الجزء [4] من قصة أنـــا وصغيري

مهره: هيه عندج مانع؟
مريم: شوووو؟؟ وتردين علي بعد .. سمعيني بتوافقين عليه غصبا عنج
مهره: وليش ان شاء الله؟؟
مريم: بس .. لأنج لوعتي بجبدنا لين متى بتمين يالسه عند ابوج بس خلاص وافقي عليه وسيري بيت ريلج وفكينا
سكتت مهره شوي ما قدرت ترد على اختها وبعدين قالت لها
مهره: يعني انا مثجله عليج؟؟
مريم: هيه
مهره: وتبيني اوافق على ذاك الخبل؟
مريم: احترمي الفاظج ولد عمتج مب خبل
مهره: دامج تحبينه وايد وما تبين احد يغلط عليه .. خلي ريلج يطلقج وتزوجيه انتي .. مب تيين هني وتجبريني عليه .. وتقولين اني يالسه ع قلبج
وقبل لا تكمل مهره كلامها .. مانتبهت إلا ومريم عطتها كف في ويهها
مريم: انا اختج الكبيرة
مهره: اختي الكبيرة بس ما يحق لج انج ترفعين يدج علي
مريم: يحق لي ان اذبحج
مهره: مب ع كيفج تفهمين.. سيري عند عيالج وريلج وفكينا انا ما ارتحت إلا عقب ما انتي عرستي وافتكيت من وجودج
مريم: لا والله؟؟؟؟ شو هالكلام يا بنت يوسف
مهره: لا تنسين انه ابوي وابوج
مريم: انا ما قلت شي
وعلت اصواتهم شوي دش احمد عليهم
احمد: شو بلاكم انتوا؟؟؟ ليش تتهاوشون
مهره يوم جافت احمد ما قدرت تتحمل وبدت تصيح
احمد: مهره .. مهره شو بلاج؟؟؟ شو صار ؟؟ ليش تصيح ؟؟
مريم: هيه الحين جدام احمد تسوي عمرها مسجينة ومظلومه
احمد: انتي سكتي انا اعرف سوالفج
مريم: تسكتني انا؟؟
احمد: هيه اسكتج
مريم: لا تنسى اني اكبر عنك
احمد: بس بس .. اكبر عني في العمر وبس .. لكن عقلج اصغر عن عقل راشد
مريم: شووووووو؟؟؟
احمد: تعرفين تسكتين ... مهرووه شو فيج ؟؟ شو صار؟؟ ... اقول مريم طلعي برع
مريم: وتطردني بعد
احمد: قلتلج طلعي برع وفيكنا ما تفهمين انتي
شوي ويت ام احمد
ام احمد: خير شو بلاكم؟؟
مريم يوم جافت امها صاحت : يمه جفتي شو يسون فيني اثنيناتهم اتفقوا علي واحمد طردني
احمد: انا قلتلج اطلعي من حجرة مهره
مريم: وهذا شو معناه
ام احمد: بس بس .. حشرتونا
احمد: يمه شيلي بنتج هذي من جدامي
مريم: احمد احترم نفسك
احمد: انتي إلي احترمي نفسج وسيري ويا امي بكرامتج ولا ..
مريم: ولا شو بتضربني؟؟؟؟
احمد: يمه سكتي بنتج
ام احمد: مريوم حبيبتي خلنا ننزل تحت
مريم: يمه تسمعين شو يقولون لي .. ولا بنتج مهروه تقول لي انا ارتحت عقب ما انتي عرستي
احمد: جب جب يالله سيري
ام احمد: مهروه يالخايسه شو هالكلام إلي قلتيه لأختج؟؟
مهره: لا والله؟؟؟ انا يوم قلت لها هالكلمة استويت خايسة .. وكلامها إلي قالته عادي ما فيها شي
احمد: مهروه ما عليج من احد هدي اعصابج.. يمه لو سمحتي شيلي بنتج .. انا ابي اتفاهم ويا اختي ممكن؟؟
ام احمد: انا نازله تحت بس شغلج بعدين يا مهره
وطلعوا
في حجرة ميره
راشد: عمتي سمعتي ابوي كان يزاعج ومعصب
ميره: هيه سمعتهم
راشد: اول مرة اسمعه يزاعج
ميره: انا سمعته واايد
راشد: هيه لأنج اخته
ميره: طبعا
راشد: ليش يتهاوشون
ميره: عن اللقافة .. مع اني انا بعد ابي اعرف
راشد: ههههههه وتقولين اني ملقوف
ميره: تعرف تسكت؟؟
راشد: خلاص بسكت
في حجرة مهره....
احمد: مهروه شو فيج؟؟؟ ليش تصيح .. شو سويت فيج ؟؟ قولي لي انا اخوج .. انا بدافع عنج
وقالت له مهره كل إلي استوى
احمد: شوووووووو؟؟ تجرأت وضربتج والله بتجوف شغلها
مهره: احمد احمد اتريا شو بتسوي
احمد: الحين بتجوفين
مهره: لا تستعيل
احمد: ما عليج ...
ونزل الصالة بسرعة وجاف مريم يالسه تمثل على امها واونها تصيح
احمد: وتصيحين بعد؟؟ .. تصيحين عقب ما ضربتي مهره
مريم: انت ما يخصك
ام احمد: احمد اسكت وفكنا
احمد: لا ما بسكت .. بنتج العوده حبيبه قلبج ضاربه مهره كف ع ويهها
ام احمد: مريوم صج إلي اسمعه
مريم: هي إلي خلتني اسوي جيه
ام احمد: ليش حبيبتي؟؟
احمد: هييه حبيبتج .. ومهروه حليلها والله
ام احمد: انت اسكت وبس
احمد: انا بسير عند مهره احسن لي من اليلسه هني
شوي ودش بو احمد
يوسف: شو بلاكم؟؟؟ اصواتكم واصله برع
احمد: جوف بنتك العودة شو مسويه يايه هني .. يايه تحارب
يوسف: شوو؟؟
احمد: يت وضربت مهره
يوسف: شوووووووو؟؟؟ انا ما ضربت مهره .. انتي تجرأتي وضربتيها؟؟
مريم: يبه انا ...
يوسف: حمود ومهره وينها؟
احمد: في حجرتها
يوسف: انا بسير عندها الحين
احمد: بيي وياك
وطلعوا الاثنين وساروا حجرة مهره
بوسف: مهروه حبيبتي
مهره يوم جافت ابوها تمت اتصيح وسارت وحضنته
يوسف يمسح ع شعر بنته ويهديها
مهره: يبه انت ما ضربتني وهي يايه تضربني وتقول لي بتتزوجينه غصب
يوسف: لا والله؟؟؟؟
مهره: جفت يبه .. تقول لي اني يالسه ع قلبها وانها تباني اعرس عسب تفتك
يوسف: ما عليج من كلامها .. محد له كلمة عليج .. دامج ما تبينه خلاص
مهره: صج؟؟؟
يوسف: هيه اذا انتي مب موافقه خلاص انا برمس اختي اليوم وبقول لها
مهره: لكن يبه .. انت تعرف يدي .. بيسوي لنا مشاكل
يوسف: حياة بنتي اهم من اي شي
مهره: يبه .. يدي بيزعل منك .. وما بيكلمك ابد .. وبيحرمك من كل شي
احمد: صج يبه؟؟؟؟... انا اول مره اعرف هالشي
يوسف: ما عليكم انتوا
مهره: لا يا يبه .. انا موافقه خلاص .. المهم انه ما يستوي لك شي
يوسف: مهره .. فكري عدل .. ها مب لعبه
مهره: يبه.. انا موافقة خلاص .. رمس عمتي وقول لها .. يبه انا ما اباك تكون متضايج وحزين اعرف انك ما تحب تزعل يدي ابدا
يوسف: يا بنتي ...
مهره: يبه انا وافقت خلاص وقلت لأحمد
احمد: هيه هي قالت لي
يوسف: ما عليه ان شاء الله ما تندمين .. الله يوفقج
مهره: ان شاء الله
طلع يوسف من حجرة بنته ... طلع بسرعة لأنه ما كان يبي دموعه تنزل جدام احمد ومهره
احمد: مهره .. الله يوفقج يالغالية .. انتي تستاهلين كل خير
مهره: الله يخليك يا خووي
قام احمد وحب راس اخته وطلع من الحجرة وسار حجرته وتم يفكر بإلي يستوي له الحين وإلي بيستوي لأخته..

الجزء العاشر
===============
أحمد يالس ع شبريته ويفكر بمشكلة اخته .. كيف بيحلها .. اخته الحين بتضحي بحياتها وبتعيش مع واحد ما يعرف شي جاهل في كل شي .. غمض احمد عينه وتم يفكر ويفكر ويفكر قطع تفكيره صوت التلفون
احمد بكل ملل وتثاقل : الووووو
... (بكل ما تحمله كلتمي النعومة والرقة من معنى ): هلاااا .. ممكن نتعرف؟؟
احمد : لأ ..... وقفل ع ويهها
وكمل تفكيره بدون ما يسأل عمره منو هذا إلي اتصلت ...
وفي مكان ثاني .. كانت صاحبه الاتصال تشتعل من الغيظ
حمده (اخت شيخة): جفتي يا يمه شو سووا فيني.. جفتي ريل بنتج شو سووا.. اونكم تقولون بيطيح يوم يسمع صوتي قفل ع ويهي ولا اهتم ..
ام شيخة: بس عاد انتي اتريي شوي .. مب من اول مرة
حمده: هذا ما منه فايده .. انا ما ابيه هو انا ابي راشد.. ما يكفيني اني تطلقت واني عاقر ابي ولد اختي انا بربيه
ام شيخة: بس عاد لا تخافين.. ابوج واخوج بيحلون المشكلة .. بس نحن بعد لازم نسوي شي
حمده: اووكي .. خلنا نفرض انه بدأ يرمسني .. ويوم ورى يوم حبني ويبي يتزوجني شو بتستفيدون؟؟
ام شيخة: ههههه بنستفيد واااااااايد
حمده: كيف؟؟
ام شيخة: انا اقولج كيف
في بيت يوسف (بواحمد) وبالتحديد في حجرة يوسف ..
