[IMG][/IMG]

ابوس روحك لا تناظر لي وأنا قلبي ضعيف
........... إن كنت ما تقدر ترد أحباب قلبك وش تبي

خصلات شعرك،إغنيات الصبح، الشوق الكفيف
........... كل ما مشيت لوصلهم ردّوني لنفسي حبي

شلّي بقابي غير لهفة حضنك وهمس الخريف
............. شلّي بقابي غير كلّي اللي ذخرته لتعبي

يا ما سبقتك والمسا بارد ونفنوفك خفيف
........... ويا ما تركتك وإنت نايم بين ناري وحطبي

ويا ما ذكرتك والمحاجر حُمر وأنفاسي وحيف
........... ويا ما طريتك والوعد ما بين دقني وشنبي

مرّيت في بالي قبل حلمين خفّاقك رهيف
............ كنّك تقول إن الهوى يحتاج تاريخ ونبي

وأنا نسيت إني أمر فبالك اللص الشريف
............ اللي سرق قلبك يبي يعيش ويبي ينام ويبي

تكون نصفه لو غدى من نصفه الثاني نحيف
........... الوقت ما يرحم ولا انت بترحم وعشقي غبي

لاني أشوفك في الشوارع أعمدة نور ورصيف
......... ولاني أشوفك في القزاز إن ضاق فيني مكتبي

ولاني أحسّك أكبر من جروحك وقلبك نظيف
........... ولاني لبستك جلد لكن صرت تدبي بي دبي

شلّي بقابي ما خذيته وإنت باخذاتك عفيف
........... الله يكثّر خيرك إنّك تارك إسمي ونسبي !!


صالح العبدالكريم