منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-26-2011

الــــــــبــــــــــ ( 19 ) ـــــــــــــارت

*******************************

أم الجوهره حمدت ربها إن الأمر صار لما وصلوا للبيت ألتفت لهديل و مزون وغمزت ينزلون بس الجوهره حست فيهم يوم نزلوا بس بندر أسرع منها وقفل الباب عنها ولف عليها بعصبيه ومسك يدها بقوة
بندر(صر على ضروسه عشان ما يصرخ) : الجووووووووووهررررررررره طلاقك هاه
هديل(تمسك يد أمها) : يمه الجوهره
أم الجوهره : مهي مع غريب مع زوجها
هديل : بس
أم الجوهره : مالك دخل
مزون (بهمس) : هدوله أنا خايفه على الجوهره شفتي نظرت بندر لما قالت مو تطلقني
هديل : يا ويل حالي والله كنت بعملها على نفسي من الخوف الله يعينك يالجوهره
الجوهره(تصر على ضروسها) : أفتح الباب
بندر(يخزها وبعصبيه) : كيف تسمحين تردين علي بهذا الأسلوب
الجوهره(تحاول تفتح الباب وبعصبيه) : كيفي فاهم كيفي أفتح الباب لا أكسره
بندر(لف ومسك يدها وشد عليها وبعصبيه) : دام صرتي حرم بندر مو كيفك فاهمه
الجوهره تتألم من مسكته بس ما انكسرت عينها ركزت في عيونه
الجوهره : لو أنك احترمت أني صرت حرمك تعال وكلمني وحاسبني
بندر (بعصبيه) : أكلمك وأكسر راسك أنا خابر الوحدة تستحي من زوجها ما صار لنا يومين مملكين وأنتي عينك قويه
الجوهره(بعصبيه) : أنت وش تحسبني ما أحس ولا تبيني أستحي وأموت حيا لما أشوفك يا أخي أنت مأخذ مقلب في نفسك أنت حتى كسرت فيني فرحت العروس وحياها
بندر أنتبه إن في أحد يقرب لهم انتبه أن عمها وشاف الجوهره لما ألتفت له وبنظرتها اشمئزاز وحقد لعمها أستغل الفرصة وسحب شنطتها منها
الجوهره(بعصبيه) : هيييييييييييييه جب شنطتي
بندر(يدور في الشنطة) : وين جوالك
الجوهره (تحاول تأخذ شنطتها منه) : وش تبي في جوالي لا تفتش جيب الشنطه
بندر(لقى الجوال أخذه ورمي الشنطه عليها) : بتصل على جوالي من جوالك عشان الرقم وخزني جوالي عنك
الجوهره : لا أنا ما أبي أعرف رقمك
بندر(يدق الأرقام) : غصب عنك وبتصل وكلميني
الجوهره(بعصبيه) : تحلم
بندر(لف ومد الجوال ويوم مدت يدها مسك يدها) : أنا حذرتك أذا اتصلت ردي
الجوهره(تسحب يدها وتدخل الجوال بالشنطه وتنزل) : تحلم يا بندر تحلللللللللللللللللللللللللللللللم

يا | جرح | ..!
لو تلتهب ماهي على كيـفك
الحاجه اللي تذل النفس
مابيها ..}
يا | جرح | ..!
لو في خفوقي ماكنٍ سيفك
العزة اللي براسي منت قاويها
يا | قلب | ..!
ياللي جروحك من مواليفك
ناسٍ سعت في {عذابك}
ليش تغليها ..؟!!

سكرت الباب بعصبيه ومرت من عند عمها ولا عبرته ولا حتى بسلام بندر عقد حواجبه على حركتها وكتم غيضه ورسم بسمه يوم شاف عمها يقرب نزل احترام له وسلم عليه
العم : كيفك يالمعرس
بندر : بخير
العم : عساك فرحان مع الجوهره
بندر(أبتسم) : الحمد لله
العم : ما تجي تتغدى عندنا بكره
بندر: والله مشغول يا عم بس لخاطرك وخاطر عمتي خلاص بجي بعد بكره (طالع ساعته) أسمح لي بروح لبيت خالي عشان أهلي فيه بس حبيت أوصل عمتي والبنات بالأول
العم : مسموح بس هاه ترى العزيمة بعد بكره وما في أحد في البيت بس أنا وعمتك أم الجوهره وبناتها الباقي مسافرين للشرقية وأنت صرت من أهل البيت
بندر : تسلم يالله مع السلامة
العم : مع السلامة