يوسف: انا شو سويت.. بدمر حياة بنتي الحين.. برسلها للجحيم بنفسي.. سامحيني يا مهره.. سامحيني يا بنتي
في الصالة:
ام احمد: كلللللللللللوووووووووووي .. اخيرا وافقت
مريم: هيه والله ما بغت
ام احمد: خلني ارمس عمتج
مريم: هيه احسن .. رمسيها قبل لا تهون هي و ولدها
ام احمد: شو تهون؟؟؟ لا لا الله يخليج انا ما صدقت
مريم: ههههه يالله عيل رمسيها
دقت ام احمد على حصة تبشرها ان البنية وافقت خلاص وان الخطوبة بتكون اليمعة.. واتفقوا على كل شي .. اما مهره كانت في حجرتها وتصيح وتفكر بحياتها اليديدة الحياة إلي بتعيشها
في بيت حمد (بوشيخة)
حمده: ههههههههه يا سلام على افكارج يا يمه
ام شيخة: عيل .. شو تتحرين
حمده: لا والله انج خطيرة انا ما توقعت هالشي .. بس اذا استوى راشد بيكون عندنا اكيييد وما بيسير عند ابوه ابدا
ام شيخة: هيه اول ما ايي عندنا بنسافر وما بنرد
حمده: ههههههه هيه بنحرق قلب ابوه عليه
ام شيخة: شو بلاج ع الريال ؟؟ حليله طيب
حمده: انا كرهت الرياييل كلهم عقب ما طلقني ريلي
ام شيخة: الله يعينج ويوفقج يا بنيتي
حمده: آآآآآآآآآمييين
شوي ودش حمد (بوشيخة)
حمد: السلام عليكم
حمده + امها : وعليكم السلام ... قامت حمده وحبت راس ابوها
حمد: شو بلاكم؟؟ مستانسات
حمده: لا ماشي يبه امي تدعيلي
حمد: هيييه .. الله يوفقج ان شاء الله
حمده: يبه شو صار على سالفة راشد؟؟
حمد: والله بعدنا انا واخوج نمشي وياهم خطوه خطوه
حمده: ومتى بتيبون راشد البيت؟؟
حمد: يوم اليمعة ان شاء الله
حمده: شمعنه؟؟
حمد: مممم مادري بس ما اقدر ايبه قبل اليمعة
حمده: هيييه .. اخييرا بجوف ولد اختي
ام شيخة: هيه والله
حمده: هيه يبه .. نحن ليش ما نسير ونجوفه عادي يعني
حمد: لا مب عادي .. لازم ما يعرفون اننا في الامارات
حمده: ليش؟؟؟
حمد: بتعرفون بعدين ... وطلع تلفونه
ام شيخة: وين بتتصل ؟؟
حمد: عند راشد
في بيت بواحمد رن التلفون
راشد : الوووووو
حمد: السلام عليكم
راشد: وعليكم السلام ... منو؟؟
حمد: شحاالك؟؟
راشد : بخير ... منو؟؟
حمد: هههههه ما بتسألني شحالي؟
راشد: هييه شحالك؟؟
حمد: الحمدلله بخيير
راشد: منو؟؟
حمد: انا واحد يحبك وااااااااايد
راشد: صج ؟؟
حمد: هيه احبك وااااااايد والله
راشد: بس انا ماعرفك
حمد: انا اعرفك واحبك
راشد: انزين شو تبا مني؟؟
حمد: انت إلي تبا مني شي
راشد: شو ما فهمت
حمد: انا بفهمك .. مب انت تبا تعرف كل شي عن امك ؟؟
راشد: شدراك؟؟
حمد: انا اعرفك .. تبا تعرف امك وتجوف صورها كلها
راشد: انا جفت صورتها عند ابوي
حمد: هيه اعرف .. بس انا عندي كل اغراض امك
راشد: صج؟؟
حمد: هيه وبدخلك حجرتها
راشد: والله؟؟؟
حمد: هيه
راشد: انزين بسألك .. اذا انت تعرف كل شي عن امي .. هي ليش تركتني عند ابوي؟؟؟
حمد: هي ما تركتك.. ابوك شلاك غصبا عنها.. امك تحبك واايد يا راشد .. بس ابوك ما يحبها وشلاك من عندها عشان تعيش عنده بدون ام
راشد: لأ ابوي ما يسوي جيه ابوي يحبني
حمد: اذا يحبك .. وين امك؟؟ ليش ما خلاها وياك؟؟
راشد: بس ابوي...
حمد: ابوك شو؟؟ .. ابوك يبي كل شي وبس ما يهتم بالثانيين
راشد: انا ماصدق ابوي يحبني
حمد: هيه يحبك بس .. مايحب امك
راشد: امبلا يحبها
حمد: انت ما تعرف شي
راشد: شو إلي ماعرفه ؟؟
حمد: انا بقول لك شي بس لا تقول لأحد
راشد: شو؟؟
حمد: انا بيي يوم الجمعة وبوديك مكان امك وبخليك تجوف كل صورها شرايك؟؟
راشد: صج؟؟؟؟؟
حمد: هيه صج .. بس لا تقول لأي احد
راشد: وابوي؟؟
حمد: ما عليك منه ما بيحس انك مب موجود
راشد: لا ابوي يخاف علي
حمد: لا تخاف بنسير بسرعة وبنرد بسرعة
راشد: انزين
حمد: مثل ما قلت لك لا تقول لأحد .. انت ريال وما تقول لأحد صح؟؟
راشد: هيه طبعا انا ريال
حمد: شاااطر لا تنسى يوم الجمعة عقب المغرب
راشد: انزين مع السلامة
حمد: مع السلامة
ويا يوم الجمعة ... حمد كان يتريا هاليوم على احر من الجمر .. ومهره .. تتمنى انه ما ايي ابدا
سارت ميرة عند اختها
ميره: مهره .. انتي مقتنعه بإلي تسوينه؟؟
مهره: ميرة مب وقته هالكلام
ميره: عيل متى وقته؟؟
مهره: هالسالفة انتهت وخلاص
ميره: لا مانتهت .. انتي
مهره: ميروه .. خلاص كل شي انتهى
ميره: انزين خلاص خلاص
شوي ودش احمد وكان متضااايج
احمد: مهره .. قوم عمتج وصلوا
مهره: هيه انزين
ميره: شو تنزل؟؟
احمد: شدراني سألي امج
ميره: هيييه فهمت .. خلاص بطلع
احمد: اوه .. مستوية ذكية .. تفهمين بسرعة
ميره: بس عاد
احمد: هههههههه صكي الباب
ميره: ما يقول افا عليج اختي يلسي ويانا .. صكي الباب .. انزين بسير بطلع بموت
احمد: ههههههههه انتي من وين اتيبين هالكلام؟
ميره: ماعرف
طلعت ميره من الحجرة ونزلت تحت وسلمت على عمتها وبناتها وسارت عند امها وهمست في اذنها
ميره: يمه اقول لمهره تيي؟؟
ام احمد: هيه
ميره: انزين بيلس شوي وبسير
ام احمد: سيري الحين
ميره: لحظة شوي .. شو بيقولون نزلت تستشير امها
ام احمد: انزين سكتي
في حجرة مهره
احمد: مهره .. أنا آسف
مهره: ليش تعتذر؟؟
احمد: وعدتج واخلفت وعدي
مهره: افا عليك يا اخوي لا تقول جيه
احمد: اسمحيلي
مهره: حموود شو هالكلام .. انت تعرف انا ليش سويت هالشي
احمد: الله يوفقج يالغالية ويسهل عليج
شوي ويت ميره
ميره: مهره يالله انزلي امي تزقرج
مهره: يايه
احمد: الله يوفقج
وفي مكان ثاني
كان راشد واقف برع ويتريا الريال إلي رمساه عسب يسير وياه ويجوف امه.. وبعد طول انتظار وصل الريال
حمد: راشد تعال اركب
راشد: مابا .. خلاص مابا
حمد: تعااال يالله مب انت تبا تجوف امك
راشد: هيه بس انا خايف
حمد: لا تخاف انا يدك .. انا ابو امك
راشد: صج؟؟
حمد: هيه انا يدك حمد يالله تعال ما بسوي فيك شي
راشد: متأكد؟؟
حمد: هيه تعال وانا بثبت لك
ركب راشد ويا حمد.. وسار وياه بيته.. هناك جاف يدته وخالته حمده كانوا كلهم يبوسونه ويحضنونه وهو خايف
راشد: ودني البيت .. ابا ابوي
حمد: اتريا الحين بوديك حجرة امك
طلعوا فوق ودخلاه حجرة امه
حمد: هذي حجرة امك .. جوف هذا صورها
راشد: هييه هذي شرات الصورة إلي عنده ابوي
حمد: هيه جوف هذي الصورة عشان تتأكد اني يدك .. انا شايل امك هني
راشد: هههه هيه صح .. امي وينها؟؟
حمد: امك يا راشد ماتت
راشد: ماتت؟؟؟؟؟؟؟؟؟؟؟... ليش؟ انت تقص علي
حمد: ماقص عليك .. انا بقولك السالفة كاملة.. يوم انت انولدت ... ابوك كان زعلان واايد
راشد: ليش؟؟
حمد: لأنك كنت مريض وهو قال شو بسوي في واحد مريض
راشد: صج؟؟؟
حمد: هيه .. وبعدين امك اعتنت فيك وربتك وسهرتك عليك طول الليل
راشد: وبعدين؟؟
حمد: يوم تحسنت صحتك .. يا ابوك وشلاك منها غصبن عنها .. امك تمت اتصيح وتترجاه وحبت ريله بس ابوك شلاك وضربها .. وقال انا بربيه بروحي انا ما تصلحين انج تكونين ام
راشد: بس ابوي يرمس ويا صورة امي دووم ويسولف وياها
حمد: لأنه ما يباك تحس بإلي سواه
راشد: انزين وبعدين
حمد: امك مرضت يا راشد.. مرضت وااااااااايد ودينها عند احسن الاطباء بس ولا واحد قدر يعالجها .. وبعدين امك ماتت .. ماتت من الحزن عليك .. وابوك السبب
راشد: ابوي يحبني
حمد: يحبك بس هو إلي ذبح امك
راشد: ابوي ...
حمد: ابوك شو؟؟ ذبح امك وخلاك بدون ام .. اي حب هذا
راشد: ............. وبدأ يصيح
حمد: رشود حبيبي لا تصيح امك ما تحب تجوفك جيه
راشد: وكيف اتأكد ان ابوي سوى جيه؟؟
حمد: اسأل يدتك وخالتك.. كلهم جافوا هالشي .. امك من يوم ما تزوجت ابوك وهي تعاني كان يضربها ويعذبها .. والحين يقول انه يحبها بس عشان يقص عليك يا راشد صدقني
راشد: وعماتي؟؟
حمد: شو بلاهم؟؟
راشد: هم يحبوني
حمد: منو قالك؟؟؟ عمتك مريم تحبك؟؟ عمتك مهره تحس فيك؟؟ عمتك ميره تلعب وياك؟؟
راشد: عمتي مهره تدرسني .. وعمتي ميره تسولف وياي
حمد: وعمتك مريم؟؟
راشد: ماعرف
حمد: رشوودي انت تحب امك؟؟
راشد: طبعا
حمد: خلاص لازم تصدقني
راشد: شو اسوي؟؟
حمد: اسمع كلامي وانا بيب لك إلي تباه
راشد: ابا ارد البيت
حمد: خلاص بوديك بس لا تقول لأحد
راشد وهو يصيح: ودوني البيييت

الجزء الحادي عشر
===============
في بيت يوسف ..
