((البارت السابع))
اريام بغرفتهآ : ياربي اشلون الليلة اروح جمعة اروى وهالموضوع شاغلي بالي وتذكرت فارس يوم بالمستشفى : ياترى فارس يفكر بلي حصل ولابس انا لا لا مابي أأمل روحي وبالأخير يروح لغيري ياربي تختار الصلاح لي
ام يوسف بغرفتهآ: قاطع وطول عمرك قاطع
سامي ببيته: ههه الناس يسلمون قبل والله يحق لك تزعلين ادري اني مقصر
ام يوسف: وتعترف بعد
سامي: خلاص الليله العشا عندي انتي وبويوسف والعيال
ام يوسف: يعني تبي تراضيني بس ولايمك عيونآ تجي لك بس ترى البنات معزومين بيت عمهم
سامي: اجل خلاص أأجلهآ لبكرآ
ام يوسف: خلاص انت تعال عندنا وبالمرة انا ابغا اتكلم معاك بموضوع
سامي: ابشري الليلة عندك
ام يوسف: مع السلامة
بالليل السآعة ٧ ونص البنات يجهزون نفسهم لعزيمة آروى طبعا سارة قلبها يدق طبول تحس نفسهآ فرحانة ونفس الوقت مرتبكة اثناء ماهي بغرفتها تدور شي تلبسه رن جوالهآ
سارة:أهلين وسهلين ومرحبتين
نجود: هلافيك والله وباين فرحانين
سارة: دوبآ والله فرحانة يوم شفت اسمك انك داقة
نجود: ميرسي عمري من طيبك
اممم سارونة ابي اسئلك
سارة: أمري
نجود: لجين بنت عمتك مرتبطة
سارة: لآ اشفيه؟
نجود: بس اسئل
سارة: عيارة يانجود
نجود: ههههه بعدين تعرفين بس هآ بيني وبينك
سارة: اوكيشن
نجود: باي
سارة: سيآ
نور تجهزت والبست وضبطت شعرهآ رفعت جزء منه بمساك وجزء تاركته مسدول على اكتافهآ
ومنزلة خصل من قدام صاير جونآن شعرهآ
امانوار لبست بس باقي لها تضبط شعرهآ طلبت من نور تساعدهآ لمت شعرهآو رفعته كله على فوق ومنزلة قذلتها على جنب ومنزلة خصل صايرة مرة رهيبه
سارة طلت عليهم الغرفة طبعاسارة شعرهآ مفتوح : يالله تراني انتظركم تحت
نور ببتسامه : كلها دقايق ونلحقك
نزلت سارة والبست عبآيتها ودقت على عبدالله : عبود يالله خلصنآ
عبدالله: ٥ دقايق وعندكم
نزلوا نور ونوار والبسوا عبايتهم وهم نازلين: سارة متى بيجي عبدالله؟
سارة: دقايق بس
نور: سارونة
سارة: همم
نور: سمعنا بآبآ يقول ان علي تقدم لك
سارة: ايه صح بس لساتني افكر بينه وبين طلال
نور ونوار ناظروا بعض ورجعوا ناظروا لسارة: موانتي رافضة طلال
سارة وميلت راسها: كنت رافضة بس بعدين تراجعت قلت بفكر
رن جوال سارة وعطته مشغول: يالله جا عبدالله قوموا
طلعوا وراحوا على بيت عمهم سارة قلبها بيطلع من مكانه أول مادخلوا بعد مافتحت لهم الشغآلة شافوا تركي جالس بصالة نزلوا راسهم مستحيين
سارة بهمس وتحرك اصابعهآ : الله يرجك يآروى فشلة
نورمن بين اسنانهآ: سارة سكتي لايسمعنآ
تركي بيصعد لغرفته بدون لايناظر لهم ومعطيهم ظهره ويأشر بيده: دخلوا بالمجلس الي
على يدكم اليمين اشوي وتخلص اروى
راحو ودخلوا ونزلوا عبآيتهم وشيلاتهم نور: الله يقطع شرهآ اروى تقول لاتتأخرون وهي لسآتها ماخلصت
سارة وهي تلف عبآتهآ: عالأقل وصت الشغالة تدخلنا المجلس
نوار: ههههههههههه شكلنآ توحفآ واحنا واقفين
دخلت آروى عليهم كآنت لابسه فستان اصفر تحت الركبة كات وحاطة عليه شال عشان لما تطلع واخوانها كانوا موجودين<< تستحي خخ
سآرة راحت عند آروى سحبتها وسكرت الباب اروى مستغربه بس ساكته: اشلون انتي تحطينآ بهالموقف
اروى يادوبها تذكرت: هههه والله موقصدي بس ابد ماتوقعت تجون مبكر
نور ببتسامة خبث: لوكان احد ثاني بدل تركي كان سارة ماقالت شي
آروى وراحت بجنب نور وتكتفت: آفآ ياذا العلم لوادري خليت علي يتنصب بصآلة
سآرة ببرود اعصاب ومتخصرة: سخفيييين وربي
البنات: ههههههههههه
وجود ولطيفة توهم يجون ودخلوا عند البنآت وسلموا على بعض واسئلوا عن أخبار بعض
لطيفة: ياربي تعبت وانا اخطط في الكتب
نور: اقول لطوف كتابي لاتنسينه
سارة وتأشر على نور بصبعها وتناظر لطيفة تتريق: لطوف من صجك انتي مآخذه كتاب نور
نور: اسوير شو شايفتني
سارة كاتمة ضحكتهآ وحطت يدها على فمها: تبين الصراحة ماتوقعتك تتابعين اول بأول يعني توقعتك أكس
نور: من شابه اخاه فماظلم
وجود تحامي عن نور: حرام عليك سارة والله نور مرة تهتم بالمحاضرات
سارة بعدم تصديق: آهآآ
اريام حايرة : ماودي اروح أحس لوبروح مابكون مرتآحة مثل كل مرة
رن جوالهآ : اريام تأخرتي لجين بطريق ماباقي الا انتي
اريام ودها تقول ماراح اجي: خلاص بس يادوبني جهزت الحين بجي
سكرت اروى من اريام : الله يستر
لجين بتنزل من السيارة فتحت الباب بخبث: ماتبيني اوصل شي لأحد
بدر ابتسم: اقول بلا ماتنزلين احسن لك
لجين: ان شآء الله يأخ
>>>>يتبع
|