عم جواهر متزوج أمها مثل ما قلت بعد ما توفى أخوه وغصبها تأخذه لأن أمها جميله بعد ما تزوجها سكنت مع بناتها في ملحق البيت والبيت الرئيسية لزوجته أم عليان ولدها الكبير ما عنده غير ولد واحد و بنت

*****************************************

نعود للحفل أم إبراهيم توصل أم سيف للباب وتودعها بعد ما شكرتها لحضور الحفلة وتشريفها اللي تفتخر فيه أم سيف رغم أنها مو على علاقة متينة مع أم إبراهيم عكس العلاقة بين أبو سيف وأبو إبراهيم إلا أنها ارتاحت لها وحبتها

أم إبراهيم : زورينا مره ثانيه مو بس بالعروس نشوفك
ام سيف : والله مشاغل بس أوعدك أزورك ترى صرتي غالية
أم إبراهيم : الله يعزك
أم سيف (بهمس) : إلا بسالك هي خوله مخطوبه لأحد
أم إبراهيم(ابتسمت) : لا ليه ليكون حطيتي عينك عليها
أم سيف (ابتسمت) : لا ما اقصد شيء الله يرزقها يا رب بس بيني وبينك حبيتها هالبنت
أم إبراهيم : والله خوله بنت تنحب وهي تربيتي وتربيه أختها أم بندر
أم سيف : ونعم التربية وسمر هي خطوبه ولا محيره لأحد عيال عمامها
أم إبراهيم : لا
أم سيف : الله يرزقهن يالله مع السلامة
أم إبراهيم : مع السلامة (لفت وشافت ليالي تلبس عباتها) بدري وين
ليالي : هلا عمه والله مصدعه اعذريني
أم إبراهيم : العادة تنامن هنا أذا خلص العرس
ليالي : لا هذاك أول تذكرين يوم عرس نجود قبل 6 سنوات كان عمرنا صغير لا ونمنا 3 أيام بعد ما صدقنا هههههههههههههه
ام إبراهيم : هههههههههههههه كان يوم عمك ما نام منكن
ليالي( باست رأسها) : بطلع ناصر ينتظرني تأمرني على شيء
ام إبراهيم : سلامتك وسلمي على ناصر
ليالي : يوصل مع السلامة
أم إبراهيم : مع السلامة (في نفسها) ما شاء الله والله كبرتي وأحلويتي يا ليالي إلا صرتي جمال لا إله إلا الله الله يرزقك يا رب ويسعدك
ليالي طلعت بعد ما حطت غطاها على وجها ابتسمت يوم شافت سالم عند الباب الخارجي ويشوف جواله ما قدرت تمر لأنه واقف في الممر
ليالي : السلام عليكم
سالم(انتبه للبنت) : وعليكم السلام
ليالي : ممكن يا خوي تزيح ماروم أسير برى
سالم : نعم وش ماروم
ليالي : هيه ماروم يعني عدكم بالسعودي ما اقدر
سالم(عقد حواجبه ) : اممممم أنتي إماراتيه
ليالي : هيه
سالم : مو أنتي فوزيه
ليالي : تذكرني للحين
سالم(أبتسم وفي نفسه) : يا ويل حالي وانا أقدر أنسى جمالك اللي سلب عقلي يوم شفتك بعرس خالد
ليالي (تطالع جوالها يوم رن) : هاي أخوي ممكن أطوف هو برى ينتظرني ما أباه يرتبش علي
سالم(أبتعد) : طوفي
أنتبه سالم لأسواره وأن شافها على البنت اللي كانت مع أمه وتسولف يوم دخل يغير ثوبه هي نفس الأسوار اللي لفتت نظره بشكلها ولمعتها القوية قرر يشوف من أخوها طلع سالم وشافها تتجه للسيارات الكثير وركبت(صعدت) سيارة أنصدم يوم شافها سيارة ناصر بس ما يعرف وش دخل البنت الاماراتيه بناصر خاف إن ناصر يعرفها أو متواعد معها وتعوذ من الشيطان وقرر يتصل
سالم : ألو
ناصر : هلا
سالم : وينك ما لقيتك بالمجلس
ناصر : أبدا بس ليالي رأسها يعورها شوي اتصلت أوصلها للبيت ما بتأخر برجع عشان نروح للأستراحه عند الربع
سالم (أنصدم بس ضبط نفسه) : ليالي هو معك أحد غيرها
ناصر : لا ليه تسأل
سالم : لا قلت يمكن عمتي بتروح
ناصر : لا بس لولو معي بوصلها وارد
سالم(أبتسم) : بنتظرك (سكر الجوال وتذكر شكلها) هذا أنتي ما شاء الله فرق وجمال قلبي خلاص ما اقدر تغيرتي يا لولو وصرتي أجمل نساء المملكة وش المملكة العالم كله ههههههههههههههه ياويل حالي على الإماراتي يا حظك يا ناصر جالس جنبها يا ليتني أنا اللي جنبها كان ما أخليها تنزل واترك الدنيا لخاطر عيونها وليه ياليت قريب بيكون حقيقة وواقع ادخل قبل انهبل هي جننتني قبل أشوفها وجننتني زيادة يوم شفتها لا إله إلا الله وين مخبيه كل هالجمال يا عيون سالم