احمد: يبه هيول مطولين؟؟
بواحمد: صهههه .. عيب بيسمعونك
احمد: خلهم يسمعوني .. انا اباه يعرفون اننا ما نباهم
بواحمد: هيه وبعدين شو بيقولون ع اختك؟؟.. بيقولون ان البنية فيها شي عسب جيه ما وافقوا عقب ما ساروا وجافوها
احمد: آآآآآآآآآه الله يعينج يا مهره
بواحمد: بس .. يا حيالله في بوخالد
بوخالد: الله يحيك.. بواحمد انا بدش في الموضوع على طول ..اعتقد انك تعرف سبب ييتنا عندكم .. نحن نبا نخطب بنتكم ميرة حق ولدنا خالد
بواحمد: شووو؟؟؟ ميييره؟؟؟؟؟؟
احمد: مييروووه ؟؟؟؟؟؟؟
خالد انتبه على كلام ابوه وحاول انه يتدارك الموضوع وقال: لالا ابوي يقصد مهره بس مادري كيف قال ميره .. هههه .. صح يبه
بوخالد حس انه قال شي غلط: هيه صح صح.. انا اقصد مهره.. ميره ومهره الاسماء متقاربه .. الواحد بيخربط شوي .. ههههه
احمد يهمس حق ابوه: هذا ما يعرف وين الله حاطه ههههههههههههههه
بواحمد: هههههههههه بس اخاف يسمعونا
احمد: ههههههههههههههههههههههه انا بطلع وبرد بعد شوي
بواحمد: اوكي سير
بوخالد: احمد وين ساير؟؟؟
احمد: لا بسير اجوف راشد وبيي
وطلع احمد من الميلس وسار حجرته وتم يضحك .. وشوي تذكر راشد .. وانه ما جافاه اليوم
نزل وتم يدور عليه بس ما لقاه.. سار وسأل الشغالة وقالت له انها ما جافته.. خايف احمد وتم يدور عليه في كل البيت وفي كل الحجر وزقر اخته ميره وسألها.. وهي قالت له انها ما جافته.. حس احمد ان قلبه بيوقف من كل الخوف على ولده .. طلع برع البيت ولقى راشد في الحوي.. يوم جافه ارتااااح.. وبعدين سار عنده وحضنااه بقووو
احمد: رشودي حبيبي وين كنت؟؟ انا دورت عليك في البيت بس ما لقيتك
بعد راشد عن ابوه وقاله: انا كنت في الحوي
احمد: راشد شو بلاك؟؟
راشد: مافيني شي .. ولف ويهه
احمد: راشد انا ابوك ويوم ترمسني طالعني مب تلف ويهك
راشد: مابي اجوفك انزين .. مابي اجوفك قوم عني .. انا ماحبك .. مابي اجوفك خلاص
استغرب احمد من كلام ولده ومن تصرفاته
احمد: رشودي .. انا ماكنت اقصد اني ما اسال عنك اليوم تعرف اننا مشغولين
راشد: لا تمسكني .. ابعد عني
زعل احمد من تصرف ولده .. وعطاه كف في ويهه
احمد: راشد .. انا ابوك .. ويوم ترد علي .. لازم ترد علي بأدب
وقف راشد في مكانه وتم يطالع ابوه.. ابوه في عمره ما ضرباه واليوم صفعاه كف .. ما قدر يتحمل .. وبعدين تذكر كلام يده عن ابوه وعن معاملته لأمه ..حس ان كل الكلام إلي انقال له صح وان ابوه هو سبب موت امه .. وقف راشد وبدأ يصيح .. وبدأ صوته يعلى اكثر واكثر واكثر
احمد: راشد .. راشد .. رشودي شو بلاك؟؟ ..
راشد: انت إلي ذبحت امي .. وتبا تذبحني .. انا ماحبك .. مابي اعيش وياك .. انت تكرهني..
ودش راشد البيت وطلع حجرته وقفل الباب وتم يصيح
في الحوي ..
احمد: انا؟؟ .. انا ذبحت شيخة؟؟ شو صار؟ شو بلاه ولدي؟ منو قاله هالكلام ؟؟ .. لا مستحيل انا ماصدق إلي استوى .. ولدي ما يقول جيه .. منو قاله هالكلام ... لااا راااشد .. شو ها إلي يصير ماصدق
شوي ورن تلفون احمد .. رد احمد من غير ما يجوف الرقم وسمع صوت غريب
........: إلي استوى اليوم بداية لأحداث ثانية واشياء ثانية ....... وقفل
احمد ما رد عليه ولا قاله شي كان مصدوم ومتسمر في مكانه وما يعرف شو يسوي وكيف بيتعامل ويا هالمشكلة اليديده.. منو هذا إلي يخرب علاقته ويا ولده.. منو له مصلحة بهالشي.. منو الشخص المستفيد من هالشي.. مسك احمد راسه وقاله: يااااااالله .. ودش الميلس وهو يفكر بإلي صار
بواحمد: احمد .. شو بلاه راشد ؟؟ ليش كان يصيح؟؟
احمد: لا ماشي يدلع وبس
بواحمد: هييه
تدخل بوخالد وسالهم: ها ما قلتولنا موافقين؟؟
بواحمد ياته غصه وما قدر يرمس.. تمنى لو انه يموت ولا يكون في هذا الموقف ..حس انه بيقود بنته للجحيم بيده.. قطع تفكيره صوت بوخالد
بوخالد: يوسف شو بلاك؟؟
بواحمد: لا ماشي
بوخالد: ها موافقين؟؟
بواحمد يطالع احمد .. نزل احمد راسه .. بواحمد: هيه موافقين
بوخالد: يالله عيل بالبركة ..
بواحمد: الله يبارك فيك
خالد وجه نظره لأحمد وقال: مبروك عليكم انا .. وضحك
احمد لف على خالد وطالعه من طرف عينه وقال في خاطره: مالت عليك وعلى ويهك الله يعينج يا اختي
بوخالد: نحن مستعيلين شوي
احمد: وليش ان شاء الله؟؟
بواحمد يدق ولده ويقول: خير ان شاء الله ؟؟
بوخالد: نبا العرس يكون عقب شهر واحد
بواحمد: ليش؟؟
بوخالد: الولد مستعيل شوي .. وبعدين نحن زهبنا كل شي على اساس ان العرس بيكون الشهر الياي
بواحمد: خير ان شاء الله
بوخالد: خلاص على بركة الله
بواحمد: ان شاء الله
وساروا قوم بوخالد .. وردوا بيتهم
في بيت بواحمد في الصالة بالتحديد ..
كانوا احمد ومهره وبواحمد يالسين .. شوي ويت ام احمد
ام احمد: كلوووووووووي .. بالمبااارك يا بنيتي
لفت مهره ويها صوب ابوها وكانت تصيح
بواحمد: على شو تباركين لها؟؟ على الجحيم إلي بتسير له عقب شهر .. اذا سمعتج تقول هالعبارة مرة ثانية بتجوفين شي ما يسرج
ام احمد: شو هالحالة .. ما تبونا نفرح بعد
بواحمد: افرحوا على شي عدل .. مب على هالخبل .. مبروك عليكم انا شو هالناس
احمد: هههههههههههههههههه .. بصراحة انا بغيت اضربه .. الله يعينج يا مهره
ابتسمت مهره وقالت: انا بسير حجرتي
احمد: وانا بيي وياج اباج في سالفة
مهره: حيااك تعال
وطلعوا الاثنين وساروا حجرة احمد
مهره: خير حمود؟؟ بغيتني في سالفة؟
احمد: هيه صح .. اليوم راشد كلمني بطريقة غريبة ولا جني ابوه جني عدوه
مهره: اووف ليش؟؟
احمد: مادري
مهره: انزين قولي شو صار بالضبط
احمد: انا اقولج ......
في بيت حمد (بوشيخة(
حمد: ههههههههههههههههههههههههههههههههه .. اخييير راشد بيكون عنا
ام شيخة: شو بلاك تضحك؟؟
حمد: مستانس من إلي سويته .. بتجوف يا يوسف .. بحطم ولدك ..
ام شيخة: هييه
حمد: ما تعرفين انا بشو افكر الحين .. والله ما بخليهم يتهنون
ام شيخة: ويي ليش كل هذا
حمد: انا من يومي وانا اكره يوسف .. اكرهه كره ما يوصف .. ويوم خطبوا بنتي حق احمد بديت افكر كيف انتقم منه.. بس الاب ممكن يتحمل كل شي إلا انه يجوف الحزن في عيون عياله هذا هو الشي الوحيد إلي ما يتحمله الاب
ام شيخة: هييه .. يالله يا حمد سير وارقد وباجر خيير
حمد: هيه والله ورانا شغل باجر
في حجرة احمد
أحمد: وهذي هي كل السالفة
مهره: شي غريب والله .. راشد يتهمك انت بأنك ذبحت امه
احمد: هيه
مهره: مستحيل انه ايب هالكلام من نفسه اكيد احد قاله هالشي
احمد: هيه طبعا
مهره: اتوقع انه صاحب الاتصال بس ما جفت الرقم؟
احمد: جفته قبل شوي .. طلع من تلفون عمومي
مهره: هييه
احمد: ماعرف شو اسوي .. ولدي بيضيع مني
مهره: ماعليك ياخوي خل السالفة علي وانا بحلها لك
احمد: شو بتسوين؟؟
مهره: بتعرف بعد شوي انا بسير عند راشد الحين
احمد: اووكي بترياج
مهره ( ابتسمت ): اوووكي
وطلعت من حجرة احمد وسارت عند راشد ودقت الباب
مهره: رشودي؟؟؟ اقدر ادش؟؟
راشد: منو؟؟؟
مهره: ممم وحدة .. تبا ترمسك
راشد: مابي ارمس احد
مهره: ههههه شو تقلدني؟؟
راشد: ماقلد احد
مهره: انزين فج الباب اذا ماكنت تقلد احد .. واذا كنت تقلدني لا تفج الباب
شوي وفج راشد الباب
مهره: والله انك خطيير طلعت ما تقلد احد .. شو بلاك رشودي؟ صج إلي سمعته من ابوك؟؟ .. راشد انت تقول هالكلام على ابوك؟؟
راشد: عمتي ابوي ضربني
مهره: ضرباك لأنك قلت شي مب زين
راشد: هيه بس هو ما ضرباني من قبل
مهره: لأنك ما قلت له شي مب زين من قبل
راشد: هيه بس ابوي ذبح امي
مهره: شدراك؟؟
راشد: انا عرفت بروحي
مهره: منو قالك؟
راشد: مابقول لج
مهره: خلاص لا تقول .. بس انت متأكد من هالكلام؟؟
راشد: هيه متأكد
مهره: انزين انا بقولك شي
راشد: قولي
مهره: انت جفت البارحة جفت الفيلم ويا عمتك ميرة صح؟؟
راشد: هيه جفته
مهره: جفت ان الشرير إلي ذبح الريال كان يكرهه واااااااااايد .. وما كان يحب ان اي شخص يرمسه عنه .. وكان يكره عياله صح؟
راشد: هيه صح جفته
مهره: اذا ابوك ذبح امك مثل ما تقول .. ما بيقعد كل يوم وبيرمس مع صورتها .. ولا كان بيحط صورتها في حجرته من الاساس .. وما كان بيحبك
راشد: ..............
