كلمات: الأمير / بدر بن عبد المحسن
الحان : د/ عبدالرب أدريس
توزيع : طارق عاكف


عوّد الليل .. اوقد سراجك
واحبس الليل .. واطلق حجاجك ..
احبس هموم الغرام ..
واطلق البسمة .. سلام ..
إن شكى العاشق يلام ..
رحت يابدر التمام ..
عوّد الليل
فـ الضحى .. شدوا الركاب ..
وابحروا .. يم السراب ..
كانت عيونه حبيبي .. شمس .. وعيوني سحاب
وآه يا سهيل اليماني .. شدوا البدو بأماني
ليتهم ردوا الركايب .. وربعوا بين المحاني
أوقدوا فـ النار .. نار
ما ورا ليلي .. نهار
من خذا فجرك حبيبي ..
ومن ترك لي .. الانتظار
آه يا رمل وهبايب ..
تدفن جروح الحبايب
يا ترى لو مر عام
يرجع الفجر اللي غايب
احبس هموم الغرام ..
اطلق البسمة سلام ..
إن شكى العاشق يلام ..
رحت يابدر التمام ..
وعوّد الليل


روحي الوجله

كلمات : الأمير / خالد بن سعود الكبير
الحان : خالد عبدالرحمن
توزيع : وليد فايد


يازيـن خـل العتاب شـوي .. تـرى الوعـد لحظتـه عـجلـه
خــل اتـمـتـع بنـور الضـي .. مـن نـور و جنـاتك الـخـجله
ياشوق مافي يديني شي .. حاسب على روحي الوجله
لاتحسـب انـي بظـل وفي .. خـِـك زمـانـه عـقـل رجـلــه
كم لي وكبدي تمنى المي .. ضامي ورجلي على دجله
قلبـي طـويتـه بحبك طـي .. وشـوفـك انـا مـيـت لـجلـه
واللـه مـالك بـعـيـني زي .. ونفسي على موعدك هجله



انا وياه

كلمات : بندر الرشود
الحان : خالد عبدالرحمن
توزيع : طارق عاكف


انا واياه ماندري هوينا بعضنـا وشلـون
ومن شفته وانا احبه وفجاه صار يهوانـي
اذا ناظرني بعيونه انسى كل مافي الكـون
واذا جاني وقابلنـي اعيـش بعالـم ثانـي
وفي قللبي هو الغالي وفي عيني هو المزيون
وفي فكري هو الهاجس هو القاضي هو الداني
ويأمرني على كيفه وينهاني سواد العيون
ولاأتخيل نكون بعاد ومااتصور زمان يخون
حياتي كلها بيده وصعب اليوم ينساني
وليت الحب متساوي كل الناس به يرضون
ولا يشره على صاحب عن المزيون ينهاني



حظ عيني

كلمات: مطلع الشمس
الحان : خالد عبدالرحمن
توزيع : طارق عاكف


حظ عيني لو تشوفك كل يـوم
حظها وانت لناظرهـا الضيـاء
نام فيها نام وانعـس لا تقـوم
بالسعادة يـا تباشيبـر الحيـاء
انت اللي لك انا عمري اسـوم
وارخص الغالي بلا زيف ورياء
والبقايا مالهـم عنـدي لـزوم
قلبي وقلبـك حبايـب اوفيـاء
غيبتك وجدان واحزان وهموم
تتعب افكاري تسبب لي عيـاء
ودي بشتوفك وبعطيك العلـوم
وعن عيوني لا يبعـدك النيـاء
صدق انا مشتاق لك كني كتوم
اجبر عزومي ويمنعني الحيـاء
منزلي فوق الكواكب والنجوم
وافي وسمعي على صوتك حياء
وش على عيني يلو شافتك دوم
دامك انت في نواظرها الضياء



الرديّه

كلمات : ناصر القحطاني
الحان : خالد عبدالرحمن
توزيع : محمد عبدالحميد

ناصر

سلام و المركب عليـه اثنيـن و الساعـة تـدور
و الموج هادي و الوعد قـدام و الرحلـة ذهـاب
أن غابوا الأجواد ما غابوا من أقفـاص الصـدور
دق الجرس و العلم عجل به بعـد طـول الغيـاب

خالد

يا مرحبا يا صاحبي وأعبـر بنـا سبـع البحـور
علّي أديـر البوصلـة و أنـت الله الله فالزهـاب
أنـا سمعـت أنـك تحديـت الذيابـة و النمـور
و العام لك قلب خضر و اليوم مـا كنـك شبـاب

ناصر

الوقت قاسي و الفتى يبقى علـى الشـدة صبـور
و أن ما غدا الرجال ذيب يطيـح بأنيـاب الذيـاب
حتى الصديق الله وكيلك صـار دمـه مـا يفـور
و أنا لقيت الأصدقاء معظمهـم أشبـه بالسـراب

خالد

لا تأمـن الدنيـا و لكـن لا يجـي قلبـك فتـور
أحد يشوف أحلى البنات و لا يجـي فيـه انجـذاب
ما للحباري في القنص يا كـود هـدّات الصقـور
و أن ما كفخ طير الفضا معناته أن الراس شـاب

ناصر

كلش و لا قطع الرجا في الطيبـات مـن العطـور
لكن علـى شـرع الله و سنـة نبيـه و الكتـاب
بيض العذارى عسجديات الجسد ضمـر الخصـور
سود العيون مجـدلات الـروس تلعـات الرقـاب

خالد

بالله قلي مـا بـرى جرحـك بعـد بـدر البـدور
ما عوضوك الفاتنـات الذاهبـة و الجـرح طـاب
كم واحـد لـو مرتـه مزيونـه بعمـر الزهـور
ضاعت علومه و الصواب الله يجيبـك يالصـواب