لو الديار تحس ب / إحساس الأصحاب ..
حست معي كل الرياض بغلاكم ..
ولو العيون ليا { غفت / .! شافت أحباب .. }
نامت عيوني لجل ... تسهر معاكم ,,
ياللي غلاهم ساكن عيون و أهداب
الله يعين [ القلب ] حتى لقاكم ,,

****************************

يحس الفضول ذابحه يبي يعرف هي حلوه ولا بس عيونها وما يبغى أمه تشك فيه

سيف : يمه عسى عرسهم زين
الأم : ما شاء الله والله حلو وعلى مستوى
سيف : الحمد لله والله إن نسيبهم وجه يبشر بخير
عبدالرحمن : الدكتور مشاري ونعم الرجال
سيف : تعرفه
عبدالرحمن : أيه كذا مره أتواجه معه في بيت سالم لما أكون عندهم ويجي مرات الأستراحه عند الشباب
سيف : هذي آخر بناته
عبدالرحمن(أبتسم وبغى يبوس أخوه أنه فتح المجال له) : .....................
الأم : لا في أصغر منها
سيف : مزيونه
الأم : وش تبي فيها مزيونه ولا شينه
عبدالرحمن : علامك لا يكون ناوي على الثانية
سيف : لا واللي يرحم والديك أم سلطان مكفيتني الله يخليها لي
عبدالرحمن : هههههههههه الله يخليها لك أخاف من الخوف لا تعرف انك تسأل عن البنات
سيف(خزه) : نذل
الأم : ما شاء الله والله حفيدات سالم مزيونات
عبدالرحمن : ومن الأزين فيهن
الام : وش لك فيهن
عبدالرحمن(أرتبك) : هاه ما اقصد سؤال
الام : لا تسأل باللي مالك فيه إلا أذا تبي منهن قل وأنا أخطب لك نسبهم ما ينعاف
عبدالرحمن : إذا أبي أقول لك تو الناس (في نفسه) انتظري يالغاليه آخ محاوله لي مع الريميه إن اجتازت هي لي بأذن الله وأن طاحت في الحفرة اللي حفرتها لها تصير مثلها مثل غيرها هههههههههههههههههههه
الأم : على راحتك يمه سيف تعال أنت وخلود والعيال تغدوا عندنا بكره
سيف : تأمرين يالغاليه يالله وصلنا سلمي على الوالد
عبدالرحمن : وانا بعد أتسهل
سيف : وين
عبدالرحمن : بروح الأستراحه مواعد الشباب
سيف : أوصلك
عبد الرحمن : لا بروح بسيارتي ياليتك تجي الجلسة والله حلوه مع سالم وناصر والشباب
سيف : تعرف وراي زوجه وبيت ما اقدر
عبدالرحمن : قل خلود تذبحك
سيف(صر على ضروسه) : أذللللللللللللللللف
نزل عبدالرحمن يضحك على أخوه وركب سيارته وأتجه للأستراحه عند الشباب بكره عطله ويبون يسهرون ويفلونها