مهره: راشد ابوك يحبك واايد .. وانت غلطت ولازم تعتذر
راشد: ان شاء الله
مهره: سير له احييين
راشد: انزيين
وسار راشد عند ابوه
راشد: يبه ... انا آسف
سكت احمد وما رد على ولده .. قرب راشد من ابوه وقاله: بابا انا آسف .. بابا سامحني
احمد: راشد.. انت نسيت الكلام إلي انت قلته ؟؟ انا ذبحت امك؟؟؟ .. شو انا مينون عشان اذبح حرمتي؟؟
راشد: بابا انا ماكنت اعرف
احمد: راشد .. انا ماعرف منو إلي رمساك وقالك ذاك الكلام .. بس الظاهر انه ما كان يعرف شي
راشد: بابا صدقني انا ماكنت اقصد .. انا آسف .. وما بعيدها وما بقولك ذاك الكلام مرة ثانية
احمد: خلاص ماعليه ما صار شي
راشد: بابا .. ليش كل ربعي عندهم ام وانا ماعندي
سكت احمد شوي وبعدين قال:راشد حبيبي امك ...
راشد: صج ان امي ماتت
انصدم احمد من كلام ولده وبعدين قاله: هيه
بدأ راشد يصيح وبعدين قاله: متى ماتت؟؟
احمد: يوم انولدت
راشد: وليش ما كرهتني؟؟
احمد: شوو؟؟ ليش اكرهك؟؟
راشد: لأن امي ماتت يوم ولدتني
احمد: راشد لأني ابوك وانا احبك وااااااايد
سار راشد عند ابوه وحضناه وتم يصيح .. واحمد تم يهديه
راشد: بابا .. يعني انا ما بجوف امي ابدا
احمد: رشودي انا بقولك شي .. صج ان امك راحت بس بتم في قلوبنا دووم وما بننساها .. انا وياك وما بتركك .. صج ان في ناس يحاولون انهم يفرقون من بينا بس انا ما بتركك ابدا
راشد: انا احبك يابوي.. احبك وااااااايد .. وانا آسف لأني غلطت عليك ماكنت اقصد
احمد: ماعليه ما صار شي .. اوعدني انك ما بتعيد هالشي مرة ثانية .. لأن امك بتزعل منك وااايد
راشد: وعد .. والله ما بعيده مرة ثانية ابدا
احمد: الحمدلله... يالله سير حجرتك وارقد
راشد: برقد عندك
احمد: هههههه صج؟؟؟ مب انت سرت حجرتك وقفلت الباب وما بغيت تجوفني مرة ثانية
راشد: بابا انا احبك .. وابي ارقد وياك
احمد: ههههههه تعال وارقد بس اذا رفستني بفرك برع
راشد: لا لا انا مارافس
احمد: بنجوف
رقد احمد ورقد راشد عداله .. لحف احمد ولده .. ويوم غمض عينه .. قام راشد وحب ابوه على راسه ورقد مرة ثانية .. ابتسم احمد .. وقال في خاطره الحمدلله انتهت مشكلة راشد
بس للأسف ماكان يعرف ان هالمشكلة مجرد بداية لمشاكل ثانية...

الجزء الثاني عشر
===============
ثاني يوم .. كان احمد يالس في المكتب ويشتغل شوي ودش سعيد
سعيد: هلااااااااااا بورشوود
احمد: اهلين
سعيد: شو بلاك؟
احمد: لا ماشي
سعيد: علي هالحركات؟
احمد: هههه لا صج ماشي بس البارحة كانت خطوبه مهره
سعيد: ها؟؟ صج؟؟ مبروووك
احمد: الله يبارك فيك
سعيد: بس ها إلي مضايجك؟
احمد: لا والله .. البارحة استوت سالفة ويا رشود
سعيد: خيير شو صار؟؟
احمد ... قاله كل السالفة
سعيد: ليش ما سألته منو إلي قالك هالكلام؟
احمد: تصدق اني نسيت
سعيد: ماشاء الله عليك
احمد: بسأل مهره اكيد سألته ...
واتصل عندها وتم يرمسها وعقب ما خلص
سعيد: ها شو قالت؟
احمد: هي سألته بس هو ما قال لها منو
سعيد: احمد .. انا اتوقع انه حمد ابو حرمتك .. الله يرحمها
احمد: ليش تقول جيه؟
سعيد: مادري مجرد احساس
احمد: يا عيني على احساسك
سعيد: ههههههههه
احمد: الله يعين
سعيد: شو بتسوي؟
احمد: ماشي
سعيد: شو ماشي؟
احمد: يا ريال خلنا نخلص سالفة مهره وبعدين
سعيد: خيير شو صار؟
احمد: ماشي ذاك الخبل يبي يعرس عقب شهرين
سعيد: لا والله؟؟ مستعيل وايد
احمد: شدراني عنه .. الله يستر
نفس اليوم في العصر في بيت احمد ..
راشد كان يالس بروحه في الصالة ويلعب بروحه .. شوي رن التلفون سار ورد عليه
راشد: الووو
.......: السلام عليكم
راشد: وعليكم السلام.. منو؟
........: ما عرفتني انا يدك حمد
راشد: هيييه
حمد: شحالك؟
راشد: بخيير
حمد: شحال ابوك؟
راشد: بخيير
حمد: شحال يدك؟
راشد: بخير .. كلهم بخير .. يدتي وعماتي كلهم بخير
حمد: هههههه انزين خلاص
راشد: انت قصيت علي
حمد: انا؟؟؟
راشد: هيه قلت لي ان ابوي ذبح امي بس هو ما سوى شي امي كانت مريضة
حمد: ابوك يقص عليك
راشد: لا ابوي ما يقص علي .. انت إلي قصيت علي .. انا ماحبك ابدا .. لا تتصل هني
حمد: انا يدك وانا احبك وااااااايد
راشد: لا ما تحبني .. انت تقص علي
حمد: راشد .. انا احبك وااايد .. انا ابو امك .. وانا احبك وبعدين بتعرف ان صاج في كلامي
راشد: انزين .. لا تتصل مرة ثانية .. مع السلامة
حمد: مع السلامة
في بيت حمد
حمد: اففففففف شو هااا .......................
وفر التلفون ع الكرسي
ام شيخة: شو بلااااك؟
حمد: ماشي ماشي
ام شيخة: إلي سويناه ما ياب اي نتيجة صح؟
حمد: هيه صح
ام شيخة: ماعليك .. ولدك ياي باجر وهو بيتصرف
حمد: شو؟ .. انا اقول خلنا نوقف السالفة شوي
ام شيخة: شو نوقفها ... لا لا انا بتصرف
حمد: شو بتسوين؟
ام شيخة: بتعرف كل شي في وقته ...
وسارت وزقرت بنتها
حمد: الله يعين ماعرف شو بتسوي .. انا بسير ارقد احسن لي
في حجرة حمده اخت شيخة
ام شيخة: حمدووه .. تعالي هني يا دورج الحين سوي إلي قلتلج
حمده: بس يمه المرة الماضية جفتي شو سوى؟
ام شيخة: ما عليج سوي إلي قلتلج اياه وبس
حمده: انزيين .. انا اسوي ها كله بس عشان راشد
ام شيخة: يالله عاد سوي إلي قلتلج وبس... لا تحشريني
حمده: اففف .. بسويه خلاص ..
واتصلت حمده عند احمد ...
الجزء [5] من قصة أنـــا وصغيري

حمده: يمه هذا قافل تلفونه
ام شيخه: اووهوو .. وقته احين .. يالله ما عليه بندق عليه في وقت ثاني
حمده تقول في خاطرها: يا رب ما يفتح تلفونه ابدا .. انا ما ابي اكلمه ابا
ام شيخه: حمده فيج شي؟
حمده: لا يمه .. ما فيني شي
ام شيخه: انا بنزل تحت تيين وياي؟
حمده: لا يمه ما فيني راسي يعورني وااايد
ام شيخه: خلاص ما عليه .. خذي حبه بندول وارقدي
حمده: ان شاء الله .. هيه صح يمه
ام شيخه: خير؟
حمده: محمد اخوي متى بيي؟؟
ام شيخه: باجر ان شاء الله
حمده: اووكي خلاص .. ما عليه .. الله يرده بالسلامة
ام شيخه: آآآآآميييين يا رب ... وطلعت من الحجرة
في بيت احمد.. وبالتحديد في حجره مهره..
كانت مهره يالسه بروحها في الحجرة وتفكر بالحياة اليديده إلي بتعيشها .. شو مصيرها .. كيف بتكون حياتها .. بتترك بيت ابوها وبتسير عند شخص ثاني ما يعرف يتصرف ابدا .. كيف بتتعامل وياه.. وقطع تفكيرها دق اخوها احمد ع الباب
احمد: هلاااا مهروووه
مهره: اهلييين بالغالي ابو الغالي
احمد: احم احم .. تسلمين يالغاليه .. شخبارج
مهره :تماام .. انت شحالك؟
احمد: والله ماشي الحال
مهره: شو بلاك؟؟
احمد: انا؟؟ لا ماشي .. بس طفران شوي يعني تعرفين انتي المصيبة إلي يتنا وإلي اسمها خالد
مهره: ههههههه هيه صح
احمد: الله يعينج يا اختي ويصبرج عليه
مهره: ان شاء الله
احمد: انا بطلع من البيت احينه تآمريني بشي؟
مهره: سلاااااامتك
احمد: الله يسلمج
نزل احمد ولقى راشد في الصاله
احمد: رشودي تبا شي؟؟ انا بطلع احينه؟
راشد: وين بتسير؟
احمد: مكان سري
راشد: اممم .. لا مابي شي
احمد: هههه اوووكي .. خلص واجباتك وبعدين العب
راشد: خلصت واجباتي
احمد: خلاص عيل .. سير والعب واذا انا تأخرت انت تعشى وارقد
راشد: بابا انت بتتأخر
احمد: يمكن .. يالله مع السلامة
راشد: مع السلامة
في سيارة احمد..
احمد: هلا سعيد
سعيد: اهليييين
احمد: يالله انا ياي عندك
سعيد: حيااك
احمد: يالله بنطلع انا طفران وابا احوط شوي
سعيد: خلاص عيل فاالك طيب
في بيت حمد...
ام شيخه: شو بلاك ساكت؟
حمد: لا ماشي بس انا اقول خلنا نأجل سالفة راشد شوي
ام شيخة: ليش؟
حمد: بنت يوسف بتعرس بعد شهرين
ام شيخه: لا والله؟؟ شدراك؟؟
حمد: دريت وخلاص
ام شيخه: وبعدين؟
حمد: وبعدها بنتفرغ حق راشد
ام شيخه: لا بس ها احسن وقت والكل منشغل عن راشد
حمد: اعرف انه احسن وقت.. بس راشد ما بيتقبلنا احين.. لازم نتركه شوي وبعدين بناخذه غصبا عنه وعن ابوه بعد
ام شيخه: شو بتسوي؟؟
حمد: بتعرفين في وقت ثاني.. بس انا باخذ راشد حتى لو اطريت اني اجتل احمد
ام شيخه: شو تقول؟؟؟؟
حمد: هذا إلي بسويه
وبعد شهرين ..
هذا هو اليوم إلي ما تمنته مهره ابدا.. اليوم الي تمنت انه ما ايي ابدا .. اليوم الي بتنزف فيه لجحيمها الاسود .. لمصيرها المجهول مع ولد عمتها الجاهل ..
