ترى الذبايح

ترى الذبايح وأهلها ما تسليني
أنا أدري إن المرض لا يمكن علاجه

أدري تبي راحتي لا يا بعد عيني
حرام ما قصرت يديك في حاجه

أخذ وصاتي وأمانه لا تبكيني
لو كان لك خاطر ما ودي أزعاجه

أبيك في يديك تشهدني وتسقيني
أمانتك لا يجي جسمي بثلاجه

لف الكفن في يديك وضف رجليني
ما غيرك أحد كشف حسناه واحراجه

أبيك بالخير تذكرني وتطريني
يجيرني خالقي من نار وهاجه

سامح على اللي جرى ما بينك وبيني
أيام نمشي عدل وأيام منعاجه

همي عيالي وأنا اللي في كافيني
علمهم الدين تفسيره ومنهاجه