وصل وسلم كان مو موجود غير محمد وفهد و خليفة(أخو وضحه) وعبدالعزيز صديقه قرب وجلس جنبه

عبدالرحمن : تعوذ من الشيطان
عبدالعزيز : اعوذ بالله منه
عبدالرحمن : وش فيك للحين
عبدالعزيز : ولبعدين تعبت أحاول أقنعها رافضه
عبدالرحمن : تعرف زين ما قلت لأمك كيف تعرفت على عذاري
عبدالعزيز : من صدقك أقول لها عشان تنشرها مهما كان عذاري لها مكانه خاصة بقلبي
عبدالرحمن : تحبها
عبدالعزيز (أبتسم) : مدري شنو أسميه بس لما أذكر أسمها أحس براحة
عبدالرحمن : طيب أمك ما سألت تعرفها
عبدالعزيز : إلا قلت أخت صديقي وشفتها بالغلط في بيتهم
عبدالرحمن : ههههههههههههههه منت هين يا ولد
عبدالعزيز : هههههههههه
عبدالرحمن : وش قررت
عبدالعزيز : أخطبها
عبدالرحمن : وتغضب أمك اللي حالفه ما تآخذ غير بنت خالك
عبدالعزيز : أمي مو فاهمه تبي تفرض ما فيه لي رأي حتى البنت المسكينة عرفت من خواتي أن خالي اجبرها علي
عبدالرحمن : بس أمك
عبدالعزيز : بحاول وبحاول لين تقتنع بس لو لا مالي إلا رضاها ويعوضني في بنت خالي ويسعد عذاري مع اللي يستاهلها بس ما راح أفقد الأمل
عبدالرحمن : يا خوفي تكون حالتي مثلك و أنجبر على بنت عمتي
عبدالعزيز : لو حصل
عبدالرحمن : اقعد بلا زواج أو اقلب عاليها واطيها بس ما آخذها
عبدالعزيز (غمز له) : ما فيه أخبار عن الريميه
عبدالرحمن(ابتسم) : إلا هي بخير و على كلام أمي كل حفيدات سالم مزيونات
عبدالعزيز : هههههههههههه تخيل نأخذ خوات أنا وأنت
عبدالرحمن : هههههههههههههه صدق تخيل

كنت أحسب الــ حُ ــبْ ’’هـمـْ ‘‘
شي .. مبـ هـم ..!!
لا لــه تعريف و مكـ’‘ـآن
في زمـن كلّه .. كِــذب ’’
ليـن جــِيتْ ..
ومادريت إني ’’ أــ ح ِــبْ ..!

وأهم يسولفون دخل ناصر وسالم كان واضح العصبيه على ناصر وسالم يضحك جلس سالم وناصر بعد ما سلموا ولازال سالم يضحك