يوسف: انا بسير اجوف مهره
ام احمد: وانا بيي وياك
يوسف: لا لاتيين انا اكون وياها بروحي
ام احمد: خلاص عيل
دش يوسف حجرة بنته إلي كانت تصيح .. وسار عندها وحضنها وتم يهديها ويخفف عنها
يوسف: مهره .. حبيبتي .. سامحيني يا بنيتي .. والله انها غلطتي .. سامحيني يا بنيتي
مهره: لا يا يبه .. عادي .. ما صار شي .. خير ان شاء الله
يوسف: الله يعينج يا بنيتي .. ويوفقج طول عمرج
مهره: ان شاء الله يبه
شوي ودشت ام احمد
ام احمد: يالله يالعروس .. لازم نزفج احينه
نزلت مهره راسه والدموع في عينها.. شوي وسمعت صوت احمد اخوها ..رفعت عينها وجافته وحست انها بتنفجر من الصياح .. نزلت راسها وطلعت من الحجرة
زفوها الحريم.. ودخلوها القاعة.. الحريم كانوا ايببون ويغنون .. اما مهره كانت تصيح وتحس بغصه تخنقها .. رفعت راسها شوي .. ودعت ربها في سرها ينهي هالكابوس بسرعه وبعكس إلي توقعته مهره كان الوقت يمر ببطء شديييييد
وأخيرا انتهى العرس وكل شخص رد لبيته .. انتهى هالعرس بالنسبة للناس كلهم اما لمهره فكان بداية لمأساه جديده ما توقعت انها تكون بهالطريقة القاسية
خالد: سمعيني
رفعت مهره راسها واستغربت من الكلام إلي قاله خالد
خالد: جوفي .. انا ما تزوجتج لسواد عيونج
مهره: عيل؟
خالد: انا تزوجتج تجربة .. انا بجوف اذا حبيتج بخليج على ذمتي طول عمري واذا ما حبيتج بطلقج وبردج بيت اهلج
مهره: لا والله؟؟؟ .. تتحراني فار تجارب؟؟
خالد: لا تعلين صوتج علي .. انا الريال هني وانت لازم تخدميني
مهره: انا ماشتغل عندك ... برد بيت ابوي احسن لي
خالد: مب ع كيفج .. انا إلي اقرر متى تسيرين هناك تفهمين
مهره: ومتى ان شاء الله بسير عندهم؟
خالد: يوم بقرر
مهره: لا والله؟؟؟
خالد: جوفي جدامج سنة كامله .. ولازم تخليني احبج
مهره: انا احبك؟؟ مينونه؟؟ .. احب ..
خالد: قوليها.. لا لا قوليها.. قولي احب واحد خبل .. تراج تعلمتي هالشي من اخوج .. انا برويه إلي اقدر اسويه
مهره: حليله اخوي خايف الحين يتنافض
خالد: بتسكتين ولا اضربج في اول يوم
مهره: بسكت احسن لي .. احين انت تسويلي فيلم
خالد وعلامات الصدمة والدهشه كلها في ويهه: شدراج؟؟
مهره: الحمدلله والشكر .. انا قلت اكيد جايف هالشي في فيلم وياي اطبقه علي
خالد: بس عاد اسكتي وارقدي .. راسي يعورني
مهره: ارقد ..
وتمت تدعي ربها يفكها من هالمصيبه
بعد اسبوع بالضبط .. وفي بيت حمد
حمد: انا اليوم بنهي هالمشكلة ما بتريا راشد متى بيقتنع انا باخذه غصبا عنه وعن ابوه
ام شيخه: شو بتسوي؟؟
حمد: بتعرفين بعدين ..
طلع حمد وهو معصب من بيته وسار مدرسة راشد وتم يتريا متى ينتهي الدوام وفجأة تذكر شي وغير رايه بسرعه وسار
خلص الدوام وطلعوا الطلاب .. كل طالب يدور على ابوه او دريوله او اي واحد من اهله طلع راشد وتم يدور على سيارة ابوه ..وبعد فترة وطول تذمر لقاها.. مشى راشد صوب السيارة ومن فرحته وشوقه لأبوه ما انتبه لسيارة ثانية كانت مسرعه ويايه صوبه.. تجمعوا الاساتذه والطلاب حول راشد إلي كان طايح ع الارض وما يتحرك من قوة الضربة
حس احمد ان راشد تأخر عليه .. نزل من السيارة وجاف الطلاب متيعين والاستاذه يركضون والوضع مب طبيعي.. نزل بسرعة.. خاف على ولده واايد.. سار عسب يجوف شو السالفة وكانت صدمته كبيره يوم جاف راشد طايح ع الارض وغرقان بدمه
احمد: راااااااااااشد.. ولدي.. راااااااااااشد شو بلاك.. شو صار فيك؟؟.. راشد راشد تحرك راشد انا ابوك .. راشد رد علي ..راشد.. رااااااااااشد
شل احمد ولده وحطاه في السيارة .. وساق سيارته مثل المينون ووداه المستشفى
دخلوا راشد غرفة العمليات ويلس احمد يدعي ربه ان راشد يكون بخيير .. وانه ما يتأذى وكان يصييح .. بعد نص ساعة وصل بواحمد
احمد يوم جاف ابوه سار عنده وحضناه وتم يصيح ويقول: يبه .. ولدي يا يبه .. يبون يذبحون ولدي
يوسف: احمد استهدي بالله .. اذا انت الريال العاقل والفاهم تقول هالكلام وتسوي جيه شو تركت للثانيين؟
احمد: يبه .. راشد ولدي .. ما عندي غيره في هالكون
يوسف: لا تخاف .. بيكون بخير ان شالله
وطلع الدكتور وسأل: منو ابو الولد؟
احمد: انا .. خير؟؟؟
الدكتور: ولدك حالته خطيييره جدا .. وهو في غيبوبه .. ما نقدر نتأكد من سلامته إلا بعد ما يقوم
احمد: يبه .. يبه سمعته .. سمعته .. ولدي بيروح عني .. راشد بيروح
يوسف مسك احمد بقوو: احمد اذكر الله ولدك بخير
احمد: ابي اجوفه .. ابي اجوف ولدي الحييين
الدكتور: بندخلك عنده بس اذا ازعجته بنطلعك على طول
احمد: لا لا خلوني عنده ما ابي اطلع ابدا
الدكتور: بنجوف .... ودخل احمد عند ولده
في بيت حمد ..
دش حمد بسرعة وتم يزقر حرمته
حمد: اخييرا .. اخيييرا .. راشد بيي عنا غصبا عن ابوه
ام شيخه: خير شو صار؟
حمد: ماشي الحين اقدر ارفع قضية على احمد واقول انه ما يقدر يعتني براشد
ام شيخه: شو صاااار فهمني
حمد: ماشي .. بس راشد في المستشفى
ام شيخه: شوووووو؟؟؟ كيف؟؟ شو صار له؟
حمد: لا تخافين حادث بسيط
ام شيخه: شووو سووويت في الولد؟؟
حمد: ما سويت شي ..
ام شيخه: لا انت سويت شي قوولي بسرعة
حمد: يا مره استهدي بالله ما سويت شي.. انا سرت عشان آخذه غصب .. وبعدين فكرت وقلت لا ما بيي عندي ابدا .. دريولنا الله يسلمج هذا خبير حوادث
ام شيخه: سووويتها .. حسبي الله عليك .. خليته يدعم الولد عشان تاخذه
حمد: هدي اعصابج الضربه مب قويه ..
ام شيخه: شو تقووول انت .. تخيل انه تعور واايد ومات . ما فكرت بهالشي
حمد: اوووووو ... لا .. شو سويت ما فكرت ابدا .. انا .. انا غلطت ..
شوي ورن تلفونه
حمد: الوو
الدريول: ارباب هزا ولد مافي .. انا ما في يجوف جيكو سغير
حمد: الحمدلله ...
الدريول: سنو؟
حمد: ماشي ماشي .. خلاص رد بيتكم
وقفل التلفون
حمد: ما صار شي
ام شيخه: انت مينون .. وما عندك عقل
حمد: سكتي عاد .. راسي يعورني
ورن تلفون حمد مرة ثانية
حمد: منو هذا بعد؟؟ .... هذا يوسف .. بواحمد .. شعنده .. خله يولي ما برد عليه
ام شيخه: رد وجوف شو يبي
حمد: اففف .. الوو السلام عليكم
يوسف: وعليكم السلام
حمد: شحالك؟
يوسف: الحمدلله .. حمد .. بغيت اقولك ان راشد في المستشفى
حمد: شووووووووووووووووو؟؟؟؟؟؟؟
يوسف: هيه .. استوى له حادث اليوم وهو راد
حمد: كيف؟؟ ومنو؟
يوسف: الي دعماه في مركز الشرطة .. وراشد في المستشفى
حمد: هيه .. اانا بيي .. مع السلامة
ام شيخه: خيير شو صار؟
حمد: راشد في المستشفى
ام شيخه: كيف؟ وشو صار؟ ..
حمد: واحد دعماه وهو راد من المدرسه
ام شيخه: منو هذا
حمد: ماعرف بس مسكوه
ام شيخه: ها كله بسبب افكارك
حمد: وانا شخصني
ام شيخه: كله منك .. كله منك .. حسبي الله عليك
حمد: بس عاد .. يعني انتي ما تبين راشد .. لا تسوين عمرج مسكينه .. قومي يالله بنسير المستشفى
في المستشفى..
دخل احمد الحجرة عند ولده بس ما تحمل منظره.. سار عنده ... يلس عداله .. ومسك يده وقال: راشد.. رشودي تسمعني؟؟ .. راشد انا ابوك .. حبيبي رد علي .. قول اي شي بس رد علي .. رد على ابوك .. لا اتم ساكت.. سكوتك يعذبني.. رد علي.. راشد.. راشد حبيبي .. راشد انت روحي .. لا تسير عني وتترك ابوك بدون روح .. لا تتركني بروحي في الكون .. راشد.. امك تركتني وياك.. انت لا تسير وتتركني بروحي . يا راشد ارحم حالي ياولدي .. ماعندي غيرك في هالكون يا رشود.. بعطيك روحي وقلبي وعمري كله بس ترد علي وترمسني يا راشد
وتم يصيييح ..

الجزء الثالث عشر
===============
في سيارة حمد ...
كان حمد يسوق .. وهو يفكر ويقول: يا سلااااام انا ما سويت شي وكل شي استوى بروحه .. انا خططت وكل شي تنفذ.. اقدر ارفع قضية على احمد واسحب الولد منه بحجه انه ما يقدر يربي ولده والحادث إلي استوى هو اكبر دليل.. كل شي يا من عند الله انا خططت وبس وما نفذت شي .. آآآه يا يوسف .. احينه بريح قلبي منك ...احينه بدمرك.. بخليك تجوف ولدك ينهار جدامك .. وباخذ حفيدك منك .. انت بتتحطم بشكل نهائي .. وتم يفكر بكل شي بس قطع تفكيره صوت حرمته ..
