في عيونك نظرة العاشق تذوب
محور أعيونك حوا كون وفلك
من يناظر في عيونك مايتوب
بحر عينك من توسط به هلك
نظرتك فيها متاهات ودروب
والدليل جيوش عينك تجهلك
هاك رمشك يسأل الطرف النهوب
عن محيطك خايفٍ لا يسألك
لا تسلهم بالنواعس يالطروب
ينتثر نهر العطاء من وابلك
فيك صار الشعر مليانٍ عيوب
عاجزٍ ياصف اعيونك ياملك
لو سخرت القاف في وصفك يشوب
ماقدر حتى القلم ....!يتأملك
تستحي فيك القصايد والهبوب
يا ملاكٍ ... الله اللي كملك
فتنةٍ تقوى قويات القلوب
ويل منهو في بحر عينك سلك
هذي عيونك بهاالعاشق يذوب
كيف باقي وجهك اللي أولك