ناصر (بعصبيه) : بسك يا حماااااااار
سالم : هههههههههههه وربي مو قادر انت نكته
محمد : وش فيه
ناصر : ما فيه شيء ما عليك من الخبل
سالم (يهز رأسه) : لا فيه
ناصر : ما تسكر فمك أنت
سالم(بخبث يحرك حواجبه) : تذكر البنت اللي قلت استتري لما قلت لك تسكت
ناصر : يالنذل تردها لي وأنا صديقك
سالم : ليه قبل كنت شنو مو صديقك
ناصر : طيب خلاص أسكت
فهد : لا والله ما يسكت ردها له سالم وقل السالفة العين بالعين والسن بالسن والبادئ أظلم
ناصر : يالخسيس تقومه علي وتحرضه
فهد : ههههههههههههه حلوه تحرضه بالله وش متابع أي قناة تحرضه
الشباب : ههههههههههههههههههههههههه
ناصر : فهودي أسكت وربي مالي خلق
سالم : هههههههههههههههههه من اللي صار وجهك يعطي ألوان
خليفة : شوقتنا قول
ناصر : هييييييييه خليفوه بدل ما تقول أسكت وأستر على ما واجهة أنا ولد عمتك
خليفة : ههههههههههه اجل قسم أن موقف ما ينطوف
سالم : صدقت والله تحكي لأجيال ولأجيال
ناصر (همس لسالم) : سلوم لو عرف بندر بيقلبها فكنا يا ولد
سالم : تضيع ولا حجه
ناصر : لا حجه ولا عمره والله بيصير شيء مهو زين وبندر عصبي وهذي أخته
سالم : أقنعتني ههههههههههههههههههههههه
فهد : هاه قلها
سالم (لف لناصر وبخبث) : اللي صار أن الأخ ناصر
ناصر (خزه) : أسكت
سالم : وش فيك عادي كل الناس تزلق (تطيح)
ناصر : تزلق (تطيح)
محمد : ألحين هذي السالفه طيحه
سالم : إيه طيحه بس معتبره ما تصدق وين طاح
ناصر(منصدم يسمع تأليف سالم وقلبه للسالفة) : ...........
فهد : خير وين
سالم : عند باب بيتنا صعد الدرج يبي يمسك يد أمه حمده واهو صاعد كان يزلق ويصير نصه داخل البيت ونصه برى لان الباب مفتوح والشماغ بجهة والعقال بجهة وبدل يمسك أمه حمده مسكته أهي وكل البنات شافنه وما تسمع غير الضحك
الكل : هههههههههههههههههههههههههههههههههههههههههههههههههه
ناصر(أبتسم وفي نفسه) : فديتك يالغالي الله لا يحرمني منك
وتذكر الموقف اللي صار والفشله اتصلت عليه أمه حمده وقالت له بترجع البيت وقال بوقف السيارة عند مدخل الحريم ولما وقف مسك يدها تنزل السلم البيت
الأم حمده : عمته أم بندر بتروح معهم
ناصر :بيروح معها احد
الأم حمده : لا البنات بينتظرن بندر ويسهرن شوي
ناصر : خلاص بوصلك للسيارة و بروح للمجلس نسيت نظارتي واجي
الام حمده : طيب
دخل المجلس واخذ نظارته وشاف وحده واقفة عند أمه حمده ولان الأضاءه خفيفة ما لمحها اعتقد أنها عمته لان أمه قالت عمتك ما قالت أحد معها قرب منها ومسك رأسها وباسه حس إن الجسد اللي قدامه انكمش واستغرب ألتفت لامه حمده اللي تضحك
ناصر (أستغرب ضحك امه ) : عمه كيفك
الأم حمده : نصور هههههههههههه هذي مي مو عمتك عايشه
عايشه حس بإحراج وتمنى لو الأرض تنشق وتبلعه وما شاف غير غبرت مي يوم تدخل البيت وأهو منحرج ويسمع أمه حمده تضحك عليه واهو يبرر
ناصر : والله ما كنت اعرف يمه أنتي قلتي أن عمتي بس بتروح اعتقد أنها أهي
الأم حمده : أيه قالت بس أهي بس مي جتني لما انت رحت وقالت لي بنروح كلنا معكم بندر أتصل وقال ما اقدر اجيكم شوفوا أحد العيال وقالت أمها نروح مع ناصر كلنا
ناصر : يووووووووه وربي أحراج بس رأسها
الأم حمده : هههههههههههه ما تعرف يمكن تكون حليلتك وتشبع بوس في رأسها
ناصر : يمه وش حليلتك أقول لا تركبينها في عقلك أعرفك
الأم حمده : وش فيها مي شفها وش حلوها وتوك بايس رأسها يعني مقدم المهر
ناصر : يماااااااااااااه
الأم حمده : ههههههههههههه خلاص خلاص البنت اليوم ما راح نشوفها المسكينة
ناصر : وربي موقف الله يلعن إبليس كيف ما انتبهت
الأم حمده : عادي يا ما تصير مثل هالموقف وانت ما قصدت يمك
ناصر : يمه ما أبي أحد يعرف طلبتك
الأم حمده : وش فيها
ناصر : يمه بندر ما يتفاهم بروحه يخوف
الأم حمده : صدقت والله زين خلاص شف عماتك عايشه وخوله وهذي مي شفها كيف تتخبى ورى أمها يا قلبي عنها ما ألومها باسها وحش
ناصر : يماااااااااااااااااااااااااااااااااااااااه
الأم حمده : هههههههههههههههههههههههههه
سالم (أنتبه لناصر يوم أبتسم) : نصووووووووووووور خلك بالواقع لا تعيش أحلام الطيحه ههههههههههههههه
ناصر : الله يقلعك زين هههههههههههه كيفي
سالم(غمز له) : صدقت كيفك
ناصر وسالم : هههههههههههههههههه
والكل سكت عنهم لأنهم مو فاهمين شيء وكملوا السهر للفجر وبعد الصلاة كلن توكل لبيته

(على فكره الموقف هذا حقيقه وحصل لناس كثير ^_^)

*******************************

اليوم الثاني في غرفة سمر ..