ام شيخه: بو محمد .. انتبه ع الطريج انته وانت تسوق
حمد: ها .. هيه زين انج نبهتيني .. انا بسير عند المحامي شوي
ام شيخه: اي محامي يا ريال
حمد: ما يخصج انتي .. احينه اقدر آخذ راشد من احمد .. بحجه ان احمد ما يعرف يربي ولا يقدر يهتم بولده
ام شيخه: صج؟؟؟ يعني خلاص
حمد: طبعا باخذه وبنسافر على طول
ام شيخه: فرحت قلبي يا ريال .. خلني ابشر حمدووه فديتها والله
حمد: بشريها
اتصلت ام شيخه على بنتها حمده بسرعة وبشرتها ان راشد بيكون عندها وهي بتربي ولد اختها .. طبعا حمده استانست واااااااايد .. لأن امنيتها تحققت اخييرا
في المستشفى ..
وصل سعيد.. ودش حجرة راشد.. وجاف احمد في حاله يرثى لها .. سار عنده وحضناه بقووو وتم يهديه ويقوله..
سعيد: يا احمد لا تسوي في عمرك جييه .. راشد ما عليه شي ان شاء الله
احمد: سعيد .. انت ما تحس بإلي احس فيه .. والكلام سهل .. يا سعيد راشد ولدي ولدي افهمني
سعيد: فاهمك والله اني فاهمك
احمد: لا محد يفهمني .. تبوني اهدى وتقولون لي انكم تفهموني
سعيد: احمد استهدي بالله .. حرام إلي تسويه في نفسك
احمد: شو تباني اسوي .. اضحك وارقص؟
سعيد: ما قلت لك اضحك ولا ارقص .. ادعي حق ولدك ترى هذا إلي بيساعده
احمد: اذا صار فيه شي .. انا بموت على طول
سعيد: ان شاء الله ما بيصير فيه اي شي .. انت ادعي الله وتوكل عليه و ولدك بيكون بخيير
احمد: ان شاء الله
وفي نفس الوقت.. كان حمد عند المحامي ويقول له انه لازم ياخذ راشد لأن ابوه ما يعرف يربيه وما يهتم فيه وكان يالس يقنع المحامي بكلامه ..
في المستشفى
احمد يصلي ويدعي ربه انه يحفظ ولده ويقومه بالسلامه .. عقب ما سلم احمد سمع صوت ولده .. قام من مكانه بسرعة وسار عند راشد ومسك يده
احمد: راشد؟؟ حبيبي انت قمت؟
راشد: ابا ماي
احمد: ان شاء الله عمري .. لو تبا روحي بعطيك اياه احينه ...
وياب الماي وسقى ولده بسرعه
وقف احمد وتم يطالع ولده ودموعه تنزل من عينه.. ما قدر يمسك عمره ابدا سار وحضن ولده وباسه وقال: رشوودي .. حبيبي لا تسوي فيني جيه مرة ثانية .. انا بموت اذا جفتك جيه .. رشودي انا احبك وااايد .. وماقدر استغني عنك لحظة .. حبيبي انت إلي بقيت لي في هالدنيا وانا ماعندي غيرك
سكت راشد وما قال شي.. بالاصح ما عرف شو يقول لأبوه .. هذي اول مرة يجوف ابوه بهالحاله حس انه ما يقدر يستغني عنه لحظة .. مسك ابوه وتم يصيح وياه
شوي ودش حمد الحجرة وقال..
حمد: مشهد مؤثر .. نزلتوا دموعي غصبا عني
احمد مسح دموعه بسرعة ولف وقال: هلا عمي
حمد: اهلين
احمد: تفضل ايلس وارتاح
حمد: انا مب ياي عشان ارتاح انا ياي عشان انهي سالفة جدييييمه من بينا
احمد: اي سالفه؟؟
حمد: سالفه راشد
لف احمد على ولده وجافه .. وبعدين طالع حمد وقال: شو بلاه راشد؟؟
حمد: الظاهر ان نسيت كلامنا عقب ما توفت امه
احمد: اي كلام؟؟؟
حمد: مب قلنا انك اذا اهملت راشد .. بتفقد حقك في رعايته
احمد: شووو؟؟ لا .. لا ما تقدر انا ابوه ما تقدر
حمد: انا اقدر .. وبسوي كل شي .. وهاي هي الاوراق إلي تثبت كل شي وانت ما تقدر تنكر كلامك
احمد: بس انا ..
حمد: انت شو؟؟ انت اب فاشل وما تقدر تعتني بولدك ولا شي .. وانت ما تستحق انك تربيه .. انا باخذ راشد وبربيه احسن تربيه .. وانت سير وسوي إلي تباه .. تبا تعرس عرس .. وسوي إلي تباه
احمد: انا ابوه .. ومحد يقدر يسوي شي
حمد: لا خلاص كل شي انتهى .. وهذي هي الاوراق جدامك ناقصه توقيعك
احمد: ما بوقع على شي
حمد: مب ع كيفك.. السالفة انتهت.. واذا انت وقعت بتنتهي السالفة بكل بساطه واذا ما وقعت بناخذ الولد من عندك بالقووه ومحد بينفعك
راشد: انا ماباك .. انا ابا ابوي .. انت جذاب
حمد: جوف تربيتك يا احمد .. اسمع ولدك .. هذا دليل ثاني
حس احمد ان ريوله ما تشله .. حس انه فقد كل شي .. فقد كل شي في لحظة وحده وقال
احمد: بتاخذون ولدي مني؟؟ شو بيكون شعورك اذا احد يا واخذ ولدك بالغصب
حمد: لا تغير السالفه .. اليوم تم عنده وودعه .. لأنه من باجر بيي عندي خلاص
احمد: شوو؟؟ .. باجر ؟؟ بس هذا ولدي انا ..ولدي انت ما تفهم
حمد: ما يخصني .. انا رحمتك شوي وعطيتك يوم تقضيه مع ولدك .. وطلع من الحجرة
سكت احمد وما قدر يرد .. لأن هالسالفة استوت وهو تعباان ومنهار وما يقدر يتحمل اي شي.. هذا ولده .. ولده إلي يموت فيه .. بيروح عنه وهو ما يقدر يسوي شي .. وقف احمد وتم يتأمل كل شي من حوله .. تم يطالع ولده وقرب منه وحضنااه بكل قوته .. وبعدين تركاه وطلع .. طلع من غرفته وحس بصداع شديد .. ما قدر يتوازن .. وطاح واغمى عليه .. ركضوا عنه الدكاتره وشلوه وتموا يحاولون انهم يقومونه .. فتح احمد عينه وقال
احمد: راشد .. لا تتركني بروحي يا ولدي .. وقال للدكاتره .. طلعوا برع وخلوني بروحي وغمض عينه
في بيت مهره
خالد راقد .. ومهره عيزت من كثر ما توعيه
مهره: خلوووود يالله قووم .. تراك طفرتني والله
خالد: يا مره خليني رااقد .. تراج اذا وعيتني وقطعتي حلمي ما بحبج وبطلقج بسرعه
مهره: إلي يسمعك احينه يقول اني ميته اباك تحبني .. يالله قووم
خالد: شو هالكلام .. عطيتج ويه ركبتي فوق راسي
مهره: انت شو بلاك؟؟ .. قوم يالله فكني ... تراك طفرتني والله لين متى بتم راقد
خالد: لا والله ... وانتي يايه تتحكمين فيني وفي وقت رقادي .. يكون في علمج اني لين احينه متحملج
مهره: صج؟؟؟؟؟؟؟
خالد: هيه .. انا ما اباج ولا كنت ابي آخذج ولا شي .. انا كنت ابي بنت خالتي بس امي اصرت عليج انتي .. وانا اطريت وخذيتج
مهره: ها كلام يديد .. اول مرة اسمعه
خالد: طبعا .. تتحريني ميت عليج .. انا ماخذج تجربه وبس
مهره: شو انا سيارة .. ولا كندوره .. تجربني وبعدين تفرني
خالد: طبعا .. اجرب بالحلال احسن مما اجرب بالحرام
مهره: انت بعقلك؟؟
خالد: شو تتحريني مينون
مهره: خالد .. انت ليش تسوي فيني جيه؟؟
خالد: كيفي .. الكل يقول اني خبل .. بس انا بثبت لهم اني اقدر اسوي الي اباه
مهره: .......... (وتمت اتصيح(
خالد: بس عاد مابي اجوف دموع التماسيح .. امسحيهم بسرعه .. تصيح بدون سبب .. امسحيهم احسن مما ايي واصكج بكف .. واخلي لدموعج سبب
مهره: لا والله .. ابوي ما سواها وانت ياي و ........
بعدها مهره ما كملت كلامها .. ولقت لها كف قووي من خالد
خالد: يوم الريال يرمس .. المرة تسكت وما تقول شي .. اطلعي برع احينه وما ابي اجوف ويهج ابدا
طلعت مهره وهي تصيييح وما عرفت شو تسوي .. تكلم امها إلي ما بتسوي لها شي .. ولا ابوها إلي بتزيد من عذابه ولا احمد إلا مب متحمل شي عقب إلي استوى لولده .. نزلت راسها وتمت اتصييح .. وقالت محد بيساعدني ومحد بيتحملني .. كل واحد لازم يتحمل مشكلته
يوم عصييب مر على احمد ومهره .. احمد بيفقد ولده وما بيجوفه .. ومهره حست انها فقدت كل شي .. فقدت حياتها وضيعت عمرها
وفي مكان ثاني .. في بيت سعيد
يلس سعيد بروحه في الصاله وتم يفكر بحال احمد وفكر بمهره.. وسرح شوي.. قطع سرحانه صوت امه وهي تناديه ..