ناصر

أحد على الدنيا وهو كنـه مـن أصحـاب القبـور
و احد يجي و يروح مع خله وهو تحـت التـراب
ياللي نسيت أن الهوى يبقى علـى مـر العصـور
بنشدك عن برقٍ سرابك و أنت من فوق السحـاب

خالد

معلّمـك يـا صاحبـي بالسالفـة و العلـم نـور
وش بك تقول الشمع ذاب الشمع مـا يمديـه ذاب
و البارق اللي مرني و أنا أدعـي بقلـب شكـور
هذاك خير طاح بأرض الغيـر و الـرب أستجـاب

ناصر

وش بينك و بين المدينة و الشـوارع و القصـور
ما قد شبعت من الخلا الخالي و من روس الهضاب
الناس ما تبطي ولـو راحـت مراويـح الطيـور
ترمي تعبها في البيوت و تستريـح مـن العـذاب

خالد

البر يشرح كل صـدر و يقلـب الضيقـة سـرور
و أنا إلى جيته يمر الوقت ما أحسب لـه حسـاب
يا ما حلا طوي الخبوت و سجة الخاطـر شهـور
ولا معك غير النشامـي اللـي يعـزون الجنـاب



قبل الفراق

كلمات : الأمير محمد بن عبدالعزيز بن محمد
الحان : خالد الجمعان
توزيع : وليد فايد



قبل الفراق ..
كنت انتظرها والثواني شوق
وقلبي يقول ..
هل ياترى اعتب عليها .. والا هالمره اسامح ..
ليه ماارضى عليها .. قبل تفضحني الملامح

يوم الامل .. ماجت على ميعادها
ويوم الالم .. جتني على ميعادها
جتني على كف العناء .. تقول وينك يالهناء
انسى هوانا اليوم ... وانساني انا ...

ياسنينها باقي ..
في صفحة أيامي الم ...
وياحبها الباقي ..
في غربة الذكى وهم

ليه العتاب .. دام الخطاوي حلم في درب السراب
كان الغياب .. أصدق مشاوير اللقى كان الغياب

ياليها المجروح ...وكل الطريق جروح ...
من يوم ودعتك .. ماعاد باقي روح ...

جيتك لاتجين .. ياذكريات السنين
جيتك أعيد قصة الماضي ولحظات الحنين
آه يالحنين .. ذابت البسمه على الثغر الحزين ... ونطفى ضي اللقى وعيا يبين

ياليها المجروح ...وكل الطريق جروح ...
من يوم ودعتك .. ماعاد باقي روح ...


علمتني

كلمات : مخاوي الليل
الحان : خالد عبدالرحمن
توزيع : ابراهيم الراديو

علمتني وشلون اعاملك بعناد =وخليتني للحب اعلن اجهادة
قتلت فرحة عمر في يوم ميلاد= عز الهوى في قلب مات بشهادة
لاتنتظر لقياي في يوم ميعاد = فاتك حضوري والمشاعر جماده
تركتلك ذكرى تعاودك برقاد= ذكرى ميريرة كنها لك وسادة
ان غبت ماني عنك ياصاح العشاق = يضيع من ضيع مشاعر وداده
مافات من عمرك صعب يوم ينعاد = زرع زرعته لايفوتك حصاده


قلب ووريد

كلمات : د/ مناير الناصر
الحان : خالد عبدالرحمن
توزيع : وليد فايد

تدري وش أحس و أنا أجلس معك = تدري ويش القلب يهمس للوريـد
ودي أسنـد بكتفـك و أسمـعـك = و لا أفكر فـي قريـب و لا بعيـد
تدري أني بك أغار مـن إصبعـك = لا مسح وجه بشوفه يـوم عيـد
ودي أنـي قلبـك اللـي بضلعـك = و أنبض إحساس الغلا و أبقى وحيد
ما تصدق يوم كنت أجلـس معـك = بس أناظر في عيونـك و أستزيـد
أشربك واروي ظمايـه واشبعـك = اشبعـك ولا ابـي يـوم جـديـد


اسأليني

كلمات : الامير / محمد بن عبدالعزيز بن محمد
الحان : خالد عبدالرحمن
توزيع : طارق عاكف

اسأليني قبل تجرحك الظنون
واسمعيني قبل يتعبك الغضب

ادري باللي فيك يالقلب الحنون
النوايا بيض والغيره تعب

علميني كيف من حبك يخون
كيف أخونك وأنتي من نفسي أحب

خاطرك غالي وحبي لك جنون
والعمر ما بين رمشين وهدب

همّك اللي ذاب في سود العيون
صدقيني .. ماله بقلبك سبب

ماسواك احد على روحي يمون
وماسوى حبك على قلبي انكتب

مانشدت الشمس بعدك وش تكون
وماسألت الريح من وين المهب

عاتبيني حب .. والدنيا تهون
وشهو احلى من الرضا عقب التعب


أنادي

كلمات : مخاوي الليل
الحان : خالد عبدالرحمن
توزيع : محسن عدلي

أنادي من سكن بأقصى فؤادي
على منهو نفس روحي وزادي
على منهو حرم عيني رقادي
أنا اهواه

يزور العين طيفة ثم اضمه
واحس ان الهوى عطره واشمه
واحبه اكثر من حب امه
انا اهواه

صحيح ان الزمن فرق حبايب
وانا رجواي في انسان غايب
معه قلبي بصدق الحب ذايب
انا اهواه

انا وياه والذكرى الجميله
خليل ما نسى عشرة خليله
انا انسى الناس واتركهم واجيله
انا اهواه

الا ياسائليني عن غرامي
انا ظامي لشوفه حيل ظامي
انا اهواه ويكفيكم هيامي
انا اهواه