الام : يوووه يا سموره قومي
سمر : يمه والله تعبانه وش أقوم له
الأم : أنتي ناسيه اليوم الجمعة من يقابل البنات لما يجن
سمر(تغطي رأسها) : أنا أرسلت للبنات رسائل قلت لا تجن حدي تعبانه ومثلك عارفه طلال يالله يالله نام البارح تعبني لين نام
الأم : يا فشله يعني طردتي البنات
سمر : الله يخليك ترى عادي عندهن كأنه العيد
الأم : إلا من لسانك زين نامي
سمر(بعدت الغطاء عنها) : يمه منى بتجي
الأم : أيه بس توها
سمر : إذا وصلت وأنا نايمه صحوني
الأم : إن شاء الله
سمر : ماماتي سكري اللمبه والباب
الام :لا حول ولا قوة إلا بالله زين عمتي سمر
سكرت الباب والأضاءه وطلعت تشوف طلال صاحي ولا بعده نايم نام البارحة وأهو يبكي ويقول وين ماما لين تعب ونام وتقول الله يستر هذي ليله وما سكت أجل الباقي الله يستر

*******************************

في الفندق ...

صحت منى وانتهت أن في أحد جنبها فتحت عيونها شافت اللي جالس وساند وجهه في أيديه ويبتسم لها ابتسمت بحيا

مشاري(أبتسم) : صباح النور والبلور على أحلى عروس
منى (تعدل نفسها) : صباح الخير متى صاحي
مشاري : يعني من وقت
منى : ليه ما صحيتني
مشاري : بصراحة شكلك حلو وأنتي نايمه
منى (ابتسمت) : يعني ما أعجبك وأنا صاحية
مشاري : أفااا من قال تبيني أثبت لك انك تعجبيني بكل حالاتك
منى : لا لا مصدقتك إلا فطرت
مشاري : لا قلت انتظرك لين تصحين عشان تنفتح نفسي للأكل
منى : اوكيه أطلب بأخذ دش لين يجي الفطور
مشاري(ابتسمت) : حمام الهنا يا قلبي

تسندت على عكازها وأخذت لها روبها واتجهت للحمام (وأنتو بكرامه ) وأخذت دش ولبست ثوب قصير أزرق كم قصير وعليه لولو أبيض و شعرها جمعته بكريستال تعطرت وحطت قلوس وكحل عربي وتنسدت على عكازها وطلعت للصالة الخارجية ...