ام سعيد: سعيد .. من متى وانا اناديك ليش ما ترد علي؟؟ شو بلاك؟
سعيد: لا ماشي .. بس كنت افكر في احمد
ام سعيد: احمد وبس؟؟؟ متأكد؟
سعيد: هيه
ام سعيد: يعني ما فكرت في اي شخص ثاني
سعيد: شخص ثاني؟؟ مثل منو؟
ام سعيد: وحده حلوه
خاف سعيد وقال في خاطره لا يكون انا قلت شي بالغلط وبعدين سأل امه : وحده حلوه مثل منو؟
ام سعيد: مالت عليك وعلى ويهك .. انا اقصد خطيبتك يا ريال .. خطيبتك إلي ما تتصل عندها ابدا .. ولا تهتم فيها ولا جنها خطيبتك .. يا ريال حرام عليك
ارتاح سعيد شوي وقل: ان شاء الله يا يمه بتصل عندها اليوم
ام سعيد: اتصل عندها احينه
سعيد: احينه؟؟ .. بس يمه
ام سعيد: لا بس ولا شي
سعيد: ان شاء الله
ام سعيد: مب تقول لها شحالج وشخبارج .. وتقفل .. ارمس عدل .. وراوني شطارتك
سعيد: ان شاء الله يمه
ام سعيد: انا بسير حجرتي وانت خذ راحتك
سعيد: لا افا عليج يمه شو انا بقول لها سر
ام سعيد: هيه ... انا بسير حجرتي
سعيد: خلاص براحتج
طلعت ام سعيد .. واتصل سعيد عند خطيبته
سعيد: الوو السلام عليكم
نورة (خطيبة سعيد) : وعليكم السلام
سعيد: شحالج؟؟
نوره: الحمدلله بخير .. انت شحالك؟
سعيد: يسرج الحال
وسكتوا اثنيناتهم فترة
سعيد: وشعلومج بعد؟
نورة: الحمدلله
سعيد: شو الدراسة؟
نورة: انا خلصت الجامعة واشتغل احينه
سعيد: صج؟؟ ما شاء الله عليييج
نوره: هيه .. سعيد .. الظاهر انك ما تعرف عني اي شي
سعيد: لا افا عليج .. بالعكس انا اعرفج عدل .. بس انا هالايام مشغووووول واايد .. ربيعي متلعوز واايد ومشغوول واايد .. انا اعزج يا مهره واايد
نوره: لا يا سعيد .. الظاهر انك ما تعرف عني اي شي .. حتى اسمي .. انا اسمي نورة
سعيد: والله اني آسف ما قصدت شي .. بس صدقيني انا
نورة: ما عليه .. ولا جني سمعت شي
سعيد: سامحيني يالغالية .. انا كنت ياي اقولج سالفه والسالفه فيها اسم مهره وقلتلج انا اعزج يا مهره
نوره: هههههه صج؟؟ .. وشو هي السالفة؟
سعيد: كله منج نسيتها .. خليتيني انساها
نوره: ههههههه لا والله
سعيد: هيه انا يوم احط في بالي شي وبعدين اي شخص ثاني يغير السالفة وجيه انسى إلي كنت بقوله
نوره: هههههههه الله يعيني دامك جيه
سعيد: ههههههه هيه والله
وتموا يتسولفون فترة طويله .. وسعيد يقول في خاطره الحمدلله عدت السالفه على خير ..
في اليوم الثاني
في بيت حمد
وقف حمد جدام المرايا وحس انه انتصر وحقق كل شي .. وانه حطم يوسف واحمد وانه كسب كل شي .. حس براحه عقب إلي سواه عقب ما حطم قلب اب حنون يموت في ولده ..
ما فكر بلحظة انه مثل ما حطم يوسف وولده ممكن اييه اليوم إلي يتحطم فيه هو ولده .. حتى اذا كان ولده ما سوى شي وماله ذنب .. الدنيا دواره .. ويوم لك ويوم عليك ..
عدل حمد غترته .. وتم يطالع تذاكر السفر .. وبعدين زقر حرمته
حمد: يالله زهبي عمرج .. بنسافر اليوم
ام شيخه: اليوم؟؟
حمد: هيه اليوم انا بيب راشد وبنسير المطار
ام شيخه: على امرك
وسارت ام شيخه وكلمت بنتها وولدها وقالت لهم انهم بيسافرون اليوم عقب ما خلصوا كل شي وحققوا امنيتهم
وصل حمد المستشفى .. وسار عند الدكتور ووقع على اوراق راشد وسار وشلاه (لأن راشد انكسرت ريله وما يقدر يمشي) .. وبعدين تذكر احمد.. سأل الدكاتره عنه وقالوا له انه مريض وانه مرقد في المسشتفى
سار حمد عند احمد ودش حجرته وهو شايل راشد
حمد: يالله انا بسير احينه .. من طيبتي يبت لك راشد .. عشان تجوفه لآخر مرة في حياتك
سكت احمد وما قال شي
ضحك حمد بصوت عالي .. وحس انه انتصر خلاص ومحد قده كسب كل شي وانه حطم احمد خلاص وشل راشد إلي كان يصيييح وهو يجوف ابوه وهو مريض
راشد: يدي حمد .. ارجوك خلني اتم عند ابوي .. يدي حمد نزلني ارجوك .. مابي ابعد عن ابوي يدي حمد .. انا احب ابوي .. يدي حمد لا تبعدوني عنه .. انا انا ماروم اعيش بعيد عنه
حمد: اسكت يا راشد انت ما تعرف شي بعدين بتشكرني لأني بعدتك عن ابوك
راشد: يدي حمد .. ارجوك خلني احضن ابوي
حمد: اففف .. خلاص بوديك عنده
وقرب حمد راشد من عند ابوه .. لصق راشد في ابوه وحط راسه ع صدره وتم يصيييييح بصووت عالي وكان يشهق ويصييح .. ما تمنى انه يبعد عند ابوه لحظة .. بس الدنيا فرقتهم
مسح احمد راس ولده وقاله: راشد.. انت ريال .. ولازم ما تصيح .. وتتحمل كل شي .. صج انهم فرقونا عن بعض .. لكن قلوبنا وارواحنا بتم مع بعض دووم.. رشودي.. كل ما تحس بضيج ولا شي .. غمض عينك وتخيلنا انا وامك .. وتذكر اننا بنكون وياك للأبد وما بنتخلى عنك ابدا.. الله فوقهم .. والله بيجازيهم كلهم .. ومثل ماهم فرقونا .. الله سبحانه وتعالى بيجمعنا ... تذكر كلامي عدل.. يمكن ما بتفهمه احينه .. لكن بيي اليوم إلي بتفهم فيه كل كلمه .. امسح دموعك .. وكن ريااال اعتمد على نفسك.. وسامح ابوك لأنه ما بيده حيله .. استغلوا ضعفي واضرابي .. وسلبوا مني اغلى ما املك .. سامحني يا رشود ما قدرت اسوي لك شي.. سامحني يا ولدي الغالي قصرت في حقك وماهتميت فيك .. وسامحيني يا شيخه .. ضيعت الامانه وما رعيتها
وطاحت دموعه على راس ولده .. رفع راشد راسه ومسح دموع ابوه وقال: يا يبه .. اقسم لك اني برجع لك .. اقسم لك اني برجع لك .. وبعيش وياك .. اترياني
ابتسم احمد .. وتم يطالع ولده وما شل عينه عنه .. قرب حمد وشل راشد وطلع من حجرة احمد.. حاول راشد انه يمسك دموعه بس ما قدر ترك دموعه تنزل ع جتف يده حمد
وحمد ماهتم بإلي صار وكمل طريجه ولا جنه جاف شي ولا حس بشي .. وهو طالع جاف يوسف في ويهه ضحك حمد ضحكت النصر بس رد عليه يوسف وقاله: لا تفرح وايد .. ترى الدنيا دواره .. يوم لك ويوم عليك .. راشد ولدنا.. وما بيعيش إلا في حضن ابوه
حمد: كلامكم هذا ما يأثر فيني انا شفيت غليلي وطفيت ناري وارتحت خلاص وما عاد يهمني شي
وطلع حمد من المستشفى .. وركب سيارته .. وسار المطار .. وسافر هو حرمته وعياله وراشد

الجزء الرابع عشر
===============
بعد يومين طلع احمد من المستشفى وكانت حالته النفسية سيئة جداً وما كان يرمس مع اي احد ولا ياكل ولا شي .. ما تحمل يوسف انه يجوف ولده بهالحاله وما يسوي شي .. سار عند ولده عسب يرمسه ويهديه شوي
يوسف: احمد .. انت مشغول؟؟
هز أحمد راسه بالنفي
يوسف: احمد .. انت ولدي الوحيد وما احب اجوفك بهالحاله ابدا .. يا ولدي خل كل شي على الله سبحانه وتعالى .. وراشد بيرد لك انت وبس
احمد: يبه .. مب انت قلت اني ولدك الوحيد ؟؟ .. تخيل اني كنت صغير ويا واحد وشلاني منك غصبا عنك شو بتسوي؟؟ .. يبه راشد ولدي الوحيد .. يبه افهمني انا ما عندي غيره ابدا
يوسف: احمد هدي اعصابك .. ولدك بيرد لك انت وبس
احمد: يبه .. انا تعبت شوي وراشد راح عني .. يا يبه حرام عليكم ما سويتوا شي .. انا طحت والكل طاح وراي.. يا يبه حرام عليكم.. كل شي على راسي انا .. راشد حفيدك وانت تحبه ولازم تدافع عنه بعد مب تستلم لحمد وخلاص
يوسف: احمد انا تفاجأت و....
احمد: يبه خلاص كل شي راح .. وانا ماقدر اتحمل بعد .. بتم بروحي ما ابي احد يرمسني ولا شي
يوسف: وانا بعد؟؟ ما تبا ترمسني؟
احمد: يا يبه ما قصدت جيه
يوسف: ما عليك انا مقدر حالتك .. اليوم مهره بتيي وتبا ترمس وياك
احمد: يبه ما ابي اجوف احد
يوسف: عاد انت تفاهم وياها
احمد: يصير خير
يوسف: انا بسير عند امك احينه .... وطلع من الحجرة
وفي الصالة كانت ام احمد يالسه بروحها وتفكر في ولدها وحفيدها وحياتها وكانت تسترجع ذكرياتها يوم كان عمرها 18 سنة.. وتقدم لها حمد (بوشيخه) لأول مرة وهي رفضته لأنه ما كان يشتغل وكان حاد الطباع.. وتقدم لها يوسف ووافقت عليه على طول لأنها كانت تبا تفك من حمد وتثبت له انها رافضته وبشكل نهائي.. تمت ام احمد تفكر بكل شي وتقول في خاطرها: معقوله .. معقوله حمد بعده يتذكر ذيج السالفة؟؟ ..بعده يتذكر اني رفضته وياي ينتقم وياي يدمر حياتنا كلنا؟؟ بعده حاقد علينا .. ماصدق ..هالشي مستحيييل .. ماقدر اصدق ولا استوعب هالشي ابدا ... وتمت تفكر اكثر وقطع تفكيرها صوت يوسف
يوسف: عاشه
ام احمد: هلا بواحمد .. شحاله حمود احينه؟
يوسف: على حاله .. يلومنا لأننا ما سوينا شي
ام احمد: هييه .. آآآآه يا ولدي .. ها كله بسببي
يوسف: ها؟ بسببج انتي؟ .. ليش شو صار؟ .. شو مسويه؟
تذكرت عاشه ان يوسف ما يعرف شي عن سالفه حمد وبعدين قالت: لا لا ماشي انا قصرت في حقه وحق راشد
يوسف: هييه
ام احمد: انا بسير حجرتي
يوسف: شو بلاج؟؟ في شي مضايجج؟
ام احمد: لا ماشي
يوسف: بس ويهج يدل على انج تعبانه .. اوديج المستشفى؟؟
ام احمد: لا ما عليه بسير وبرقد وبرتاح
يوسف: هيه مهره بتيي اليوم
ام احمد: صج؟؟ .. خير ان شاء الله
يوسف: عاشه قبل لا تسيرين بسألج
ام احمد: خير؟
يوسف: ليش ما تحبين مهره شرات ما تحبين مريم؟
ام احمد: انا احب كل بناتي
يوسف: بس انتي تحبين مريم وميره اكثر .. مهره حليلها ما سوت شي
ام احمد: لا سوت وايد
يوسف: صج؟؟ .. يعني ما تحبين مهره
ام احمد: ها .. لا لا احبها
يوسف: شو مسويه مهره؟
ام احمد: ماشي
يوسف: قولي
ام احمد: كل السالفه انها محتله قلب بواحمد
يوسف: ههههههههههههههههههههه .. احلفي انتي بس .. تغارين من بنتج؟
ام احمد: ماعرف
يوسف: صج والله تغارين منها؟؟
ام احمد: هيه
يوسف: افا عليج انتي الاصل.. انتي ام عيالي ورفيجة دربي .. وإلي ما تخش عني شي ولا اخش عنها شي .. وإلي تحملتني واايد
ما عرفت شو تقول وكيف ترد على يوسف خاصه بعد ما قال انها ما تخش عنه شي..
