرحمها وعم طلال
سلمى : من قال لك
إبراهيم : لقيت سمر تصيح على الدرج ولما سألتها قالت لي
سلمى : تعال نجلس بالصالة وأقول لك
نزلوا متجهين للصالة السفلية ..
نجود : الله يسلمك منى لها فتره ما فرحت كثير والظاهر اليوم تضاعفت الفرحة واهي مسكينة متعودة تشارك منال الله يرحمها بأفراحها وأحزانها (ألتفت لهم وبعدها كملت) وتحس أن المسؤولية بدت تكبر عليها هي داخله على زواج والكل عارف أن مهما كان الزوج طيب ومحب له متطلبات وطلال بدا يكبر وأكيد بيعرف أن منى مجرد خاله مو أم هي خايفه من دخولها للحياة الزوجية وخايفه من الحياة الجديدة إذا بترتاح فيها هي وطلال ولا تتغير
إبراهيم : منى خلال الفترة 5 سنوات عاشت بس لطلال حياتها طلال روحها طلال شغلها الشاغل طلال وبس دخول فرد ثاني لقلبها سبب لها ربكه خوف وتردد تخاف تفشل توفق بين الاثنين فكرة أن تقلل من شأن واحد فيهم أقصد طلال أو مشاري معناها هدم حياتها المستقبلية (ألتفت لنجود) واليوم كملتي عليها لما ذكرتي عم طلال أنهدت حصون منى اللي تدعي بقوتها قدامنا وأنها مسيطرة لما حست بان الخيوط بدت تنسحب من يدها ويضيع منها طلال اهتزت وفقدت تركيزها وانهارت بس الحمد لله عمه ماله أمل في انه يحصل على حضانة طلال لو يدفع اللي ورآه وقدامه لو منى تتزوج 10 بدل واحد ما يقدر يحصل عليه
نجود(دخلت سمر بهذا الوقت ألتفتت لها وبعدها طالعت لإبراهيم) : وأظن أنها تخاف تواجه أحد من أهله يتخذ الاعاقه همز ولمز وسالفة بين المجالس وتتوتر العلاقة بينها وبين مشاري مثل ما صارت بينها وبين عمر
إبراهيم (يوقف) : بس لازم تذكرن أن عمر أخذها كذا يعني بنت من واهي من ومشاري أخذها لأنها منى ومناه ولأنها قلبه وحبه
سمر : ما فهمت كيف حبه
إبراهيم : يمكن ما تعرفن أن مشاري يحب منى (وبخبث يبتسم) ومن زمااااااااااااااااااااااااااااااااان بعد
سمر وسلمى ونجود : شنووووووووووووووووو