مشاري : يا أرض أحفظي ما عليك بسم الله
منى (استحت وابتسمت) : ...............
مشاري(أشر جنبه) : تعالي هنا ما أبيك تجلسين بعيد عني
منى جلست جنبه وبدت تفطر ومشاري كل شوي يصر يأكلها في أيديه
منى : مشاري
مشاري : عيونه
منى : بعد الفطور وين بنروح
مشاري(يشرب حليبه) : ما نروح مكان بنبقى هنا
منى : لا مشاري
مشاري : يعني لا وش ما تبيني
منى : لا أبيك (انتبهت لابتسامته ووقف مشاري ) وين رايح
مشاري(يبتسم بخبث) : بجيك ما تقولين تبيني
منى(ابتسمت بحيا) : أيه أبيك بس أجلس أنا أتكلم من جد
مشاري(زادت الأبتسامه) : ادري
منى : مشاري
مشاري(يضحك) : ههههههههههههههههههههه
منى : مشاري
مشاري(يمسك يدها ويبوسها) : عيونه وقلبه وروحه
منى (بهمس) : تسلم عيونك
مشاري : أرفعي صوتك ( لما نزلت عيونها بحيا ابتسم) طيب وش تبين
منى : ..................
مشاري : مناي ترى أضيع مع الحيا ترى كيفك
منى : خلاص بتكلم بس انتظرك تسكت
مشاري(حط يده على فمه مثل البزران) : ..............
منى (شكله يضحك) : ههههههههههههههههههههه
مشاري : يا ويل حالي من هالضحكه
منى : هههههههه شفت ما تسكت
مشاري : خلاص خلاص بسكت قولي
منى : ما أبي أسافر
مشاري : ليه
منى : يعني ما أحب الغربة والبعد عن أهلي وطلال
مشاري : ههههههههههههههه منى يا قلبي 15 يوم شهر العسل أما سفرت ألمانيا يبغى لها وقت
منى : طيب وش له سفرت ألمانيا
مشاري : يعني شغل عندي فيها
منى : طيب أنا
مشاري : معي بتسافرين
منى : ما يصير اجلس عند أهلي لين ترد بالسلامة يعني تخلص شغلك ماله حاجه لي
مشاري : إلا أنتي الأهم
منى(عقدت حواجبها) : أنا الأهم ما فهمت
مشاري : أقصد أنتي الأهم كيف أروح واترك عروسي اللي ملكت قلبي وروحي ترضين أروح جسد بدون روح محد يبعد عن روحه وأنتي روحي
منى (ابتسمت) : الله يخليك لي ويسعدك
مشاري(بخبث) : وش يسعدني
منى : مشاري أمممم أقول صارت الساعة 11 ما تبي تروح للصلاة اليوم الجمعة
مشاري (فهم عليها ) : هههههههههههههههههه طيب بروح أصلي
منى : طيب أجهز لين ترد
مشاري : تجهزين ليه
منى : بنروح لاهلي
مشاري: أهلك وش عندك
منى : عشان طلال
مشاري : آه لا مناي بعد صلاة العصر نروح أوكيه حبيبتي
منى(ابتسمت) : مثل ما تحب
مشاري : أيه صدق لا تطلبين غداء أنا لما ارجع بطلب لك على ذوقي
منى : حاضر
طلع مشاري ومنى أخذت جوالها واتصلت على سمر اللي بسابع نومه وعادت الاتصال كذا مره
منى : افففف خيشة نوم .... ألو
سمر(وصوتها نوم) : الو من
منى : الحرامي
سمر(عرفت الصوت وتعدلت وبفرح) : منااااي قلبي
منى : هلا سموره
سمر : الف ألف مبروك يا عروسنا كيفك
منى : الله يبارك فيك عقبالك أنا بخير
سمر : كيف العرس حلو
منى (بحيا) : أستحي يا بنت
سمر : لا صدق
منى : تجربينه وتشوفين إن شاء الله
سمر : وووووووع فال الله ولا فالك وش تبين متصلة وينه عريسك عنك
منى : مشاري راح يصلي قلت أتصل عليكم إلا طلال كيفه
سمر : سكتي تعبني البارح ما نام إلا بعد طلوع الروح
منى : يا عمري هو وينه
سمر : والله مدري توني صاحية أكيد عن سلمى ولا أمي
منى : نايمه اجل وين البنات عنك
سمر : البارح قلت لا يجن مالي خلق والله لبس وجمعه وهن بعد ما صدقن
منى : ههههههههههههه صدق لسانك متبري منك
سمر : اففف علامكم علي ترى عادي عندنا حنا البنات إلا صدق متى تجين
منى : مشاري يقول بعد العصر
سمر : يا عيني يا عيني
منى : جب زين إلا أمي قريب منك
سمر : لا تحت عند أهل عمامي ليه تبينها ضروري
منى : لا بس كنت حابه اكلمها وأسلم عليها
سمر : لا لا لا تستحين اللي تبين تقولينه قوليه لي وأنا أقول لها
منى : لا خلاص أنا بجي اليوم وبقول لها
سمر : لا مناي طلبتك قولي ترى فيني فضول
منى : يا حبك للسوالف أقلبي وجهك عيب
سمر : مالت عليك
منى : أوكيه مشاري جاء أتركك
سمر : سلمي عليه
منى : يوصل مع السلامة
سمر : مع السلامة (حطت الجوال وانتبهت للساعة) أعوذ بالله طافتني الصلاة وقراءه آية الكهف الله يخزيك يا شيطان أقوم أصلي أحسن لي