نزلت راسها وقالت: يوسف بسير حجرتي احينه
ابتسم يوسف وقال: خلاص ما عليه سيري وارتاحي
وقفت عاشه في مكانها وما قدرت تتحرك .. وبدت دموعها تنهمر رفعت عاشه راسها وجافت يوسف.. استغرب يوسف من إلي يجوفه عاشه تصيح .. قرب منها وقال
يوسف: عاشه فيج شي؟؟ شي يعورج؟؟ عاشه قولي بوديج المستشفى احينه
ام احمد: لا يا يوسف .. لا انا السبب فإلي صار لأحمد .. انا السبب
يوسف: منو قال .. انا اهملت احمد واهملت هالسالفة وانا إلي لازم يتحمل هالشي
ام احمد: لا يا يوسف.. انا السبب انت ما تعرف ان حمد خطبني قبلك وانا رفضته.. وانت تقدمت لي ووافقت عليك .. وبعدها قالي انه بيدمر حياتنا .. يوسف انا السبب انا السبب
يوسف: هييه احينه فهمت .. فهمت كل شي .. فهمت سبب كره حمد .. سيري الحجرة وارتاحي.. مب وقت اللوم احينه إلي صار صار
ام احمد: وشو بتسوي
يوسف: بتعرفين كل شي في وقته.. بس لا تنسين ان مهره يايه اليوم
ام احمد: ان شاء الله .. وطلعت حجرتها
وفي نفس اليوم عقب صلاة المغرب يت مهره وكان التعب ظاهر عليها .. استقبلها ابوها عند الباب وابتسم اول ما جافها وبعدين قال
يوسف: مهرووه .. شو بلاج يمه؟؟ تعبانه؟
مهره: لا ماشي
يوسف: مهره .. مهره شو هذا؟؟؟
ارتكبت مهره وبعدين قالت: شو ؟؟
يوسف: شو هالعلامه؟؟ منو ضرباج؟
مهره: اي .. هالعلامه؟؟ لا يبه انا تعورت
يوسف: تقصين علي؟؟ .. مهره منو ضرباج؟
مهره: محد .. يبه قلتلك اني تعورت
يوسف: خالد؟؟
مهره: شو بلاه؟
يوسف: مهره .. ردي علي خالد ضرباج
سكتت مهره وقالت: لا يبه .. قلتلك تعورت ... احمد وينه؟؟
يوسف: احمد في حجرته
مهره: بسير عنده
يوسف: مهروه حبيبتي .. اذا كان خالد هو إلي ضرباج تراني ما بسامحه ابدا .. ولا بسامح عمري
مهره: لا يبه ما صار شي .. وبعدين لا تقول جيه
يوسف: خير ان شاء الله .. سيري عند اخوج .. تراه محتاج لج واايد
مهره: وانا بعد
يوسف: هيه اعرف .. وابتسم
طلعت مهره بسرعه وسارت عند اخوها ودقت الباب
مهره: بدخل ها .. ودخلت
احمد: الناس يقولون ممكن ادخل .. مب بدخل ها
مهره: ههههه ... لأني اعرف اذا قلتلك ممكن ادخل بتقفطني وبتقول لأ
احمد: هههههه .. زين تعرفيني عدل
مهره: اخيييييييرا ضحكت .. من متى اتريا هالضحكه
احمد: البركه فيج
مهره: احمد .. لا تخاف على راشد .. ترانا بنيبه لك .. حمود لا تخاف ترا ابوي ما بيسكت وانت ارتاح شوي وانت بعد بتقدر تاخذه غصبا عن الكل هذا ولدك انت ومحد يقدر يتدخل
احمد: ان شاء الله
مهره: يالله انت ارتاح ولا تفكر وايد ترانا كلنا وياك
شوي ورن تلفون احمد
احمد: هذا سعيد ..
مهره: رد عليه
احمد: اوكي ... السلام عليكم
سعيد: هلااااااااا وعليكم السلام اخيرا رديت علي
احمد: اهلين
سعيد: شحااااااااااالك؟؟
احمد: الحمدلله انت شحالك ..
وفي نفس الوقت .. اشرت مهره لأحمد على اساس انها بتظهر
احمد: لحظة شوي سعيد .. مهره اتريي لا تسيرين
سكت سعيد وما قال شي
احمد: اسمح لي كنت ارمس اختي
سعيد: لا عادي بس اذا مشغول ولا شي بدق لك عقب
احمد: لا عادي مب مشغول .. شحالك وشخبارك؟؟
سعيد: والله تماام
وتموا يتسولفون ومهره كانت اطالع صورة شيخه.. وتتذكر الايام الماضية .. وايام شيخه واحمد .. وتذكرت شكثر كان احمد مرتااح ومستانس وياها.. ابتسمت مهره ابتسامه خفيفة وقالت في خاطرها: آآآه يا شيخه احمد محتاج لشورج احينه .. محتاج لج واايد في هالفترة
خلص احمد مكالمته وقفل
احمد: مهرووه ... مهره وين وصلتي؟
مهره: ها؟؟ لا وياك
احمد: هيه مبين .. شو تسوين هناك؟
مهره: ههههه لا ماشي كنت اترياك تخلص
احمد: هييه
مهره: شو بلاه سعيد؟
احمد: لا ماشي يسولف وبس
مهره: هييه
احمد: مهره؟؟
مهره: هلا
احمد: انتي مرتاحه مع خالد؟؟
مهره: هيه .. ليش تسألني هالسؤال احينه؟؟
احمد: لا بس شكلك تعبانه وايد
مهره: لا بس مب متعوده ع الجو
احمد: هيييه .. الله يعينج ويصبرج
مهره: آميين
مرت الايام والاسابيع ومروا خمس اشهر واحمد ما ترك مكتب محاماه إلا وسار له بس لأنه يبي يرد ولده بأسرع وقت ممكن .. تعب احمد ورد بيته عسب يرتاح وتفاجأ يوم لقى مهره في البيت
احمد: مهره.. خير شو بلاج؟ تعبانه من شي؟
مهره: ههههه الناس يسلمون
احمد: السلام عليكم .. شو بلاج؟
مهره: وعليكم السلام والرحمة .. ماشي اشتقت لكم وييت
احمد: لا بس شكلج تعبانه مهروه قولي شو بلاج؟
مهره: لا والله ماشي بس حسيت بتعب وييت وبسير المستشفى انا وامي بعد شوي بس كنا نترياك
احمد: هييه .. يالله عيل قومي شو تتريين .. ازقري امي
مهره: لا حمود مب احينه انت تعبان وايد
احمد: لا مب تعبان ولا شي يالله قومي
وسارت مهره وزقرت امها وساروا المستشفى.. وبعد الفحوصات عرفوا ان مهره حامل بالشهر الثاني وطلعوا من المستشفى ..
في السيارة
احمد: يمه شو قالوا لمهره؟؟
ام احمد: لا ماشي
احمد: شو لا ماشي جوفي ويهها
ام احمد: قلتلك ماشي
احمد: طالع اونه تخبون عني .. مهره شو قالوا لج
ام احمد: ياللقافه
احمد: اختي وابا اتطمن عليها
ام احمد: ماشي اختك حامل
احمد: والله؟؟ صج؟؟؟ مهره صج
مهره: ههه هيه صج
احمد: اخيييرا .. بيون يهال وبيزقروني خالي احمد
ام احمد: وعيال اختك مريم؟
احمد: لا هيول انا ما اعترف فيهم
ام احمد: لا والله؟؟ وليش ان شاء الله؟؟
احمد: عيال مهره غيير
مهره: سويتهم عياااال بعد .. هو واحد وبس
احمد: هههههه من الفرحه والله
سكتت مهره وما ردت عليه ابدا.. كانت حاسه بضيج.. وما بغت هالشي يصير بهالسرعه .. بس الله سبحانه قدر لها هالشي
احمد: مهروه .. اوصلج بيتج؟
مهره: هيه
احمد: خلاص عيل
وصلت مهره بيتها ونزلت من السيارة عقب ما سلمت على امها واخوها.. دشت بيتها وكانت تعباانه وتفكر برده فعل خالد.. تعرف انه ما يحبها وهي بعد ما تحبه ابدا .. فجت مهره باب حجرتها ولقت خالد في ويهها
خالد: وين كنتي؟
مهره: كنت عند امي .. قلتلك اليوم الصبح
خالد: هيه صح .. بس ليش تأخرتي
مهره: سرت المستشفى
خالد: ليش ان شاء الله .. شو فيج؟
مهره: كنت تعبانه واايد
خالد: صج؟؟ من متى؟
مهره: من زمان بس انت مب حاس بشي
خالد: افففف وشو قالوا لج؟
مهره: قالوا اني حامل
سكت خالد وما عرف شو يقول .. تم يطالع مهره وهو مصدوم وبعدين قال: صج؟
مهره: هيه
خالد: وليش جيه متضايجه؟
مهره: مب متضايجه تعبانه وبس
خالد: امبلا متضايجه .. لأنج تكرهيني .. وما تبين هالياهل صح؟
مهره: انت شو تقول؟
خالد: اقول الصج .. انتي تكرهيني وما تبينه صح .. انا بخلصج منه وللأبد
مهره: انت مينون؟؟
خالد: هيه قوليها .. انتي من زمان تبين تقولين هالشي .. تبين تقولين اني مينون انا اراويج يا مهره
مهره: بس خلاص تراك ذبحتني والله .. لوعت بجبدي ييت افرحك وانت قلبت السالفه هواش
خالد: انتي إلي تبين هالشي .. وبعدين انا شو ظمني انه ولدي؟
مهره: نعم؟؟؟؟
خالد: شو إلي يثبت لي انه ولدي
مهره: خالد انت فيك شي اليوم؟؟
خالد: مهرووه .. تأدبي
مهره: وانت بعد شو هالكلام.. يعني تتخيل انه مب ولدك؟.. تظن اني ....... خالد لهالدرجة يعني.. ما هقيتها منك والله.. ما هقيتها منك يا ولد عمتي.. خالد انا وانت متزوجين من خمس اشهر تعرف شو معنى هالكلام؟؟
سكت خالد وما عرف شو يرد.. بس قال في خاطره انه اذا سكت احينه مهره بتتمرد اكثر واكثر وقام وصفعها وقال: انتي في اي شهر احينه؟
مهره: الثاني
خالد: جدامج خمس اشهر وبس .. وبعدين بنتأكد اذا كان ولدي صج ولا شي ثاني
وطلع من الحجرة
يلست مهره ع الكرسي وتمت اتصيح وتقول: ياااارب .. يا رب شو هالمصيبة يارب انت اعلم بكل شي يا رب .. يارب انا زوجته من خمس اشهر يارب ساعدني.