مات الهنا وماتت جميع السواليف
من يوم شفتك وانت تعكس رياحك..
كنت اعتقد واثر اعتقادي تخاريف
وياقلب بعض الود كيف استباحك..
الكل حولي وانت مشغول بالزيف
رغم اني ابذر دنيتي من جراحك..
عريت حلم لاذ بك بس ياحيف
حلم وشاحه طول عمره وشاحك..
الحقت نفسي بالعتب زود تكليف
وش ذنبي امشي واتصدى لرماحك..
كنت اول ياطير راعي مهاديف
الدار دارك واسعد الله صباحك
ماكنت لاطارش ولاطرقي وضيف
واليوم انا اشوفك تكسرجناحك
غلاك زايل زايل كنه الطيف
ولاطحت محد نافعك في مطاحك
وباكر يعلمك الزمن والزمن سيف
وشلون تبني من سقوطك نجاحك
|